The Comprehensive Aramaic Lexicon

05:01	ܕܐܪܒܬܥܣܪ܂ ܟܪ̈ܣܬܐ ܒܣܬܘܐ ܘܒܬܐܕܐܐ ܛܒ ܚܡܝ̈ܡܢ ܟܝܢܐܝܬ܂ ܘܫܢܬܐ ܛܒ
05:02	ܐܪܝܟܐ܂ ܒܗܠܝܢ ܡܕܝܢ ܙܒܢ̈ܐ ܘܐܦ ܣܝܒܪ̈ܬܐ ܕܝܬܝܪ ܣܓܝ̈ܐܢ ܙ݁ܕܩ ܠܡܬܠ܂ ܐܦ ܓܝܪ
05:03	ܚܡܝܡܐ ܣܓܝ ܒܗܘܢ܂ ܘܒܕܓܘܢ ܘܥܠ ܣܝܒܪܬܐ ܕܝܬܝܪ ܣܓܝܐܐ ܣܢܝ݂ܩ ܫܘܘܕܥܐ
05:04	ܕܝܢ ܩܘܡ̈ܬܐ ܘܐܬܠܝ̈ܛܐ
05:05	ܕܚܡܫܬܥܣܪ܂ ܕܘܒܪ̈ܐ ܪ̈ܛܝܒܐ ܠܟܠܗܘܢ ܐܝܠܝܢ ܕܐܚܝܕܝܢ ܒܐܫܬܘ̈ܬܐ ܡܗܢܝܢ܃
05:06	ܘܝܬܝܪܐܝܬ ܠܛܠܝ̈ܐ܂ ܘܠܗ݀ܢܘܢ ܐܚܪ̈ܢܐ ܕܗܟܢܐ ܡܥܕܝܢ ܠܡܬܕܒܪܘ܂
05:07	ܕܐܫܬܥܣܪ܂ ܘܠܡܢܗܘܢ ܚܕܐ ܙܒܢ ܐܘ݁ ܬܪ̈ܬܝܢ܂ ܐܘ݁ ܣܓܝ܂ ܐܘ ܒܨܝܪ܂ ܐܘ݁ ܒܩܠܝܠ
05:08	ܩܠܝܠ܂ ܙ݁ܕܩ ܕܝܢ ܕܢܬܠ ܡܕܡ ܘܠܙܒܢܐ ܕܫܢܬܐ ܘܠܥܝܕܐ ܘܠܩܘܡܬܐ܂

