The Comprehensive Aramaic Lexicon

5.395:21	ܘܢܣܒܬ ܕܝܢ ܐܢܐ ܐܚܝܩܪ ܫܒܛܐ ܘܫܪܝܬ ܡܚܐ ܐܢܐ ܠܪ̈ܘܪܒܢܘܗܝ
5.395:22	ܕܦܪܥܘܢ ܕܢܡܢܥܘܢ ܠܗܘܢ ܟܠܡܐ ܕܒܥܝܢ ܘܓܥܝܬ ܠܘܬ
5.395:23	ܚܝܠ̈ܘܬܗ ܕܢܡܚܘܢ ܐܢܘܢ ܠܪ̈ܘܪ‍[‍ܒܢܝ‍]‍ ܦܪܥܘܢ ܒܫܒ̈ܛܐ
5.396:01	ܕܢܣܩܘܢ ܟ̈ܐܦܐ ܘܟܠܫܐ ܠܒܢܝ̈ܐ܂ ܘܐܬܠܝܬܝܘ ܡ݂ܢ ܡܚܘܬܐ
5.396:02	ܘܐܙܕܟܝܘ ܘܚ݂ܒܘ ܘܥܪܩܘ ܡ݂ܢ ܠܘܬܢ ܘܥܠܘ ܠܒܝܬܐ܂
5.396:03	‍[‍9‍]‍ ܘܐܬܕܠܚ ܓܝܪ ܦܪܥܘܢ ܘܐܡܪ ܐܘ ܐܚܝܩܪ ܐܬܕܝܘܢܬ܂ ܡܢܘ
5.396:04	ܡܨܐ ܢܡܢܥ ܠܗܘܢ ܘܢܣܩ ܒܪܘܡܐ ܗܢܐ܂ ܡܕܡ ܕܒܥܝܢ ܗܠܝܢ܂
5.396:05	‍[‍10‍]‍ ܘܐܡܪܬ ܠܗܘܢ ܕܝܢ ܐܢܬܘܢ ܐܢܘܢ ܕܝܘ̈ܢܐ ܘܡܪ̈ܘܕܐ ܐܠܘ ܗܟܝܠ
5.396:06	ܐܝܬܘܗܝ ܗܪܟܐ ܡܪܝ ܡܠܟܐ ܣܢܚܪܝܒ ܬܪܬܝܢ ܒܝܪ̈ܢ ܒܝܘܡܐ
5.396:07	ܚܕ ܒ݁ܢܐ܂ ‍[‍11‍]‍ ܥ݂ܢܐ ܕܝܢ ܦܪܥܘܢ ܘܐܡܪ ܠܝ ܦܘܫ ܗܫܐ ܡ݂ܢ
5.396:08	ܒܢܝܢ ܒܝܪܬܐ ܡܟܝܠ ܠܝܬ ܥܠܝܗ݀ ܣܘܢܩܢܐ ܐܠܐ ܙܠ ܝܘܡܢܐ
5.396:09	ܠܬܘܢܟ ܘܡܚܪ ܬܐ ܠܘܬܝ܂ ܘܟܕ ܗܘܐ ܨܦܪܐ ܐܬܝܬ
5.396:10	ܠܘܬܗ ܘܐܡܪ ܠܝ܃ ܐܘ ܐܚܝܩܪ ܐܝܟܢܐ ܫܪܒܐ ܗܢܐ ܕܣܘܣܝܐ
5.396:11	ܥܗܪܐ ܕܡܪܟ ܣܢܚܪܝܒ ܨܗܠ ܬܡܢ ܒܐܬܘܪ ܘܒܢܝ̈ܢܘܐ ܘܫ̈ܡܥܢ
5.396:12	ܩܠܗ ܘܣܘ̈ܣܝܬܐ ܘܡܪ̈ܡܝܢ ܗܪܟܐ ܡܐ ܕܒܟܪ̈ܣܬܗܝܢ܂
5.396:13	‍[‍13‍]‍ ܗܝܕܝܢ ܐܪܦܝܬ ܘܢܦܩܬ ܡܢ ܠܘܬܗ ܘܦܩܕܬ ܠܥܒ̈ܕܝ ܕܢܐܚܕܘܢ
5.396:14	ܠܝ ܫܘܢܪܐ ܚܕ܂ ܘܦܩܕܬ ܕܝܢ ܠܥܒ̈ܕܝ ܕܢܓܕܘܢܝܗܝ ܒܢܓ̈ܕܐ
