The Comprehensive Aramaic Lexicon

191:24	ܩܦܠܐܘܢ ܕܬܠܬܐ ܕܡܐܡܪܐ ܗ̄ ܥܡ ܐܠܗ ܕܡܚܟܡ܂ ܥܠܗ݀ܝ ܕܐܝܟܢ ܐܝ݂ܬܝܗܝܢ ܡܘܙܠ̈ܬܐ܂ ܘܐܝܟܢ ܐܣܝܪ̈ܢ
192:01	ܒܚܕ̈ܕܐ܂ ܘܟܡܐ ܐܢ̈ܝܢ܂ ܗ݀ܘ ܒܪܘܝܐ ܚܟܝ݂ܡܐ ܕܒܪܝܗܝ ܠܒܪܢܫܐ ܒܨܠܡܗ ܘܕܡܘ݂ܬܗ܂ ܣ݂ܡ ܒܟܝ݁ܢܗ ܗܘܢܐ
192:02	ܘܣܘ݂ܟܠܐ ܘܡܕܥܐ ܕܢܕܪܟ ܘܢܕܥ ܣ݁ܓܝ ܬܗܝ݂ܪ̈ܬܐ ܘܥܡܝ݂ܩ̈ܬܐ ܘܠܘ ܒܠܚܘ݂ܕ ܗ݀ܠܝܢ ܕܚ݁ܙ̈ܝܢ ܥܝܢ̈ܘܗܝ
192:03	ܒܪ̈ܝܬܐ܂ ܘܫ݁ܡܥ̈ܢ ܐܕ̈ܢܘܗܝ ܘܓܫ̈ܢ ܐܝ݂ܕ̈ܘܗܝ܂ ܐܠܐ ܒܪ̈ܓܫܘ̄ ܓܘܝ̈ܐ ܦܪܫ݁ ܘܡ݂ܣܬ݁ܟܠ ܟܣ̈ܝܬܐ ܘܓܢܝ݂ܙ̈ܬܐ
192:04	ܕܒܗ݀ܘ ܟܝ݁ܢܐ ܪܘ݂ܚܢܝܐ ܕܢܦܫܗ ܚܝܬܐ ܘܡܠܝ݂ܠܬܐ ܘܝܕܘܥܬܢܝ݂ܬܐ܃ ܘܫܦܝܬ݁ ܒܟܝ݁ܢܗ݀ ܘܩܛܝ݂ܢܬܐ
192:05	ܡ݂ܢ ܢ݂ܣܝ݁ܢܐ ܝ݂ܠܦ ܟܠܡܕܡ܂ ܘܡ݂ܢ ܓܠ̈ܝܬܐ ܝ݂ܕܥ ܟܣ̈ܝܬܐ܂ ܘܡ݂ܢ ܒܪܝ݂ܬܐ ܓܠܝ݂ܬܐ ܐܕܪܟ ܘܐܫܬ݁ܘܕܥ ܠܒܪܘܝܐ
192:06	ܟܣܝܐ܀ ܒܗ ܒܙܢܐ ܗ݀ܢܐ ܟܕ ܐܬܒܩܝ݂ ܒܪܢܫܐ ܒܟܪܘ݂ܟܝܐ ܕܡܘܙܠܬܐ ܗܕܐ ܬܗܝ݂ܪܬܐ ܘܢܣܝ݂
192:07	ܠܫܘ݂ܚܠ̈ܦܝܗ݀ ܣ݁ܓܝ̈ܐܐ܂ ܘܦܚܡ ܒܝ݂ܕܥܬܐ ܩܛܝ݂ܢܬܐ܂ ܒܗܘܢ ܕܐܝܬ ܠܗ ܡ݂ܢ ܒܪܘܝܗ܂ ܩ݂ܡ ܢܗܝ݂ܪܐܝ݂ܬ
192:08	ܥܠ ܟܠܗ ܛܘ݂ܟܣܐ ܬܗܝ݂ܪܐ ܕܟܪܘ݂ܟܝܗ݀ ܕܡܘܙܠܬܐ ܗܕܐ ܫܒܝ݂ܚܬܐ܂ ܘܐܫ݂ܬ݁ܪܪܢܢ ܡ݂ܢ ܣܩܘ݂ܒܠܝܘ݂ܬܐ
192:09	ܘܫܘ݂ܚܠ̈ܦܐ ܕܓܕ݁ܫܝܢ ܒܗ݀ ܕܠܘ ܚܕܐ ܗ݀ܝ ܒܠܚܘ݂ܕ܂ ܐܠܐ ܣ݁ܓܝ̈ܐܬܐ܂ ܘܠܘ ܒܚܕܐ ܐܬܪܐ ܐܠܐ ܒܡܕܝܪ̈ܐ
192:10	ܣ݁ܓܝ̈ܐܐ ܡܛܟܣܐ ܠܒܪܘ݂ܝܐ ܚܟܝ݂ܡܐ ܘܗ݀ܠܝܢ ܡܪ̈ܢܝܬܐ ܕܐܚܝ݂ܕ̈ܢ ܠܟܠܗܘܢ ܡܕܝܪ̈ܐ܃ ܐܝ݂ܬܝܗܝܢ ܬܪ̈ܬܝܢ
192:11	ܕܡܥܪ̈ܙܠܝܢ ܘܪ̈ܟܝ݂ܒܢ ܥܠ ܚܕ̈ܕܐ܂ ܘܐܣܝܪ̈ܢ ܬܘ݂ܒ ܒܚܕܕ̈ܐ ܒܬܗ݂ܪܐ ܪܒܐ܂ ܘܠܐ ܡܬ݂ܥܪܩܠ ܗ݀ܘ ܥܘ݂ܪܙܠܐ
192:12	ܘܐܣܝ݂ܪܘ݂ܬܐ ܕܒܚܕ̈ܕܐ܂ ܐܠܐ ܒܛܟ݂ܣܐ ܘܡܫܘ݂ܚܬܐ ܪܕܐ܂ ܘܠܘ ܒܚܕܐ ܕܘ݂ܟܐ ܡܩܘܐ ܗ݀ܘ ܥܘ݂ܪܙܠܐ ܘܕܘ݂ܟܬ݁
192:13	ܐܣܪܗܘܢ ܕܒܚ̈ܕܕܐ܂ ܐܠܐ ܐܝ݂ܬ ܠܗ ܢ݁ܡܘ݁ܣܐ ܟܣܝܐ ܕܡܬܝ݂ܕܥ ܚܬܝ݂ܬܐܝ݂ܬ ܒܟܝ݁ܢܐ ܘܡܫܘ݂ܚܬܐ ܘܡ݂ܢܝ݁ܢܐ
192:14	ܕܠܐ ܡܫ݂ܬܚܠܦ ܘܠܗܕܐ ܝ݂ܕܥܬܐ ܕܟܣܝܘ݂ܬܐ ܘܓܢܝ݂ܙܘ݂ܬ ܡܕܡ ܕܠܐ ܡܬ݂ܚܙܐ ܝ݂ܠ݂ܦܢܗ݀ ܡ݂ܢ ܢܣܝ̈ܢܐ ܣ݁ܓܝ̈ܐܐ
192:15	ܕܐܩܠܦܣܝܣ ܐܘܟܝ݂ܬ ܚܫ݂̈ܟܐ ܕܓܕܫܝܢ ܠܫܡ݂ܫܐ ܘܠܣܗܪܐ܂ ܘܠܗ݀ܠܝܢ ܡ݂ܢ ܠܬ݂ܚܬ ܡܢܗܪܝܢܢ ܢܗܝܪܐܝ݂ܬ܀
192:16	ܘܒܗܠܝܢ ܫܠܡ ܩܦܠܐܘܢ ܕܬܠܬܐ ܒܝܕ ܐܠܗܐ ܕܚܝܠ ܘܥܕܪ܀
192:17	ܩܦܠܐܘܢ ܕܐܪܒܥܐ ܕܡܐܡܪܐ ܕܗ̄ ܒܝܕ ܐܠܗ ܕܡܚܟܡ܂ ܥܠܗ݀ܝ ܕܐܢ ܐܝ݂ܬ ܡܕܡ ܟܣܝܐ ܕܠܐ ܡ݂ܬܚܙܐ ܠܥܝ̈ܢܐ
192:18	ܒܡܘܙ̈ܠܬܐ ܗ݀ܠܝܢ܂ ܘܡ݂ܢ ܟܠܦܪܘ݁ܣ ܐܝ݂ܬܘܗܝ ܘܐ݁ܠܨܐ ܕܢܬ݂ܝ݂ܕܥ܃ ܡ݂ܢ ܢܣܝ݁ܢܐ ܘܕܘ݂ܪܫܐ ܕܣ݁ܓܝ݂ܐܘ݂ܬܐ ܕܙܒܢ̈ܐ
192:19	ܘܡܬ݂ܚܐ ܕܫܢ̈ܝܐ܂ ܐܕܪܟܢܢ ܚܬܝ݂ܬܐܝ݂ܬ ܚܢܢ ܒܢܝ̈ܢܫܐ܂ ܕܐܝ݂ܬ ܒܡܘܙ̈ܠܬܐ ܗܠܝܢ ܬܚܘ݂̈ܡܐ ܘܦܘ݂ܠ̈ܓܐ
192:20	‍<‍ܘ‍>‍ܕܘ݂ܟܝ̈ܬܐ ܘܐܣܪ̈ܐ ܘܩ݂ܛܪ̈ܬܐ܂ ܕܡ݂ܢ ܟܠܦܪܘ݁ܣ ܐ݁ܠܨܐ ܠܢ ܕܢ݁ܕܥ ܐܢܝܢ܂ ܐܝܟܢܐ ܕܢܩܘ݂ܡ ܥܠ ܝ݂ܕܥܬܐ ܕܙܒ̈ܢܐ ܘܟܪܘ݂ܟܝܐ
192:21	ܕܫܢ̈ܝܐ ܘܬܚܘ݂ܡܐ ܕܝܪ̈ܚܐ ܘܫܒ̈ܐ ܘܝܘܡ̈ܬܐ ܘܣܛܪ܂ ܐܬܦܠܓܬ݁ ܗ݀ܟܝܠ ܟܠܗ݀ ܡܘܙܠܬܐ ܚܘܕܪܢܐܝܬ ܠܬܪ̈ܥܣܪ
192:22	ܒܘܪ̈ܓܐ܂ ܗ݀ܢܘܢ ܕܡܬܩܪܝܢ ܙܘܕ̈ܝܐ ܐܘܟܝ݂ܬ ܡܠ̈ܘܫܐ܂ ܘܐܬܬܣܝ݂ܡ ܠܗܘܢ ‍<‍ܫܡ̈ܗܐ ܡܢ‍>‍ ܡܥܒܕܢܘܬܐ ܡܕܡ ܟܝ݁ܢܝ݁ܬܐ ܕܐܝ݂ܬ
192:23	ܒܕܘ݂̈ܟܝܬܐ ܗ݀ܠܝܢ܂ ܘܬܘ݂ܒ ܡ݂ܢ ܛܘ݂ܝܒܐ ܕܩܒܝ݂ܥܘ݂ܬ ܟܘܟ̈ܒܐ܃ ܕܐܝ݂ܬܝܗܘܢ ܗ݀ܠܝܢ܀ ܩܕܡܐܝܬ ܐܡܪܐ ܠܢܝ݂ܣܢ
193:01	ܝܪܚܐ܂ ܡܛܠ ܕܒܗ ܪܕܐ ܫܡܫܐ ܒܝܪܚܐ ܕܢܝ݂ܣܢ܀ ܕܬܪ̈ܬܝܢ ܬܘܪܐ ܠܝܪܚܐ ܕܐܝܪ܀ ܕܬܠܬܐ ܬܐܡ̈ܐ ܠܝܪܚܐ ܕܚܙܝܪܢ܂
193:02	ܗ݀ܠܝܢ ܐܝ݂ܬܝܗܘܢ ܕܙܒܢܐ ܬܐܕܢܝܐ܀ ܕܐܪܒܥܐ ܣܪܛܢܐ ܠܝܪܚܐ ܕܬܡܘܙ܀ ܕܚܡܫܐ ܐܪܝܐ ܠܝܪܚܐ ܕܐܒ܀ ܕܐܫܬܐ
193:03	ܫܒܠܬܐ ܠܝܪܚܐ ܕܐܝܠܘܠ܂ ܘܗܠܝܢ ܬܘ݂ܒ ܬܠܬܐ ܠܙܒܢܐ ܩܝܛܝܐ܀ ܕܫܒܥܐ ܩܢܝ‍<‍ܫ‍>‍ܠܡܐ ܕܗ݂ܘ ܡܣܐܬܐ ܠܝܪܚ
193:04	ܬܫܪܝܢ ܩܕܝ݂ܡ܀ ܕܬܡܢܝܐ ܥܩܪܒܐ ܠܝܪܚ ܬܫܪܝܢ ܐܼܚܪܝ܀ ܕܬܫܥܐ ܟܫܛܐ ܠܝܪܚ ܟܐܢܘܢ ܩܕܝ݂ܡ܀ ܘܗܠܝܢ ܬܘ݂ܒ
193:05	ܬܠܬ ܠܙܒܢܐ ܕܬܫܪ̈ܝܬܐ܀ ܕܥܣܪܐ ܓܕܝܐ ܠܝܪܚ ܟܐܢܘܢ ܐܼܚܪܝ܀ ܕܚܕ ܥܣܪ ܕܘܠܐ ܠܝܪܚ ܫܒܛ܀ ܕܬܪܥܣܪ
193:06	ܢܘܢܐ ܠܝܪܚܐ ܕܐܕܪ܂ ܗܠܝܢ ܬܠܬ ܠܙܒܢܐ ܣܬܘܝܐ܀ ܘܗ݀ܠܝܢ ܬܪܥܣܪ ܡܠܘܫ̈ܐ܃ ܡܣܝܟܝܢ ܠܟܠܗ ܚܘ݂ܕܪܐ
193:07	ܕܡܬ݂ܟܪܟܢܘ݂ܬܐ ܕܡܘܙܠܬܐ܂ ܐܘܪܟܗܘܢ܃ ܡܬ݂ܚܫ݂ܒ ܥܡ ܓܠܝ݂ܠܘ݂ܬܗ݀ ܕܡܘܙܠܬܐ܂ ܘܦܬܝܗܘܢ܃ ܡܢ ܠܥܠ ܥܕܡܐ
193:08	ܠܬܚܬ܂ ܐܝ݁ܟܢ ܕܢܗ݂ܘܐ ܐܚܝ݂ܕ ܒܟܠܗܘܢ ܡܕܝܪ̈ܐ܂ ܐܘܟܝ݂ܬ ܪ̈ܩܝܥܐ ܕܫܡ݁ܝܐ܂ ܘܡ݂ܢ ܠܥܠ ܡ݁ܢ ܣ݁ܓܝ݂ ܡܬܝ݂ܚ ܘܟܡܐ
193:09	ܕܢ݁ܚܬ ܐܠܝ݂ܨ ܘܙܥܘܪ܂ ܐܟܡܐ ܕܐܝ݂ܬܘܗܝ ܛܘ݂ܦܣܗ݀ ܕܓܝ݂ܓܠܐ ܕܚܘ݂ܕܪܗ݀ ܒܪܝܐ ܪܘܝ݂ܚ܂ ܘܟܡܐ ܕܥ݁ܐܠ ܠܓܘ ܐܠܝ݂ܨ
193:10	ܥܕܡܐ ܠܗ݀ ܠܩܢܛܪܘܢ ܐܘܟܝ݂ܬ ܢܘ݂ܩܙܬܐ ܕܒܡܨܥܬܐ܂ ܘܟܠ ܚܕ ܙܘܕܝܘܢ ܐܘܟܝܬ ܡܠܘ݂ܫܐ܃ ܐܬܦܲܠܓ ܠܡܢܘ̈ܬܐ ܬܠ̈ܬܝܢ܂
193:11	ܘܟܠܚܕܐ ܡܢ݁ܬܐ ܐܬܦܠܓܬ݁ ܠܩܛܝ݂ܢ̈ܝܬܐ ܐܫܬܝܢ܂ ܘܟܠܚܕܐ ܩܛܝ݂ܢܬܐ ܬܘ݂ܒ ܐܬܦܠܓܬ݁ ܠܬܪ̈ܝܢܝܬܐ ܐܫܬܝܢ܂
193:12	ܘܟܠ ܬܪܝܢܝܬܐ ܚܕܐ ܠܬܠܝܬ̈ܝ݁ܬܐ ܐܫܬܝܢ܂ ܗܟܢܐ ܟܡܐ ܕܡ݂ܨܝܐ܂ ܡܛ݁ܠ ܡܬܝ݂ܚܘ݂ܬܗ݀ ܣ݁ܓܝ݂ܐܬܐ ܕܡܘܙܠܬܐ܀
193:13	ܘܡ݂ܬܦܠܓ ܬܘ݂ܒ ܟܠ ܚܕ ܡܠܘܫܐ ܠܕܩܢ̈ܣܐ ܬܠܬܐ܂ ܗ̄ ܦܪ̈ܨܘ݂ܦܐ܂ ܘܟܠ ܦܪܨܘ݂ܦܐ ܐܘܟܝ݂ܬ ܕܩܢܣܐ܃ ܐܝ݂ܬܘ̄
193:14	ܡܢܘ̈ܬܐ ܐܘܟܝ݂ܬ ܕܪ̈ܓܐ ܥܣܪܐ܂ ܘܡܦܠܓܝ݂ܢ ܐܦ ܠܚܡܫܐ ܬܚܘ̈ܡܐ ܟܠ ܡܠܘܫܐ܂ ܘܬܚܘ̈ܡܐ ܠܐ ܫ݁ܘܝܢ܂ ܐܠܐ ܐܝ݂ܬ
193:15	ܬܚܘ݂ܡܐ ܕܐܝ݂ܬܘ̄ ܬܡܢܝܐ ܕܪ̈ܓܐ ܐܘܟܝ݂ܬ ܡܢܘ̈ܬܐ܂ ܘܐܝ݂ܬ ܬܚܘ݂ܡܐ ܕܐܝ݂ܬܘܗܝ ܫܒܥܐ ܕܪ̈ܓܐ܂ ܘܐܝ݂ܬ ܬܚܘ݂ܡܐ
193:16	ܕܐܝ݂ܬܘܗܝ ܫܬܐ ܕܪ̈ܓܐ܂ ܘܐܼܚܪܢܐ ܚܡܫܐ܂ ܘܐܪܒܥܐ܂ ܐܟܡܐ ܕܛܟܣܘ ܩܕ̈ܡܝܐ ܕܐܬܕܪܫܘ ܣ݁ܓܝ݂ ܒܚܘ݂ܫܒܢܗ݀
193:17	ܕܡܘܙܠܬܐ܂ ܐܝ݂ܬ ܬܘ݂ܒ ܒܡܘܙܠܬܐ ܕܘܟ̈ܝܬܐ ܬܪ̈ܬܝܢ܂ ܕܐܝ݂ܬܝܗܝܢ ܐܣܪ̈ܐ ܐܘܟܝ݂ܬ ܩ݂ܛܪ̈ܬܐ܂ ܐܝܟܐ ܕܡܥܪ̈ܙܠܢ
193:18	ܐܘܟܝ݂ܬ ܪ̈ܟܝ݂ܒܢ ܬܪ̈ܬܝܢ ܡܘܙ̈ܠܬܐ ܥܠ ܚܕ̈ܕܐ܂ ܘܐܝ݂ܬܝܗܝܢ ܩ݂ܛܪ̈ܬܐ ܠܘ݂ܩܒܠ ܚܕ̈ܕܐ ܕܝܐܡܛܪܐܝ݂ܬ ܫܘܝܐܝܬ ܐܝܟ
193:19	ܟܢܘ݂ܢܬܐ ܣܝ݂̈ܡܢ ܠܘ݂ܩܒܠ ܚܕ̈ܕܐ܂ ܘܐܝ݂ܬ ܒܝܬ ܚܕܐ ܠܐܚܪܬܐ ܐܫܬܐ ܡܠܘ̈ܫܐ܂ ܐܘܟܝ݂ܬ ܡܢܘ̈ܬܐ ܕܗ݀ܢܘܢ