05:09	ܕܫܒܬܥܣܪ܂ ܒܩܝܛܐ ܕܝܢ ܘܒܬܫܪ̈ܝܬܐ ܛܒ ܥܣܩܐܝܬ ܡܣܝܒܪܝܢ ܠܡܐܟ̈ܠܬܐ܂

05:10	ܒܣܬܘܐ ܕܝܢ ܛܒ ܦܫܝܩܐܝܬ܂ ܘܒܬܐܕܐܐ ܬܪܝܢܐܝܬ܂
05:11	ܕܬܡܢܥܣܪ܂ ܠܐܝܠܝܢ ܕܗ݀ܘܝܢ ܠܗܘܢ ܥܕܝ̈ܐ ܒܚܘܕܪ̈ܐ ܠܐ݁ ܙ݁ܕܩ ܠܡܬܠ ܡܕܡ܂ ܐܦܠܐ
05:12	ܠܡܐܠܨ ܐܢܘܢ܂ ܐܠܐ ܠܡܒܨܪܘ ܡܢ ܬܘܣ̈ܦܬܐ ܩܕܡ ܒܘܚܪ̈ܢܐ܂
05:13	ܕܬܫܬܥܣܪ܂ ܠܐܝܠܝܢ ܕܡܬܒܚܪܝܢ ܘܒܚܝܪܝܢ ܡܫܡܠܝܐܝܬ܃ ܠܐ ܙ݁ܕܩ ܕܢܙܝܥ܂ ܐܦܠܐ
05:14	ܕܢܥܒ݂ܕ ܡܕܡ ܚܕܬ܂ ܠܐ ܒܣܡܡ̈ܢܐ ܡܢܦܨܢ̈ܐ ܐܦܠܐ ܒܚܘܬܚ̈ܬܐ ܐܚܪ̈ܢܐ܂ ܐܠܐ
05:15	ܠܡܫ݂ܒܩ܂
05:16	ܕܥܣܪܝܢ܂ ܠܐܝܠܝܢ ܕܙ݁ܕܩ ܠܡܝܬܝܘ ܠܐܝܟܐ ܕܨܠܝܢ ܝܬܝܪܐܝܬ ܙܕܩ ܠܡܝܬܝܘ ܒܝܕ ܕܘܟܝ̈ܬܐ
05:17	ܕܠܚ̈ܡܢ܂
05:18	ܕܟܐ܊܂ ܠܕܒܫܝ̈ܠܢ ܙܕܩ ܠܡܩܪܒܘ ܣܡܐ ܐܘ ܠܡܙܥܘ܃ ܘܠܘ ܠܕܚ̈ܝܐܢ ܐܦܠܐ ܒܫܘܪܝܐ
05:19	ܐܢܗܘ ܕܠܐ ܥܗܪ̈ܢ܂ ܐܝܟ ܕܒܣܘܓܐܐ ܕܝܢ ܠܐ ܥܗܪ̈ܢ܂
05:20	ܕܥܣܪܝܢ ܘܬܪܝܢ܂ ܠܐܝܠܝܢ ܕܡܣܬܦ̈ܩܢ ܠܘ ܒܣܓܝܐܘܬܗܝܢ ܙܕܩ ܠܡܫܬܘܕܥܘ ܐܢܝ̈ܢ܂
05:21	ܐܠܐ ܟܠ ܟܡܐ ܕܡܣ̈ܬܦܩܢ ܐܝܠܝܢ ܕܙܕܩ ܕܢܣܬܦ̈ܩܢ ܘܦܫܝܩܐܝܬ ܡܣܝܒܪܝܢ ܟܪ̈ܝܗܐ
05:22	ܠܣܘܦܩܗܝܢ܂ ܘܟܪ ܕܘ݁ܠܐ ܐܦ ܥܕܡܐ ܠܥܘܝܦܐ ܙܕܩ ܠܡܣܲܦܩܘ܂ ܘܗܕܐ ܠܡܣܥܪ ܐܢܗܘ
05:23	ܕܛ݁ܥܢ ܟܪܝܗܐ܂
05:24	ܕܥܣܪܝܢ ܘܬܠܬܐ܂ ܒܟܘܪ̈ܗܢܐ ܚܪ̈ܝܦܐ܃ ܙܒܢ̈ܝܢ ܙܥܘܪ̈ܝܢ܃ ܘܒܫܘܪܝܐ ܙܕܩ ܕܢܬܚ݁ܫܚ
05:25	ܒܣܡ̈ܡܢܐ ܡܢܦ̈ܨܢܐ܂ ܘܗܕܐ ܙܕܩ ܠܟ ܠܡܣܥܪ ܟܕ ܩ݁ܕܡ ܐܢܬ ܡܣܲܩܡ ܐܢܬ ܫܦܝܪ܂
05:26	ܕܥܣܪܝܢ ܘܐܪܒܥܐ܂ ܐܢܗܘ ܕܐܝܠܝܢ ܕܙܕܩ ܕܢܬܕ̈ܟܝܢ ܡܬܕܟ̈ܝܢ܃ ܡ̈ܗܢܝܢ ܟܝܬ ܘܕܠܝܠܐܝܬ
05:27	ܡܣܝܒܪܝܢ ܠܗܝܢ܂ ܠܗܢܝܢ ܕܝܢ ܕܕܠܩܘܒܠܐ ܥܣܩܐܝܬ܂
05:28	ܫܠܡ ܦܣܩܐ ܩܕܡܝܐ ܕܐܦܘܪ̈ܝܣܡܘ ܕܚܟܝܡܐ
05:29	ܐܦܘܩܪܛܝܣ ܘܫܘܒܚܐ ܠܗ݀ܘ ܕܝܗܒ
05:30	ܡܕܥܐ ܠܚܟܝܡܐ܂