The Comprehensive Aramaic Lexicon

5.393:20	ܢܫ̈ܒܢ ܪ̈ܘܚܐ ܘܢܚܬ ܡܛܪܐ ܘܓܒܠ ܛܝܢܐ ܘܦܩܕ ܬܘܒ
5.393:21	ܪܥܡ݁ܝܢ ܪ̈ܥܡܐ ܘܒܩܪܝܢ ܒܪ̈ܩܐ ‍[‍2‍]‍ ܘܡܥܘܟ ܠܫܡܫܐ ܕܠܐ
5.393:22	ܢܢܗܪ ܘܙܠܝܩܘ̈ܗܝ ܠܐ ܢܬܚܙܘܢ ܘܣܚܦ ܠܒܠ ܨܠܡܐ
5.393:23	ܘܠܡܫܡ̈ܫܢܘܗܝ ܕܠܐ ܢܗܠܟܘܢ ܒܫܘ̈ܩܐ ܘܡܩܝܡ ܠܣܗܪܐ ܕܠܐ
5.393:24	ܢܕܢܚ܂ ܘܐܢ ܨ݁ܒܐ ܓܝܪ ܦܩܕ ܠܦܢܝܬܐ ܓܪܒܝܝܬܐ ܘܢܫܒܐ ܘܝܗ݀ܒܐ
5.393:25	ܪܘܚܐ ܘܡܬܡܛܪܐ ܡܛܪܐ ܘܒܪܕܐ ܘܡܬܚܒܛܝܢ ܘܢܬܪܝܢ
5.394:01	ܦܩܚܘ̈ܗܝ ܘܗܒܒ̈ܘܗܝ܂ ܘܟܕ ܫܡ݂ܥ ܗܟܝܠ ܕܝܢ ܦܪܥܘܢ ܡ̈ܠܐ
5.394:02	ܗܠܝܢ ܬܘܒ ܬܘܗܬܐ ܪܒܬܐ ܘܐܬܬܘܝ ܘܪܓܙ܂
5.394:03	‍[‍XXIX‍]‍ ‍[‍1‍]‍ ܘܐܡܪ ܐܘ ܓܒܪܐ ܐܡܪ ܠܝ ܫܪܝܪܐܝܬ ܡܢܘ ܫܡܟ܂
5.394:04	‍[‍2‍]‍ ܘܗܝܕܝܢ ܐܡ݁ܪܬ ܠܗ ܐܢܐ ܐܼܢܐ ܐܚܝܩܪ ܟܬܘܒܐ ܕܝܠܗ
5.394:05	ܕܣܢܚܪܝܒ ܡܠܟܐ܂ ‍[‍3‍]‍ ܘܐܡܪ܃ ܚܢܢ ܫܡܥܢ ܕܐܚܝܩܪ ܐܬܩܛܠ
5.394:06	ܘܐܢܬ ܕܝܢ ܗܫܐ ܒܚܝ̈ܐ܂ ܐܡܪܬ ܠܗ ܕܝܢ ܛܝܒܘܬܐ ܘܬܘܕܝܬܐ
5.394:07	ܠܐܠܗܐ ܡܪܚܡܢܐ܂ ܗܘܐ ܗܟܝܠ ܥܠܝ ܐܦܪܣܢܐ ܘܛܘܟܢܐ ܘܫܘܕܠܐ
5.394:08	ܘܛܠܘܡܝܐ ܡ݂ܢ ܐܼܢܫ̈ܐ ܒܝ̈ܫܐ ܘܟܕܒܘ ܓܝܪ ܥܠܝ ܩܕܡ ܡܪܝ
5.394:09	ܡܠܟܐ ܘܦܩܕ ܒܩܛܠܝ ܘܡܪܝܐ ܕܝܢ ܦܨܝܢܝ ܡ݂ܢ ܩܛܠܐ
5.394:10	ܘܛܘܒܘ‍[‍ܗܝ‍]‍ ܠܡ݁ܢ ܘܢܬܬܟܠ ܥܠܘܗܝ܂ ‍[‍4‍]‍ ܥܢ݂ܐ ܗܟܝܠ
5.394:11	ܦܪܥܘܢ ܡܠܟܐ ܘܐܡܪ ܙܠ ܐܘ ܐܚܝܩܪ ܠܬܘܢܟ ܘܡܚܪ ܬܐ ܠܘܬܝ
