The Comprehensive Aramaic Lexicon

5.389:19	ܐܚܝܩܪ ܠܒܢ̈ܐ ܘܓܪܘܥ ܪܫܟ ܘܣܦܪ ܛܦܪ̈ܝܟ ܘܐܟܘܠ ܘܐܫܬܝ
5.389:20	ܡܬܚܐ ܕܐܪܒܥܝܢ ܝܘ̈ܡܝܢ ܥܕܡܐ ܕܬܬܚܝܠ ܘܟܢ ܬܐ ܠܘܬܝ܂
5.389:21	ܐܢܐ ܐܚܝܩܪ ܐܙܠܬ ܠܒܝܬܝ ܘܥܒܕܬ ܐܝܟ ܡܠܬ
5.389:22	ܡܠܟܐ ܘܦܫܬ ܘܩܘܝܬ ܥܣܪܝܢ ܝܘ̈ܡܝܢ ܘܐܬܝܬ ܠܘܬܗ݂ ܡܛܠ
5.389:23	ܕܣܘܥܪܢܗ ܕܡܠܟܐ ܡܣܪܗܒ ܗܼܘܐ܂
5.389:24	‍[‍XXIII‍]‍ ‍[‍1‍]‍ ܘܟܕ ܐܬܬܛܝܒܬ ܩܕܡ ܡܠܟܐ ܣܢܚܪܝܒ ܘܗܝܕܝܢ
5.390:01	ܐܦܩ ܫܘܐܠܐ ܕܫܪܘܗܝ ܠܗ ܡܨܪ̈ܝܐ ܘܐܡܪ ܣܒ ܐܚܝܩܪ ܘܚܙܝ
5.390:02	ܘܐܬܒܩܐ ܡܢܐ ܫܕܪܘ ܠܢ ܡܨܪ̈ܝܐ܂ ܒܬܪ ܩܛܠܟ ܙܟܐܘܢܝ܂ ܘܟܠ
5.390:03	ܒ̈ܢܝ ܐܬܪ̈ܘܬܢ ܐܙܠܘ ܘܥܪܩܘ ܠܡܨܪܝܢ ܡܢ ܫܡܥܐ ܕܩܢܝܢܐ ܕܒܥܝܢ
5.390:04	ܡܢܢ܂ ܘܟܕ ܩܪܐ ܐܚܝܩܪ ܐܓܪܬܐ ܐܣܬܟܠ ܡܕܡ ܡܕܡ ܕܒܗ݀܂
5.390:05	‍[‍XXIV‍]‍ ‍[‍1‍]‍ ܐܡܪ ܠܡܠܟܐ ܠܐ ܬܚܫ ܡܪܝ ܘܠܐ ܬܪܓܙ܂ ܐܢܐ ܐܙ݁ܠ
5.390:06	ܐܢܐ ܠܡܨܪܝܢ ܘܐܬܠ ܦܘܢܝܐ ܠܦܪܥܘܢ ܘܐܦܫܩ ܠܗ ܗܢܐ
5.390:07	ܫܘܐܠܐ ܘܐܝܬܐ ܫܩ̈ܠܐ ܘܩܢܝ̈ܢܐ ܡ݁ܢ ܡܨܪܝܢ ܘܐܗܦܟ ܟܠܗܘܢ ܐܝܠܝܢ
5.390:08	ܕܥܪܩܘ ܘܐܒܗܬ ܟܠܗܘܢ ܒܥܠ̈ܕܒܒܝܟ ܒܥܘܕܪܢ ܐܠܗܐ܂ ‍[‍2‍]‍ ܘܟܕ
5.390:09	ܫܡܥ ܡܠܟܐ ܡܠܬܝ ܐܢܐ ܐܚܝܩܪ ܚܕܝ ܚܕܘܬܐ ܪܒܬܐ ܝܗܒ
5.390:10	ܡܘܗ̈ܒܬܐ ܣܓܝ̈ܐܬܐ ܣܘܓܐܐ ܓܝܪ ܘܠܝܘܡܐ ܕܒܬܪܗ ܘܠܝ
5.390:11	ܘܠܐܢܬܬܝ܂ ‍[‍3‍]‍ ܘܠܐܣܦܘܩܠܛܪܐ ܐܘܬܒܗ ܒܕܪܓܐ ܡܥܠܝ
