The Comprehensive Aramaic Lexicon

4.277:01	ܬܫܥܝܬܐ ܕܐܚܝܩܪ ܚܟܝܡܐ ܕܫܡܫ ܣܢܚܪܝܒ ܘܣܪܚܕܘܡ
4.277:02	ܡܠ̈ܟܐ ܐܬܘܪ̈ܝܐ܂ ܪܝܫܐ ܩܕܡܝܐ ܕܬܫܥܝܬܐ ܕܐܚܝܩܪ܃
4.277:03	‍[‍I‍]‍ ‍[‍1‍]‍ ܐܝܬ ܗܘܐ ܗܟܝܠ ܒܝܘ̈ܡܝ ܣܢܚܪܝܒ ܘܣܪܚܕܘܡ
4.277:04	ܡܠ̈ܟܐ ܕܐܬܘܪ ܘܢܝܢܘܐ ܓܒܪܐ ܚܕ ܕܫܡܗ ܐܚܝܩܪ ܝܗܘܕܝܐ ܚܟܝܡܐ
4.277:05	ܘܟܬܘܒܐ ܘܣܦܪܐ ܘܡܘܗܦܛܐ ܕܡܠ̈ܟܐ ܥܗܝ̈ܕܐ܂ ܘܒܐܡܝܢܘ ܩ݁ܐܡ
4.277:06	ܒܬܫܡܫܬܐ ܕܝܠܗܘܢ ܕܠܐ ܟܠ ܙܠܡܐ܂ ܟܕ ܡܝܬ ܣܢܚܪܝܒ ܡܠܟܐ
4.277:07	ܕܐܬܘܪ ‍[‍ܒܫܢܬ ܫܬܡܐܐ ܘܬܫܥ ܘܫܒܥܝܢ ܩܕܡ ܡܫܝܚܐ‍]‍ ܛܒ
4.277:08	ܣܓܝ ܐܢܐ ܐܚܝܩܪ ܐܬܥܠܡܬ܂ ܐܦ ܠܣܪܚܕܘܡ ܒܪ ܡܠܟܐ
4.277:09	ܣܢܚܪܝܒ ܫܡܫܬ܂ ܗܝܕܝܢ ܐܡܪܘ ܠܝ ܚܪ̈ܫܐ ܥܡ ܐܣܛܪ̈ܘܢܘܡܘ
4.277:10	ܟܠܗܘܢ܂ ܕܚܕ ܒܪܐ ܢܬܝܠܕ ܠܟ ܘܗܘ ܢܐܪܬ ܩܢܝܢܟ ܟܠܗ܂
4.277:11	‍[‍2‍]‍ ܟܕ ܕܝܢ ܗܕܐ ܐܡܪܘ ܠܝ ܐܙܕܘܓܬ ܒܢܫ̈ܐ ܫܬܝܢ܂ ܘܒܢܝܬ
4.277:12	ܠܗܝܢ ܒܝܪ̈ܬܐ ܫܬܝܢ ܕܪ̈ܘܪܒܢ ܘܫܦܝܪ̈ܢ ܛܒ܂ ܘܟܕ ܦܫܬ ܒܪ
4.277:13	ܫܬܝܢ ܫܢܝܢ ܠܐ ܗܘܐ ܠܝ ܒܪܐ܂
4.277:14	‍[‍3‍]‍ ܗܝܕܝܢ ܗܟܝܠ ܐܢܐ ܐܚܝܩܪ ܐܙܠܬ ܘܩܪܒܬ ܕܒܚ̈ܐ ܠܐܠܗ̈ܐ܂
4.277:15	ܘܐܥܛܪܬ ܠܗܘܢ ܗܪ̈ܘܡܐ ܘܒܣ̈ܡܐ܂ ܘܐܡܪܬ ܠܗܘܢ܂ ܐܝܢ ܐܠܗ̈ܐ܂
4.277:16	ܗܒܘ ܒܪܐ ܠܥܒܕܟܘܢ ܕܢܚܕܐ ܒܗ܂ ܘܟܕ ܐܡܘܬ ܢܐܪܬܢܝ܂ ܡܛܠ
