The Comprehensive Aramaic Lexicon

5.391:21	ܚܝܠ̈ܘܬܐ ܘܐܙܠܬ ܠܬܪܥܗ ܕܦܪܥܘܢ ܡܠܟܐ ܐܛܒܘ ܠܗ
5.391:22	ܘܐܘܕܥܘܗܝ ܒܝ ܘܐܡܪ ܠܗ ܕܫܕܪ ܠܟ ܣܢܚܪܝܒ ܓܒܪܐ ܐܟܡܐ
5.391:23	ܕܒܥܝܬ ܡܢܗ ܡܢܐ ܢܗܘܐ ܠܗ ܦܘܩܕܢܟ܂ ܘܦܩܕ ܦܪܥܘܢ ܡܠܟܐ
5.391:24	ܘܝܗܼܒ ܠܢ ܕܘܟܬܐ ܘܫܪܝܢ ܒܗ݀ ܐܢܐ ܘܚܝܠ̈ܘܬܐ܂ ‍[‍2‍]‍ ܘܦܩܕ
5.391:25	ܡܠܟܐ ܦܪܥܘܢ ܘܐܝܬܐܘܢܝ ܠܘܬܗ܂ ܘܟܕ ܐܬܛܝܒܬ ܩܕܡܘܗܝ
5.391:26	ܘܣܓܕܬ ܠܗ ܘܫܠܡܬ ܥܠܘܗܝ ܘܐܡܪ ܠܝ ܓܝܪ ܡ݁ܢ
5.392:01	ܫܡܟ܂ ܘܐܡܪܬ ܠܗ ܥܒܕܟ ܐܢܐ ܐܒܝܩܡ܂ ܫܘܫܡܢܐ ܡ݂ܢ ܫ̈ܘܫܡܢܐ
5.392:02	ܕܣܢܚܪܝܒ܂ ‍[‍3‍]‍ ܘܟܕ ܕܝܢ ܫܡܥ ܦܪܥܘܢ ܗܠܝܢ ܐܬܬܘܝ ܘܐܡܪ
5.392:03	ܗܟܝܠ ܒܨܝܪ ܐܢܐ ܠܘܬ ܡܪܟ ܫܕܪ ܠܝ ܫܘܫܡܢܐ ܕܢܓܝܒܢܝ܂
5.392:04	‍[‍4‍]‍ ܘܐܡܪ ܠܝ ܙܠ ܐܒܝܩܡ ܠܬܘܢܟ ܘܡܚܪ ܬܐ ܠܘܬܝ܂
5.392:05	‍[‍5‍]‍ ܘܐܙܠܬ ܘܦܩܕ ܓܝܪ ܦܪܥܘܢ ܠܟܠܗܘܢ ܪ̈ܘܪܒܢܘܗܝ ܕܟܠܟܘܢ
5.392:06	ܡܚܪ ܠܒܫܘ ܠܒܘܫܐ ܕܒܘܨܐ ܣܘܡܩܐ ܘܬܘ ܠܘܬܝ܂ ܘܟܕ ܗܘܐ
5.392:07	ܕܝܢ ܨܦܪܐ ܠܒܫ ܡܠܟܐ ܡ̈ܐܢܝ ܐܪܓܘܢܐ ܘܝܬܒ ܥܠ ܟܘܪܣܝܗ
5.392:08	ܘܟܠܗܘܢ ܣܘܢܩܠ̈ܝܛܘܗܝ ܩܡܘ ܩܕܡܘܗܝ ܘܚܕܪ̈ܘܗܝ܂
5.392:09	‍[‍6‍]‍ ܘܦܩܕ ܗܟܝܠ ܘܐܥܘܠܘܢܝ ܠܘܬܗ ܘܐܡܪ ܐܘ ܐܒܝܩܡ
5.392:10	ܠܡ݁ܢ ܕܡ݁ܐ ܐܢܐ܂ ܘܚܝ̈ܠܘܬܝ ܠܡܢܘ ܕܡ݁ܝܢ܂ ܐܡܪܬ ܠܗ ܕܝܢ
5.392:11	ܡܪܝ ܕܡܐ ܐܢܬ ܠܒܝܠ ܨܠܡܐ ܘܪ̈ܘܪܒܢܝܟ ܠܡܫܡܫ̈ܢܘܗܝ܂