193:20	ܕܪ̈ܓܐ ܩ̄ܦ̄ ܡ݂ܢ ܗܢܐ ܓܒܐ܂ ܘܗܟܘܬ ܐܫܬܐ ܡܠܘ݂̈ܫܐ ܐܼܚܪ̈ܢܐ ܡ݂ܢ ܓܒܐ ܐܚܪܢܐ܂ ܐܝ݁ܟܢ ܕܢܗ݂ܘܐ ܦܠܓܗ ܕܚܘ݂ܕܪܐ
193:21	ܕܡܘܙܠܬܐ ܒܝܢܬ ܩ݂ܛܪ̈ܬܐ ܗ݀ܠܝܢ ܫܘܝܐܝܬ܃ ܘܡ݂ܬܩܪܝܐ ܚܕܐ ܩܛܪܬܐ ܕܪܝ݂ܫܗ ܕܬܢܝ݂ܢܐ܂ ܐܘܟܝ݂ܬ
194:01	ܐܢܐܒܝܒܙܘܢ܂ ܘܐܼܚܪܬܐ ܩܛܪܬܐ ܕܕܘ݂ܢܒܗ ܕܬܢܝ݂ܢܐ ܘܡܬܩܪܐ ܩܛܐܒܝܒܙܘܢ܂ ܗ݀ܠܝܢ ܐܝ݂ܬܝܗܝܢ ܕܘ݂ܟ̈ܝܬܐ ܐ̈ܠܝ݂ܨܬܐ
194:02	ܒܡܲܘܙܠܬܐ ܕܠܥܝ̈ܢܐ ܠܐ ܡܬ݂ܚ̈ܙܝܢ܂ ܐܠܐ ܒܗܘܢܐ ܡܬ݂ܢܣ̈ܒܢ ܘܡ݂ܢ ܟܠܦܪܘ݁ܣ ܐܝ݂ܬܝܗܝܢ܂ ܘܐܡ݂ܬܝ ܕܡ݂ܬܟܝܢܝܢ
194:03	ܒܚܕ ܡܢ݂ܗܘܢ ܫܡ݂ܫܐ ܘܣܗܪܐ ܒܣܘܢܢܕܘ݁ܣ܃ ܗ݀ܘܝܐ ܐܩܠܦܣܝܣ ܕܫܡܫܐ܂ ܘܐܡ݂ܬܝ ܕܡܬܟܲܝܲܢ ܫܡܫܐ
194:04	ܒܚܕܐ ܘܣܗܪܐ ܒܐܚܪܬܐ ܒܦܢܣܝܼܠܝܼܢܘܣ ܐܘܟܝ݂ܬ ܡܲܠܝܘ݂ܬܗ݀ ܕܣܗܪܐ ܗ݀ܘܝܐ ܐܩܠܦܣܝܣ ܕܣܗܪܐ܂
194:05	ܘܠܗ݀ܠܝܢ ܡܚܘܝܢܢ ܢܗܝ݂ܪܐܝܬ ܡ݂ܢ ܠܬ݂ܚܬ܀ ܗ݀ܠܝܢ ܟܠܗܝܢ ܕܐܡ݂ܪܢܢ܂ ܗ̄ ܦܘܠܓܐ ܕܬܪܥܣܪ ܡܠ̈ܘܫܐ܂ ܘ‍{‍ܕܠ‍}‍‍<‍ܝܠܕ̈‍>‍ܘܗܝ
194:06	ܕܩܢ̈ܣܐ ܐܘܟܝ݂ܬ ܦܪ̈ܨܘ݂ܦܐ܂ ܘܬܚܘ݂̈ܡܐ ܕܒܟܠ ܚܕ ܡ݂ܢ ܡܠܘ̈ܫܐ ܘܟܡܝܘ݂ܬܗ݀ ܕܡܢ݁ܬܐ ܐܘܟܝ݂ܬ ܕܪܓܐ܂ ܗܟܘܬ
194:07	ܘܕܩܛܝ݂ܢܬܐ ܘܕܬܪܝܢܝܬܐ ܘܣܛܪ ܘܩ݂ܛܪ̈ܬܐ ܗ݀ܠܝܢ ܕܪܝ݂ܫܗ ܕܬܢܝ݂ܢܐ ܘܕܕܘ݂ܢܒܗ ܥܡ ܫܪܟܐ ܕܕܘ݂ܟ̈ܝܬܐ
194:08	ܐܚܪ̈ܢܝܬܐ ܕܐܝ݂ܬ ܒܡܘܙܠܬܐ ܘܠܐ ܡܬ݂ܚܙ̈ܝܢ܂ ܐܦܠܐ ܡ݂ܢ ܚ݂ܙܬܐ ܕܥܝ̈ܢܐ ܡܬ݂ܝܕ̈ܥܢ܃ ܐܠܐ ܒܗܘܢܐ ܡܬ݂ܢܣ̈ܒܢ܂
194:09	ܘܡ݂ܢ ܚܘ݂ܫܒܢܐ ܚܪܝ݂ܩܐ ܘܡܬܚܡܐ ܡ݂ܬܝܕ̈ܥܢ ܘܡܬ݂ܝܠ̈ܦܢ ܚܬܝ݂ܬܐܝ݂ܬ ܘܕܠܐ ܦܘܕܐ ܣܟ ܒܝܕ ܡܘܗܒ̈ܬܐ
194:10	ܘܓܠ̈ܝܢܐ ܕܡ݂ܢ ܐܠܗܐ ܒܢܣܝ݁ܢܐ ܕܐܪܝ݂ܟܘ݂ܬ ܙܒܢܐ ܐܬ݂ܝ݂ܕ̈ܥܝܢ ܗ݀ܠܝܢ ܟܠܗܝܢ ܠܒܢܝ̈ܢܫܐ܂ ܘܡܢܟܠܦܪܘ݁ܣ ܐ݁ܠܨܐ ܗܘ݂ܬ݁
194:11	ܕܢܬ݂ܝܕ̈ܥܢ܂ ܡܛ݁ܠ ܕܥܠܝܗܝܢ ܡܛܟܣܝܢ ܙܒ̈ܢܐ ܘܫܢ̈ܝܐ ܘܝܪ̈ܚܐ ܘܫܘ݂ܚܠ̈ܦܐ ܕܣܬܘܐ ܘܕܩܝܛܐ ܘܬܐܕܐ
194:12	ܘܬܫܪܝܼܢܵܝܵܐ܂ ܘܐ݂ܠܘ݂ ܠܐ ܕܗ݀ܟܢ܂ ܐܝܟ ܒܥܝ݂ܪܐ ܕܠܐ ܡܠ݂ܬܐ ܡܬ݂ܕܒܪܝܢ ܗܘ݂ܘ ܝܘܡ̈ܬܗܘܢ ܕܒܢܝ̈ܢܫܐ ܒܠܐ ܝ݂ܕܥܬܐ
194:13	ܕܙܒ̈ܢܐ ܘܥܕ̈ܢܐ܀ ܘܒܗ݀ܠܝܢ ܫ݁ܠܡ݂ ܩܦܠܐܘܢ ܕܐܪܒܥܐ ܒܝܕ ܐܠܗ ܕܚܝܠ ܘܥܕܪ܀
194:14	ܩܦܠܐܘܢ ܕܚܡܫܐ ܕܡܐܡܪܐ ܕܚܡܫܐ ܥܡ ܐܠܗܐ ܕܡܚܟܡ܂ ܥܠܗ݀ܝ ܕܟܡܐ ܐܝ݂ܬܝܗܘܢ ܕܪ̈ܩܝ݂ܥܐ ܐܘܟܝ݂ܬ ܡܕܝ݁ܪ̈ܐ
194:15	ܕܡܘܙܠܬܐ ܫܘ݂ܒ̄ ܠܗ ܠܒܪܘܝܐ ܘܡܛܟܣܢܐ ܚܟܝ݂ܡܐ ܕܥ̈ܠܡܐ ܘܒܪ̈ܝܬܐ܂ ܕܟܠܡܕܡ ܕܒ݂ܪܐ ܘܐܬܩܢ ܒܚܟ݂ܡܬܗ
194:16	ܡܲܠܝܬ݁ ܦܘ݂ܪ̈ܫܢܐ ܘܣ݁ܓܝܐܬ݁ ܬܕܡܪ̈ܬܐ ܪܘܪ̈ܒܬܐ܂ ܠܡܕܡ ܨ݁ܐܪ ܘܐ̄ܪܙܐ ܟ݁ܣܐ ܒܗ܂ ܘܒܟܠܗܘܢ ܐ̄ܪ̈ܙܐ ܘܛܘ݂ܦ̈ܣܐ ܘܟܝ̈ܢܐ
194:17	ܘܐܣܛܘ݂ܟ̈ܣܐ ܘܥܠ̈ܡܐ ܘܒܪ̈ܝܬܐ ܡܬ݂ܚܙ̈ܝܢܝܬܐ ܘܠܐ ܡܬ݂ܚܙ̈ܝܢܝܬܐ ܚܝܠܗ ܡܥܒܕ ܘܚܟܡ݂ܬܗ ܡ݂ܬܚܙܝܐ
194:18	ܘܫܘ݂ܒܚܗ ܡܫ݂ܬܥܝܢ ܚܕ ܠܚܕ܀ ܘܐܝ݁ܟܢܐ ܕܐܩܝ݂ܡ ܒܫܡܝܐ ܕܪ̈ܘ݂ܚܢܐ ܥܣܪܐ ܛܟ݂ܣ̈ܝܢ ܕܚܝܠ̈ܘܬܐ ܘܪ̈ܒܝ
194:19	ܚܝܠ̈ܘܬܐ ܗܟܘܬ ܦܠܓܗ݀ ܘܬܚܡܗ݀ ܠܡܘܙܠܬܐ ܕܠܥ݂ܠ ܡ݂ܢܢ܃ ܠܥܣܪܐ ܡܕܝܪ̈ܝܢ܂ ܕܟܠܚܕ ܡܬ݂ܩܪܐ ܫܡ݁ܝܐ܂ ܘܗ݀ܘ
194:20	ܕܠܥ݂ܠ ܡܢܗ ܫܡ̈ܝ ܫܡ̈ܝܐ܂ ܘܡܝ̈ܐ ܕܠܥܠ ܡ݂ܢ ܟܠܗܘܢ܂ ܡܝ̈ܐ ܕܠܥܠ ܡ݂ܢ ܫܡ̈ܝܐ܂ ܗ̄ ܡܝ̈ܐ ܕܠܥܠ ܡ݂ܢ ܪ̈ܩܝ݂ܥܐ܂ ܘܛܟܣ
194:21	ܐܢܘܢ ܬܠܬܐ ܪ̈ܩܝ݂ܥܝܢ܂ ܘܒܟܠ ܪܩܝ݂ܥܐ܃ ܬܠܬܐ ܡܕܝܵܪܝܢ܂ ܘܒܟܠ ܡܕܝܵܪܐ ܟܘܟ̈ܒܐ ܒܡܢܝ݁ܢܐ܂ ܗ݀ܘ ܕܝܢ ܕܥܣܪܐ܃ ܕܠܐ
194:22	ܡܸܢܝܵܢ ܘܠܐ ܡܬ݂ܚܙ̈ܝܢܐ ܡ݂ܢ ܡܥܠܝܘ݂ܬܗܘܢ ܡܪܝܡܬܐ܂ ܘܠܥ݂ܠ ܡ݂ܢ ܟܠܗܘ݁ܢ ܝܲܡܐ ܗ݀ܘ ܪܒܐ ܘܠܐ ܡܣ݂ܬܝܟܢܐ ܨ݁ܐܪ
194:23	ܠܐܠܗܘ݂ܬܐ ܡܪܝܡܬܐ ܘܠܐ ܡܣ݂ܬܝܟܢܝ݂ܬܐ ܘܠܐ ܡ݂ܬܬܚܡܵܢܝ݂ܬܐ܀ ܩܕܡܐܝ݂ܬ ܠܒܪ ܡ݂ܢ ܐܐܪ ܕܚܕܝ݂ܪ ܠܢ ܐܘܟܝ݂ܬ ܠܥ݂ܠ
195:01	ܡ݂ܢ ܪܹܫܢ ܐܝ݂ܬ ܐܬܝܪ ܗ݀ܘ ܢܘ݂ܪܢܐ ܕܦܪܫ ܒܝܬ ܠܢ ܠܪ̈ܩܝܥܐ ܕܠܥܠ܀ ܘܪܩܝ݂ܥܐ ܩܕܡܝܐ ܕܣܗܪܐ ܡܛܟܣ ܒܗ
195:02	ܬܠܬܐ ܡܕܝܪ̈ܝܢ܂ ܩܕܡܝܐ ܗ݀ܘ ܕܒܗ ܪܕܐ ܣܗܪܐ ܕܕܡ݁ܐ ܠܬܐܓܡܐ ܕܡ̈ܠܐܟܐ ܕܒܛܟ݂ܣܐ ܩܕܡܝܐ܂ ܕܬܪܝܢ܃ ܗ݀ܘ ܕܒܗ ܪ݁ܕܐ
195:03	ܗܪܡܝܣ ܟܘܟܒܐ ܕܗ݂ܘ ܢܵܒܘ݂ ܐܘܟܝܬ ܥܘܛܪܕ܃ ܘܕܡ݁ܐ ܠܬܐܓܡܐ ܕܪ̈ܒܝ ܡ̈ܠܐܟܐ܀ ܕܬܠܬܐ ܗ݀ܘ ܕܒܗ ܪܕܝܐ
195:04	ܟܘܟܒܬܐ ܕܒܠܬܝ ܐܦܪܘܕܝܛܝ ܐܘܟܝ݂ܬ ܙܘ݂ܗܪܗ܂ ܘܕܡ݁ܐ ܠܬܐܓܡܐ ܕܪ̈ܝ݂ܫܢܘܬܐ܃ ܪܩܝ݂ܥܐ ܕܝܢ ܕܬܪܝܢ ܕܐܝ݂ܬܘܗܝ
195:05	ܡܨܥܝܐ܃ ܕܫܡ݂ܫܐ܂ ܐܝܟ ܥܕܬܐ ܡ݂ܨܥܝܬܐ ܕܪ̈ܘ݂ܚܢܐ܂ ܘܒܡܕܝܪܐ ܩܕܡܝܐ ܕܐܝܬܘܗܝ ܕܐܪܒܥܐ܃ ܪܕܐ ܒܗ ܫܡ݂ܫܐ܂
195:06	ܘܕܵܡ݁ܐ ܠܬܐܓܡܐ ܕܫܘ݂ܠ̈ܛܢܐ܂ ܗ݀ܘ ܕܬܪܝܢ ܕܐܝ݂ܬܘܗܝ ܕܚܡܫܐ܃ ܕܒܗ ܪܕܐ ܢܪܝܓ ܕܗ݂ܘ ܐܪܝܣ ܡܪܪܝܟ܃
195:07	ܘܕ݁ܡܐ ܠܬܐܓܡܐ ܕܚܝܠ̈ܘܬܐ܀ ܘܗ݀ܘ ܕܬܠܬܐ ܕܗܢܐ ܪܩܝ݂ܥ ܡ݂ܨܥܝܐ܃ ܕܐܝ݂ܬܘܗܝ ܡܕܝܪܐ ܕܐܫܬܐ ܕܒܗ ܪ݁ܕܐ ܒܝܠ
195:08	ܕܐܝ݂ܬܘܗܝ ܙܘܣ ܐܘܟܝ݂ܬ ܡܘܫܬܪܝ܂ ܘܕܡ݁ܐ ܠܬܐܓܡܐ ܕܡܪ̈ܘܬܐ܀ ܘܪܩܝ݂ܥܐ ܕܬܠܬܐ ܕܡܬ݂ܩܪܐ ܕܩܪܘܢܘܣ܂
195:09	ܒܡܕܝܪܐ ܩܕܡܝܐ ܕܝܠܗ ܕܐܝ݂ܬܘܗܝ ܗ݀ܘ ܕܫܒܥܐ܂ ܪܕܐ ܗ݂ܘ ܩܪܘܢܘܣ܂ ܘܕܡ݁ܐ ܠܬܐܓܡܐ ܕܡܘܬܒ̈ܐ܂ ܘܒܡܕܝܪܐ
195:10	ܕܬܪܝܢ ܕܐܝ݂ܬܘܗܝ ܕܬܡܢܝܐ܃ ܪܕܝܢ ܟܘܟ̈ܒܐ ܢܗܝ݂ܪ̈ܐ ܐ݁ܠܦ ܘܡܐܐ ܘܥܣܪܝܢ ܒܡܢܝ݁ܢܐ܂ ܘܕܡ݁ܐ ܠܬܐܓܡܐ ܕܟܪ̈ܘ݂ܒܐ
195:11	ܣ݁ܓܝ̈ܐܝ ܥܝ̈ܢܐ ܢܗܝ݂ܪ̈ܬܐ܂ ܘܗ݀ܘ ܕܬܠܬܐ ܕܐܝ݂ܬܘܗܝ ܡܕܝܪܐ ܬܫܝܥܝܐ܃ ܪܕܝܢ ܒܗ ܟܘܟ̈ܒܐ ܗ݀ܠܝܢ ܥܠ̈ܝܐ ܕܠܝܬ
195:12	ܠܗܘܢ ܡܢܝ݁ܢܐ܃ ܘܕܡ݁ܐ ܠܬܐܓܡܐ ܕܣܪ̈ܦܐ ܫܬܝ݂̈ܬܝ݂ܝ݂ ܓܸܦ̈ܐ܂ ܘܠܥܠ ܡ݂ܢ ܗ݀ܠܝܢ ܪܩܝ݂ܥܐ ܗ݀ܘ ܥܣܝ݂ܪܝܐ܂ ܕܡܬ݂ܩܪܐ
195:13	ܟܠܝ݂ܠ ܡܠܘ̈ܫܐ܂ ܘܐܝܬ ܒܗ ܟܘܟ̈ܒܐ ܕܠܐ ܡܢܝܢ ܘܕܠܐ ܣܟܐ܂ ܗ݀ܢܘܢ ܕܡ݂ܢ ܣ݁ܓܝ݂ܐܘ݂ܬ ܡܥܠܝܘ݂ܬܗܘܢ ܡܚܦܝܢ ܘܠܐ
195:14	ܡܬ݂ܚܙܝܢ ܐܠܐ ܒܗܘ݂ܪܐܝ݂ܬ ܐܝܟ ܥܢܢܐ ܪܩܝ݂ܩܬܐ܂ ܐܝܟ ܗ݀ܘ ܚܪܘ݂ܪܐ ܕܡܬ݂ܚܙܐ ܒܫܒܝ݂ܠ ܬܒܢܐ܂ ܘܣ݁ܓܝ݂ ܕܡ݁ܐ
195:15	ܗܢܐ ܪܩܝ݂ܥܐ ܥܠ݂ܝܐ܂ ܘܥܣܝ݂ܪܝܐ ܕܟܠܝ݂ܠ ܡܠܘ݂̈ܫܐ܃ ܠܬܐܓܡܐ ܗ݀ܘ ܡܥܠܝܐ ܕܟܘܟܒ ܢܘܓܗܐ ܕܢܦ݂ܠ܂ ܗ݀ܘ ܕܐܝ݂ܬܘܗܝ
195:16	ܗܘ݂ܐ ܠܥܠ ܡ݂ܢ ܟܠܗܘܢ ܚܒܪ̈ܘܗܝ ܘܟܠܝ݂ܠ ܥܣܪܐ ܗ̄ ܫܘ݂ܡܠܝ ܥܣܪܐ ܕܗ݂ܘ ܐܝ݂ܬܘܗܝ ܟܠܝ݂ܠܐ ܕܬܫܥܐ ܐܚܪ̈ܢܐ
195:17	ܕܬܚܘ݂ܬܘܗܝ܂ ܘܡܡܲܠܝܢܐ ܕܡܢܝ݁ܢܐ܂ ܘܐܟܡܐ ܕܟܘܟ̈ܒܐ ܥܠ̈ܝܐ ܕܒܟܠܝ݂ܠ ܡܠ̈ܘܫܐ ܠܝܬ ܠܗܘܢ ܣ݁ܟܐ ܘܡܢܝ݁ܢܐ
195:18	ܠܝ݂ܕܥܬܢ܃ ܗܟܘܬ݁ ܐܦܠܐ ܠܚܝܠ̈ܘܬܐ ܕܒܬܐܓܡܗ ܕܡܵܪܘܕܐ ܝ݁ܕܥܝܢܢ ܟܡܝܘ݂ܬܐ ܘܡܢܝ݁ܢܐ܂ ܘܐܟܡܐ ܕܗܠܝܢ
