The Comprehensive Aramaic Lexicon

3.152:11	ܬܫܠܡ ܒܐܝܕܝܗ̈ܘܢ ܩܢܝܢܟ ܡܘܒܕܝܢ ܠܗ ܡܢܟ܀ ܒܪܝ ܠܘܛܬܐ
3.152:12	ܕܐܡܟ ܘܕܐܒܘܟ ܠܐ ܬܝܬܐ ܥܠܝܟ܂ ܕܠܡܐ ܒܛܒ̈ܬܐ ܕܒܢܝ̈ܟ ܠܐ
3.152:13	ܬܚܕܐ܂ ܡ݁ܢ ܕܡܨܚܐ ܠܐܒܘܗܝ ܘܠܐܡܗ ܡܘܬܐ ܢܡܘܬ܂ ܘܠܐܠܗܐ
3.152:14	ܡܪܓܙ܂ ܘܡ݁ܢ ܕܡܝܩܪ ܠܐܒܘܗܝ ܘܠܐܡܗ ܢܣܓܘܢ ܚܝ̈ܘܗܝ ܥܠ
3.152:15	ܐܪܥܐ ܘܫܢܘ̈ܗܝ ܒܛܒ̈ܬܐ ܘܒܐܝܩܪܐ ܢܫܠܡ܀ ܒܪܝ ܒܐܘܪܚܐ ܕܠܐ
3.152:16	ܙܝܢܐ ܠܐ ܬܐܙܠ ܡܛܠ ܕܠܐ ܝ݁ܕܥ ܐܝܟܐ ܐܪܥ ܒܥܠܕܒܒܟ܂ ܘܐܙܕܗ‍[‍ܪ
3.152:17	ܒܐܘܪܚܐ ܡܛܠ ܕܣܓܝ̈ܐܝܢ ܒܗ ܒܥܠ̈ܕܒܒܐ ܘܓܝ̈ܣܐ ܟܡܝܢܝܢ
3.152:18	ܒܗ݀܀ ܒܪܝ ܗܕܝܪ ܐܝܠܢܐ ܒܐܒܗ ܘܛܘܪܐ ܥܒܝܛ ܒܐܝܠ̈ܢܐ܂ ܗܟܢܐ
3.152:19	ܗܕܝܪ ܓܒܪܐ ܒܐܢܬܬܗ ܘܒܒܢܘ̈ܗܝ܂ ܓܒܪܐ ܕܒܢܝ̈ܐ ܘܐܚ̈ܐ ܠܝܬ
3.152:20	ܠܗ ܫܝܛ ܘܒܣܝܪ ܩܕܡ ܣ̈ܐܢܘܗܝ ܒܥܠܡܐ܀ ܒܪܝ
3.152:21	ܠܐ ܬܐܡܪ ܕܡܪܝ ܣܟܠ ܘܐܢ݁ܐ ܚܟܝܡ܀ ܐܚܪ̈ܢܐ ܢܫܟܚܘܢܟ܀ ܒܪܝ
3.152:22	ܠܐ ܬܕܓܠ ܒܡܠ̈ܝܟ ܩܕܡ ܡܪܟ܂ ܕܠܡܐ ܬܬܒ‍[‍ܣܪ‍]‍܀ ܒܪܝ
3.152:23	ܒܝܘܡܐ ܕܒܝܫܬܟ ܠܐܠܗܐ ܠܐ ܬܠܘܛ܂ ܕܠܡܐ ܢܫܡܥ ܡܠ̈ܝܟ
3.152:24	ܘܢܪܓܙ ܥܠܝܟ܀ ܒܪܝ ܥܒܕܟ ܩܕܡ ܚܒ‍[‍ܪܗ‍]‍ ܠܐ ܬܪܚܡ܂ ܡܛܠ
3.152:25	ܕܠܐ ܝ݁ܕܥ ܐܢܬ ܐܝ‍[‍ܢܐ‍]‍ ܡܢܗܘܢ ܡܬܒܥܐ ܠܟ ܠܚܪܬܐ܀ ܒܪܝ
3.153:01	ܐܚܠܐ ܠܫܢܟ ܘܐܛܐܒ ܡܦܬܚ ܦܘܡܟ܂ ܡܛܠ ܕܕܘܢܒܗ ܕܟܠܒܐ