4.277:17	ܕܣܓܝ ܗܘ ܩܢܝܢܝ ܕܩܢܬ܂ ܦܬܟܪ̈ܐ ܕܝܢ ܠܐ ܥܢܐܘܗܝ ܒܡܕܡ
4.277:18	ܟܠܢܐܝܬ܂ ܘܗܦܟ ܟܕ ܒܗܝܬ ܘܚܫܝܫ ܡܢ ܒܝܬ ܦܬܟܪ̈ܐ
4.277:19	ܠܒܝܬܗ܂
4.277:20	‍[‍4‍]‍ ܘܫܪܝ ܡܬܟܫܦ ܘܡܨܠܐ ܒܠܒܐ ܟܝܒܐ ܩܕܡ ܡܪܝܐ ܘܐܡ݁ܪ܂
4.277:21	ܐܘ ܐܠܗܐ ܕܫܡܝܐ ܘܕܐܪܥܐ܂ ܐܘ ܒܪܘܝܐ ܕܒܪ̈ܝܬܐ܂ ܚܘܪ ܘܚܙܝ ܕܡ̈ܥܝ
4.277:22	ܘܩܒܠ ܒܥܘܬܝ ܘܗܒ ܠܝ ܒܪܐ ܐܝܟܢܐ ܕܐܬܒܝܐ ܒܗ
4.277:23	ܘܢܐܪܬܢܝ ܘܢܬܛܝܒ ܒܡܘܬܝ ܘܢܥܡܨ ܠܝ ܥ̈ܝܢܝ܂ ܘܩܒܪܢܝ܂
4.278:01	‍[‍5‍]‍ ܗܝܕܝܢ ܐܬܐ ܠܗ ܩܠܐ ܕܐܡܪ܂ ܒܗ݀ܝ ܕܛܥܝܬ ܘܐܬܬܟܠܬ

4.278:02	ܥܠ ܐܠܗ̈ܐ ܘܣܡܬ ܠܗܘܢ ܒܣ̈ܡܐ ܘܥܠܝ ܠܐ ܐܬܥܡܠܬ܂ ܥܠ

4.278:03	ܗܕܐ ܕܠܐ ܒ̈ܢܝܢ ܫܒܩܬܟ܂ ܣܦܩ ܠܟ ܠܐ ܐܬܬܛܪܦ܂ ܐܠܐ ܗܐ ܢܕܢ
4.278:04	ܒܪ ܚܬܟ ܗܘ ܢܗܘܐ ܠܟ ܒܪܐ܂ ܕܥܡ ܬܪܒܝܬܐ ܕܩܘܡܬܗ
4.278:05	ܡܫܟܚ ܐܢܬ ܠܡܠܦܘܬܗ ܟܠ ܡܕܡ܂
4.278:06	‍[‍6‍]‍ ܘܟܕ ܗܠܝܢ ܫܡܥܬ ܬܘܒ ܟܪܝܬ ܠܝ܂ ܘܐܡܪܬ܂ ܐܘܢ ܡܪܝܐ
4.278:07	ܐܠܗܐ ܚܝܠܬܢܐ܂ ܐܢ ܬܬܠ ܠܝ ܒܪܐ ܠܢܕܢ ܒܪ ܚܬܝ ܟܕ
4.278:08	ܢܪܡܐ ܥܦܪܐ ܥܠܝ ܒܬܪ ܡܘܬܝ ܘܢܥܡܨ ܠܝ ܥܝ̈ܢܝ܂ ܢܐܪܬܢܝ
4.278:09	ܐܘ ܠܐ܂ ܘܡܕܡ ܡܢ ܗܠܝܢ ܦܬܓܡ̈ܐ ܠܐ ܦܢܝ ܠܝ܂
4.278:10	‍[‍II‍]‍ ‍[‍1‍]‍ ܗܝܕܝܢ ܢܣܒܬ ܠܝ ܠܢܕܢ ܒܪ ܚܬܝ ܘܗܘܐ