5.396:15	ܣܓܝ̈ܐܐ ܥܕܡܐ ܕܒܓܢ܂ ‍[‍14‍]‍ ܘܫܡܥܘ ܡܨܪ̈ܝܐ ܘܥܠܘ ܘܐܡܪܘ
5.396:16	ܠܡܠܟܐ ܦܪܥܘܢ܂ ‍[‍15‍]‍ ܘܩܪܢܝ ܘܐܡܪ ܠܝ ܠܡܢܐ ܡܢܓܕ ܐܢܼܬ
5.396:17	ܫܘܢܪܐ ܗܢܐ܂ ‍[‍16‍]‍ ܐܡܪܬ ܠܗ ܕܝܢ ܒܝ̈ܫܬܐ ܣ̈ܓܝܐܬܐ
5.396:18	ܥܒܕ ܒܝ ܘܣܓܝ ܐܟܝܢܝ ܗܢܐ ܡܚܒܠܐ܂ ܐܝܬ ܗܘܐ ܓܝܪ ܬܪܢܓܠܐ
5.396:19	ܕܫܦܝܪ ܬܡܝܗ ܩܠܐ ܘܝܗܼܒܘ ܗܼܘܐ ܠܝ ܡܪܝ ܣܢܚܪܝܒ ܘܡܘܕܥ
5.396:20	ܗܘܐ ܠܝ ܫ̈ܥܝ ܠܠܝܐ܂ ‍[‍17‍]‍ ܘܒܗܢܐ ܠܠܝܐ ܐܙܠ ܗܢܐ ܠܝܛܐ
5.396:21	ܠܐܬܘܪ ܘܐܟܠܗ ܠܬܪܢܓܠܐ ܕܫܦܝܪ܂ ‍[‍18‍]‍ ܥܢܐ ܦܪܥܘܢ ܘܐܡܪ ܠܝ
5.396:22	ܐܚܝܩܪ ܚ݁ܙܐ ܐܢܐ ܠܟ ܕܟܡܐ ܘܡܫܬܘܫܛ ܐܢܬ ܒܨܪܐ ܚܟܡܬܟ
5.396:23	ܘܡܙܕܠܗܙܐ ܝܕܥܬܟ܂ ܒܗ݀ܝ ܕܒܝܢܬ ܡܨܪܝܢ ܘܠܐܬܘܪ ܝܬܝܪ ܡ݂ܢ
5.396:24	ܬܠܬܡܐܐ ܘܫܬܝܢ ܦܪ̈ܣܚܐ ܐܝܬ ܐܝܠܝܢ ܕܡܫܚ ܗ݂ܘܐ ܫܘܢܪܐ
5.397:01	ܗܢܐ ܠܡܐܙܠ ܟܠܗ ܪܘܚܩܐ ܒܠܠܝܐ ܚܕ ܘܢܣܒ ܪܫܗ
5.397:02	ܕܬܪܢܓܠܐ ܘܢܐܬܐ ܠܗܪܟܐ܂ ‍[‍19‍]‍ ܐܡܪܬ ܠܗ ܓܝܪ ܒܝܬ ܡܨܪܝܢ
5.397:03	ܠܐܬܘܪ ܘܬܘܒ ܗܢܐ ܟܠܗ ܡܬܚܐ ܫܟܝܚ ܐܝܟܢܐ ܨܗ݀ܠ ܣܘܣܝܐ
5.397:04	ܕܡܪܝ ܬܡ݁ܢ ܘܡܪ̈ܡܝܢ ܣܘܣ̈ܝܬܟܘܢ ܬܢܢ܂ ‍[‍20‍]‍ ܘܟܕ ܕܝܢ
5.397:05	ܫܡܥ ܗܠܝܢ ܬܘܪ ܘܐܬܪܗܒ ܘܝܕܥ ܕܦܫܩܬ ܫܘܐܠܗ܂ ܬܘܒ ܕܝܢ
5.397:06	ܐܡܪ ܠܝ ܦܫܩ ܐܦ ܡܬܠܐ ܗܢܐ ܒܢܝܐ ܚܕ ܒ݂ܢܐ ܥܡܘܕܐ ܡܕܡ
5.397:07	ܘܒܢܝܗܝ ܬܡܢܝܐ ܐܠܦܝ̈ܢ ܘܫܒܥܡܐܐ ܘܫܬܝܢ ܘܬܠܬܐ ܠܒܢ̈ܝܢ܂