3.153:02	ܝܗܒܐ ܠܗ ܠܚܡܐ ܘܦܘܡܗ ܝܗ݀ܒ ܠܗ ܡܚܘ̈ܬܐ܂ ܒܪܝ ܠܐ
3.153:03	ܫܒܘܩ ܠܚ‍[‍ܒܪܟ‍]‍ ܕܕܪܟ ܥܠ ܪܓܠܟ܂ ܕܠܡܐ ܢܕܪܘܟ ܐܦ ܥܠ
3.153:04	ܨܘܪܟ܀ ܒܪܝ ܐܢ ܡܫܕܪ ܐܢܬ ܚܟܝܡܐ܂ ܐܢܬ ܒܐܘܪܚܐ ܠܐ ܬܣܓܐ
3.153:05	ܠܡܦܩܕܘ܂ ܘܐܢ ܣܟܠܐ ܡܫܕܪ ܐܢܬ܂ ܐܢܬ ܒܩܢܘܡ‍[‍ܗ‍]‍ ܙܠ ܘܠܗ
3.153:06	ܠܐ ܬܫܕܪ܀ ܒܪܝ ܐܠܦ ܒܪܟ ܝܘܠܦܢܐ ܘܡܪܕܘܬܐ܂ ܘܐܠܦܝܗܝ
3.153:07	‍[‍ܡ‍]‍ܛܟܣܘܬܐ ܘܗܝܕܝܢ ܫܒܘܩ ܩܢܝ̈ܢܝܟ ‍[‍ܘܢܟ̈‍]‍ܣܝܟ
3.153:08	ܒܐܝܕ̈ܘܗܝ܀ ܒܪܝ ܩܕܡܝܐ ‍[‍ܦ‍]‍ܘܩ ܡܢ ܡܫܬܘܬܐ ܘܠܐ ܬܩܘܐ
3.153:09	ܠܡܡܫܚ ‍[‍ܒܡ‍]‍ܫܚ̈ܢܝܢ ܒܣܝܡܝܢ܂ ܕܠܡܐ ܢܗ̈ܘܝܢ ܠܟ
3.153:10	ܨܘ̈ܠܦܬܐ ܒܪܝܫܟ܀ ܒܪܝ ܠܡܢ ‍[‍݁݁‍]‍ܘܕܐ ܠܡܢ ܨܘ̈ܠܦܬܐ ܠܡܢ
3.153:11	ܘ݁ܝܐ܂ ‍[‍ܐܠܐ‍]‍ ܠܐܝܠܝܢ ܕܡܘܚܪܝܢ ܒܚܡܪܐ܂ ܘܠܡܣܓܝܘ ܠܡܫܬܐ
3.153:12	ܚܡܪܐ܂ ܘܠܐܝܠܝܢ ‍[‍ܕ‍]‍ܡܥܩܒܝܢ ܕܐܝܬ ܡܫܬܝܐ܀ ܒܪܝ ‍[‍ܡ݁ܢ
3.153:13	ܕܐܝܕܗ ܡܠܝܐ ܡܬܩܪܐ ܚܟܝܡܐ ܘܡܝܬܪܐ ܒܥܠܡܐ܂ ܘܡܢ
3.153:14	ܕܐܝ݂ܕܗ ܣܦܝܩܐ ܘܠܐ ܩܢܐ ܡܕܡ ܡܬܩܪܐ ܡܣܟܢܐ ܘܫܝܛܐ܂
3.153:15	ܘܒܢܝ̈ܢܫܐ ܠܐ ܡܝܩܪܝܢ ܠܗ܀ ܒܪܝ ܐܟܠܬ ܕܡܪܝܪܢ ܘܒ݁ܠܥܬ
3.153:16	ܕܥܠܝܩܢ܂ ܘܠܐ ܚܙܝܬ ܡܕܡ ܕܡܪܝܪ ܡܢ ܡܣܟܢܘܬܐ܀ ܒܪܝ
3.153:17	ܛܥܢܬ ܦܪܙܠܐ ܘܗܦܟܬ ܛܥܢܬ ܐܒܪܐ ܘܠܐ ܐܝܩܪ ܥܠܝ ܐܝܟ
3.153:18	ܕܢܬܒ ܐܢܫ ܒܝܬ ܚܡܘܗܝ ܘܢܓܚܟ܀
3.153:19	ܒܪܝ ܐܠܦ ܒܪܟ ܟܦܢܐ ܘܨܗܝܐ ܕܐܝܟ ܕܚ‍[‍ܙܝܐ