5.392:12	‍[‍7‍]‍ ܘܟܢ ܐܡ݂ܪ ܠܝ ܙܠ ܐܘ ܐܒܝܩܡ ܠܬܘܢܟ ܘܡܚܪ ܬܐ ܠܘܬܝ܂
5.392:13	‍[‍8‍]‍ ܘܦܩܕ ܓܝܪ ܡܠܟܐ ܠܣܘܢܩܠܝܛܘ̈ܗܝ ܕܟܠܟܘܢ ܡܚܪ
5.392:14	ܠܒܫܘ ܠܒܘ̈ܫܐ ܚܘܪ̈ܐ ܕܢܗܘܘܢ ܡ݂ܢ ܟܬܢܐ ܘܬܘ ܠܘܬܝ܂ ܘܡܠܟܐ
5.392:15	ܬܘܒ ܠܒܫ ܠܒܘ̈ܫܐ ܚܘܪ̈ܐ ܡ݂ܢ ܬܟܠܬܐ܂ ܘܝܬܒ ܥܠ ܟܘܪܣܝܗ
5.392:16	ܘܪ̈ܘܪܒܢܘܗܝ ܩܝܡܝܢ ܩܕܡܘܗܝ܂ ‍[‍9‍]‍ ܘܦܩܕ ܕܝܢ ܡܠܟܐ
5.392:17	ܘܐܬܬܛܝܒܬ ܩܕܡܘܗܝ܂ ܘܐܡܪ ܠܝ ܓܝܪ ܐܘ ܐܒܝܩܡ ܠܡ݁ܢ
5.392:18	ܕܡ݁ܐ ܐܢܐ ܐܢܐ ܘܪ̈ܘܪܒܢܝ ܠܡܢܘ ܕܡ݁ܝܢ܂ ܐܡܪܬ ܠܗ ܕܝܢ
5.392:19	ܐܢܬ ܠܫܡܫܐ ܘܪ̈ܘܪܒܢܝܟ ܠܙܠܝܩ̈ܝ ܫܡܫܐ܂ ‍[‍10‍]‍ ܬܘܒ ܐܡ݂ܪ
5.392:20	ܠܝ ܙܠ ܠܬܘܢܟ ܘܡܚܪ ܬܐ ܠܘܬܝ܂ ‍[‍11‍]‍ ܘܦܩܕ ܓܝܪ ܡܠܟܐ
5.392:21	ܠܪ̈ܘܪܒܢܘܗܝ ܕܡܚܪ ܠܒܫܘ ܡܐܢ̈ܝ ܦܬܟܐ ܐܘܟܡܐ܂ ܘܠܒܫ
5.392:22	ܡܠܟܐ ܠܒܘܫܐ ܕܙܚܘܪܝܬܐ ܘܝܬܒ ܥܠ ܟܘܪܣܝܗ ܘܦܩܕ ܕܝܢ
5.392:23	ܘܐܬܬܛܝܒܬ ܠܘܬܗ܂ ‍[‍12‍]‍ ܘܐܡܪ ܠܝ ܓܝܪ ܠܡ݁ܢ ܕܡ݁ܐ ܐܢܐ
5.392:24	ܐܢܐ ܘܪ̈ܘܪܒܢܝ ܠܡܢܘ ܕܡܝܢ܂ ܐܡܪܬ ܠܗ ܕܡ݁ܐ ܐܢܬ ܠܣܗܪܐ
5.392:25	ܘܪ̈ܘܪܒܢܝܟ ܕܡ݁ܝܢ ܠܟܘܟ̈ܒܐ ܢܗܝܪ̈ܐ܂ ‍[‍13‍]‍ ܐܡ݁ܪ ܕܝܢ ܙܠ ܠܬܘܢܟ
5.393:01	ܘܡܚܪ ܬܐ ܠܘܬܝ܂ ‍[‍14‍]‍ ܘܦܩܕ ܓܝܪ ܡܠܟܐ ܠܪ̈ܘܪܒܢܘܗܝ
5.393:02	ܕܡܚܪ ܠܒܫܘ ܡ̈ܐܢܝ ܦܬܟܐ ܡ݂ܢ ܟܠ ܓܘܢܐ ܘܫܝܘܬܐ