5.397:08	ܘܛܠܠܗ ܓܝܪ ܒܬܠܬܡܐܐ ܘܫܬܝܢ ܘܚܡܫܐ ܟܐܦܝ̈ܢ ܘܢܨܒ
5.397:09	ܕܝܢ ܠܥܠ ܡܢܗ ܬܪܥܣܪ ܐܝ̈ܠܢܝܢ ܐܪ̈ܙܐ ܘܬܩܢ ܒܟܠ
5.397:10	ܐܪܙܐ ܬܠܬܝܢ ܫܒܫܬܝܢ ܐܘܟܝܬ ܫܒܘ̈ܩܝܢ ܘܗܘܐ ܫܒܘܩܐ ܬܪܝܢ
5.397:11	ܣܓܘ̈ܠܝܢ ܬܡܪ̈ܐ ܚܕ ܚܘܪܐ ܚܕ ܕܝܢ ܐܘܟܡܐ܂ ‍[‍21‍]‍ ܗܝܕܝܢ
5.397:12	ܐܡܪܬ ܠܗ ܠܡܠܟܐ ܪ̈ܥܘܬܐ ܕܒܩܪ̈ܐ ܕܐܬܘܪ ܘܢܝܢܘܐ ܝ݁ܕܥܝܢ ܠܗ܂
5.397:13	ܒܢܝܐ ܗܟܝܠ ܐܠܗܐ ܗܼܘ ܕܒܪܐ ܠܫܢܬܐ ܘܗܝ ܗܼܝ ܥܡܘܕܐ
5.397:14	ܘܐܬܩܢ ܫ̈ܥܝ ܫܢܬܐ ܬܡܢܝܐ ܐܠܦ̈ܝܢ ܘܫܒܥܡܐܐ ܘܫܬܝܢ
5.397:15	ܘܬܠܬܐ ܫ̈ܥܝܢ ܘܣܡ ܝܘ̈ܡܝ ܫܢܼܬܐ ܬܠܬܡܐܐ ܘܫܬܝܢ ܘܚܡܫܐ
5.397:16	ܝܘ̈ܡܝܢ ܘܬܪܥܣܪ ܐܪ̈ܙܝܢ ܬܪܥܣܪ ܝܪ̈ܚܝ ܫܢܼܬܐ ܘܟܠ ܐܪܙܐ
5.397:17	ܬܠܬܝܢ ܫܒܘ̈ܩܝܢ܂ ܘܟܐܡܬ ܬܠܬܝܢ ܝܘ̈ܡܝܢ
5.397:18	ܕܝܪܚܐ܂ ܘܟܠ ܫܒܘܩܐ ܐܝܬ ܬܪܝܢ ܣܓܘ̈ܠܝܢ ܚܕ ܡ݁ܢ ܚܘܪܐ
5.397:19	ܘܐܚܪܢܐ ܐܘܟܡܐ ܘܗܢܘܢ ܠܠܝܐ ܘܐܝܡܡܐ܂ ‍[‍22‍]‍ ܘܬܘܒ ܐܡܪ ܠܝ
5.397:20	ܡܠܟܐ ܦܪܥܘܢ ܐܘ ܐܚܝܩܪ ܟܪܘܟ ܠܝ ܬܪܝܢ ܚܒ̈ܠܝܢ ܡܢ
5.397:21	ܚܠܐ ܕܝܡܐ ܡ݂ܢ ܚܠܐ܂ ‍[‍23‍]‍ ܐܡܪܬ ܠܗ ܓܝܪ ܦܩܘܕ ܕܢܦܩܘܢ
5.397:22	ܠܝ ܡ݁ܢ ܒܝܬ ܩܦ̈ܣܐ ܚܒܠܐ ܚܕ ܕܐܥܒܕ ܐܟܘܬܗ܂ ‍[‍24‍]‍ ܐܡܪ
5.397:23	ܕܝܢ ܫܒܘܩ ܡ̈ܠܝܟ ܐܢ ܠܐ ܥ݁ܒܕ ܐܢܼܬ ܚܒ̈ܠܐ ܗܠܝܢ ܫܩܠܐ ܠܐ
5.397:24	ܝܗ݀ܒ ܐܼܢܐ ܠܟ܂ ‍[‍26‍]‍ ܘܐܙܠܬ ܗܟܝܠ ܠܒܣܬܪܗ ܕܒܝܬܐ