5.394:12	ܘܐܡܪ ܠܝ ܡܠܬܐ ܕܠܐ ܫܡܥܬܘܢܗ݀ ܘܠܐ ܐܫܬܡܥܬ ܡ݂ܢ ܪ̈ܘܪܒܢܝ
5.394:13	ܘܠܐ ܒܡܨܪܝܢ܂
5.394:14	‍[‍XXX‍]‍ ‍[‍1‍]‍ ܘܐܙܠܬ ܕܝܢ ܠܬܘܢ̈ܝ ܘܐܬܪܥܝܬ ܒܢܦܫܝ
5.394:15	ܕܐܝܕܐ ܡܠܬܐ ܐܡܪ ܕܠܐ ܫܡܥܗ݀ ܠܓܡܪ܂ ܐܨܛܢܥܬ ܐܢܐ ܐܚܝܩܪ
5.394:16	ܘܟܬܒܬ ܐܓܪܬܐ ܘܐܡܪܬ܂ ‍[‍2‍]‍ ܡ݂ܢ ܦܪܥܘܢ ܡܠܟܐ ܕܡܨܪܝܢ
5.394:17	ܠܣܢܚܪܝܒ ܡܠܟܐ ܕܐܬܘܪ ܘܢܝܢ̈ܘܐ ܫܠܡ܂ ܕܬܕܥ ܓܝܪ ܕܣܢܩܝܢ
5.394:18	ܐܚ̈ܐ ܠܐܚ̈ܐ ܘܡܠ̈ܟܐ ܠܡܠ̈ܟܐ܂ ܘܗܫܐ ܗܟܝܠ ܒܙܒܢܐ ܗܢܐ ܚܣܝܪ
5.394:19	ܢܦܩܬܐ ܐܢܐ ܘܓܙܝ ‍{‍ܓܪܡ̈ܝ‍}‍‍<‍ܓܡܪ̈ܝ‍>‍ ܘܣܝ̈ܡܬܝ ܒܨܪ̈ܝ ܘܒ݁ܥܐܢܐ ܕܝܢ ܡ݂ܢ
5.394:20	ܚܘܒܟ ܘܬܘܙܦ ܠܝ ܬܫܥܡܐܐ ܟܟܪ̈ܝܢ ܕܗܒܐ܂ ܩܠܝܠ ܙܒܢܐ
5.394:21	ܐܫܕܪܝܘܗܝ ܘܐܗܦܟ ܠܟ ܕܗܒܟ܂ ‍[‍3‍]‍ ܘܟܪܟܬ ܠܐܓܪܬܐ ܘܒܫܦܪܐ
5.394:22	ܐܬܬܛܝܒܬ ܒܝܬ ܐܝܕܘ̈ܗܝ ܕܦܪܥܘܢ ܘܐܡܪ܂ ܐܡܪ ܠܝ ܐܘ
5.394:23	ܐܚܝܩܪ ܡܠܬܐ ܕܠܐ ܫܡܥܬܗ݀ ܠܓܡܪ ܠܐ ܡ݂ܢ ܪ̈ܘܪܒܢܝ ܘܠܐ ܡ݂ܢ
5.394:24	ܒܢ̈ܝ ܡܕܝܢܼܬܝ܂ ܘܐܦܩܬ ܓܝܪ ܐܓܪܬܐ ܝܗܼܒܬܗ݀ ܠܗ܂ ܘܟܕ ܕܝܢ
5.395:01	ܩܪܗ݀ ܐܬܕܡܪ ܘܬܡܗ ܘܐܡܪ ܬܪܝܨܐܝܬ ܘܫܪܝܪܐܝܬ ܗܕܐ ܡܠܬܐ ܠܐ
5.395:02	ܫܡܥܢܗ݀ ܠܓܡܪ ܠܐ ܐܫܬܡܥܬ ܒܡܕܝܢܬܢ ܘܐܡܪܬ ܠܗ ܓܝܪ
5.395:03	ܫܪܝܪܐܝܬ ܐܝܬ ܠܗܝܢ ܐܬܘܪ ܘܢܝ̈ܢܘܐ ܚܘܒܬܐ ܕܚܝܒܐ ܡܨܪܝܢ
5.395:04	ܘܬܦܪܘܥ ܐܢܝܢ܂ ܘܟܕ ܫܡܥܘ ܗܠܝܢ ܐܬܕܡܪܘ ܘܬܘܗ ܪ̈ܥܝܢܝܗܘܢ܂
