← Back
The Comprehensive Aramaic Lexicon
← Return to the Text Browser
click on the file description for more information

60601: SyrAhiq 2

Click on a word for lexical analysis
Click on a red-colored coordinate for comments and/or translations of the line

▲ earlier lines

2.066:15 ܠܢܒܘܐܝܠ ܛܠܝܐ ܕܝܠܝ ܕܢܛܪܝܘܗܝ ܘܐܡܪܬ ܠܗ ܠܛܠܝܝ܃
2.066:16 ܗܘܝܬ ܟܬܒ ܒܦܢܩܝܬܐ ܟܠܡܕܡ ܕܐܡܪ ܐܢܐ ܠܢܕܢ
2.066:17 ܒܪܝ܂ ܒܡܥܠܝ ܘܡܦܩܝ܂ ܘܥܢܝܬ ܘܐܡܪܬ ܠܗ ܠܢܕܢ
2.066:18 ܒܪܝ܂
2.066:19 ܒܪܝ ܡ݁ܢ ܕܠܐ ܫܡܥ ܡܢ ܐܕܢ̈ܘܗܝ܂ ܡܢ ܒܣܬܪ ܩܕܠܗ
2.066:20 ܡܫܡܥܝܢ ܠܗ܂
2.067:01 ܥܢܐ ܢܕܢ ܒܪܝ ܘܐܡܪ ܠܝ܂ ܠܡܢܐ ܐܬܚܡܬܬ
2.067:02 ܥܠ ܒܪܟ܂
2.067:03 ܥܢܝܬ ܘܐܡܪܬ ܠܗ܂ ܐܢܐ ܒܪܝ ܥܠ ܟܘܪܣܝܐ
2.067:04 ܕܐܝܩܪܐ ܐܘܬܒܬܟ܂ ܘܐܢܬ ܡܢ ܟܘܪܣܝ ܣܚܦܬܢܝ܂
2.067:05 ܘܠܝ ܟܐܢܘܬܝ ܫܘܙܒܬܢܝ܂ ܗܘܝܬ ܠܝ ܒܪܝ ܐܝܟ ܥܩܪܒܐ
2.067:06 ܕܡܚܝܐ ܠܫܘܥܐ܂ ܘܐܡܪ ܠܗ݀ ܥܠ ܠܒܐ ܫܠܝܐ
2.067:07 ܡܚܝܬܝ܂ ܘܡܚܬ ܠܡܚܛܐ܂ ܘܐܡܪܝܢ ܠܗ݀܂ ܡܚܝܬܝ
2.067:08 ܠܥܘܩܣܐ ܕܒܝܫ ܡܢ ܕܝܠܟܝ܂
2.067:09 ܗܘܝܬ ܠܝ ܒܪܝ ܐܝܟ ܥܙܐ ܕܩܝܡܐ ܗܘܬ ܥܠ ܐܘܓܐ
2.067:10 ܘܐܟܠܐ ܠܗ܂ ܘܐܡܪ ܠܗ ܐܘܓܐ܂ ܡܛܠ ܡܢܐ ܐܟܠܐ
2.067:11 ܐܢܬܝ ܠܝ܂ ܕܡܫܟܟܝ ܒܥܩܪܝ ܦܠܚܝܢ ܠܗ܂ ܐܡܪܐ ܠܗ
2.067:12 ܥܙܐ܂ ܐܟܠܬܟ ܒܚܝ̈ܝ ܘܒܡܘܬܝ ܡܢ ܥܩܪܟ ܢܥܩܪܘܢܟ܂
2.067:13 ܗܘܝܬ ܠܝ ܒܪܝ ܐܝܟ ܗܘ ܕܫܕܐ ܟܐܦܐ ܠܫܡܝܐ܂
2.067:14 ܘܠܫܡܝܐ ܠܐ ܡܛܬ܂ ܘܚܛܗܐ ܡܢ ܐܠܗܐ ܩܒܠ܂
2.067:15 ܗܘܝܬ ܠܝ ܒܪܝ ܐܝܟ ܗܘ ܕܚܙܐ ܠܚܒܪܗ ܕܪܥܠ ܡܢ
2.067:16 ܩܘܪܫܗ܂ ܘܫܩܠ ܓܪܒܐ ܕܡܝ̈ܐ ܘܪܡܐ ܥܠܘܗܝ܂
2.067:17 ܠܘܝ ܕܝܢ ܒܪܝ ܡܐ ܕܩܛܠܬܢܝ ܡܫܟܚ ܗܘܝܬ ܕܬܩܘܡ
2.067:18 ܒܕܘܟܬܝ܂ ܗܘܝܬ ܕܝܢ ܝܕܥ ܐܢܬ ܒܪܝ܂ ܕܐܠܘ ܢܪܒܐ
2.067:19 ܕܘܢܒܐ ܕܚܙܝܪܐ ܫܒܥ ܐܡ̈ܝܢ܂ ܒܕܘܟܬ ܣܘܣܝܐ ܠܐ