195:19	ܟܘܟ̈ܒܐ ܥܠ̈ܝܐ ܥܡܘ݂ܛܝܢ ܘܠܐ ܡ݂ܬܚܙܸܝܢ܂ ܐܠܐ ܐܝܟ ܥܢܢܐ ܒ݁ܗܘ݂ܪܬܐ ܡܕܡ܃ ܗ݀ܟܢܐ ܐܦ ܗ݂ܢܘܢ ܚܝܠ̈ܘܬܐ
195:20	ܣܩܘ݂ܒ̈ܠܝܐ܂ ܐܬ݂ܬܥܡܛܘ ܘܐܬ݂ܬܚܫܟܘ ܡ݂ܢ ܢܘ݂ܗܪܐ ܕܝ݂ܕܥܬܐ ܐܠܗ݀ܝܬܐ܂ ܘܟܡܐ ܕܫܒܝ݂ܠ ܬܸܒܢܵܐ ܡܬܚܙܸܐ ܐܝܟ
195:21	ܨܪܝܐ ܡܕܡ ܒܪܩܝ݂ܥܗ݀ ܕܡܘܙܠܬܐ܂ ܗ݀ܟܢܐ ܐܨܛܪܝܬ݁ ܫܡܝܐ ܕܡܛܟܣܝܢ ܗܘ݂ܘ ܘܩ݁ܝܡܝܢ ܒܗ܃ ܘܢܦܠܘ ܐܝܟ
195:22	ܒܪܩܐ ܠܫܝܘ݁ܠ ܬܚܬ݁ܝܐ ܕܚܫ݂ܟܐ ܒܪܝܐ ܕܠܐ ܝ݂ܕܥܬܐ܀ ܠܥܠ ܕܝܢ ܡ݂ܢ ܗ݀ܠܝܢ ܥܣܪܐ ܡܕܝܪ̈ܝܢ ܘܪ̈ܩܝ݂ܥܐ ܕܫܡ̈ܝܐ
195:23	ܘܫܡ̈ܝ ܫܡ̈ܝܐ܂ ܬܘ݂ܒ ܠܐ ܡܬܝܕܥ ܡܕܡ ܐܠܐ ܐܢ ܗ݀ܘ ܝܡܐ ܪܒܐ ܘܠܐ ܡܣ݂ܬ݁ܝܟܢܐ ܘܠܐ ܡܬ݂ܬܚܡܢܐ܂ ܕܡܝ̈ܐ
196:01	ܕܠܥܠ ܡ݂ܢ ܪ̈ܩܝܥܐ ܕܨ݁ܐܪ ܘܡܛܲܟܲܣ ܠܪܒܘ݂ܬܗ݀ ܘܡܥܠܝܘ݂ܬܗ݀ ܘܠܐ ܡܣܬܝܟܢܘ݂ܬܗ݀ ܕܐܝ݂ܬܘ݂ܬܐ
196:02	ܡܬܘ݂ܡܝܬܐ܂ ܘܐܢ ܝܡܐ ܪܒܐ ܕܐܘܩܝܢܘܣ ܠܐ ܐܬܝ݂ܕܥ ܠܗ ܬܚܘ݂ܡܐ ܘܠܐ ܣ݁ܟܐ܂ ܟܕ ܛܒ ܕܡܢܟܠܦܪܘ݁ܣ
196:03	ܐܝ݂ܬ ܠܗ ܣܘܦܐ ܘܬܚܘ݂ܡܐ܂ ܒܗ݀ܝ ܕܠܓܘ ܡ݂ܢ ܐܐܪ ܡ݂ܬܚܡ܂ ܘܒܐܪܥܐ ܡܣܲܝܲܟ܂ ܡܕܝܢ ܗ݀ܘ ܝܡܐ ܠܐ
196:04	ܡܬ݂ܡܠܠܢܐ ܕܚܕܝ݂ܪ ܠܒܪ ܡ݂ܢ ܟܠܗ ܣ݁ܟܐ ܕܪ̈ܩܝ݂ܥܐ ܕܫܡ̈ܝܐ ܘܡܕܝܪ̈ܐ ܕܡܘܙܠܬܐ܂ ܘܣܝ݂ܡ ܒܗ݀ܘ ܪܘܡܐ ܡܥܠܝܐ
196:05	ܘܠܐ ܡܬ݂ܚܙܝܢܐ܂ ܟܡܐ ܗ݀ܝ ܗ݀ܟܝ݂ܠ ܪܒܘ݂ܬܗ܃ ܟܡܐ ܗ݀ܝ ܠܐ ܡܣܝܟܘ݂ܬܗ܃ ܠܐ ܣܟ ܡܣ݂ܬܝܟ܂ ܠܐ ܡܬܡܲܫܚ܂
196:06	ܠܐ ܡܬ݂ܕܪܟ܂ ܠܐ ܡ݂ܬܬܲܚܲܡ܂ ܠܝܬ ܠܗ ܣܘܦܐ ܘܠܐ ܣܟܐ܂ ܬܗܘ݂ܡܐ ܗ݀ܘ ܕܠܥ݂ܠ ܕܠܐ ܡ݂ܬܗܘܢܢ܂ ܥܘ݂ܡܩܐ
196:07	ܪܡܐ ܘܡܥܠܝܐ ܕܣܟ ܠܐ ܡܕܪܟܐ ܠܗ ܝ݂ܕܥܬܐ ܐܼܢܫܝܬܐ܂ ܘܐܢ ܗ݀ܢܐ ܝܡܐ ܟܕ ܛܒ݁ ܒܪܝܐ ܗ݀ܘ܃ ܘܒܠܚܘ݂ܕ ܨ݁ܐܪ
196:08	ܛܘ݂ܦܣܐ ܕܗ݀ܝ ܪܒܘ݂ܬܐ ܕܐܝ݂ܬܘ݂ܬܐ ܣܓܝ݂ܕܬܐ ܘܠܐ ܒܪܝ݂ܬܐ ܘܡܬܘܡܝܬܐ ܡܕܝܢ ܗ݂ܝ ܐܝ݂ܬܘ݂ܬܐ ܕܐܘܣܝܐ ܕܐܗܘ݂ܬܐ
196:09	ܡܪܝܡܬܐ ܘܓܢܝ݂ܙܬܐ ܘܡܥܠܝܬ݁ ܡ݂ܢ ܟܠ ܗܘܢܐ ܘܡܚܫܒܬܐ܂ ܟܡܐ ܬܗܝ݂ܪܐ ܠܐ ܡܬܕܪܟܢܘ݂ܬܗ݀܂ ܟܡܐ ܫܒܝ݂ܚܐ
196:10	ܡܥܠܝܘ݂ܬܗ݀܂ ܟܡܐ ܡܬ݂ܬܡܗܐ ܝ݂ܕܥܬܐ ܡ݂ܢ ܒܥܬܐ ܕܥܠܝܗ݀܂ ܟܡܐ ܬ݁ܗܪܝܢ ܟܠ ܗܘ̈ܢܝܢ ܘܡܬܒܠܗܝܢ ܟܠ ܙܘܥ̈ܝܢ
196:11	ܡ݂ܢ ܠܐ ܡܬܒܨܝܢܘ݂ܬ ܚܘ݂ܫܒܐ ܕܥܠ ܠܐ ܡܣܝܟܘ݂ܬܗ݀܂ ܪܒ ܗ݂ܘ ܡܪܢ ܘܡܫܒܚ ܪܘܪܒܐܝܬ܂ ܠܐ ܡ݂ܬܥܩܒ
196:12	ܟܝ݁ܢܐ ܕܐܝ݂ܬܘ݂ܬܐ ܡܬܘ݂ܡܝܬܐ܂ ܠܐ ܡܬ݂ܕܪܟ ܠܐ ܡܬܗܘܢܢ܂ ܠܐ ܣܟ ܡܬ݂ܡܫܚ܂ ܠܐ ܣܟ ܡܣ݂ܬܝܟ܂ ܠܐ ܣܟ
196:13	ܡܬ݂ܡܠܠ܂ ܐܠܐ ܒܫ݂ܬܩܐ ܢܬ݂ܝܩܪ ܘܢܫܬܒܚ܀ ܘܒܗ݀ܠܝܢ ܫܠܡ ܩܦܠܐܘܢ ܕܚܡܫܐ ܒܝܕ ܐܠܗ ܕܚܝ ܘܥܕܪ܀
196:14	ܩܦܠܐܘܢ ܕܫܬܐ ܕܡܐܡܪܐ ܕܗ̄ ܥܡ ܐܠܗܐ ܕܡܚܟܡ܂ ܥܠܗ݀ܝ ܕܡܢܐ ܐܝ݂ܬܝܗܘܢ ܫܡܫܐ ܘܣܗܪܐ ܘܫܪܟܐ ܕܟܘܟ̈ܒܐ܃
196:15	ܘܡ݂ܢ ܡ݁ܢܐ ܗܘ݂ܘ܃ ܘܡ݁ܢܘ݂ ܟܝ݁ܢܗܘܢ܃ ܘܐܝܟܢ ܐܝ݂ܬܘܗܝ ܛܘ݂ܟ݁ܣܗܘܢ܃ ܘܡ݁ܢܐ ܗ݀ܝ ܚܫܚܬܗܘܢ܃ ܘܐܝܟܢܐ ܐܢܝܢ
196:16	ܕܘ݂ܟ̈ܝܬܗܘܢ܃ ܘܡ݁ܢܐ ܗ݀ܝ ܡܥܒܕܢܘܬܗܘܢ ܘܟܠܗ ܢ݁ܡܘ݁ܣܗܘܢ܃ ܒܡܠ݂ܬܐ ܡ݁ܢ ܕܒܪܘܝܘ݂ܬܐ܃ ܐܝܠ̈ܢܐ ܘܥܣ݂̈ܒܐ ܘܙܪ̈ܥܐ
196:17	ܩܕܝ݂ܡܝܢ ܒܪܝ݂ܬܗܘܢ ܡ݂ܢ ܒܪܝ݂ܬܐ ܕܟܘܟ̈ܒܐ܂ ܘܐܦ ܡܬܓܠܝܢܘ݂ܬܐ ܕܝܒܝ݂ܫܬܐ ܘܦܘ݂ܪܫܢܐ ܕܡܝ̈ܐ ܠܣܛܪ܂
196:18	ܘܩܒ̈ܝܬܐ ܕܝܡ̈ܡܐ ܗܟܘܬ݁ ܩܕܡܐܝܬ ܐܬܛܟܣܘ ܩܕܡ ܕܢܬ݂ܚܙܘܢ ܢܗܝ݂ܪ̈ܐ܂ ܐܠܐ ܚܢܢ ܡܛܠ ܕܡ݂ܢ ܠܥܠ ܫܪܝ݂ܢܢ
196:19	ܕܢܚܘܐ ܥܠ ܚܕ ܚܕ ܡ݂ܢ ܗܘ̈ܝܐ ܘܬܘ݂ܩ̈ܢܐ ܕܒܪ̈ܝܬܐ܂ ܘܟܕ ܥܠ ܪ̈ܩܝ݂ܥܐ ܕܫܡ݁ܝܐ ܘܟܪܘ݂ܟܝܐ ܕܡܘܙܠܬܐ ܡܠܠܢܢ܃
196:20	ܙ݁ܕܩ ܠܢ ܕܒܣ݂ܕܪܐ ܢ݁ܣܒ ܘܥܠ ܟܠܗ ܛܟ݂ܣܐ ܘܢ݁ܡܘ݁ܣܐ ܕܡܘܙܠܬܐ܂ ܘܕܢܗܝ݂ܪ̈ܐ ܕܣܕܝ݂ܪܝܢ ܒܗ݀ ܢܡܠܠ܂ ܘܗ݀ܝܕܝܢ
196:21	ܢܚܘܐ ܘܢܡܠܠ ܥܠ ܗ݀ܠܝܢ ܕܠܬ݂ܚܬ ܡ݂ܢ ܪܩܝ݂ܥܐ܂ ܘܥܠ ܐܐܪܐܣ ܗ݀ܠܝܢ ܕܒܥܘܒܐ ܕܐܐܪ ܗ݀ܢܐ܂ ܘܗ݀ܝܕܝܢ ܒܗ
196:22	ܒܛܟ݂ܣܐ ܟܕ ܢ݁ܡܛܐ ܠܐܪܥܐ܂ ܢܡܠܠ ܥܠܝܗ݀ ܘܥܠ ܟܠ ܕܒܗ݀ ܘܥܠ ܐܦ̈ܝܗ݀܂ ܐܝܟ ܕܡܚܟܡܐ ܛܝܒܘ݂ܬܐ
196:23	ܐܠܗ݀ܝܬܐ܂ ܘܩܕܡܐܝܬ ܡ݁ܢ ܠܗܝܢ ܠܡ̈ܠܐ ܩܕܝ݂ܫ̈ܬܐ ܕܟܬܒܐ ܢܣܝ݂ܡ܃ ܕܐܝܟܢ ܐܬ݂ܒܪܝ݂ܘ ܢܗܝ݂ܪ̈ܐ ܘܟܘܟ̈ܒܐ܂
197:01	ܗ݀ܝܕܝܢ ܢܡܠܠ ܥܠܝܗܘܢ܂ ܘܐܡ݂ܪ ܐܠܗ ܢܗܘ݂ܘܢ ܢܗܝ݂ܪ̈ܐ ܒܪܩܝ݂ܥܐ ܕܫܡ݁ܝܐ܂ ܠܡܦ݂ܪܫ ܒܝܬ ܐܝ݂ܡܡܐ ܠܠܠܝܐ܂
197:02	ܘܢܗܘ݂ܘ݁ܢ ܠܐܬܘ̈ܬܐ ܘܠܙܒ̈ܢܐ ܘܠܝܘܡ̈ܬܐ ܘܠܫܢ̈ܝܐ܂ ܕܢܗ݂ܘܘܢ ܡ݁ܢܗܪܝܢ ܒܪܩܝ݂ܥܐ ܕܫܡ݁ܝܐ܃ ܘܠܡܢܗܪܘ݂ ܥܠ
197:03	ܐܪܥܐ܂ ܘܠܡܫ݂ܠܛ ܒܐܝ݂ܡܡܐ ܘܒܠܠܝܐ܂ ܘܗܘ݂ܐ ܗ݀ܟܢܐ܂ ܘܥܒ݂ܕ ܐܠܗܐ ܬܪܝܢ ܢܗܝ݂ܪ̈ܐ ܪܘܪ̈ܒܐ܂ ܢܗܝ݂ܪܐ ܪܒܐ
197:04	ܠܫܘ݂ܠܛܢܐ ܕܐܝ݂ܡܡܐ܂ ܘܢܗܝ݂ܪܐ ܙܥܘ݁ܪܐ ܠܫܘ݂ܠܛܢܐ ܕܠܠܝܐ ܘܟܘܟ̈ܒܐ܂ ܘܝܗ݂ܒ ܐܢܘܢ ܐܠܗܐ ܒܪܩܝ݂ܥܐ
197:05	ܕܫܡ݁ܝܐ ܠܡܢܗܪܘ݂ ܥܠ ܐܪܥܐ܂ ܘܠܡܫ݂ܠܛ ܒܐܝܡܡܐ ܘܒܠܠܝܐ܂ ܘܠܡܦ݂ܪܫ ܒܝܬ ܢܘ݂ܗܪܐ ܠܚ݂ܫܘ݂ܟܐ܂ ܘܚ݂ܙܐ ܐܠܗܐ
197:06	ܕܫܦܝ݂ܪ܀ ܩܕܡܢܢ ܓܝܪ ܐܡ݂ܪܢܢ ܡ݂ܢ ܠܥܠ܃ ܕܟܬܒܐ ܐܠܗܝܐ ܐܝܟ ܕܥܡ ܫܒܪ̈ܐ ܗ݀ܐ ܡܠܓܠܓ ܥܡܢ ܐܝܠܝܢ ܕܡ݂ܨܝܐ
197:07	ܠܢ ܕܢ݁ܫܡܥ ܐܢܝܢ ܘܢ݁ܣܬ݁ܟܠ ܘܢ݁ܕܥ܂ ܘܗ݀ܠܝܢ ܟܠܗܝܢ ܗ݀ܐ ܬܢܐ ܘܡܫܡܥ ܠܢ ܕܐܡ݂ܪ ܐܠܗܐ ܚܝܐ܂ ܕܢܗ݂ܘܐ ܙܦܠܢ
197:08	ܘܢܘ݂ܗܐ ܙܦܠܢ܂ ܗܟܢܐ ܓ݂ܕܫ ܘܚܕ ܬܘ݂ܩܢܐ ܕܐܬ݂ܒܪܝ݂܂ ܘܗ݀ܝܕܝܢ ܒܬܪ̈ܘܗܝ ܐܼܚܪܢܐ܂ ܠܘ ܗܟܢܐ ܢ݁ܣܬܟܠ܂ ܐܠܐ ܟܠܗܝܢ
197:09	ܒܚܕ ܪܦܦܐ ܐܬ݂ܒܪܝ݂ܘ ܘܐܬ݂ܬܩܢܘ ܘܗ݂ܘܘ ܘܗ݀ܠܝܢ ܟܠܗܝܢ ܕܚܢܢ ܒܐ݁ܠܦ ܐܠܦ̈ܝܢ ܫܢ̈ܝܢ ܠܡܚܣܢ ܡܨܝܐ ܠܢ ܕܢ݁ܬܢܐ
197:10	ܐܢܝܢ ܒܬܘ݂ܪܓܡܐ ܕܡܐܡܪ ܦܘ݂ܡܐ܂ ܘܕܢ݁ܣܬ݁ܟܠ ܘܢܕܥ ܐܢܝܢ ܡ݂ܢ ܡܫܡܥ ܐܕܢܐ܂ ܒܬܪܥܝ݂ܬܗ ܕܐܠܗܐ ܐܝ݂ܬܝܐܝܬ
197:11	ܐܝ݂ܬܝܗܝܢ ܒܚܕ ܢܙܠܐ ܓܡܝ݂ܪ̈ܬܐ ܘܡܫܡܠ̈ܝܬܐ܂ ܒܚܕ ܪܡ݂ܙܐ ܪܡ݂ܙ ܐܡܬ݂ܝ ܕܨܒ݂ܐ ܘܟܠܗܝܢ ܒܪ̈ܝܬܐ ܗܘ݂̈ܝ
197:12	ܘܩܡ݂̈ܝ ܟܕ ܡ݂ܬܩܢ̈ܢ ܡܫܡ̈ܠܝܬܐ ܘܓܡܝ݂ܪ̈ܬܐ܂ ܘܠܝܬ ܒܟܝ݁ܢܐ ܕܐܝ݂ܬܘ݂ܬܐ ܬܪܝܢܘ݂ܬܐ܂ ܐܘ݁ ܣܟ ܡܢܝ݁ܢܐ ܐܘ݁
197:13	ܩܕܡܝܘ݂ܬܐ ܘܐܚܪܝܘ݂ܬܐ܂ ܐܠܐ ܟܠܗܝܢ ܐܟܚܕܐ ܝ݁ܕܥ ܠܗܝܢ ܠܗ݀ܠܝܢ ܕܡ݂ܢ ܕܗܘ݂̈ܝ ܘܗ݀ܠܝܢ ܕܠܥ݁ܠܡܝܢ ܗ݀ܘܝ̈ܢ
197:14	ܒܡܫܘ݂ܚܬܗܝܢ ܘܡܢܝ݁ܢܗܝܢ ܘܐܝܟܢܝܘ݂ܬܗܝܢ ܘܟܡܝܘ݂ܬܗܝܢ܂ ܠܢ ܕܝܢ ܒܢܝ̈ܢܫܐ ܠܐ ܣܟ ‍[‍ܡܨ݂ܝܐ‍]‍ ܠܢ ܕܢ݁ܕܥ
197:15	ܗ݀ܠܝܢ܃ ܣܛܪ ܡ݂ܢ ܐܪܝ݂ܟܘ݂ܬ ܙܒܢܐ ܘܢ݁ܡܫܘ݂ܚ ܘܢ݁ܟܝ݂ܠ ܘܢ݁ܡܢܐ ܣܕܝ݂ܪܐܝܬ ܚܕ ܬܪܝܢ ܬܠܬܐ ܐܝܟ ܛܟ݂ܣܐ