5.395:05	ܘܫܠܡܬ ܥܠܝܗܘܢ ܚܘܒܬܐ ܒܗ݀ ܒܫܥܬܐ ܘܩܒܠܘ܂
5.395:06	‍[‍6‍]‍ ܒܪܡ ܕܝܢ ܥ݂ܢܐ ܦܪܥܘܢ ܡܠܟܐ ܘܐܡܪ ܐܘ ܐܚܝܩܪ
5.395:07	ܒ݁ܥܢܐ ܡܢܟ ܕܬܒܢܐ ܠܝ ܒܝܪܬܐ ܚܕܐ ܕܬܡܝܗܐ ܘܡܥܠܝܐ ܘܕܐܫܪܐ
5.395:08	ܒܗ݀ ܘܬܗܘܐ ܒܝܬ ܫܡܝܐ ܠܐܪܥܐ܂ ܘܢܗܘܐ ܪܘܡܗ݀ ܬܪܝܢ ܐܠܦܝ̈ܢ
5.395:09	ܐܡ̈ܝܢ܂ ‍[‍7‍]‍ ܘܐܡ݁ܪܬ ܕܝܢ ܫܡܥܐ ܘܫܠܡܘܬܐ܂ ܡܪܝ ܒ݁ܥܐ ܐܢܐ
5.395:10	ܡܢܟ ܘܒ݁ܢܐ ܐܢܐ ܠܟ ܒܝܪܬܐ ܐܟܡܐ ܕܨ݁ܒܐ ܐܢܬ ܘܡܬܪܓܪܓܬ
5.395:11	ܒܪܡ ܕܝܢ ܡܪܝ ܒ̈ܢܝܐ ܘܐܘܡ̈ܢܐ ܡܢܝ ܘܓܨܐ ܘܟܠܫܐ ܘܛܝܢܐ
5.395:12	ܘܟܐܦ̈ܐ ܡܢܟ܂ ܐܡܪ ܕܝܢ ܦܪܥܘܢ܃ ܗܟܢܐ ܢܗܘܐ܂ ܘܒܗ݀ ܒܫܥܬܐ
5.395:13	ܐܦܩܬ ܬܪܝܢ ܢܫܪ̈ܐ ܡܢ ܓܠܘܣܩ̈ܡܐ ܘܐܣܪܬ ܬܪܝܢ ܛܘܢܒ̈ܐ
5.395:14	ܒܪ̈ܓܠܝܗܘܢ ܘܐܪܟܒܬ ܛܠ̈ܝܐ ܥܠ ܚܨܝ̈ܗܘܢ ܘܦܪܚܘ ܢܫܪ̈ܐ
5.395:15	ܘܛܠ̈ܝܐ ܟܕ ܩ݁ܥܝܢ ܘܐܡܪܝܢ ܡܢܘ ܡܢܥ ܠܢ ܓܨܐ ܘܟܠܫܐ
5.395:16	ܘܛܝܢܐ ܘܠܒܬܐ ܘܟܐܦ̈ܐ ܕܐܘܡ̈ܢܝ ܦܪܥܘܢ ܘܦܥ̈ܠܐ ܩܝܡܝܢ
5.395:17	ܒܛܝܠܝܢ ܘܨܒܝܢ ܕܢܒܢܘܢ ܒܝܪܬܐ ܠܡܠܟܐ ܦܪܥܘܢ ܒܫܡܝܐ܂
5.395:18	ܘܬܘܒ ܕܝܢ ܐܡܪܝܢ ܗܘܘ ܐܘ ܠܟܘܢ ܐܘ ܡܫܡ̈ܫܢܐ ܕܡܠܟܐ
5.395:19	ܡܙܘܓܘ ܠܢ ܚܡܪܐ܂ ‍[‍8‍]‍ ܟܕ ܓܝܪ ܐܬܒܩܝܘ ܪ̈ܘܪܒܢܘܗܝ
5.395:20	ܕܡܠܟܐ ܬܗܪܘ ܒܪ̈ܥܝܢܝܗܘܢ ܘܐܬܕܡܪܘ ܘܐܬܒܠܗܝܘ ܘܒܗܬܘ܂
5.395:21	ܘܢܣܒܬ ܕܝܢ ܐܢܐ ܐܚܝܩܪ ܫܒܛܐ ܘܫܪܝܬ ܡܚܐ ܐܢܐ ܠܪ̈ܘܪܒܢܘܗܝ