2.067:20 ܩܐܡ܂ ܘܐܢ ܢܗܘܐ ܪܟܝܟ ܣܥܪܗ ܘܩܘܙ܂ ܡܡܬܘܡ

2.067:21 ܥܠ ܓܘܫܡܐ ܕܒܪ ܚܐܪ̈ܐ ܠܐ ܣܠܩ܂
2.067:22 ܒܪܝ ܐܢܐ ܐܡܪܬ ܕܬܗܘܐ ܚܠܦܝ܂ ܘܒܝܬܝ ܘܢܟ̈ܣܝ
2.068:01 ܐܢܬ ܬܩܢܐ ܐܢܘܢ݁ ܘܬܐܪܬ ܐܢܘܢ݁ ܘܠܐܠܗܐ ܠܐ
2.068:02 ܫܦܪ ܘܠܐ ܫܡܥ ܒܩܠܟ܂
2.068:03 ܗܘܝܬ ܠܝ ܒܪܝ ܐܝܟ ܐܪܝܐ ܕܦܓܥ ܒܚܡܪܐ ܡܢ
2.068:04 ܨܦܪܗ ܕܝܘܡܐ ܘܐܡܪ ܠܗ܂ ܬܐ ܒܫܠܡ ܡܪܝ ܩܘܪܝܣ܂
2.068:05 ܗܘ ܕܝܢ ܐܡܪ ܠܗ܂ ܐܝܟ ܫܠܡܐ ܕܝܗܒ ܐܢܬ ܠܝ܂
2.068:06 ܢܗܘܐ ܠܗܘ ܕܐܣܪܢܝ ܒܪܡܫܐ܂ ܘܠܐ ܚܝܨܗ ܠܐܣܘܪܝ܂
2.068:07 ܕܐܦܝ̈ܟ ܠܐ ܚܙܝܬ܂
2.068:08 ܒܪܝ ܦܚܐ ܨܠܐ ܗܘܐ ܒܩܩܠܬܐ܂ ܘܐܬܐ ܨܦܪܐ
2.068:09 ܚܙܝܗܝ ܘܐܡܪ ܠܗ܂ ܡܢܐ ܥܒܕ ܐܢܬ ܗܪܟܐ܂ ܐܡܪ
2.068:10 ܠܗ ܦܚܐ܂ ܠܐܠܗܐ ܡܨܠܐ ܐܢܐ܂ ܐܡܪ ܠܗ ܨܦܪܐ܂
2.068:11 ܘܗܘ ܕܐܝܬ ܒܦܘܡܟ ܡܢܘ܂ ܐܡܪ ܦܚܐ܂ ܠܚܡ ܥܪ̈ܨܐ
2.068:12 ܘܩܪܒ ܨܦܪܐ ܗܘ ܘܢܣܒܗ܂ ܘܨܕܗ ܒܨܘܪܗ܂ ܘܟܕ
2.068:13 ܡܬܛܪܦ ܨܦܪܐ ܐܡܪ܂ ܐܢ ܗܢܘ ܠܚܡܐ ܕܥܪ̈ܨܐ܂
2.068:14 ܐܠܗܐ ܕܡܨܠܐ ܐܢܬ ܠܗ܂ ܠܐ ܢܫܡܥ ܠܩܠܟ܂
2.068:15 ܗܘܝܬ ܒܪܝ ܐܝܟ ܬܘܪܐ ܕܐܣܝܪ ܥܡ ܐܪܝܐ܂ ܘܐܬܦܢܝ
2.068:16 ܐܪܝܐ ܘܬܒܪܗ܂
2.068:17 ܘܗܘܝܬ ܠܝ ܒܪܝ ܐܝܟ ܩܠܡܐ ܕܥܒܘܪܐ ܕܚܪܒܬ
2.068:18 ܐܘܨܪ̈ܐ ܕܡܠܟ̈ܐ܂ ܘܗܝ ܒܡܕܡ ܠܐ ܚܫܝܒܐ܂
2.068:19 ܗܘܝܬ ܠܝ ܒܪܝ܂ ܐܝܟ ܩܕܪܐ ܕܥܒܕܘ ܠܗ݀ ܐܕܢ̈ܐ
2.068:20 ܕܕܗܒܐ ܘܗܝ ܐܫܬܗ݀ ܡܢ ܫܘܚܪܐ ܠܐ ܡܬܓܪܕܝܐ܂
2.068:21 ܗܘܝܬ ܠܝ ܒܪܝ ܐܝܟ ܐܟܪܐ ܕܙܪܥ ܐܫܟܪܐ ܕܥܣܪܝܢ
2.068:22 ܡܕܘ̈ܬܐ ܕܣܥܪܐ܂ ܘܟܕ ܚܨܕܗ݀ ܥܒܕܬ ܠܗ ܥܣܪܝܢ
2.069:01 ܡܕܘ݂̈ܬܐ܂ ܘܐܡܪ ܠܗ݀܂ ܗܘ ܡܕܡ ܕܒܕܪܬ ܟܢܫܬ܂ ܐܠܐ

▼ later lines