197:16	ܕܡܢܝ݁ܢܐ ܘܢܫ݂ܡܥ ܠܫܪܒܐ ܒܡܐܡܪܐ ܣ݁ܓܝ݂ܐܐ ܚܕܐ ܚܕ ܡܠ݂ܬܐ܃ ܘܦܬܓܡܐ ܒܬܪ ܦܬܓܡܐ܀ ܐܝܟ ‍[‍ܐܢܫ‍]‍
197:17	ܕܐܝ݂ܬܘܗܝ ܒܒܝܬܐ ܪܒܐ ܣ݁ܓܝ݂ ܕܡ݁ܠܐ݂ ܨܒ݂ܘ̈ܬܐ ܡܫܚܠ̈ܦܬܐ܂ ܘܐܝ݂ܬܘܗܝ ܚܫܘ݂ܟܐ ܐܝܟ ܠܠܝܐ܂ ܘܡ݂ܢ ܫܝܠ
197:18	ܢܥܘ݁ܠ ܢܗܝ݂ܪܐ ܕܫܪܓܐ ܠܒܝܬܐ܂ ܘܟܕ ܚ݁ܐܪ ܚ݁ܙܐ ܨܒܘ̈ܬܐ ܣ݁ܓܝ̈ܐܬܐ ܘܨ݁ܒܐ ܕܢܫܡܥ ܠܐܼܚܪ̈ܢܐ ܡܘ݁ܢ ܚ݂ܙܐ ܒܟܠܗ
197:19	ܒܝܬܐ܂ ܘܐܝܠܝܢ ܕܒܚܕ ܪܦܦܐ ܚ݂ܙܐ ܠܐ ܡ݂ܨܝܐ ܕܢܐܡܪ ܗܟܘܬ ܩܠܝ݂ܠܐܝ݂ܬ܂ ܐܠܐ ܚܕܐ ܚܕܐ ܨܒܘ݂ܬܐ ܬܢܐ܂ ܘܟܠ
197:20	ܚܕ ܬܪܝܢ ܦܬܓܡ̈ܐ ܕܐ݁ܡܪ ܡܬܬܢܝ݂ܚ ܘܡܬ݂ܢܦܫ ܘܣ݁ܐܩ ܢܫܡܬܐ܂ ܘܗ݀ܝܕܝܢ ܬܘ݂ܒ ܡܡܠܠ܂ ܗܟܘܬ

197:21	ܐܦ ܫܡܘ݂ܥ̈ܐ ܠܐ ܡ݂ܨܝܐ ܕܢܫ݂ܡܥܘܢ ܟܠܗܝܢ ܐܟܚܕܐ܂ ܐܠܐ ܒܣܕܝ݂ܪܘ݂ܬ ܬܢܝܐ ܡܠ݂ܬܐ ܒܬܪ ܡܠ݂ܬܐ܂ ܗܟܢܐ

197:22	ܘܟܬܒܐ ܩ̄ܕ̄ ܐܝܟ ܕܡܨܝܐ ܠܡܐܡܪ ܘܠܡܫ݂ܡܥ ܡܠܓܠܓ ܥܡܗܘܢ ܒܣܕܝ݂ܪܘ݂ܬܐ܂ ܘܠܐܝܠܝܢ ܕܒܚܕ ܪܦܦܐ
197:23	ܗܘ݂ܘ ܘܐܬ݂ܬܩܢܘ܂ ܒܙܒܢܐ ܐܪܝ݂ܟܐ ܡܬ݂ܐܠܨ ܕܢܐܠܦ ܐܢܝܢ ܠܢ܂ ܗܟܢܐ ܢ݂ܬܪܥܐ ܥܠ ܗ݀ܠܝܢ ܟܠܗܝܢ ܕܐܡ݁ܪ ܥܠ ܐܠܗܐ܀
198:01	ܬܘ݂ܒ ܗ݀ܟܝ݂ܠ ܙ݁ܕܩ ܠܢ ܕܢ݁ܐܠܦ ܕܡ݂ܢ ܐܝܟܐ ܘܐܝ݁ܟܢܐ ܐܫ݂ܟܚܘ ܒܢܝ̈ܢܫܐ ܕܢ݁ܕܪܟܘܢ ܘܢ݂ܕܥܘܢ ܘܢܐܠܦܘܢ ܚܬܝ݂ܬܐܝ݂ܬ
198:02	ܠܢ݁ܡܘ݁ܣܐ ܕܟܘܟ̈ܒܐ ܘܛܟ݂ܣܐ ܕܟܪܘ݂ܟܝܐ ܕܡܘܙܠܬܐ ܘܟܝ̈ܢܐ ܘܡܥܒܕܢ̈ܘܬܐ ܘܫܪܟܐ ܕܝܕܥ̈ܬܐ ܕܥܠ ܗ݀ܠܝܢ ܕܡܥ̈ܠܝܢ
198:03	ܘܐܝ݂ܬܝܗܝܢ ܒܪ̈ܩܝ݂ܥܐ ܕܫܡ݁ܝܐ܂ ܘܒܣܘܦ̈ܐ ܪ̈ܚܝ݂ܩܐ ܘܒܥܘ݂ܡ̈ܩܐ ܬܚ̈ܬܝܐ܂ ܐܪܐ ܗ݀ܠܝܢ ܟܠܗܝܢ ܝܕ̈ܥܬܐ ܡܠܝ݂ܠ̈ܬܐ܂
198:04	ܘܚܟ݂ܡ̈ܬܐ ܬܗܝ݂ܪ̈ܬܐ܂ ܘܐܘ݂ܡܢܘܬܐ ܫܒܝ݂ܚܬܐ܂ ܒܠܥ݂ܕ ܡ݂ܢ ܡܥܒܕܢܘ݂ܬܐ ܐܠܗ݀ܝܬܐ ܡ݂ܨܝܐ ܗܘ݂ܬ݁ ܕܢ݂ܬܝܠ̈ܦܢ܃ ܚ݂ܣ܂
198:05	ܠܐ ܣܟ ܡ݁ܨܐ݂ ܟܝ݁ܢܐ ܕܥܒܝ݂ܕ̈ܐ ܕܢܕܪܟ ܘܢܕܥ ܗ݀ܠܝܢ ܒܠܥ݂ܕ ܡ݂ܢ ܡܘܗܒܬܐ ܕܚܟ݂ܡܬܐ ܐܠܗ݀ܝܬܐ ܕܗ݂ܝ ܒܪ݂ܬ݁ ܘܥܒ݂ܕܬ݁
198:06	ܘܬܩܢܬ݁ ܠܟܠܗܝܢ ܒܪ̈ܝܬܐ܂ ܘܣܡܬ݁ ܒܟܝ݁ܢܐ ܕܒܢܝ̈ܢܫܐ ܢܦܫܐ ܡܠܝ݂ܠܬܐ ܘܝܕܘܥܬܢܝ݂ܬܐ ܕܡ݂ܨܝܐ ܕܬܩܒܠܝ
198:07	ܝܕ̈ܥܬܐ ܕܥܠ ܗ݀ܠܝܢ ܟܠܗܝܢ܂ ܘܫܪܝ݂ܪܐܝ݂ܬ ܐܬ݂ܩܪܝ݂ ܘܐܝ݂ܬܘܗܝ ܒܪܢܫܐ ܨܠܡܐ ܘܕܡܘ݂ܬܐ ܕܒܪܘ݂ܝܗ܃ ܕܐܬܬܣܝ݂ܡ
198:08	ܒܟܝ݁ܢܗ ܠܡܕܪܟܘ݂ ܘܠܡ݂ܥܪܐ ܝܕܥ̈ܬܐ ܕܥܠ ܟܠ ܕܗ݂ܘܐ ܘܐܝ݂ܬܘܗܝ ܘܗ݀ܘܐ ܥܕܟܝ݂ܠ܂ ܘܗ݀ܠܝܢ ܟܠܗܝܢ ܡܬ݂ܝܠ̈ܦܢ ܡ݂ܢ
198:09	ܐܡܝ݂ܢܘ݂ܬ ܢ݂ܣܝ݁ܢܐ ܘܕܘ݂ܪܫܐ܂ ܘܝܘ݂ܠܦܢܐ ܡ݁ܢ ܘܝ݂ܕܥܬܐ ܕܟܠܗ ܢ݁ܡܘ݁ܣܐ ܕܟܘܟ̈ܒܐ ܐܫܟ݂ܚܘܗܝ ܐܪ̈ܡܝܐ ܒܒܠ̈ܝܐ
198:10	ܐܘܟܝ݂ܬ ܟܠ̈ܕܝܐ ܗ݀ܢܘܢ ܕܒܡܕܢܚ ܬܝܡܢ ܕܥ݁ܡܪܬܐ ܥ݁ܡܪܝܢ܂ ܡܛ݁ܠ ܕܐܪܥܐ ܗ݀ܝ ܟܠܗ݀ ܕܐܬܪ̈ܘܬܗܘܢ ܐܝ݂ܬܝܗ݀ ܚܠܢܝܬܐ
198:11	ܘܠܐ ܡ݂ܬܝܕ̈ܥܢ ܫܒܝ݂̈ܠܐ ܘܐܘ݂ܪ̈ܚܬܐ ܕܡܝܒ̈ܠܢ ܡ݂ܢ ܐܬܪܐ ܠܐܬܪܐ ܘܡ݂ܢ ܡܕܝ݂ܢܐ ܠܡܕܝ݂ܢܐ܂ ܘܡ݂ܢ ܩܪܐ ܠܩܪܐ܂ ܡܛ݁ܠ
198:12	ܕܢ݁ܫܒ̈ܢ ܪ̈ܘ݂ܚܐ ܘܡܫܘܫ̈ܢ ܠܫܒܝ݂̈ܠܐ ܒܚܠܐ ܗ݀ܘ ܪܦܝܐ ܘܦܪܝܕܐ܂ ܘܐܦ ܚܡܝ݂ܡ ܗ݀ܘ ܐܬܪܐ ܣ݁ܓܝ ܘܡܘܩܕ ܫܡ݂ܫܐ
198:13	ܒܐܝ݂ܡܡܐ܂ ܡܬ݂ܐܠܨܝ݂ܢ ܥ݁ܡܪ̈ܝ ܐܬܪܐ ܗ݀ܘ ܐܘܟܝ݂ܬ ܐܪܥ ܗ݀ܝ ܕܒܠܝ̈ܠܘܬܐ ܢܗܠܟܘܢ ܘܢܪܕܘܢ ܡ݂ܢ ܕܘ݂ܟ ܠܕܘܟ܂
198:14	ܕܠܐ ܢܣ݂ܬ݁ܝܛܘܢ ܡ݂ܢ ܥܙܝ݂ܙܘ݂ܬܗ ܕܫܡ݂ܫܐ܂ ܡܛ݁ܠ ܕܠܝܬ ܘܠܐ ܡ݂ܬܚܙܐ ܫܒܝ݂ܠܐ ܕܪܝ݂ܫܐ܂ ܠܟܘܟ̈ܒܐ ܣ݁ܝܡܝܢ
198:15	ܠܗܘܢ ܢܝ݂ܫܐ ܘܥܠܝܗܘܢ ܪܕܝܢ ܠܟܠ ܟܪ ܕܨ݁ܒܝܢ܂ ܘܡ݂ܢ ܐܡܝ݂ܢܘ݂ܬ ܡܐܨܕܢܘ݂ܬܗܘܢ ܕܒܟܘ̈ܟܒܐ ܒܟܠܗܘܢ ܫܘ݂ܚܠ̈ܦܐ
198:16	ܕܫܢܬܐ ܫܪܝ݂ܘ ܠܡ݂ܕܥ ܡܕܡ ܡ݂ܢ ܢ݁ܡܘ݁ܣܐ ܕܡܪܕܝܬܗܘܢ ܘܙܘܥ̈ܝܗܘܢ܂ ܘܗ݀ܟܢ ܒܩܠܝ݂ܠ ܩܠܝ݂ܠ ܒܝܕ ܐܡܝ݂ܢܘ݂ܬܐ
198:17	ܕܙܒܢܐ ܐܪܝ݂ܟܐ܃ ܝܠܦܘܗܝ ܠܟܠܗ ܢ݁ܡܘ݁ܣܐ ܘܟܪܘ݂ܟܝܐ ܕܡܘܙܠܬܐ܃ ܘܐܝ݂ܬ ܗܘ݂ܐ ܒܐܬܪܐ ܗ݀ܘ ܡܕܢܚܝܐ ܐܼܢܫ
198:18	ܡ݂ܢ ܒܢܝ̈ܐ ܕܒܢ̈ܝ ܒܢܝ̈ܐ ܕܢܘ݁ܚ ܕܡ݂ܬܩܪܐ ܝܘܢܝܛܘ݁ܢ܂ ܗ݀ܢܐ ܦܪ݂ܫ ܒܝ݂ܕܥܬܗ ܘܓܒ݂ܐ ܠܗ ܥܘ݂ܡܪܐ ܒܗܝ݂ܠܐ܂ ܘܐܙ݂ܠ
198:19	ܥܡ݂ܪ ܠܚܘ݂ܕܐܝ݂ܬ ܒܡܕܒܪܐ ܫܗܝܐ ܕܫ݁ܠܐ݂ ܡ݂ܢ ܟܠ ܩ̈ܠܝܢ ܘܚܣܝ݂ܟ ܡ݂ܢ ܟܠ ܥܢܝ̈ܢܝܢ܂ ܘܐܡܝ݂ܢܐܝܬ ܡ݁ܐܨܕ ܗܘ݂ܐ
198:20	ܒܪ̈ܩܝܥܐ ܕܫܡ݁ܝܐ ܘܡܬ݂ܒܩܐ ܗܘ݂ܐ ܒܟܘܟ̈ܒܐ ܘܒܢܗܝ݂ܪ̈ܝ ܡܫܚܠ̈ܦܝ ܙܒ̈ܢܐ ܘܡܬܡܠܐ ܗܘ݂ܐ ܬܗ݂ܪ̈ܐ ܪܘܪ̈ܒܐ
198:21	ܘܡܫܒܚ ܗܘ݂ܐ ܠܒܪܘ݂ܝܐ ܚܟܝ݂ܡܐ ܘܡܛܟܣܢܐ ܕܗ݀ܠܝܢ ܟܠܗܝܢ܂ ܘܗ݀ܟܢܐ ܒܝܕ ܫܠܝܗ ܘܠܚܘ݂ܕܝܘ݂ܬܗ
198:22	ܘܚܣܝ݂ܟܘ݂ܬܗ ܕܡ݂ܢ ܟܠ ܫܡ݂̈ܥܐ ܘܩ̈ܠܐ ܘܫܓܝ݂ܫܘ݂ܬܗ ܕܥ݁ܠܡܐ܂ ܘܒܝܕ ܒܗܝ݂ܠܘ݂ܬܗ ܕܡ݂ܢ ܟܠ ܣܘܥܪ̈ܢ ܘܫܦܝܘ݂ܬ
198:23	ܠܒܗ ܕܡ݂ܢ ܟܠ ܡܪ̈ܢܝܢ܃ ܒܝܕ ܐܡܝ݂ܢܘ݂ܬ ܡܐܨܕܢܘ݂ܬܗ ܕܒܡܘܙܠܬܐ ܘܡ݂ܬܒܩܝܢܘ݂ܬܗ ܕܒܟܘ̈ܟܒܐ܃ ܐܬܝܗܒܬ݁
199:01	ܠܗ ܛܝܒܘܬܐ ܕܝ݂ܕܥܬܐ ܕܥܠ ܟܠܗ ܢ݁ܡܘ݁ܣ ܟܘܟ̈ܒܐ ܘܟܪܘܟܝܐ ܕܡܘܙܠܬܐ܂ ܘܒ݁ܙܒܢ ܙܒܢ ܨܝ݁ܒܝܢ ܗܘ݂ܘ ܠܘܬܗ ܚܕ ܚܕ ܡ݂ܢ
199:02	ܗ݀ܢܘܢ ܕܒܗܘ݁ ܐܬܪܐ܂ ܘܡܬ݂ܢܗܪܝܢ ܗܘ݂ܘ ܡܢ݂ܗ ܘܡ݂ܬܚܟܡܝ݂ܢ ܒܕܐܝܟ ܗ݀ܠܝܢ܂ ܘܗܘ݂ܘ ܟܬܒܝ݂ܢ ܘܡܪܫܡܝܢ ܠܢܝ݂ܫ̈ܐ
199:03	ܘܫܪ̈ܒܐ ܗ݀ܠܝܢ ܒܟܬܒܐ ܐܝܟ ܕܠܥܘ݂ܗܕܢܐ ܘܝܕܥܬܐ ܕܠܐ ܢܬ݂ܛܥ̈ܝܢ܂ ܘܗܟܢܐ ܒܩܠܝ݂ܠ ܩܠܝ݂ܠ ܝܠܦܘ݂ܗܝ ܠܟܠܗ
199:04	ܢ݁ܡܘ݁ܣܐ ܕܟܘܟ̈ܒܐ܂ ܕܡܬܩܪܐ ܝܘܢܐܝ݂ܬ ܐܣܛܪܘ݁ܢܘ݁ܡܝܐ܂ ܘܟܡܐ ܕܐܬܝܒܠ ܙܒܢܐ ܬܘ݂ܒ ܡ݂ܬܚܟܡܝ݂ܢ܂ ܒܗ݀ܝ ܕܐܡܝ݂ܢܐܝ݂ܬ
199:05	ܡܐܨܕܝܢ ܗܘ݂ܘ ܒܡܘܙܠܬܐ ܘܡܬ݂ܒܩܝܢ ܗܘ݂ܘ ܒܟܘܟ̈ܒܐ܂ ܘܡܛ݁ܠ ܕܥܕܟܝܠ ܬܘ݂ܒ ܕܘ݂ܪܫܐ ܕܒܝܘ݂ܠܦܢܐ ܐܼܚܪܢ
199:06	ܠܝܬ ܗܘ݂ܐ ܠܗܘܢ ܣܛܪ ܡ݂ܢ ܐܡܝ݂ܢܘ݂ܬ ܚܘܪܐ ܕܒܡܘܙܠܬܐ ܝܠܦܘ݂ܗ݀ ܠܐܘ݂ܡܢܘ݂ܬܐ ܗ݂ܢܘܢ ܟܠ̈ܕܝܐ܂ ܘܪܫ݂ܡܘ ܒܟܬܒ̈ܐ
199:07	ܠܙܘ̈ܥܐ ܘܡܪ̈ܕܝܬܐ ܕܟܘܟ̈ܒܐ܂ ܘܠܡܥܒܕ̈ܢܘܬܗܘܢ ܘܟܝ̈ܢܝܗܘܢ ܘܠܟܠܗ ܢ݁ܡܘ݁ܣܐ ܕܝ݂ܠܗܘܢ܂ ܐܝܟܢܐ ܕܐܬܒܪܝ݂ܘ ܘܐܬܛܟܣܘ ܡ݂ܢ
199:08	ܒܪܘܝܐ ܚܟܝ݂ܡܐ ܕܢܗ݂ܘܘܢ ܠܐܬܘ̈ܬܐ ܘܠܙܒ̈ܢܐ ܘܠܡܦ݂ܪܫ ܥܕ̈ܢܐ ܘܫܘ݂ܚܠ̈ܦܐ܂ ܐܝܟ ܕܝ݂ܠ̈ܝܬܐ ܕܐܬܬܣܝ݂ܡ ܒܟܝ݁ܢܗܘܢ܂ ܕܒܗ݀
199:09	ܢܥܒܕܘܢ ܐܝܟ ܫܪܟܐ ܕܒܪ̈ܝܬܐ܂ ܒܬܪܟܢ ܝܒܠ ܙܒܢܐ ܘܩ݂ܡܘ ܐܢܫ̈ܐ ܡܚܒ̈ܠܐ ܕܡܚܒܠ ܪܥܝ݁ܢܗܘܢ ܡ݂ܢ ܠܐ
199:10	ܝ݂ܕܥܬܐ ܡܥܒܕܢܘ݂ܬܐ ܕܫܐܕ̈ܐ܃ ܘܛܥ݂ܘ ܒܗܘܢ ܘܐܣܒܪܘ ܡܕܡ ܚܠܦ ܡܕܡ܂ ܘܐܣܒܪܘ ܕܡܠ̈ܝ݂ܠܐ ܐܢܘܢ܂ ܘܚܐܪܘܬܐ
199:11	ܘܫܠܝ݂ܛܘ݂ܬ ܒܝ݁ܬܐ ܐܝ݂ܬ ܠܗܘܢ܂ ܘܩܠܝ݂ܠ ܩܠܝ݂ܠ ܐܛܥܝ݂ ܐܢܘܢ ܣܛܢܐ܂ ܥܕܡܐ ܕܐܣܒܪܘ ܥܠܝܗܘܢ ܕܒܪ̈ܘܝܐ