5.390:12	ܘܐܣܪܚ ܘܝܗܼܒ ܠܗ ܡܘܗ̈ܒܬܐ ܣܓܝ̈ܬܐ܂
5.390:13	‍[‍XXV‍]‍ ‍[‍1‍]‍ ܘܠܝܘܡܐ ܕܒܬܪܗ ܐܢܐ ܐܚܝܩܪ ܡܚܝܠܐ ܟܬܒܬ ܠܘܬܝ
5.390:14	ܒܪܬ ܙܘܓܝ ܐܓܪܬܐ ܘܐܡܪܬ ܠܗ݀܂ ‍[‍2‍]‍ ܟܕ ܬܡܛܐ ܠܟܝ ܐܓܪܬܐ
5.390:15	ܗܕܐ ܥܠܝܟܝ ܦܩܘܕܝ ܠܨܝ̈ܕܐ ܕܢܨܘܕܘܢ ܬܪܝܢ ܦܪ̈ܘܓܝ ܢܫܪܐ܂
5.390:16	ܘܐܡܪܬ ܠܦܠ̈ܚܐ ܕܟܬܢܐ ܐܘ ܕܩܢܦܐ ܕܢܐܪܟܘܢ ܠܢ ܛܘܢܒ̈ܐ ܕܟܬܢܐ
5.390:17	ܘܢܗܘܐ ܐܘܪܟܗܘܢ ܬܪܝܢ ܐܠܦ̈ܝܢ ܐܡܝ̈ܢ܂ ܘܐܡܪܝ ܠܢܓܪ̈ܝ ܩܝ̈ܣܐ
5.390:18	ܕܢܬܩܢܘܢ ܠܢ ܓܠܘܣܩ̈ܡܐ ܕܪ̈ܘܪܒܝܢ܂ ܘܗܒܝ ܢܒܘܥܚܠ
5.390:19	ܘܛܦܫܠܝܡ ܠܢܫ̈ܐ ܡܝܢܩܢܝ̈ܬܐ ܕܢܝ̈ܢܩܢ ܐܢܘܢ܂ ܘܬܟܘܣܝ ܟܠ
5.390:20	ܝܘܡ ܐܡܪܐ ܚܕ ܘܬܘܟܠܝܢ ܠܢܫܪ̈ܐ ܘܢܐܪܒܘܢ܂ ܘܟܠܝܘܡ ܬܪܟܒܝܢ
5.390:21	ܛܠ̈ܝܐ ܥܠ ܚܨ̈ܝ ܢܫܪ̈ܐ ܟܡܐ ܕܙܥܘܪܝܢ ܕܠܐ ܟܘܬܪܐ܂ ܘܩܛܘܪ
5.390:22	ܛܘܢܒ̈ܐ ܒܪܓܠܝ ܢܫܪ̈ܐ ܘܐܦܪܚ ܢܫܪܐ ܒܐܐܪ ܘܛܠ̈ܝܐ ܥܠ ܚܨܝ̈ܗܘܢ
5.390:23	ܪܟܝܟܝܢ ܙܥܘܪܐܝܬ ܕܢܬܥܝܕܘܢ ܒܛܥܘܢܘܬܗܘܢ܂ ‍[‍3‍]‍ ܘܟܕ
5.390:24	ܣ݁ܠܩܝܢ ܕܝܢ ܠܡܦܪܚ ܐܠܦܝ ܠܛܠ̈ܝܐ ܕܢܩܥܘܢ ܘܢܐܡܪܘܢ
5.391:01	ܟܕ ܦܪܚܝܢ ܘܗܢܘܢ ܥܠ ܚܨ̈ܝ ܢܫܪ̈ܐ ܘܡܢܥ ܠܢ ܟܠܫܐ ܘܓܨܐ
5.391:02	ܘܛܝܢܐ ܘܠܒܬܐ ܘܟܐܦ̈ܐ ܕܒܢܝ̈ܐ ܘܦܥ̈ܠܐ ܒܛܝܠܝܢ ܘܨܒܝܢ
5.391:03	ܠܡܒܢܐ ܒܝܪܬܐ ܒܫܡܝܐ܂ ‍[‍4‍]‍ ܘܓܕܝ ܘܐܚܬܝ ܠܛܝܪ̈ܐ ܠܘܬܟܝ