3.153:20	ܥܝܢܗ ܗܟܢ ܢܕܒܪ ܒܝܬܗ܀ ܒܪܝ ܛ‍[‍ܒ‍]‍ ܗܘ ܥܘܝܪ ܥܝܢܐ ܡܢ
3.153:21	ܥܘܝܪ ܠܒܐ܂ ܡܛܠ ܕܥܘܝܪ ܥܝܢܐ ܠܝܓ ܠܝܓ ܢܚܠܦ ܐܘܪܚܐ
3.153:22	ܘܐܙܠ܂ ܘܥܘܝܪ ܠܒܐ ܫ݁ܒܩ ܐܘܪܚܐ ܬܪܝܨܬܐ ܘܐܙܠ ܒܡܥܩܡܬܐ܀
3.153:23	ܒܪܝ ܛ‍[‍ܒ‍]‍ ܪܚ݁ܡܐ ܕܩܪܝܒ ܡܢ ܐܚܐ ܕܪܚܝܩ܀ ܒܪܝ ܛܒ ܗܘ
3.153:24	ܡܘܬܐ ܠܓܒܪܐ ܕܢ݁ܝܚܐ ܠܝܬ ܠܗ܀ ܒܪܝ ܛܒ ܩܠܐ ܕܐܘܠܝܬܐ
3.154:01	ܒ̈ܐܕܢܝ ܐܢܫ̈ܐ ܕܐܝܬ ܒܗ ܠܒܐ܂ ܡܢ ܩܠ ܙܡܪܐ ܘܚܕܘܬܐ܀
3.154:02	ܛܒ ܟܪܥܐ ܕܒܐܝܕܟ ܡܢ ‍[‍ܘܙܐ‍]‍ ܕܒܩܕܪܐ ܕܐܚܪܢܐ܀ ܒܪܝ ܛܒܐ
3.154:03	ܢܩܝܐ ܕܩܪܝܒ ܡܢ ܬܘܪܐ ܕܪܚܝܩ܀ ܘܛܒ ܨܦܪܐ ܕܒܐܝ‍[‍ܕܝܟ‍]‍ ܡܢ
3.154:04	ܐܠܦ ܨܦܪ̈ܐ ܕܦܪ̈ܚܝܢ ܒܐܐܪ܀ ܛܒ ܡܣܟܢܘܬܐ ܕܡܟܢܫܐ ܡܢ
3.154:05	ܥܘܬܪܐ ܕܡܒܕ‍[‍ܪ‍]‍܀ ܛܒ ܬܥܠܐ ܕܚܝ ܡܢ ܐܪܝܐ ܕܡܝܝܬ܀ ܒܪܝ
3.154:06	‍[‍ܟܒܘܫ‍]‍ ܡܠܬܐ ܒܠܒܟ܂ ܘܢܐܛܒ ܠܟ܂ ܘܠܐ ܬܓܠܐ ܪܐܙܐ ܕܚܒܪܟ܂
3.154:07	ܡܛܠ ܕܚܠܦܬ ܡܠܬܐ ܚܠܦܬ ܚܒܪܟ܂ ‍[‍ܘ‍]‍ܓܠܐ ܪܐܙܐ
3.154:08	ܣܟܠܐ ܗܘ܀ ܒܪܝ ܠܐ ܬܦܘܩ ‍[‍ܡܠ‍]‍ܬܐ ܡܢ ܦܘܡܟ ܥܕܡܐ
3.154:09	ܕܬܬܡܠܟ ܒܠܒܟ܂ ܡܛܠ ܕܛܒ ܠܓܒܪܐ ܕܡܬܬܩܠ ܒܪܓܠܗ
3.154:10	ܛܒ ܡܢ ܡ݁ܢ ܕܡܬܬܩܠ ܒܠܫܢܗ܀ ܒܪܝ ܒܝܢܬ ܐܝܠܝܢ
3.154:11	ܕܢ݁ܨܝܢ ܠܐ ܬܩܘܡ܂ ܡܛܠ ܕܡܢ ܓܘܚܟܐ ܗ݀ܘܝܐ ܡܨܘܬܐ ܘܡܢ
3.154:12	ܡܨܘܬܐ ܗ݀ܘܐ ܬܟܬܘܫܐ ܘܡܢ ܬܟܬܘܫܐ ܗ݀ܘܐ ܩܛܠܐ܀ ܒܪܝ ܠܐ ܬܩܘܡ