199:12	ܘܥܒܘ݂ܕ̈ܐ ܐܝ݂ܬܝܗܘܢ܂ ܘܣܡ݂ܘ ܟܠܚܕ ܚܕ ܡܢ݂ܗܘܢ ܫܡ݂ܐ ܕܐܠܗܐ ܘܗܘ݂ܘ ܦܠܚܝܢ ܠܗܘܢ ܘܣ݁ܓܕܝܢ ܘܡܩܝ݂ܡܝܢ
199:13	ܥܠ ܫܡܗܘܢ ܨ̈ܠܡܐ ܘܡܣܩܝܢ ܨܘ݂ܪ̈ܬܐ ܥܠ ܐܣ̈ܐ ܘܐܣܛܘ݂̈ܢܐ܂ ܘܩ݁ܒܥܝܢ ܠܗܘܢ ܝܘ݂ܩ̈ܢܐ ܘܡܢ݁ܩܝ݂ܢ ܠܗܘܢ
199:14	ܘܡܥ݁ܛܪܝܢ ܩܕܡܝܗܘܢ ܒܣ̈ܡܐ ܘܕ݁ܒܚܝܢ ܕܒ̈ܚܐ܂ ܐܦ ܣܛܢܐ ܒܙܒܢ ܙܒܢ ܡܡܠܠ ܗܘ݂ܐ ܒܚܕ ܚܕ ܡ݂ܢ
199:15	ܨ̈ܠܡܐ ܗܠܝܢ܂ ܘܡܛܥܐ ܒܗܘܢ ܘܡܒܕܩ ܠܗܘܢ ܥܬܝ݂ܕ̈ܬܐ ܘܓܠܐ ܟܣܝ̈ܬܐ܂ ܘܡܣܪܗܒ ܘܡܟܪܙ ܛܒ݂̈ܐ ܕܗܘܘ
199:16	ܒܐܬܪ̈ܘܬܐ ܪ̈ܚܝ݂ܩܐ܂ ܘܡܝܬܐ ܥܠ ܠܒ݂ܘ̈ܬܗܘܢ ܚܘ݂ܫܒܐ ܘܓܠܐ ܠܐܚܪܢܐ܂ ܘܒܕܐܝܟ ܗ݀ܠܝܢ ܐܛܥܝ݂ ܠܣܓܝ̈ܐܐ ܥܕܡܐ
199:17	ܠܝܘܡܢܐ܀ ܦܪ̈ܘܫܐ ܕܝܢ ܘܚܠ̈ܝ݂ܡܝ ܒܝ݂ܕܥܬܐ ܕܫܪܪܐ܂ ܠܐ ܣܟ ܡܬ݂ܛܥܝܢ܂ ܐܠܐ ܝ݁ܕܥܝܢ ܠܗܘܢ ܚܬܝ݂ܬܐܝܬ܂ ܒܗ݀ܝ
199:18	ܕܐܝ݂ܬܝܗܘܢ܂ ܗ̄ ܒܗ ܒܛܟ݂ܣܐ ܘܟܝ݁ܢܐ ܘܕܝ݂ܠ̈ܝܬܐ܂ ܘܐܝܟܢܝܘ݂ܬܐ ܕܒܪܐ ܘܐܬܩܢ ܘܛܟܣ ܐܢܘܢ ܒ݁ܪܘܝܐ܃ ܐܟܡܐ
199:19	ܕܐܝ݂ܬܝܗܘܢ ܘܡܛܠܡܘܢ ܐܝ݂ܬܝܗܘܢ܂ ܗ̄ ܠܐܬܘ̈ܬܐ ܘܠܙܒ̈ܢܐ ܘܠܡܢܗܪܘ݂ ܒܐܝ݂ܡܡܐ ܘܒܠܠܝܐ܂ ܘܠܡܥܒܕܘ݂ ܫܘ݂ܚܠ̈ܦܐ
199:20	ܒܐܐܪ܂ ܘܠܡܪܒܝܘ݂ ܙܪ̈ܥܐ ܘܠܡܒܫܠܘ ܦܐܪ̈ܐ܂ ܘܠܡܥܒܕܘ݂ ܒܟܝ݁ܢ ܐܪܥܐ ܫܘ݂ܚܠ̈ܦܐ ܣܓܝ̈ܐܐ܂ ܘܗ݀ܠܝܢ ܘܕܐܝܟ
199:21	ܗ݀ܠܝܢ ܒܟܝ݁ܢܐ ܣ݂ܡ ܘܩܒ݂ܥ ܒܗܘܢ ܒܪܘ݂ܝܐ ܟܝ̈ܢܐ ܘܕܝ݂ܠ̈ܝܬܐ܂ ܐܝܟ ܫܪܟܐ ܕܒܪ̈ܝܬܐ ܐܝ݂ܠ̈ܢܐ ܘܦܐܪ̈ܐ ܘܥܩܪ̈ܐ
199:22	ܘܐܪ̈ܥܬܐ ܘܟ̈ܐܦܐ ܘܠܘ ܒܨܒܝ݁ܢܗܘܢ܂ ܐܦܠܐ ܡܠ̈ܝ݂ܠܐ ܒܙܢܐ ܐܼܚܪܢܐ܂ ܗ̄ ܕܡܫ݂ܬܥܒܕܝܢ ܠܪ̈ܡܙܐ ܐܠܗ̈ܝܐ܂
199:23	ܘܡܫ݂ܬܡܥܝܢ ܠܨܒܝ݁ܢܗ܂ ܐܠܐ ܗܕܐ ܠܟܠܗܝܢ ܒܪ̈ܝܬܐ ܐܝ݂ܬܝܗ݀ ܚܝ̈ܐ܂ ܘܡܠ̈ܝ݂ܠܐ ܘܠܐ ܡܠ̈ܝ݂ܠܐ܂ ܘܐܛܝ݂ܡ̈ܐ ܘܠܐ ܪ̈ܓܘܫܐ܂
200:01	ܘܟܠ ܕܐܝ݂ܬ ܒܒܪܝ݂ܬܐ ܡܫܬܘܕܥܝܢ ܠܒ݁ܪܘܝܐ ܘܡܫ݂ܬܥܒܕܝܢ ܠܪܡ݂ܙܗ܂ ܒܫܪܪܐ ܫܦܝ݂ܪܐ ܒܪܝ݂ܬܗܘܢ܂ ܘܡܥܠܝ
200:02	ܐܬܪܗܘܢ ܘܫܒܝ݂ܚ܂ ܘܒܝܕ ܠܐ ܡܫܬܚܠܦܢܘܬ ܢ݁ܡܘ݁ܣܗܘܢ ܘܡܪܕܝܬܗܘܢ ܗܐ ܙܦܠܢ ܐ̈ܠܦܐ ܕܫܢܝ̈ܐ ܡܬܝܕܥܝ݂ܢ
200:03	ܕܫܒܝ݂ܚ ܗ݂ܘ ܟܝ݁ܢܗܘܢ ܣ݁ܓܝ݂ ܘܫ݁ܦܐ݂ ܘܕ݁ܟܐ݂܂ ܘܣ݁ܓܝ݂ ܫܦܝ݂ܪܐ ܒܪܝ݂ܬܗܘܢ܂ ܐܠܐ ܒܪ̈ܝܐ ܘܥܒܝ݂ܕ̈ܐ ܐܢܘܢ܂ ܘܐܝ݂ܬ
200:04	ܒܟܝ݁ܢܗܘܢ ܕܝ݂ܠ̈ܝܬܐ ܕܠܐ ܣܟ ܡܫ݂ܬܚܠ̈ܦܢ ܠܘ ܒܨܒܝ݁ܢܐ܃ ܐܠܐ ܒܟܝ݁ܢܐ܂ ܐܝܟ ܐܝܠ̈ܢܐ ܘܥܩܪ̈ܐ ܘܟܐܦ̈ܐ
200:05	ܘܐܪ̈ܥܬܐ ܕܣ݂ܡ ܐܠܗܐ ܒܟܝܢܐ ܕܟܠ ܚܕ ܕܝ݂ܠ݁ܝܬܐ ܡܕܡ ܘܡܥܒܕܢܘ݂ܬܐ ܠܘܬ݁ ܡܕܡ ܗ݂ܢܘܢ ܠܣܘ݂ܢܩܢܐ ܘܚܫܚܬܐ
200:06	ܕܩܘ݂ܝܡܗ ܕܥ݁ܠܡܐ܂ ܡܐܠܠܘܢ ܕܝܢ ܘܐ̄ܪܙܐ ܪܒܐ ܕܡܩܕܡܘ݂ܬ ܝܕܥܬܗ ܕܐܠܗܐ ܕܛܡ݂ܪ ܐܠܗܐ ‍[‍ܒܟܝܢܗܘܢ‍]‍ ܝܕܥܬܐ
200:07	ܟܣܝ݂ܬܐ ܘܫܘ݂ܘܕܥܐ ܕܗ݀ܠܝܢ ܕܥܬܝܕ̈ܢ ܕܢܗ݂ܘ̈ܝܢ܂ ܐܘ݁ ܒܐܐܪ ܘܪܩܝ݂ܥܐ܂ ܐܘ݁ ܥܠ ܐܪܥܐ܂ ܘܒܐܕ̈ܫܐ ܕܒܓܦܪܐ ܐܘ݁ ܒܦܓܪ̈ܐ
200:08	ܕܒܢܝ̈ܢܫܐ ܡܠ̈ܝ݂ܠܐ܂ ܘܬܘ݂ܒ ܣ݂ܡ ܒܗܘܢ ܐܠܗܐ ܫܘܘܕ̈ܥܐ ܡܕܡ ܥܡܝ݂ܩ̈ܐ ܕܩܕܡ ܘܝ݂ܕܥ ܐܢܝܢ ܐܟܡܐ ܕܝ݁ܕܥ
200:09	ܠܟܠܗܝܢ ܐܝܠܝܢ ܕܥܬܝܕ̈ܢ ܠܡܗ݂ܘܐ܂ ܐܢ ܒܥܒ݁ܕ̈ܐ ܘܐܢ ܒܡ̈ܠܐ ܘܐܢ ܒܚܘ݂ܫ̈ܒܐ ܕܒܢܝ̈ܢܫܐ ܒܨܒܝ݁ܢܗܘܢ
200:10	ܘܒܙܘܥܐ ܕܚܐܪܘܬܗܘܢ ܘܒܫܠܝ݂ܛܘ݂ܬ ܒܝ݁ܬܗܘܢ܂ ܘܠܘ ܒܩܛܝ݂ܪܐ ܩܕܡ ܝ݂ܕܥ ܐܢܝ̈ܢ ܐܝܟ ܝ݁ܕܥ ܟܠ܂ ܘܣ݂ܡ
200:11	ܝ݂ܕܥܬܐ ܕܥܠܝܗܝܢ ܒܟܝ݁ܢܐ ܘܕܝ݂ܠ̈ܝܬܐ ܕܟܘܟ̈ܒܐ ܘܨܝܕ ܦܪ̈ܘ݂ܫܐ ܘܚܟܝ݂ܡ̈ܝ ܒܫܪܪܐ ܐܠܗܝܐ܂ ܗ݀ܠܝܢ ܫܘ݂ܘܕ̈ܥܐ
200:12	ܠܪܒܘ݂ܬ ܚܟܡ݂ܬܗ ܕܐܠܗ ܘܠܡܩܕܡܘ݂ܬ ܝ݂ܕܥܬܗ ܡܚܘ̈ܝܢ ܘܡܒ̈ܕܩܢ܂ ܘܠܘ ܠܚܐܪܘ݂ܬܐ ܘܫܠܝ݂ܛܘ݂ܬ
200:13	ܒܝ݁ܬܐ ܕܒܪܢܫܐ ܡܒܛ̈ܠܢ܃ ܕܐܝܟܢ ܕܝܢ ܫܡ݂ܥ܂ ܐܝܟ ܐܢܫ ܢܐܡܪ ܕܐܬܝ݂ܠܕ ܦܠܢ ܒܪܢܫܐ ܒܥܕܢ ܦܠܢ܂
200:14	ܘܟܕ ܚܪ݂ܘ ܘܚܙ݂ܘ ܐܝܠܝܢ ܕܡܕܪܫܝܢ ܒܝܘ݂ܠܦܢܐ ܗ݀ܢܐ ܕܐܣܛܪܘܢܘܡܝܐ ܕܝܠܦܘܗܝ ܡ݂ܢ ܢܣܝ݁ܢܐ ܘܕܘ݂ܪܫܐ
200:15	ܐܡܝ݂ܢܐ ܕܒܙܒܢܐ ܐܪܝ݂ܟܐ ܐܕܪܟܘ ܡܢ݂ܗ ܕܚܘ݂ܫܒܢܐ ܕܝ݂ܕܥܬܐ܂ ܕܗ݀ܢܐ ܒܪܢܫܐ ܥܬܝܕ ܕܢܗܘ݂ܐ ܙܦܠܢ ܘܙܦܠܢ܂
200:16	ܘܠܐܝܠܝܢ ܡ݁ܢ ܕܥܠ ܦܓܪܗ ܡܫܘܕܥܝܢ܂ ܕܐܝܟ ܓܕ̈ܫܐ ܘܐܬܘ̈ܬܐ܂ ܘܓܘ̈ܢܐ ܘܪܒܘ݂ܬܐ܂ ܘܙܥܘ݂ܪܘ݂ܬܐ܂ ܘܚܪܝ݂ܦܘ݂ܬܐ܂
200:17	ܘܡܬ݁ܝ݂ܢܘ݂ܬܐ܂ ܘܡܫܪܪܘ݂ܬܐ܂ ܘܪܦܝܘ݂ܬܐ܂ ܘܚܝܠܬܢܘ݂ܬܐ܂ ܘܡܚܝ݂ܠܘ݂ܬܐ܂ ܘܫܘ݂ܦܪܐ܂ ܘܣܢܝܘ݂ܬܐ܂ ܘܥܪܝܡܘ݂ܬܐ܂
200:18	ܘܦܫܝ݂ܛܘ݂ܬܐ܂ ܘܚܪܝ݂ܦܘ݂ܬ ܗܘܢܐ܂ ܘܛܥ݁ܘܫܘ݂ܬ ܗܘܢܐ܂ ܘܣܓܝ݂ܐܘ݂ܬ ܪܓ݂ܬܐ܂ ܘܟܢܝ݂ܟܘ݂ܬܐ܂ ܘܝܬܝ݂ܪܘ݂ܬ ܚܡܬܐ܂
200:19	ܘܕܚܘܠܬܢܘܬܐ݁ ܘܠܒܝ݂ܒܘ݂ܬܐ܂ ܘܚܬܝ݂ܪܘ݂ܬܐ܂ ܘܫܝ݂ܛܘ݂ܬܐ܂ ܘܚܪܥܘ݂ܬܐ܂ ܘܬܡܝ݂ܡܘ݂ܬܐ܂ ܣ݁ܓܝ̈ܐܐ ܕܐܝܟ
200:20	ܗ݀ܠܝܢ ܕܡ݂ܢ ܡܘܙܓ̈ܘܗܝ ܕܦܓܪܐ ܓܕܫ̈ܢ܂ ܗ݀ܠܝܢ ܡ݂ܢ ܢܣܝ݁ܢܐ ܝ݂ܠܦ ܚܬܝ݂ܬܐܝ݂ܬ܂ ܝܕܥܬܐ ܕܝܢ ܢܦܫܢܝܬܐ
200:21	ܐܘܟܝ݂ܬ ܨܒܝ݁ܢܐ܂ ܕܐܝ݂ܬܘܗܝ ܙܘܥܐ ܕܚܐܪܘ݂ܬܐ ܘܫܠܝ݂ܛܘ݂ܬ ܒܝ݁ܬܐ܂ ܐܢ ܝ݁ܨܦ ܘܡܕܒܪ ܠܗ݀ܠܝܢ ܟܠܗܝܢ
200:22	ܡܠܝ݂ܠܐܝ݂ܬ ܘܠܘ ܒܥܝ݂ܪܐܝ݂ܬ ܘܚܝܘ݂ܬܢܐܝ݂ܬ܂ ܘܐܢ ܐܝܟ ܒܪܢܫܐ ܡܠܝ݂ܠܐ ܡܬ݂ܕܒܪ ܘܡܬ݂ܒܝܢ ܒܐܝ݂ܩܪܗ
200:23	ܘܒܡܥܠܝܘܬ ܟܝ݁ܢܗ ܕܒܪܐ݂ ܘܥܒܝ݂ܕ ܒܨܠܡ ܡܪܗ ܘܒܕܡܘ݂ܬ ܥܒܘ݁ܕܗ܂ ܠܗ݀ܠܝܢ ܟܠܗܝܢ ܡܠܝ݂ܠܐܝ݂ܬ ܘܐܝܟ
201:01	ܨܒܝܢ ܡܪܗ܂ ܡܐܠܠܘܢ ܘܐܝܟ ܕܫܦܝ݂ܪ ܥܠ ܟܠܢܫ ܡܬ݂ܕܒܪ ܘܣ݁ܒܪ܂ ܘܡܟܢܟ ܡ݁ܢ ܠܪܓ݂ܬܐ܂ ܡܪܝ݂ܚܐ ܠܚܡ݂ܬܐ܂ ܡܡܟܟ
201:02	ܠܚܬܝ݂ܪܘ݂ܬܐ܂ ܡܚܟܡ ܠܚܪܥܘ݂ܬܐ܂ ܡܟܒܫ ܠܬܙܝ݂ܙܘ݂ܬ ܦܓܪܐ܂ ܥܡ ܗ݀ܠܝܢ ܕܫܪܟܐ܂ ܐܢ ܕܝܢ ܡܗܡܐ ܘܝ݁ܗܒ ܠ̈ܚܫܐ
201:03	ܗ݀ܠܝܢ ܬܒ̈ܥܬܗܘܢ܃ ܘܡ݂ܬܕܡܐ ܠܫܪܟܐ ܕܒܥܝ݂ܪܐ ܘܚܝܘ݂ܬܐ ܕܠܐ ܡܠ݂ܬܐ܂ ܦܓܪܐ ܡ݁ܢ ܡ݂ܢ ܐܣܛܘ݂ܟ̈ܣܐ ܡܪܟܒ
201:04	ܘܬܚ݂ܝܬ ܡܘܙܠܬܐ ܐܝ݂ܬܘܗܝ܂ ܡ݂ܛ݁ܠܗ݀ܕܐ ܡ݂ܢܗ ܡ݂ܢ ܡܘܙܠܬܐ ܡܬ݂ܩܒ̈ܥܢ ܒܗ ܗ݀ܠܝܢ ܟܠܗܝܢ ܓܕܫܢ̈ܝܬܐ
201:05	ܘܟܝ̈ܢܝܬܐ܂ ܢܦܫܐ ܕܝܢ ܠܘ ܡ݂ܢ ܐܣܛܘ݂ܟ̈ܣܐ ܕܬܚܝܬ ܡܘܙܠܬܐ ܐܝ݂ܬܘܗܝ ܟܝ݁ܢܗ݀܂ ܐܠܐ ܠܥ݂ܠ ܘܠܒܪ ܡ݂ܢ
201:06	ܡܘܙܠܬܐ ܘܡ݂ܢ ܐܣܛܘ݂ܟ̈ܣܐ ܗܘ݂ܠ̈ܢܝܐ܂ ܡܕܡ ܪܘ݂ܚܢܝܐ ܘܫܦܝܐ ܘܩܛܝ݂ܢܐ ܐܝܟ ܟܝ݁ܢܐ ܕܪ̈ܘܚܢܐ܂ ܘܗ݂ܝ ܝ݁ܕܥܐ
201:07	ܘܦܩ݁ܕܐ ܥܠ ܡܘܙܠܬܐ ܘܡܫܥܒܕܐ ܠܐܣܛܘ݂ܟ̈ܣܐ ܘܠܘ ܗ݂ܢܘܢ ܡܫܥܒܕܝܢ ܠܗ݀܂ ܡܛܠ ܕܠܐ ܟܕܝ݂ܢܐ ܬܚܝ݂ܬ ܪܘ݂ܟܒܐ
201:08	ܗܘ݂ܠܢܝܐ ܕܡܢ݂ܗܘܢ܂ ܡܕܝܢ ܚܘ݂ܫ̈ܒܐ ܘܙܘ̈ܥܐ ܕܚܐܪܘ݂ܬܐ ܘܡ̈ܠܐ ܕܢ݁ܦܩ̈ܢ ܡ݂ܢ ܠܒܐ ܒܝܕ ܡܬܬܙܝ݂ܥܢܘ݂ܬܐ ܕܠܫܢܐ܂
