← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60601: SyrAhiq 2

Click on a word for lexical analysis
Click on a red-colored coordinate for comments and/or translations of the line

▲ earlier lines

2.056:21 ܘܛܒܐ ܕܒܝܫܬܐ ܠܐ ܝܕܥ܂ ܐܢ ܐܝܟ ܕܐܡܪ ܐܢܬ
2.056:22 ܐܝܬܝܗ݀܂ ܘܬܚܘܝܢܝ ܐܚܝܩܪ ܒܚܝ̈ܐ܂ ܡܘܗ̈ܒܬܐ ܐܬܠ
2.057:01 ܠܟ ܟܣܦܐ ܡܬܩܠ ܡܐܐ ܟܟܪ̈ܝܢ ܘܐܪ̈ܓܘܢܐ ܡܬܩܠ
2.057:02 ܚܡܫܝܢ ܟܟܪ̈ܝܢ܂ ܐܡܪ ܠܗ ܝܒܘܣܡܟ ܝܡܝ ܠܝ ܡܪܝ
2.057:03 ܡܠܟܐ܂ ܕܐܢ ܚܛܗ̈ܐ ܐܚܪ̈ܢܐ ܠܐ ܢܗܘܘܢ ܠܝ
2.057:04 ܩܕܡܝܟ܂ ܗܕܐ ܠܐ ܬܬܕܟܪ ܠܝ܂ ܘܝܗܒ ܠܗ ܝܡܝܢܐ
2.057:05 ܥܠ ܗܕܐ܂ ܘܒܗ݂݁ ܒܫܥܬܐ ܝܬܒ ܡܠܟܐ ܥܠ ܡܪܟܒܬܐ܂
2.057:06 ܘܩܠܝܠܐܝܬ ܡܛܐ ܠܘܬܝ܂ ܘܦܬܚ ܒܐܦ̈ܝ ܘܣܠܩܬ ܘܐܬܝܬ
2.057:07 ܢܦܠܬ ܩܕܡ ܡܠܟܐ܂ ܟܕ ܣܥܪܐ ܕܪܫܝ ܪܡܐ ܥܠ ܟ̈ܬܦܬܝ
2.057:08 ܘܕܩܢܝ ܡܛܐ ܠܚܕܝܝ܂ ܘܓܘܫܡܝ ܡܚܒܠ ܒܥܦܪܐ܂ ܘܛܦܪ̈ܝ
2.057:09 ܐܪܝܟܝܢ ܐܝܟ ܕܢܫܪܐ܂ ܘܟܕ ܚܙܢܝ ܡܠܟܐ ܒܟܐ ܘܒܗܬ
2.057:10 ܗܘܐ ܕܢܡܠܠ ܥܡܝ܂ ܘܒܚܫܐ ܪܒܐ ܐܡܪ ܠܝ܂ ܐܚܝܩܪ
2.057:11 ܠܘ ܐܢܐ ܚܛܝܬ ܒܟ܂ ܐܠܐ ܒܪܟ ܗܘ ܕܪܒܝܬ ܗܘ
2.057:12 ܚܛܐ ܒܟ܂ ܗܝܕܝܢ ܥܢܝܬ ܘܐܡܪܬ ܠܗ܂ ܡܟܝܠ ܡܪܝ
2.057:13 ܕܐܦ̈ܝܟ ܚܙܝܬ܂ ܡܕܡ ܕܒܝܫ ܠܐ ܗܘܢܝ܂ ܘܐܡܪ ܠܝ
2.057:14 ܡܠܟܐ܂ ܙܠ ܠܒܝܬܟ ܐܚܝܩܪ ܘܣܦܪ ܣܥܪܟ܂ ܘܐܣܚܐ
2.057:15 ܓܘܫܡܟ܂ ܘܬܥܘܠ ܒܟ ܢܦܫܟ ܐܪܒܥܝܢ ܝܘܡ̈ܝܢ܂ ܘܒܬܪܟܢ
2.057:16 ܬܐ ܠܘܬܝ܂ ܗܝܕܝܢ ܥܠܬ ܠܒܝܬܝ ܘܗܘܝܬ ܒܒܝܬܝ ܐܝܟ
2.057:17 ܬܠܬܝܢ ܝܘ̈ܡܝܢ܂ ܘܟܕ ܬܩܢܬ ܢܦܫܝ ܥܠܝ܂ ܐܬܝܬ ܠܘܬ
2.057:18 ܡܠܟܐ܂ ܘܥܢܐ ܡܠܟܐ ܘܐܡܪ ܠܝ܂ ܚܙܝܬ ܐܚܝܩܪ ܡܢܐ
2.057:19 ܟܬܒ ܠܝ ܦܪܥܘܢ ܡܠܟܐ ܕܡܨܪܝܢ܂ ܘܥܢܝܬ ܘܐܡܪܬ
2.057:20 ܠܗ܂ ܡܪܝ ܡܠܟܐ ܥܠ ܗܕܐ ܨܒܘܬܐ ܨܦܬܐ ܠܐ
2.057:21 ܬܗܘܐ ܠܟ܂ ܐܢܐ ܐܙܠ ܐܢܐ ܠܡܨܪܝܢ ܘܒܢܐ ܐܢܐ