5.393:03	ܘܘ̈ܐܠܝ ܗܝܟܠܐ ܢܗܘܘܢ ܣܘܡ̈ܩܐ܂ ܡܠܟܐ ܕܝܢ ܠܒܫ ܠܒܘܫܐ
5.393:04	ܕܦܪܦܝܪܐ ܘܝܬܒ ܥܠ ܟܘܪܣܝܗ ܘܦܩܕ ܕܝܢ ܘܐܥܠܘܗܝ ܠܘܬܗ܂
5.393:05	‍[‍15‍]‍ ܘܐܡܪ ܠܝ ܐܒܝܩܡ ܠܡܢܘ ܕܡ݁ܐ ܐܢܐ܂ ܘܪ̈ܘܪܒܢܝ ܠܡܢܘ
5.393:06	ܕܡ݁ܝܢ܂ ܐܡܪܬ ܠܗ ܓܝܪ ܕܡܐ ܐܢܬ ܠܝܪܚ ܢܝܣܢ ܘܪ̈ܘܪ‍[‍ܒܢܝܟ
5.393:07	ܕܡ݁ܝܢ ܠܗܒܒ̈ܘܗܝ ܘܦܩܚܝ̈ܗܘܢ܂ ‍[‍16‍]‍ ܘܟܕ ܫܡܥ ܕܝܢ
5.393:08	ܡܠܟܐ ܗܠܝܢ ܚܕܝ ܚܕܘܬܐ ܪܒܬܐ ܘܐܡܪ ܠܝ܃ ܐܘ ܐܒܝܩܡ
5.393:09	ܕܡܝܬܢܝ ܠܒܝܠ ܨܠܡܐ ܘܪ̈ܘܪܒܢܝ ܠܡܫܡܫ̈ܢܘܗܝ ܘܙܒܢܬܐ
5.393:10	ܕܝܢ ܬܪܝܢܝܬܐ ܕܡܝܬܢܝ ܒܫܡܫܐ ܘܪ̈ܘܪܒܢܝ ܒܙܠܝܩ̈ܘܗܝ܂
5.393:11	ܘܙܒܢܬܐ ܬܠܝܬܝܬܐ ܒܣܗܪܐ ܘܕܚܫ̈ܝ ܒܟܘܟ̈ܒܐ ܘܙܒܢܬܐ
5.393:12	ܪܒܝܥܝܬܐ ܕܡܝܬܢܝ ܒܢܝܣܢ ܘܕܚܫ̈ܝ ܒܗܒܒ̈ܘܗܝ ܘܦܩܚܘ̈ܗܝ܂
5.393:13	ܒܪܡ ܕܝܢ ܐܡܪ ܠܝ܃ ܣܢܚܪܝܒ ܡܪܟ ܠܡܢܘ ܕܡܐ ܘܪ̈ܘܪܒܢܘܗܝ
5.393:14	ܠܡܢܘ ܕܡܝܢ܂
5.393:15	‍[‍XXVIII‍]‍ ‍[‍1‍]‍ ܗܝܕܝܢ ܗܟܝܠ ܩ݁ܥܝܬ ܘܐܡ݁ܪܬ ܠܗ ܚܣ ܠܝ
5.393:16	ܕܐܥܗܕ ܫܡ ܡܪܝ ܡܠܟܐ ܘܐܢܬ ܝܬܒ ܥܠ ܟܘܪܣܝܟ܂ ܐܠܐ ܩܘܡ
5.393:17	ܥܠ ܪ̈ܓܠܝܟ܂ ܘܐܡܪܢܐ ܠܟ ܠܡܢܘ ܕܡܐ ܡܪܝ ܡܠܟܐ܂ ܗܝܕܝܢ
5.393:18	ܓܝܪ ܩܡ ܡܠܟܐ ܡ݂ܢ ܟܘܪܣܝܗ ܘܟܢ ܐܡܪܬ ܠܗ ܡܪܝ ܣܢܚܪܝܒ
5.393:19	ܕܡܐ ܠܫܘܠܛܢܐ ܕܪܘܚܐ ܘܪ̈ܘܪܒܢܘܗܝ ܠܒܪܩܐ܂ ܘܟܕ ܕܝܢ ܨ݁ܒܐ
5.393:20	ܢܫ̈ܒܢ ܪ̈ܘܚܐ ܘܢܚܬ ܡܛܪܐ ܘܓܒܠ ܛܝܢܐ ܘܦܩܕ ܬܘܒ