201:09	ܒܪܘ݂ܟܒܐ ܕܩ̈ܠܐ ܘܣ݁ܥܘ݂ܪܘ݂ܬܐ ܕܐܝ݂ܕ̈ܝܐ ܨܒܝ݁ܢܐܝ݂ܬ ܘܡܠܝ݂ܠܐܝ݂ܬ܂ ܕܒܝܕ ܗ݀ܠܝܢ ܡܬܬܕܝ݂ܢܐ ܚܛܝ݂ܬܐ ܘܙܕܝ݂ܩܘ݂ܬܐ܂
201:10	ܗ݀ܠܝܢ ܕܫܠܝ݂ܛܘ݂ܬ ܒܝ݁ܬܐ ܕܢܦܫܐ ܡܠܝ݂ܠܬܐ ܘܝܕܘ݂ܥܬܢܝ݂ܬܐ ܐܝ݂ܬܗܝܢ܂ ܘܠܘ ܕܓܕ̈ܫܘ̄ ܕܦܓܪܐ ܚܝܘ݂ܬܐ ܡܪܟܒܬܐ܂
201:11	ܐܠܐ ܡܛ݁ܠ ܕܐܣܝ݂ܪܐ ܘܡܚܝܕܐ ܢܦܫܐ ܒܦܓܪܐ܃ ܡ݂ܨܛܠܝܐ ܥܡܗ ܠܕܚܠ̈ܬܗ܂ ܘܟܠܗܝܢ ܕܝ݂ܠܗ ܐܦ ܕܝ݂ܠܗ݀ ܡܬܐܡܪ̈ܢ܂
201:12	ܡܛܠ ܕܗܝ݂ ܐܝ݂ܬܝܗ݀ ܡܕܒܪܢܝ݂ܬܗ ܐܝܟ ܗܢܝܘ݂ܟܐ ܠܣܘܣܝܐ ܘܠܘ ܗ݂ܘ ܡܕܒܪ ܠܗ݀܂ ܐܟܡܐ ܕܐܦܠܐ ܣܘܣܝܐ ܡ݁ܨܐ݂ ܥ݁ܨܐ
201:13	ܨܒܝ݁ܢܗ ܕܗܢܝܘ݂ܟܐ ܕܐܚܝ݂ܕ ܦ݁ܓܘ݂ܕ̈ܘܗܝ܂ ܐܢ ܗ݂ܘ ܣܘܣܝܐ ‍{‍ܘ‍}‍ܡܢܣܐ ܕܢܫ݂ܘܪ ܠܟܐ ܘܠܟܐ ܐܝܟ ܟܝ݁ܢܗ܂ ܐܠܐ ܗܢܝܘ݂ܟܐ ܒܗ݀ܝ
201:14	ܕܐܚܝ݂ܕ ܦ݁ܓܘ݂ܕ̈ܘܗܝ܃ ܠܐ ܡܪܦܐ ‍[‍ܠܗ܂ ܘܐܢ ܡܪܦܐ‍]‍ ܘܡܗܡܐ ܫܘܪ ܒܥܪܡܐ ܡܕܡ܂ ܐܘ݁ ܡ݂ܢ ܫܩܝ݂ܦܐ ܘܢ݁ܦܠܝܢ ܬܪ̈ܝܗܘܢ
201:15	ܘܡ݂ܬܬܒܪܝܢ܂ ܘܟܠܗ ܐܒܕܢܐ ܡ݂ܢ ܗܢܝܘ݂ܟܐ ܡ݂ܬܬܒܥ܂ ܗܟܘܬ ܐܣܒܪ ܐܦ ܥܠ ܢܦܫܐ܀ ܬܘ݂ܒ ܕܝܢ ܐ̄ܪܙܐ ܐܼܚܪܢܐ
201:16	ܓ݁ܠܝܢ ܩܕܡ ܦܪ̈ܘܫܐ ܕܫܪܪܐ܂ ܐܡ݂ܪ ܠܝ ܐܚܘܢ܂ ܟܠܗܝܢ ܐܝܠܝܢ ܕܥܬܝ݂ܕ ܠܡܣ݂ܥܪ ܒܪܐܢܫܐ ܕܡ݂ܬܝ݂ܠܕ ܒܬܪ ܡ̈ܐܐ
201:17	ܫܢ̈ܝܢ܂ ܐܘ݁ ܐܠܦ ܐܘ݁ ܝܬܝ݂ܪ܂ ܐܘ݁ ܠܡܡܠܠܘ݂ ܐܘ݁ ܠܡܬ݂ܚܫܒܘ݂܂ ܩܕܡ ܝ݂ܕܥ ܐܢ̈ܝܢ ܐܠܗܐ ܠܟܠܗܝܢ ܐܘ݁ ܠܐ܂ ܡܢܟܠܦܪܘ݁ܣ
201:18	ܝ݁ܕܥ ܠܟܠܗܝܢ ܩܕܡ ܗܘܝܗܝܢ܂ ܘܐܝܟܢܐ ܡܨܝܐ ܠܢ ܕܢܕܥ ܐܢܝ̈ܢ܂ ܝ݁ܕܥܝܢܢ ܕܝܢ ܠܗ݀ܠܝܢ ܡ݂ܢ ܒܘ݂ܕ̈ܩܐ ܕܢܒܝܘ݂ܬܐ
201:19	ܕܡ݂ܬܝ݂ܗܒܐ ܡܓܢ ܠܚܕ ܚܕ ܒܛܝܒܘ݂ܬܐ܃ ܡ݂ܛ݁ܠ ܦܘ݂ܪ̈ܢܣܐ ܕܡܕܒܪܢܘܬܐ܂ ܐܘ݁ ܡ݂ܢ ܚܒܪܬܗ݀ ܕܢܒܝܘ݂ܬܐ
201:20	ܕܡ݂ܬܝܗܒܐ ܘܡܬ݂ܝܕܥܐ ܒܬܪ ܥܡܠܐ ܣ݁ܓܝ݂ܐܐ ܘܕܘ݂ܪܫܐ ܘܝܘ݂ܠܦܢܐ܂ ܕܐܝ݂ܬܝܗ݀ ܕܛܡܝ݂ܪܐ ܒܝ݂ܕܥܬܐ ܕܟܘܟ̈ܒܐ ܒܨܒܝܢ
201:21	ܒܪܘ݂ܝܐ ܚܟܝ݂ܡܐ ܘܪܡ ܒܡܩܕܡܘ݂ܬ ܝ݂ܕܥܬܐ܂ ܐܠܐ ܠܘ ܡܛ݁ܠ ܕܩܕܡ ܝ݂ܕܥ ܐܠܗܐ ܠܐܝܠܝܢ ܕܥܬܝܕ ܒܪܢܫܐ ܠܡ݂ܣܥܪ
201:22	ܐܘ݁ ܠܡ݂ܓܕܫ ܠܗ܃ ܘܫܘܕܥ ܐܢܝܢ܂ ܠܗ݀ܠܝܢ ܡ݂ܢ ܙܘ̈ܥܐ ܕܟܘܟ̈ܒܐ ܐܝܟ ܕܡܩܕܡܝܢ ܡܬܚܡܝ݂ܢ ܐܣܛܪܘܠܘܓܘ
202:01	ܘܡܫܘܕܥܝܢ ܠܐܝܠܝܢ ܕܥܬܝ݂ܕ̈ܢ܂ ܡ݂ܢ ܟܠܦܪܘ݁ܣ ܐ݁ܠܨܐ ܕܢܗ̈ܘܝܢ ܗ݀ܠܝܢ ܩܛܝ݂ܪܐܝ݂ܬ܂ ܐܠܐ ܡܛ݁ܠ ܕܥܬܝ݂ܕ̈ܢ ܕܢܗܘ̈ܝܢ ܡ݂ܢ ܟܠ
202:02	ܦܪܘ݁ܣ܂ ܒܙܘܥܐ ܕܚܐܪܘ݂ܬܐ ܘܫܠܝ݂ܛܘ݂ܬ ܒܝ݁ܬܐ ܨܒܝ݁ܢܐܝ݂ܬ ܘܠܘ ܒܩܛܝ݂ܪܐ܂ ܩܕܡ ܝ݂ܕܥ ܐܢܝܢ ܗ݀ܘ ܝ݁ܕܥ ܟܠ
202:03	ܠܗ݀ܠܝܢ ܕܨܒܝ݁ܢܐܝ݂ܬ ܘܠܗ݀ܠܝܢ ܕܟܝ݁ܢܐܝܬ ܘܠܗ݀ܠܝܢ ܕܓܕܫܵܢܐܝܬ܂ ܐܦ ܠܗܠܝܢ ܕܩܛܝ݂ܪܐܝܬ ܘܟܠܗܝܢ ܬܚܝ݂ܬ
202:04	ܒܛܝ݂ܠܘ݂ܬܐ ܐܠܗ݀ܝܬܐ ܡܣܲܬ݁ܥܪ̈ܢ܂ ܘܠܘ ܒܫܓ݂ܡܐ܂ ܘܐܝܟܐ ܕܨ݁ܒܐ ܡܒܲܛܠ ܠܣܘ݂ܥܪܢܐ ܕܚܹܐܪܘ݂ܬܐ ܐܝܟ ܝ݁ܕܥ ܟܠ
202:05	ܘܫܠܝ݂ܛ ܟܠ܂ ܘܡ݁ܨܐ݂ ܟܠ܂ ܘܐܝܟܐ ܕܨ݁ܒܐ ܫ݁ܒܩ ܕܬܫܡܠܐ ܨܒܝ݁ܢܗ݀܂ ܐܟܡܐ ܕܝ݁ܕܥ ܒܥܡܝ݂ܩܘ݂ܬ ܕܝ݂ܢ̈ܘܗܝ ܠܐ
202:06	ܡܬܕܪ̈ܟܢܐ܂ ܘܐܢ ܬܐܡܪ ܟܠ ܕܨ݁ܒܐ ܡܪܝܐ ܥ݁ܒܕ ܘܡܫܚܠܦ ܘܡܒܛܠ܂ ܘܡ݁ܚܐ ܘܡܐܣܐ܂ ܘܡܐܚܐ ܘܡܡܝ݂ܬ܂
202:07	ܫܪܪܐ ܕܗܟܢ ܐܝ݂ܬܝܗ݀܂ ܐܠܐ ܠܘ ܥܕܟܝܠ ܨ݁ܒܐ ܒܗ݀ܠܝܢ܂ ܨܒ݂ܐ ܡ݂ܢ ܟܕܘ݂ ܒܟܠܗܝܢ ܐܝܠܝܢ ܕܨ݁ܒܐ܂ ܘܟܠܗܝܢ ܓܡܝ݂ܪ̈ܬܐ
202:08	ܘܡܫܡ̈ܠܝܬܐ ܐܝ݂ܬܝܗܝܢ ܒܬܪܥܝ݂ܬܗ܂ ܘܠܘ ܥܕܟܝܠ ܡܬ݂ܚܫܒ܂ ܘܗ݀ܝܕܝܢ ‍[‍ܨ݁ܒܐ‍]‍ ܐܝܟ ܒܨܝ݂ܪܘܬܢ ܕܝ݂ܠܢ܂ ܕܟܠ ܐܡ݂ܬܝ
202:09	ܡܕܡ ܚܕܬ ܡܬ݂ܚܫܒܝ݂ܢܢ ܘܨ݁ܒܝܢܢ ܘܣ݁ܥܪܝ݂ܢܢ܂ ܚܣ ܠܗ݀ܝ ܝܕܥܬܐ ܚܟܝ݂ܡܬ݁ ܒܟܠ ܟܠ܂ ܕܗܘ݂ܐ ܐܘ݁ ‍[‍ܓܕܫ
202:10	ܒܒܪܝܬܐ܂ ܐܘ݁ ܥܕܟܝܠ ܗ݀ܘܐ ܐܘ݁‍]‍ ܓܕܫ܂ ܐܢ ܒܥܒ݁ܕܐ ܘܐܢ ܒܡܠ݂ܬܐ ܘܐܢ ܒܚܘ݂ܫܒܐ܃ ܕܠܐ ܝ݁ܕܥ ܠܗܝܢ ܓܡܝ݂ܪܐܝܬ
202:11	ܐܝܟ ܗ݀ܘ ܕܗܘ݂̈ܝ ܡ݂ܢ ܟܕܘ ܡ݂ܢ ܩܕܡ ܬܪ̈ܡܝܬܗ ܕܥ݁ܠܡܐ܂ ܘܟܠܗܝܢ ܕܗܘ݂ ܨܒ݂ܐ ܡ݂ܢ ܫܘ݂ܪܝܐ ܕܒܪܝ݂ܬܐ ܕܥܠ̈ܡܐ܃
202:12	ܥܕܡܐ ܠܥ݁ܠܡܥ݁ܠܡܝܢ܃ ܓܡܝ݂ܪ̈ܬܐ ܐܢܝܢ ܒܝ݂ܕܥܬܗ ‍[‍ܘ‍]‍ܡܫܡܠ̈ܝܬܐ܂ ܘܠܘ ܚ݂ܕ̈ܬܬܐ܂ ܠܝܬ ܡܕܡ ܚܕܬ ܣܟ ܠܘܬ ܗ݀ܝ
202:13	ܝ݂ܕܥܬܐ ܡܫܡܠܝܬܐ ܘܚܟܝ݂ܡܬ݁ ܒܟܠ܂ ܘܐܢ ܢܗ݂ܘܐ ܐܼܢܫ ܕܒܚܕ ܝܘܡܐ ܪ̈ܒܘ݂ ܙܒ̈ܢܝܢ ܢܫ݂ܬܚܠܦ
202:14	ܒܚܘ݂ܫܒ̈ܘܗܝ܂ ܘܪ̈ܒܘ݂ ܙܒ̈ܢܝܢ ܢܚ݂ܛܐ ܘܢܗ݂ܦܘܟ ܢܬܘ݂ܒ܃ ܘܢܥ݂ܬܪ ܘܢܬ݂ܡܣܟܢ܂ ܘܢܥ݂ܒܕ ܡܕܡ
202:15	ܘܢܬ݂ܬܘܐ ܒܗ܂ ܠܟܠܗܝܢ ܗ݀ܠܝܢ ܩܕܡ ܝ݂ܕܥ ܐܠܗܐ ܡܫܡܠܝܐܝ݂ܬ ܐܝܟ ܕܗܘ݂̈ܝ܂ ܘܠܐ ܣܟ ܡ݁ܪܕ ܡ݂ܢ ܝ݂ܕܥܬܗ
202:16	ܣܟ ܡܕܡ܂ ܡܕܝܢ ܐܝܠܝܢ ܕܐ݁ܡܪܝܢ ܕܐܝܠܝܢ ܕܨ݁ܒܐ ܡܪܝܐ ܥ݁ܒܕ ܘܡܒܛܠ ܘܡܫܚܠܦ ܐܝܟ ܕܫ݁ܦܪ ܠܗ܂
202:17	ܗ݀ܠܝܢ ܠܘ ܡܘܪܒܘ݂ ܗ݀ܐ ܡܘܪܒܝܢ ܠܐܠܗܐ܂ ܐܠܐ ܣ݁ܓܝ݂ ܡܒܨܪܝܢ ܠܗ݀ܝ ܪܒܘ݂ܬܐ ܓܡܝ݂ܪܬܐ ܘܡܫܡܠܝܬ܂ ܥܕܟܝܠ ܨ݁ܒܐ܃
202:18	ܐܝܟ ܛܠ̈ܝܘ݂ܣܐ ܕܝܘܡܢ ܨ݁ܒܝܢ ܡܕܡ܂ ܘܠܡܚܪ ܫ݁ܒܩܝ݂ܢ ܗ݀ܢܐ ܘܝ݁ܠܦܝܢ ܬܘ݂ܒ ܡܕܡ ܘܨ݁ܒܝܢ ܒܐܼܚܪܬܐ܃ ܚܣ܂
202:19	ܡܕܝܢ ܡܠ݂ܬܐ ܕܟܘܟ̈ܒܐ ܘܫܘ݂ܘܕܥܐ ܕܣ݂ܡ ܒܪܘ݂ܝܐ ܒܟܝ݁ܢܗܘܢ܃ ܠܘ ܡܒ̈ܛܠܢܐ ܕܚܐܪܘ݂ܬܐ ܐܝ݂ܬܝܗܘܢ܂ ܐܠܐ ܡܩܝܡ̈ܢܐ
202:20	ܘܡܫܪܪ̈ܢܐ܂ ܘܗ݀ܘ ܡܕܡ ܕܥܬܝܕܐ ܚܐܪܘ݂ܬܐ ܕܬܣܥܘ݂ܪܝ ܒܫܠܝ݂ܛܘ݂ܬ ܒܝ݁ܬܗ݀܃ ܡܩܕܡܝܢ ܡܫܘܕܥܝܢ܂ ܘܗܟܘܬ
202:21	ܘܥܠ ܫܘ݂ܚܠ̈ܦܐ ܕܓܕܫܝܢ ܠܒܪܢܫܐ܂ ܐܢ ܨܒܝܢ̈ܝܐ ܘܐܢ ܩܛܝ݂ܪ̈ܝܐ܂ ܘܐܢ ܓ݂ܕ̈ܫܢܝܐ ܘܐܢ ܟܝܢ̈ܝܐ܃ ܒܟܠܗ ܡܬ݂ܚܐ
202:22	ܕܚܝ̈ܘܗܝ܂ ܣܡ ܒܪܘ݂ܝܐ ܒܟܝ݁ܢܗܘܢ ܫܘ݂ܘܕ̈ܥܐ ܡܕܡ ܕܩ݁ܕܡܝܢ ܡܫܘܕܥܝܢ܂ ܘܠܘ ܡܛ݁ܠ ܕܒܟܝ݁ܢܗܘܢ ܕܟܘܟ̈ܒܐ
202:23	ܐܝ݂ܬܝܗ݀ ܗ݀ܕܐ ܡ݂ܢܟܠܦܪܘ݁ܣ ܚܠܝ݂ܩܐ ܕܬܗ݂ܘܐ ܗܕܐ ܐܝܟ ܕܣ݁ܓܝ ܐܡ݂ܪܢܢ܂ ܐܠܐ ܡܛ݁ܠ ܕܥܬܝ݂ܕܐ ܕܬܗ݂ܘܐ ܡ݂ܢ
203:01	ܟܠܦܪܘ݁ܣ ܒܨܒܝܢ ܚܐܪܘ݂ܬܐ܂ ܩܕܡ ܝ݂ܕܥ ܒ݁ܪܘ݂ܝܐ ܘܣ݂ܡ ܒܟܝ݁ܢܗܘܢ܂ ܐܟܙܢܐ ‍[‍ܗܟܝܠ‍]‍ ܕܝ݁ܕܥܝܢܢ ܕܥܬܝܕ ܕܢܗ݂ܘܐ
203:02	ܣܲܬܘܐ܃ ܘܢܗ݂ܘܐ ܒܗ ܡܛ݂ܪܐ ܘܩܘ݂ܪܐ܂ ܘܬܠܓܐ ܘܓܠܝܕܐ܂ ܘܒܬܪܟܢ ܢܗ݂ܘܐ ܬܐܕܐ܂ ܘܗ݀ܝܕܝܢ ܩܝܛܐ ܘܚܘ݂ܡܐ
203:03	ܥܲܙܝ݂ܙܐ܂ ܘܠܘ ܡܛ݁ܠ ܡܩܕܡܘ݂ܬ ܝ݂ܕܥܬܢ ܓ݁ܕ̈ܫܢ ܗ݀ܠܝܢ ܡ݂ܢ ܟܠ ܦܪܘ݁ܣ܂ ܐܠܐ ܡܛ݁ܠ ܕܥܬܝ̈ܕܢ ‍[‍ܕܢܗܘ̈ܝܢ ܡ݂ܢ ܟܠ
203:04	ܦܪܘ݁ܣ܂ ܚܢܢ ܡܢ ܢܣܝ݁ܢܐ ܩ݁ܕܡܝܢܢ ܡܫܬܘܕܥܝܢܢ ܠܗܝܢ ܐܟܡܐ ܕܥܬܝܕ̈ܢ‍]‍ ܠܡܗ݂ܘܐ܂ ܐܦ ܓܝܪ ܕܪܒܐ ܡ݂ܢ
203:05	ܗܕܐ ܗ݀ܝ ܕܡܠ̈ܚܐ ܘܪ̈ܕܝ݂ܝ݂ ܒܝܡܐ ܕܡܬ݂ܒܩܝܢ ܒܐܐܪ ܡ݂ܢ ܩܕܡ ܝܘ̈ܡܬܐ܂ ܘܒܝܕ ܫܘܘܕ̈ܥܐ ܡܕܡ ܕܐܝ݂ܬ