4.278:11	ܠܝ ܒܪܐ܂ ܐܝܢܐ ܕܡ݂ܢ ܬܪܒܝܬܗ ܟܠܡܕܡ ܕܐܠܦܝܘܗܝ ܢܩܒܠ܂
4.278:12	ܡܛܠ ܕܛܠܐ ܗ݂ܘܐ ܐܫܠܡܬܗ ܒܐܝ̈ܕܝ ܡܝܢ̈ܩܬܐ
4.278:13	ܕܢܪܒܝܢܝܗܝ܂ ܘܒܕܒܫܐ ܘܚܐܘܬܐ ܐܬܬܪܣܝ܂ ܘܠܒܘ̈ܫܝ ܒܘܨܐ
4.278:14	ܘܐܪ̈ܓܘܢܐ ܐܬܟܣܝ܂ ܘܥܠ ܡܝ̈ܠܬܐ ܕܟܠ ܓܢܣ ܐܬܪܒܝ܂
4.278:15	‍[‍2‍]‍ ܘܪܒܐ ܒܪܝ ܢܕܢ ܘܫܪܝ ܠܡܠܦܘܬܗ ܣܦܪܐ ܕܚܟܡܬܐ ܕܠܐ ܫܠܘܐ܂
4.278:17	‍[‍3‍]‍ ܫܘܐܠܐ ܕܡܠܟܐ ܣܪܚܕܘܡ܂ ܘܟܕ ܐܬܐ ܡܠܟܐ ܡܢ ܐܝܟܐ
4.278:18	ܕܐܙ݂ܠ ܗܘܐ܂ ܐܡܪ ܠܝ ܐܘ ܐܚܝܩܪ ܣܦܪܐ ܘܚܟܝܡܐ ܘܒܥܠ
4.278:19	ܬܪܥܝܬܐ ܕܝܠܝ܂ ܟܕ ܬܣܐܒ ܘܬܡܘܬ ܡ݁ܢ ܢܠܦܢܝ ܚܟܡܬܐ܂
4.278:20	‍[‍4‍]‍ ܦܘܢܝܗ ܕܐܚܝܩܪ ܠܡܠܟܐ܂ ܗܝܕܝܢ ܥܢܝܬ ܘܐܡܪܬ
4.278:21	ܠܡܠܟܐ܂ ܡܪܝ ܡܠܟܐ ܠܥܠܡ ܚܝܝ܂ ܐܝܬ ܠܝ ܒܪܐ ܕܐܟܘܬܝ
4.278:22	ܚܟܝܡ܂ ܘܣܦܪܐ ܕܝܠܝ ܗܘ ܝܕܥ܂ ܗܝܕܝܢ ܐܡܪ ܠܝ ܡܠܟܐ܂
4.278:23	ܐܝܬܝܗܝ ܠܝ ܕܐܚܙܝܘܗܝ܂ ܘܐܢ ܡܫܟܚ ܕܢܩܘܡ ܩܕܡܝ܂ ܗܘ
4.279:01	ܢܩܘܡ ܠܘܬܝ ܘܠܟ ܐܫܪܐ ܒܫܠܡܐ ܐܝܟܢܐ ܕܬܕܒܪ
4.279:02	ܣܝܒܘܬܟ ܟܠܗܘܢ ܝܘ̈ܡܬܐ ܕܚܝ̈ܝܟ ܒܫܠܡܐ܂
4.279:03	‍[‍5‍]‍ ܟܢ ܐܝܬܝܬܗ ܠܢܕܢ ܒܪܝ ܠܘܬ ܡܠܟܐ ܣܪܚܕܘܡ
4.279:04	ܘܩܪܒܬܗ ܩܕܡܘܗܝ܂ ܘܟܕ ܚܙܝܗܝ ܡܠܟܐ ܚܕܝ ܒܗ܂ ܘܐܡܪ
4.279:05	ܝܘܡܢܐ ܩܡܬ ܠܐܚܝܩܪ ܩܪܢܐ ܕܦܘܪܩܢܐ ܘܐܬܒܝܐ ܒ݂ܛܠܝܐ ܗܢܐ܂