2.058:01 ܠܗ ܒܝܪܬܐ ܠܡܠܟܐ܂ ܘܥܠ ܟܠܡܕܡ ܕܡܫܐܠ ܠܝ
2.058:02 ܝܗܒܢܐ ܠܗ ܦܬܓܡܐ܂ ܘܡܕܐܬܐ ܕܡܨܪܝܢ ܕܬܠܬ ܫܢ̈ܝܢ
2.058:03 ܡܝܬܐ ܐܢܐ ܥܡܝ܂ ܘܟܕ ܫܡܥ ܡܠܟܐ ܚܕܝ ܚܕܘܬܐ
2.058:04 ܪܒܬܐ ܘܝܘܡܐ ܪܒܐ ܥܒܕ ܘܕܒܚ̈ܐ ܪܘܪ̈ܒܐ ܕܒܚ܂
2.058:05 ܘܡܘܗ̈ܒܬܐ ܝܗܒ ܠܝ܂ ܘܠܝܒܘܣܡܟ ܡܣܟܝܢ ܟܢܬܝ܂
2.058:06 ܒܪܫ ܟܘܠܗܘܢ ܐܘܬܒܗ܂ ܘܒܬܪܟܢ ܐܓܪܬܐ ܟܬܒܬ
2.058:07 ܠܐܫܦܓܢܝ ܐܢܬܬܝ܂ ܕܟܕ ܐܓܪܬܐ ܗܕܐ ܬܡܛܐ ܠܘܬܟܝ܂
2.058:08 ܐܡܪܝ ܠܨܝܕ̈ܐ ܕܝܠܝ܂ ܕܢܨܘܕܘܢ ܠܝ ܬܪܝܢ ܒܢ̈ܝ ܢܫܪ̈ܐ܂
2.058:09 ܘܐܡܪܝ ܠܥܒ̈ܕܝ ܟܬܢܐ ܕܢܥܒܕܘܢ ܓܪ̈ܓܐ ܕܟܬܢܐ܂
2.058:10 ܘܢܗܘܐ ܐܘܪܟܗ ܕܚܕ ܡܢܗܘܢ ܐܠܦ ܐܡ̈ܝܢ܂ ܘܥܒܝܗ
2.058:11 ܐܝܟ ܚܨܪܐ ܙܥܘܪܬܐ܂ ܘܐܡܪܝ ܠܢܓܪ̈ܐ ܕܢܥܒܕܘܢ ܠܝ
2.058:12 ܩܠܘܒ̈ܝܐ ܠܒܢ̈ܝ ܢܫܪ̈ܐ܂ ܘܐܢܬܝ ܐܫܠܡܝ ܠܥܘܒܐܝܠ
0020!:0 ܀܀
2.058:13 ܘܠܛܒܫܠܡ ܛܠܝ̈ܐ ܬܪܝܢ܂ ܕܠܐ ܝܕܥܝܢ ܕܢܡܠܠܘܢ
2.058:14 ܘܢܠܦܘܢ ܐܢܘܢ ܕܢܐܡܪܘܢ ܗܟܢܐ܂ ܛܝܢܐ ܡܠܛܐ܂
2.058:15 ܐܪ̈ܚܐ ܠܒ̈ܢܐ܂ ܐܘܫܛܘ ܠܐܪ̈ܕܟܠܐ ܕܒܛܝܠܝܢ܂ ܘܐܫܦܓܢܝ
2.058:16 ܐܢܬܬܝ ܟܠܡܕܡ ܕܫܠܚܬ ܠܗ݀܂ ܥܒܕܬ܂ ܗܝܕܝܢ ܐܡܪܬ
2.058:17 ܠܡܠܟܐ܂ ܦܩܘܕ ܡܪܝ ܘܫܒܘܩܝܢܝ ܐܙܠ ܠܡܨܪܝܢ܂ ܘܟܕ
2.058:18 ܦܩܕ ܠܝ ܠܡܐܙܠ܂ ܕܒܪܬ ܠܝ ܚܝܠܐ ܘܐܙܠܬ܂ ܘܟܕ ܡܛܝܢ
2.058:19 ܠܒܝܬ ܒܘܬܐ ܩܕܡܝܐ܂ ܐܦܩܬ ܐܢܘܢ ܠܒܢ̈ܝ ܢܫܪ̈ܐ܂
2.058:20 ܘܩܛܪܬ ܓܪ̈ܓܐ ܒܪ̈ܓܠܝܗܘܢ݁ ܘܐܪܟܒܬ ܗܠܝܢ ܛܠܝ̈ܐ
2.058:21 ܥܠܝܗܘܢ݁ ܘܫܩܠܘ ܐܢܘܢ ܘܣܠܩܘ ܠܪܘܡܐ ܥܠܝܐ܂
2.059:01 ܘܗܘܘ ܩܥܝܢ ܛܠܝ̈ܐ ܐܝܟ ܕܝܠܝܦܝܢ ܗܘܘ܂ ܛܝܢܐ
2.059:02 ܡܠܛܐ܂ ܐܪ̈ܚܐ ܠܒ̈ܢܐ܂ ܐܘܫܛܘ ܠܐܪ̈ܕܟܠܐ ܕܒܛܝܠܝܢ܂
2.059:03 ܗܝܕܝܢ ܩܦܣܬ ܐܢܘܢ݁ ܘܟܕ ܡܢܥܢܢ ܠܡܨܪܝܢ܂ ܐܙܠܬ
2.059:04 ܠܬܪܥܐ ܕܡܠܟܐ܂ ܘܐܡܪܘ ܠܡܠܟܐ ܪܘܪ̈ܒܢܘܗܝ܂ ܕܐܬܐ
2.059:05 ܠܗ ܓܒܪܐ ܕܫܕܪ ܡܠܟܐ ܕܐܬܘܪ܂ ܘܦܩܕ ܡܠܟܐ ܘܝܗܒ
2.059:06 ܠܝ ܒܝܬ ܡܫܪܝܐ܂ ܘܠܒܬܪܗ ܕܝܘܡܐ ܥܠܬ ܩܕܡܘܗܝ܂

▼ later lines