203:06	ܠܗܘ݁ܢ ܕܩܕܡܘ ܝ݂ܠܦܘ ܐܢܘܢ ܡ݂ܢ ܢܣ݂ܝ݁ܢܐ ܕܙܒܢܐ܂ ܡܩܕܡܝܢ ܝ݁ܕܥܝܢ ܘܡܫܘܕܥܝܢ ܠܫܘ݂ܚܠ̈ܦܐ ܕܐܐܪܣ
203:07	ܘܕܡܫܒܐ ܕܪܘ݂ܚܐ ܘܕܥܪ̈ܦܠܐ ܐܦ ܕܡܚܫܘ݂̈ܠܐ ܘܕܒܗܝ݂ܠܘ݂ܬܐ ܕܝܡܐ ܘܕܡܬܬܙܝ݂ܥܢܘ݂ܬܗ܂ ܘܗܕܐ ܠܘ ܡܛ݁ܠ
203:08	ܕܩ݁ܕܡܝ݂ܢ ܐܡ݁ܪܝܢ ܗ݀ܠܝܢ ܘܚ݁ܠܩܝ݂ܢ ܥܬܝ݂ܕܐ ܕܬܗ݂ܘܐ ܡ݂ܢ ܟܠ ܦܪܘ݁ܣ ܩܛܝ݂ܪܐܝ݂ܬ܂ ܐܠܐ ܡܛܠ ܕܥܬܝܕܐ ܕܬܗ݂ܘܐ
203:09	ܡ݂ܢ ܟܠ ܦܪܘ݁ܣ ܟܝ݁ܢܐܝܬ܃ ܩܕܡܘ ܝ݂ܕܥܘ ܗ݀ܠܝܢ ܘܐܡ݂ܪܘ ܘܫܘܕܥܘ ܡ݂ܢ ܢܣܝ݁ܢܐ܀ ܘܐܟܙܢܐ ܬܘ݂ܒ ܕܐܼܢܫ ܓܢܢܐ
203:10	ܕܐܝ݂ܬ ܒܓܢܬܗ ܪ̈ܒ݂ܘ݂ ܐܝܠ̈ܢܐ܂ ܘܢܐܬ݂ܐ ܐܼܢܫ ܒܙܒܢ ܣܬܘܐ ܠܘܬܗ ܟܕ ܡܫܠܚܝ݂ܢ ܐܝ݂ܠ̈ܢܐ ܡ݂ܢ ܛܪ̈ܦܐ ܘܡ݂ܢ
203:11	ܦܐܪ̈ܐ܂ ܘܐܘ݂ܟܡܢ ܘܣ݁ܢܝܢ݂ ܒܚ݂ܙܬܗܘܢ ܐܝܟ ܨܘ̈ܝܐ ܝܒܝ݂ܫ̈ܐ܂ ܘܢܫܘܕܥ ܓܢܢܐ ܗ݀ܘ ܠܗ݀ܘ ܒܪܢܫܐ ܟܝ̈ܢܝܗܘܢ
203:12	ܘܓ݂ܢܣ̈ܝܗܘܢ ܕܐܝ݂ܠ̈ܢܐ ܗ݀ܠܝܢ܂ ܕܗ݀ܢܐ ܥܬܝ݂ܕ ܕܢܗ݂ܘܐ ܒܗ ܬܐܢ̈ܐ ܚܘܪ̈ܬܐ ܘܗ݀ܢܐ ܐܘ݂ܟܡ̈ܬܐ܂ ܘܗ݀ܢܐ ܣܘ݂ܡܩ̈ܬܐ܂
203:13	ܘܗ݀ܢܐ ܪ̈ܘܡܢܐ ܚܠ̈ܝܐ܂ ܘܗ݀ܢܐ ܚܡ̈ܘܨܐ܂ ܘܗ݀ܢܐ ܪ̈ܟܝ݂ܟܐ܂ ܘܗ݀ܢܐ ܓܘܪ̈ܓܡܢܐ܂ ܘܗ݀ܢܐ ܚܙܘ݂ܪ̈ܐ܂ ܘܗ݀ܢܐ ܚ݁‍{‍ܝ̈‍}‍‍<‍ܢ‍>‍ܝܐ܂ ܘܗ݀ܢܐ
203:14	ܕܘܪ̈ܩܝ݂ܢܐ܂ ܘܡܫܘܕܥ ܥܠ ܓܢ݂ܣܐ ܕܙܢܐ ܘܥܠ ܐܕܫ̈ܘܗܝ܂ ܘܥܠ ܫܘܚܠ̈ܦܘ̄ ܘܥܠ ܓܘܢܐ ܘܪܝ݂ܚܐ ܘܛܥܡܐ܂ ܘܟܡܝܘ݂ܬܐ
203:15	ܕܪܒܘ݂ܬܐ ܘܕܙܥܘܪ̈ܘ݂ܬܐ܂ ܘܕܣ݁ܓܝ݂ܐܘ݂ܬܐ ܘܕܒܨܝ݂ܪܘ݂ܬܐ܂ ܘܟܕ ܢܐܬܐ ܙܒܢܐ ܕܦܐܪ̈ܐ܂ ܡ݂ܢ ܟܠܦܪܘ݁ܣ ܐܝܟ ܕܩܕܡ ܫܘܕܥ
203:16	ܓܢܢܐ ܗܟܢܐ ܗ݀ܘܐ ܘܡܫ݂ܬܡܠܐ܂ ܗ݀ܫܐ ܠܘ ܡܛ݁ܠ ܕܩܕܡ ܝ݂ܕܥ ܘܚܠ݂ܩ ܓܢܢܐ ܗܘ݂̈ܝ ܗ݀ܠܝܢ܂ ܐܠܐ ܡܛܠ ܕܥܬܝܕ̈ܢ
203:17	ܕܢܗ̈ܘܝܢ ܟܝ݁ܢܐܝ݂ܬ ܡ݂ܢ ܟܠܦܪܘ݁ܣ܂ ܩܕܡ ܝ݂ܕܥ ܐܢܝܢ ܡ݂ܢ ܢܣ݂ܝ݁ܢܐ܂ ܗܟܘܬ ܘܫܪܒܐ ܕܟܘܟ̈ܒܐ܂ ܡܛܠ ܕܥܬܝ݂ܕ ܒܪܢܫܐ
203:18	ܕܢܥܒ݂ܕ ܙܦܠܢ ܘܙܦܠܢ ܒܨܒܝ݁ܢܗ ܘܒܙܘܥ ܕܚܐܪܘ݂ܬܗ܃ ܐܘ݁ ܕܢܗ̈ܘܝܢ ܠܗ ܐܼܚܪܢܝܐܝ݂ܬ ܩܛܝ݂ܪܐܝ݂ܬ ܐܘ݁ ܟܝ݁ܢܐܝ݂ܬ
203:19	ܐܘ݁ ܓܕܫܢܐܝܬ܃ ܩܕܡ ܝ݂ܕܥ ܒ݁ܪܘ݂ܝܐ ܚܟܝ݂ܡܐ ܘܣܡ ܒܟܝ݁ܢܗܘܢ ܫܘ݂ܘܕ̈ܥܐ ܡܕܡ܂ ܫܓ݂ܡܐ ܕܝܢ ܣܟ ܠܝܬ܂ ܘܠܐ
203:20	ܗ݀ܘܐ ܡܕܡ ܒܫܓ݂ܡܐ ܐܠܐ ܟܠܡܕܡ ܬܚܝ݂ܬ ܒܛܝ݂ܠܘ݂ܬ ܘܪܡ݂ܙܐ ܘܡܦܪܢܣܢܘ݂ܬܐ ܕܐܠܗܐ ܐܝ݂ܬܘܗܝ܂ ܘܣܟ ܚܕ
203:21	ܛܪܦܐ ܠܐ ܢ݁‍{‍ܛ‍}‍‍<‍ܬ‍>‍ܪ ܡ݂ܢ ܐܝ݂ܠܢܐ܂ ܐܘ݁ ܚܕܐ ܡܢ݂ܬܐ ܕܣܥܪܐ ܢ݁ܦܠܐ ܡ݂ܢ ܒܪܢܫܐ܂ ܐܘ݁ ܡ݂ܢ ܚܝܘ݂ܬܐ܂ ܐܘ݁ ܡ݂ܢ ܦܪܚܬܐ܂ ܒܠ݂ܥܕ
203:22	ܡ݂ܢ ܝ݂ܕܥܬܐ ܘܒܛܝ݂ܠܘ݂ܬܐ ܕܐܠܗܐ܂ ܘܠܘ ܠܚܐܪܘ݂ܬܐ ܡܒܛܠܐ ܒܛܝ݂ܠܘ݂ܬܐ ܕܐܠܗܐ ܘܡܦܪܢܣܢܘ݂ܬܗ ܘܡܩܕܡܘ݂ܬ
203:23	ܝ݂ܕܥܬܗ܂ ܐܠܐ ܡܐܠܠܘܢ ܝܬܝ݂ܪ ܡܫܪܪ̈ܢ ܘܡܚܘܝ̈ܢ ܘܡܩܝ̈ܡܢ ܠܗ݀ ܠܚܐܪܘܬܐ܂ ܐܟܡܐ ܕܐܦܠܐ ‍[‍ܫܘܘܕܥܐ‍]‍ ܕܡܩܕܡܘ݂ܬ
204:01	ܝ݂ܕܥܬܐ ܕܣ݂ܡ ܐܠܗܐ ܒܟܝ݁ܢܐ ܕܟܘܟ̈ܒܐ ܡܒܛܠܐ ܠܚܕ ܡ݂ܢ ܗ݀ܠܝܢ܂ ܠܐ ܠܚܐܪܘ݂ܬܐ ܘܠܐ ܠܒܛܝ݂ܠܘ݂ܬܐ܂ ܐܠܐ ܟܠܗܝܢ ܚܕܐ
204:02	ܠܚܕ ܣ݁ܗܕ̈ܢ ܘܡܫܪܪ̈ܢ ܘܡܩܝ̈ܡܢ܂ ܡܩܕܡܘ݂ܬ ܝܕܥܬܐ ܕܒܟܘܟ̈ܒܐ ܡܫܪܪܐ ܘܣ݁ܗܕܐ ܠܚܐܪܘ݂ܬܐ ܕܫܪܝܪܐܝ݂ܬ
204:03	ܫܠܝ݂ܛܘ݂ܬ ܒܝ݁ܬܗ݀ ܐܝ݂ܬܝܗ݀܂ ܒܨܠܡܐ ܘܕܡܘ݂ܬܐ ܕܒ݁ܪܘ݂ܝܐ܂ ܘܗ݀ܠܝܢ ܕܥܬܝ݂ܕ ܚܐܪܘܬܐ ܕܬܣܥܘ݂ܪܝ ܒܫܠܝ݂ܛܘ݂ܬ
204:04	ܒܝ݁ܬܗ݀܃ ܩ݁ܕܡܐ ܝ݁ܕܥܐ ܡܡܠܠܘ݂ܬ ܟܘܟ̈ܒܐ ܐܝܟ ܢܒܝܘ݂ܬܐ܂ ܘܠܘ ܡܕܡ ܐܼܚܪܝܢ܂ ܘܬܪ̈ܬܝܗܘܢ ܣ݁ܗܕ̈ܢ ܘܫܪܪ̈ܢ
204:05	ܠܒܛܝ݂ܠܘ݂ܬܐ ܐܠܗ݀ܝܬܐ ܘܡܦܪܢܣܢܘ݂ܬܐ ܚܟܝ݂ܡܬ݁ ܒܟܠ܂ ܕܒܗ݀ ܩ݁ܝܡ̈ܢ ܘܡܬܬܙܝ݂ܥ̈ܢ ܘܐܝ݂ܬܝܗܝܢ܂ ܘܠܘ
204:06	ܒܫܓ݂ܡܐ ܐܘ݁ ܒܐܛܘܡܐܛܘܢ ܪܕܐ ܘܡ݂ܬܝܒܠ ܥ݁ܠܡܐ܂ ܘܗ݀ܝ ܕܒܙܒܢ ܥܨ݁ܝܐ ܒܛܝ݂ܠܘ݂ܬܐ ܐܠܗ݀ܝܬܐ ܠܚܐܪܘ݂ܬܐ܂
204:07	ܐܘ݁ ܕܠܐ ܬܫܡܠܐ ܨܒܝ݁ܢܗ݀ ܟܕ ܛܒ݁ ܨ݁ܒܝܐ ܘܡܛܝܒܐ ܡܢܟܠܦܪܘ݁ܣ ܕܬ݂ܣܥܘ݂ܪܝ ܐܝܟ ܕܪܐܓܐ܂ ܘܒܙܒܢ
204:08	ܫ݁ܒܩܐ ܠܗ݀ ܕܬܣܥܘ݂ܪܝ ܘܬܫܡܠܐ ܨܒܝ݁ܢܗ݀ ܐܝܟ ܪܓ݂ܬܗ݀܃ ܗܝ݂ܝ ܡܫܪܪܐ ܠܬܪ̈ܬܝܗܝܢ ܗ̄ ܠܚܐܪܘ݂ܬܐ
204:09	ܘܠܒܛܝ݂ܠܘ݂ܬܐ܂ ܘܐܠܐ ܐ݂ܠܘ݂ ܒܟܠܙܒܢ ܣ݁ܥܪܐ ܗܘ݂ܬ݁ ܚܐܪܘ݂ܬܐ ܨܒܝ݁ܢܗ݀ ܡܣ݂ܬܒܪܐ ܗܘ݂ܬ݁ ܕܩܢ݁ܝܬܐ ܗ݀ܝ
204:10	ܠܗ݀ ܗܕܐ܂ ܘܠܘ ܨܒܝ݁ܢܝܬܐ܂ ܘܫܓ݂ܡܐ ܗ݀ܘ ܟܠܡܕܡ ܘܡ݂ܢ ܨܒܘ݂ܬ ܢܦܫܗ܂ ܘܠܘ ܬܚܝ݂ܬ ܒܛܝ݂ܠܘ݂ܬܐ
204:11	ܡܪܢ݁ܝܬܐ܂ ܐܠܐ ܬܡܝ݂ܗܐܝܬ ܡܫܘܕܥܐ ܗܕܐ ܘܢܗܝ݂ܪܐܝܬ܂ ܐܡ݂ܬܝ ܕܒܙܒܢ ܡܬ݂ܥܨܝܐ ܚܐܪܘ݂ܬܐ ܘܒܙܒܢ ܠܐ܂
204:12	ܠܬܪ̈ܬܝܗܝܢ ܕܡ݁ܪܢܐܝ݂ܬ ܐܝ݂ܬܝܗܝܢ܂ ܟܕ ܛܒ݁ ܘܗ݀ܝ ܕܡܬ݂ܥܨܝܐ ܒܙܒܢ ܙܒܢ ܚܐܪܘܬܐ܂ ܘܗ݀ܝ ܕܡܫ݂ܬ݁ܒܩܐ
204:13	ܒܙܒܢ ܬܘ݂ܒ ܕܬܫܡܠܐ ܨܒܝ݁ܢܗ݀܂ ܒܡܩܕܡܘ݂ܬ ܝܕ݂ܥܬܗ ܕܐܠܗܐ ܟܠܗܝܢ ܩܕ̈ܝ݂ܡܢ ܝ݂ܕ̈ܝ݂ܥܢ ܘܓܡܝ݂ܪ̈ܢ ܘܡܫܡ̈ܠܝܢ܂
204:14	ܕܐܡ݂ܬܝ ܫ݁ܒܩܐ ܒܛܝ݂ܠܘ݂ܬ ܠܚܐܪܘ݂ܬܐ ܕܬܫܡܠܐ ܨܒܝ݁ܢܗ݀܃ ܘܐܡ݂ܬܝ ܥ݁ܨܝܐ ܘܠܐ ܫ݁ܒܩܐ ܠܗ݀܂ ܘܠܟܠܗܘ݁ܢ
204:15	ܗ݀ܠܝܢ ܫܘܘ݂ܕ̈ܥܐ܃ ܩܕܡ ܣ݂ܡ ܒܟܝ݁ܢܐ ܕܟܘܟ̈ܒܐ ܐܝܟ ܝ݁ܕܥ ܟܠ܂ ܘܡܩܕܡܘ݂ܬ ܝܕܥܬܐ ܕܟܘܟ̈ܒܐ܃ ܡܫܪܪܐ ܠܚܐܪܘ݂ܬܐ
204:16	ܘܠܒܛܝ݂ܠܘ݂ܬܐ܂ ܘܠܘ ܡܛ݁ܠ ܕܩܕܡܐ ܡܫܘܕܥܐ ܠܐܝܠܝܢ ܕܩܕܝ݂ܡ̈ܢ ܒܝܕܥܬܐ܂ ܘܥܬܝ݂ܕ̈ܢ ܕܢܗ̈ܘܝܢ ܥܕܟܝܠ ܒܥ݁ܒܕܐ ܡ݂ܢ
204:17	ܚܹܐܪܘ݂ܬܐ ܘܡ݂ܢ ܒܛܝ݂ܠܘ݂ܬܐ܃ ܗܘ݂ܬ݁ ܠܗ݀ ܗ݂ܝ ܩܕܡ݁ܝܬܐ܂ ܐܠܐ ܚܐܪܘ݂ܬܐ ܩܕܝ݂ܡܐ ܠܟܠܗܝܢ ܘܒܛܝ݂ܠܘ݂ܬܐ ܒܬܪ ܚܹܐܪܘ݂ܬܐ
204:18	ܪܕܝܐ܂ ܘܒܙܒܢ ܥ݁ܨܝܐ ܠܗ݀ ܒܙܒܢ ܠܐ ܥܨ݁ܝܐ ܘܡܩܕܡܘ݂ܬ ܝܕܥܬܐ ܕܒܟܘܟ̈ܒܐ ܐܚܪܝܬܐ ܗ݀ܝ ܠܟܠܗܘܢ܃ ܕܐܝܠܝܢ
204:19	ܕܥܬܝܕ̈ܢ ܠܡܗ݂ܘܐ ܡ݂ܢ ܟܠܦܪܘ݁ܣ܂ ܘܡܩܕܡ ܡܫܘܕܥܐ ܐܝܟ ܢܒܝܘ݂ܬܐ܂ ܘܢܒܝܘ݂ܬܐ ܬܘ݂ܒ ܠܘ ܡܛ݁ܠ ܕܩܕܡܐ
204:20	ܡܬ݂ܢܒܝܐ ܥܬܝ݂ܕ̈ܬܐ ܡ݂ܢ ܟܠ ܦܪܘ݁ܣ ܡܛܠܬܗ݀ ܗܘ̈ܝܢ ܘܡܣ݂ܬ݁ܥܪ̈ܢ܃ ܐܠܐ ܡܛ݁ܠ ܕܡ݂ܢ ܟܠܦܪܘ݁ܣ ܥܬܝܕ̈ܢ ܕܢܗ̈ܘܝܢ
204:21	ܐܝܟ ܕܝ݂ܢ̈ܘܗܝ ܠܐ ܡ݂ܬܕܪ̈ܟܢܐ ܕܐܠܗܐ܂ ܩܕܡܐ ܝܕܥܐ ܘܡܫܘܕܥܐ ܠܗܝܢ ܢܒܝܘ݂ܬܐ܂ ܘܐܝܟܢܐ ܕܒܙܒܢ ܙܒܢ ܢܦܠ݂ܬ݁
204:22	ܘܠܐ ܩ݁ܡܬ̤ ܢܒܝܘ݂ܬܐ܂ ܡܛ݁ܠ ܕܬܫ݂ܬܪܪܝ ܚܐܪܘ݂ܬܐ ܘܒܛܝ݂ܠܘ݂ܬܐ ܓ݂ܕܫܬ݁ ܗܕܐ܃ ܘܠܘ ܕܢܒܝܘ݂ܬܐ ܠܐ ܫܪܝ݂ܪܐ܂ ܐܘ݁ ܣܟ
204:23	ܡܕܲܓܵܠܐ܂ ܟܕ ܗܕܐ ܩܕܝ݂ܡܐ ܝ݂ܕܝ݂ܥܐ ܒܡܩܕܡܘ݂ܬ ܝ݂ܕܥܬܗ ܕܐܠܗܐ܃ ܕܐܝܟܐ ܥܬܝ݂ܕܐ ܕܬܒܛܠܝ ܘܠܐ ܬܩܘ݂ܡܝ ܘܠܐ