5.391:04	ܥܕܡܐ ܕܐܬܐ ܐܢܐ܂ ‍[‍5‍]‍ ܘܐܫܦܓܢܐ ܓܝܪ ܒܪܬܝ ܙܘܓܝ ܐܢܼܬܬܐ
5.391:05	ܗܼܘܬ ܚܟܝܡܬܐ ܘܡܗܝܪܬܐ ܘܟܠܡܐ ܕܦܩܕܬ ܥܒܕܬܗ܂
5.391:06	‍[‍XXVI‍]‍ ‍[‍2‍]‍ ܒܬܪ ܩܠܝܠ ܝܘ̈ܡܝܢ ܐܢܐ ܐܚܝܩܪ ܐܡܪܬ ܠܡܠܟܐ
5.391:07	ܐܦܣ ܠܝ ܡܪܝ ܕܐܙܠ ܠܡܨܪܝܢ ܕܡܛܐ ܙܒܢܐ ܕܐܪܕܐ ܒܗ ܘܟܕ
5.391:08	ܕܝܢ ܝܗܼܒ ܠܝ ܦܘܩܕܢܐ ܘܢܣܒܬ ܥܡܝ ܚܝܠܐ ܣܓܝܐܐ
5.391:09	ܘܐܙܠܬ܂ ‍[‍3‍]‍ ܘܡܪܕܐ ܝܘܡܐ ܚܕ ܘܩܡܢ ܒܦܩܥܬܐ ܕܪܘܝܚܐ ܐܦܩܬ
5.391:10	ܡܢ ܓܠܘܣ̈ܩܡܐ ܠܢܫܪ̈ܐ ܘܐܣܪܬ ܛܘܢܒ̈ܐ ܒܪ̈ܓܠܝܗܘܢ ܘܐܪܟܒܬ
5.391:11	ܛܠ̈ܝܐ ܥܠ ܚܨܝ̈ܗܘܢ ܘܦܪܚܘ ܒܐܐܪ ܥܕܡܐ ܕܦܫܘ ܟܕ ܠܐ ܡܬܚܙܝܢ
5.391:12	ܠܐܢܫ܂ ‍[‍4‍]‍ ܘܥܡ ܡܣܩܬܗܘܢ ܩܥܘ ܛܠ̈ܝܐ ܘܛܝܪ̈ܐ ܘܢܫܪ̈ܐ ܘܡܢܥܘ
5.391:13	ܠܢ ܓܨܐ ܘܟܠܫܐ ܘܛܝܢܐ ܘܠܒܬܐ ܘܟܐܦ̈ܐ ܕܒ̈ܢܝܐ ܓܝܪ ܘܦܥ̈ܠܐ
5.391:14	ܒܛܝܠܝܢ ܘܒܥܝܢ ܕܢܒܢܘܢ ܒܝܪܬܐ ܒܫܡܝܐ ܕܥܠܝ܂ ܢܓܕܬ
5.391:15	ܐܢܘܢ ܘܢܚܬܘ ܐܝܟ ܕܦܩܕܬ ܠܒܪܬ ܙܘܓܝ܂ ‍[‍1‍]‍ ܘܟܕ ܫܡܥܘ
5.391:16	ܐܬܘܪ̈ܝܐ ܐܝܠܝܢ ܕܥܪܩܘ ܠܡܨܪܝܢ ܟܠܡܐ ܕܥܒܕܬ ܗܦܟܘ
5.391:17	ܠܐܬܪ̈ܘܬܗܘܢ ܘܕܘܟܝ̈ܬܗܘܢ܀
5.391:18	‍[‍XXVII‍]‍ ܥܘܗܕܢ ܡܥܠܬܗ ܕܐܚܝܩܪ ܠܡܨܪܝܢ
5.391:19	ܠܩܕܡ ܦܪܥܘܢ ܡܠܟܐ܀
5.391:20	‍[‍1‍]‍ ܘܟܕ ܗܟܝܠ ܡܛܝܬ ܐܢܐ ܐܚܝܩܪ ܠܡܨܪܝܢ ܥܡ
5.391:21	ܚܝܠ̈ܘܬܐ ܘܐܙܠܬ ܠܬܪܥܗ ܕܦܪܥܘܢ ܡܠܟܐ ܐܛܒܘ ܠܗ