205:01	ܬܫܬܡܠܐ ܢܒܝܘ݂ܬܐ܂ ܘܒܙܒܢ ܙܒܢ ܐܦ ܚܐܪܘ݂ܬܐ ܒܛܠܬ݁ ܠܢܒܝܘ݂ܬܐ ܐܝܟ ܗ݀ܝ ܕܚܙܩܝܐ ܡܠܟܐ܂
205:02	ܘܒܙܒܢ ܒܛܝ݂ܠܘ݂ܬ ܒܛܠܬ݁ ܠܚܐܪܘ݂ܬܐ ܘܠܢܒܝܘ݂ܬܐ܂ ܐܝܟ ܗ݀ܝ ܕܝܘܢܢ ܘܢܝܢܘܐ܂ ܘܠܟܠ݁ܠܗܝܢ
205:03	ܗ݀ܠܝܢ ܩܕܡ ܝ݂ܕܥ ܐܠܗܐ܂ ܕܗܟܢܐ ܥܬܝܕ̈ܢ ‍[‍ܗܘ̈ܝ‍]‍ ܠܡܗ݂ܘܐ܂ ܘܝ݂ܕܥܬܐ ܕܣܡ ܒܟܝ݁ܢܐ ܕܟܘܟ̈ܒܐ܂ ܕܩܕܡܐ
205:04	ܡܫܘܕܥܐ ܥܬܝ݂ܕ̈ܬܐ܂ ܐܚ݁ܕܐ ܠܗ݀ܠܝܢ ܟܠܗܝܢ ܘܠܐ ܣܟ ܒܛܠܐ ܐܘ ܡܬ݂ܥܨܝܐ܂ ܐܘ݁ ܢ݁ܦܠܐ܂ ܡܛ݁ܠ ܕܟܝ݁ܢ݁ܝܬܐ
205:05	ܗ݀ܝ ܕܡ݂ܢ ܟܠ ܦܪܘ݁ܣ ܗ݀ܘܝܐ ܘܡܫ݂ܬ݁ܡܠܝܐ܂ ܐܝܟ ܣܬܘܐ ܕܡܢܟܠܦܪܘ݁ܣ ܥܬܝ݂ܕ ܢܗ݂ܘܐ܂ ܘܐܦ ܩܝܛܐ܂
205:06	ܘܐܝܠ̈ܢܐ ܕܢܥܒ݂ܕܘܢ ܓܢ݂̈ܣܐ ܘܐܕ̈ܫܐ ܕܦܐܪ̈ܐ ܦܠܢ ܡܢܟܠܦܪܘ݁ܣ܂ ܘܕܐܝܟ ܗ݀ܠܝܢ܂ ܘܠܘ ܨܒܝܢ̈ܝܬܐ ܗ݀ܝ ܐܝܟ
205:07	ܚܹܐܪܘ݂ܬܐ ܘܒܛܝ݂ܠܘ݂ܬܐ܂ ܡܛ݁ܠ ܕܐܝܠܝܢ ܕܥܬܝ݂ܕ̈ܢ ܡ݂ܢ ܟܠܦܪܘ݁ܣ ܕܢܗܘ̈ܝܢ ܡܚܘܝܐ܂ ܘܠܘ ܐܝܠܝܢ ܕܡܬ݂ܒܛ̈ܠܢ
205:08	ܡ݂ܢ ܚܹܐܪܘ݂ܬܐ ܐܘ݁ ܡ݂ܢ ܒܛܝ݂ܠܘ݂ܬܐ ܗ݀ܠܝܢ ܕܡܬ݂ܒܛ̈ܠܢ ܘܠܐ ܣܟ ܡܣ݂ܬ݁ܥܪ̈ܢ܃ ܠܘ ܡܕܡ ܡܬ݂ܚܫܒ̈ܢ܂ ܐܠܐ
205:09	ܘܠܐ ܡܕܡ܂ ܡܛܠܕܠܐ ܗܘ݂̈ܝ܂ ܘܠܐ ܐܣܬ݂ܥܪ̈ܝ ܘܠܝܬ ܐܢܝܢ܂܂ ܢܝ݂ܫܐ ܕܝܢ ܕܨܠܘ݁ܬܐ ܠܥ݂ܠ ܡܢ ܗ݀ܠܝܢ ܟܠܗܝܢ
205:10	ܕܐܡܝ݂ܪ̈ܢ ܐܝ݂ܬܘܗܝ ܘܣ݁ܒܪ ܐܢ݂ܐ ܕܠܐ ܢ݁ܦܸܠ ܬܚܝܬ ܝܕܥܬܐ ܐ݂ܢܫܵܝܬܐ ܡܸܛ݁ܠ ܕܨܠܘ݁ܬܐ ܕܫܪܝ݂ܪܐܝܬ ܐܝ݂ܬܝܗ݀ ܨܠܘ݁ܬܐ
205:11	ܘܫܪܝ݂ܪ ܠܗ݀ ܟܘ݂ܢܝܐ܃ ܐܠܗܐ ܗ݀ܝ ܕܬܪܝܢ܂ ܘܦܩܕܐ ܡܠܟܐܝ݂ܬ ܘܣ݁ܥܪܐ ܡܫܠܛܐܝ݂ܬ܂ ܪܒ ܗ݂ܘ ܚܝܠܗ݀ ܕܨܠܘܬܐ
205:12	ܘܠܐ ܡ݂ܬܡܠܠ܂ ܥ݁ܨܝܐ ܨܒܝ݁ܢܐ܂ ܘܡܒܛܠܐ ܚܐܪܘ݂ܬܐ܂ ܡܫܚܠܦܐ ܟܝ̈ܢܐ܂ ܘܒ݁ܪܝܐ ܚܕ̈ܬܬܐ܂ ܘܐܟܚܕܐ ܠܡܐܡܪ ܥܠ
205:13	ܟܠ ܫܠܝ݂ܛ ܠܗ݀ ܐܝܟ ܐܠܗܐ ܠܡܐܡܪ ܘܠܡܗ݂ܘܐ܂ ܘܐܦ ܥܠ ܚܝܠܘ̈ܬܐ ܫܡܝ̈ܢܐ ܦܩܕܐ ‍[‍ܨܠܘܬܐ‍]‍ ܡܪܐܢܐܝܬ܂ ܐܝ݁ܕܐ
205:14	ܕܫܪܝܪܐܝ݂ܬ ܨܠܘ݁ܬܐ ܒܙܕ̈ܩܝܗ݀ ܐܝ݂ܬܝܗ݀܂ ܘܣ݁ܗܕܐ ܠܗ݀ ܬܐܪܬܗ ܕܡܨܠܝܢܗ݀܂ ܡ݂ܢ ܦܪܗܣܝܐ ܠܒܝ݂ܒܬܐ ܘܠܐ ܣܟ
205:15	ܦܠܝܓܘܬ ܬܪܥܝ݂ܬܐ܂ ܗܕܐ ܠܡܘܙܠܬܐ ܦܩܕܐ ܘܡܬܒܓܪܐ ܘܠܢܗܝ݂ܪ̈ܐ ܡ݂ܬܟܠܝܐ ܪܗܝ݂ܒܘ݂ܬ ܡܪܕܝ݂ܬܗܘܢ܂
205:16	ܫܲܪܝܪܐܝ݂ܬ ܠܡ ܫܡ݂ܫܐ ܒܓܒܥܘܢ ܟܬܪ܂ ܘܣܗܪܐ ܒܦܩܥܬܐ ܕܐܝܠܘܢ ܘܕܫܪܟܐ܂ ܘܚܝ ܗܘ݂ ܡܪܝܐ ܕܩ݁ܡܬ
205:17	ܩܕܡܘܗܝ܂ ܐܢ ܢܗ݂ܘܐ ܡ݂ܛܪܐ ܐܘ݁ ܛܐܠܐ ܥܠ ܐܪܥܐ ܥܕܡܐ ܕܐܡ݁ܪ܂ ܕܐܝܟ ܗܕܐ ܦܪܗ̄ܣܝܐ ܘܠܒܝ݂ܒܘ݂ܬܐ
205:18	ܡܫܲܟܢܐ ܠܠܒܐ܃ ܨܠܘ݁ܬܐ ܕܟܝ݂ܬܐ ܘܫܪܝ݂ܪܬܐ܂ ܬܘ݂ܒ ܐܡ݁ܪܝܢܢ ܕܐܪܐ ܟܝ܂ ܩܕܡ ܐܠܗܐ ܠܗ݀ܠܝܢ ܕܥܬܝ݂ܕ ܗ݂ܘܐ
205:19	ܠܡ݂ܣܥܪ ܒܐܝ݂ܕ̈ܝ ܡܘ݁ܫܐ ܪܒܐ ܘܝܫܘ݁ܥ ܒܪܢܘ݁ܢ ܘܐܠܝܐ ܛܢܢܐ܂ ܘܠܘܬ݁ ܚܙܩܝܐ ܡܠܟܐ܃ ܘܠܢܝ݂ܢܘ̈ܝܐ܂ ܘܕܐܝܟ
205:20	ܗ݀ܠܝܢ ܐܘ݁ ܠܐ܂ ܫܪܝ݂ܪܐܝ݂ܬ ܕܒܝ݂ܕܥܬܗ ܗܘ݂̈ܝ ܡ݂ܢ ܩܕܡ ܕܢܗܘܐ ܥ݁ܠܡܐ܂ ܐܝܟ ܕܗܘ݂̈ܝ ܚܬܝ݂ܬܐܝܬ܂ ܒܪܡ ܠܘ
205:21	ܡܛ݁ܠ ܕܩܕܡ ܝ݂ܕܥ ܐܢܝܢ ܐܠܗܐ ܕܥܬܝܕ̈ܢ ܕܢܗ݂ܘ̈ܝܢ ܡܢܟܠܦܪܘ݁ܣ ܗܘ݂̈ܝ ܩܛܝ݂ܪܐܝ݂ܬ܂ ܐܠܐ ܡܛ݁ܠ ܕܥܬܝܕ̈ܢ ܗܘ݂̈ܝ
205:22	ܕܢܗܘ̈ܝܢ ܡ݂ܢ ܟܠ ܦܪܘ݁ܣ܂ ܐܘ݁ ܡ݂ܢ ܚܐܪܘ݂ܬܐ܂ ܐܘ݁ ܡ݂ܢ ܒܛܝ݂ܠܘ݂ܬܐ܂ ܥ݂ܨܝܢܐܝ݂ܬ ܐܘ݁ ܨܒܝ݁ܢܐܝܬ܂ ܐܘ݁ ܓܕܫܢܐܝ݂ܬ܂ ܐܘ݁
205:23	ܟܝ݁ܢܐܝܬ܂ ܩܕܡ ܝ݂ܕܥ ܐܢܝܢ ܗ݀ܘ ܝ݁ܕܥ ܟܠ܂ ܐܝܟ ܗ݀ܘ ܕܡ݂ܢ ܟܕܘ ܗܘ݂̈ܝ ܘܥܒ݂ܪ̈ܝ݁܂ ܗ݀ܫܐ ܗ݀ܟܢܐ ܐܣ݂ܒܪ܂ ܕܗ݂ܢܝܢ
206:01	ܗ݀ܠܝܢ ܕܗܘ݂̈ܝ ܕܩܕܝ݂ܡ̈ܢ ܡܬ݂ܐܡܪ̈ܢ ܡ݂ܢ ܝ݂ܕܥܬܗ ܕܐܠܗܐ܂ ܐܦܢ ܩܕܡܬ݁ ܝ݂ܕܥܬ݁ ܐܢܝܢ ܝ݂ܕܥܬܗ܂ ܐܠܐ ܕܥܬܝܕ̈ܢ ܕܢܗ݂̈ܘܝܢ
206:02	ܩܕܡܬ݁ ܝܕܥܬ݁ ܐܢܝܢ܂ ܕܠܐ ܢܬ݂ܚܝܠܘܢ ܗܕ̈ܝܘ݂ܛܐ ܡܒܛ̈ܠܝ ܚܐܪܘ݂ܬܐ܂ ‍[‍ܘܡܟܝܠ‍]‍ ܕܟܠܗܝܢ ܕܥܬܝܕ̈ܢ ܕܢܗ݂̈ܘܝܢ܂ ܘܐܢ
206:03	ܡ݂ܢ ܚܹܐܪܘ݂ܬܐ ܐܢܫܝܬܐ܂ ܘܐܢ ܡ݂ܢ ܒܛܝ݂ܠܘ݂ܬܐ ܐܠܗ݀ܝܬܐ܂ ܘܐܢ ܡ݂ܢ ܟܝ݁ܢܐ܂ ܘܐܢ ܡ݂ܢ ܗ݀ܘ ܕܡܣ݂ܬܒܪ ܓ݂ܕܫܐ܂ ܘܐܢ
206:04	ܒܢܝ݂ܫܐ ܕܨܠܘ݁ܬܐ܂ ܫܪܝܪܐܝ݂ܬ ܩܕܡ ܝ݂ܕܥ ܐܢܝܢ ܐܠܗܐ܂ ܘܐܢ ܐܦ ܠܗܝܢ ܠܗ݀ܠܝܢ ܣ݂ܡ ܫܘ݂ܘܕ̈ܥܐ ܕܟܠܗܝܢ ܒܟܝ݁ܢܐ
206:05	ܕܟܘܟ̈ܒܐ ܐܝ݁ܟܢ ܕܡܢ݂ܗܘܢ ܢܫ݂ܬܘܕܥܘܢ ܚܬܝ݂ܬܘ݂ܬܐ ܕܟܠܗܝܢ ܒܢܝ̈ܢܫܐ ܦܪ̈ܘ݂ܫܐ܃ ܪܒܐ ܨܒܘ݂ܬܐ ܐܘ݁ ܫܟܝ݂ܪܐ܂ ܐܘ݁
206:06	ܢ݁ܨܝܐ ܣܟ ܥܡ ܝܕܥܬܐ ܕܫܪܪܐ܃ ܠܐ ܣ݁ܒܪ ܐܢ݂ܐ܀ ܘܐܢ ܬܐܡܪ ܕܡ݁ܨܐ݂ ܡܪܝܐ ܡܫܚܠܦ ܟܝ̈ܢܐ ܘܙܒ̈ܢܐ ܕܩܝܛܐ
206:07	ܘܣܲܬܘܐ܂ ܘܠܡ݂ܣܥܪ ܟܠ ܕܨ݁ܒܐ܃ ܡܗܝܡܢ ܐܢ݂ܐ ܘܕܪܘܪ̈ܒܢ ܘܣ݁ܓܝ̈ܐܢ ܡ݂ܢ ܗ݀ܠܝܢ܂ ܐܠܐ ܠܟܠܗܝܢ ܩܕܡ ܗܘ݁ܝܗܝܢ
206:08	ܩܲܕܡ ܝ݂ܕܥ ܕܥܬܝ݂ܕ ܕܢܫܚܠܦ ܘܢܣ݂ܥܘ݂ܪ ܙܦܠܢ ܘܙܦܠܢ ܘܠܘ ܚ݂ܕܬܐܝ݂ܬ ܐܬ݂ܚܫܒ ܠܡ݂ܣܥܪ ܐܢܝܢ ܐܝܟ ܚܣܝ݂ܪ ܗܘ݂ܐ ܡ݂ܢ
206:09	ܝ݂ܕܥܬܗܝܢ܂ ܟܠܗܝܢ ܓܡܝ݂ܪ̈ܢ ܘܡܫܡ̈ܠܝܢ ܒܝ݂ܕܥܬܗ ܕܐܠܗܐ܂ ܘܠܐ ܣܟ ܨ݁ܒܐ ܡܕܡ ܚ݂ܕܬܐܝ݂ܬ ܕܠܐ ܝ݁ܕܥ ܗܘ݂ܐ ܠܗ
206:10	ܐܝ݂ܬܝܐܝܬ܂ ܗ݀ܘ ܕܩܪܐ ܠܗ݀ܠܝܢ ܢܣ݂ܬ݁ܟܠ܂ ܘܠܐ ܢ݂ܬܚܫܒ ܒܨܝ݂ܪܘ݂ܬܐ ܐܘ݁ ܚܣܝ݂ܪܘ݂ܬܐ܂ ܐܘ݁ ܡܚܝ݂ܠܘ݂ܬܐ܂ ܐܘ݁
206:11	ܠܐ ܡܬ݂ܡܨܝܢܘ݂ܬܐ ܥܠ ܗ݀ܘ ܟܝ݁ܢܐ ܛܘ݂ܒܢܐ ܘܓܡܝ݂ܪܐ ܘܡܫܡܠܝܐ ܕܐܝ݂ܬܘ݂ܬܐ ܡܬܘ݂ܡܝܬܐ ܘܡܪܐܢܝܬܐ܂ ܘܐܢ ܠܐ
206:12	ܡ݁ܨܐ݂ ܡܣ݂ܬ݁ܟܠ ܢܗܝ݂ܪܐܝ݂ܬ ܠܗܕܐ ܥܡܝ݂ܩܘ݂ܬ ܣܘ݂ܟ̈ܠܐ ܘܩܛܝ݂ܢܘ݂ܬ ܪ̈ܥܝܢܐ܃ ܢ݁ܘܕܐ ܒܗܕܝܘ݂ܛܘ݂ܬܗ ܘܠܐ ܢܓܕܦ ܥܠ
206:13	ܪܒܘ݂ܬܐ ܠܐ ܡ݂ܬܕܪܟܢܝ݂ܬܐ܂ ܟܕ ܣ݁ܒܪ ܕܐܝܟ ܡܗܝܡܢܐ ܗܐ ܡܘܪܒ ܠܐܠܗܐ ܘܐܡ݁ܪ ‍[‍ܕܠܝܬ‍]‍ ܥܬܝ݂ܕܘ݂ܬܐ܂ ܐܠܐ ܟܠ ܕܨ݁ܒܐ
206:14	ܡܪܝܐ ܥ݁ܒܕ ܘܡܫܚܠܦ ܘܡܒܛܠ ܘܙܦܠܢ ܘܙܦܠܢ܂ ܐܘÌ̊ ܚܟܝ݂ܡ ܒܥܝ̈ܢܝ ܢܦܫܗ ܠܘ ܥܕܟܝܠ ܨ݁ܒܐ ܒܡ݂ܕܡ
206:15	ܕܠܐ ܩܲܕܡ ܝܲܕܥܗ ܘܨܒ݂ܐ ܒܗ ܡ݂ܢ ܥ݁ܠܡ܂ ܐܠܐ ܨܒ݂ܐ ܟܠ ܡܕܡ ܕܥܬܝܕ ܕܢ݂ܨܒܐ܂ ܘܡܚܬܡ ܟܠܡܕܡ ܘܓܡܝܪ ܘܡܫܡܠܝ
206:16	ܒܝ݂ܕܥܬܗ܂ ܘܠܘ ܩܕܡ ܗܘ݂ܐ ܨܒܝ݁ܢܗ ܕܐܠܗܐ ܕܢܗ݂ܘܐ ܙܦܠܢ ܩܛܝ݂ܪܐܝ݂ܬ ܘܡ݂ܢ ܟܠܦܪܘ݁ܣ ܕܣ݁ܒܪܝܢܢ ܥܠܝܗ ܥܬܝ݂ܕܘ݂ܬܐ
206:17	ܕܡܒܛܠܐ ܠܚܐܪܘ݂ܬܐ ܐܠܐ ܡܛ݁ܠ ܕܥܬܝ݂ܕܐ ܕܬܗܘ݂ܐ ܐܝ݁ܕܐ ܕܗ݂ܝ܂ ܐܢ ܡ݂ܢ ܚܐܪܘ݂ܬܐ ܘܐܢ ܡ݂ܢ ܒܛܝ݂ܠܘ݂ܬܐ ܐܝܟ ܕܣ݁ܓܝ݂
206:18	ܐܡ݂ܪܢܢ܂ ܩܲܕܡ ܝ݂ܕܥ ܐܢܝ̈ܢ ܗ݀ܘ ܝ݁ܕܥ ܟܠ܂ ܘܣ݂ܡ ܫܘܘܕܥܗܘܢ ܒܟܝ݁ܢܐ ܕܟܘܟ̈ܒܐ܂ ܘܫܟܢ ܝ݂ܕܥܬܗܝܢ ܫܪܝ݂ܪܬܐ ܠܚܟܝ݂ܡ̈ܐ
206:19	ܘܣܟܘ݂ܠܬܢ̈ܐ܂ ܕܢܩܕܡܘܢ ܐܦ ܗ݂ܢܘܢ ܢܕܥܘܢ ܐܢ̈ܝܢ ܚܬܝ݂ܬܐܝ݂ܬ܂ ܘܢܫܘܕܥܘܢ ܐܦ ܠܐܼܚܪ̈ܢܐ܂ ܘܢܗ݂ܘܘܢ ܟܠܗܘ݁ܢ ܣ݁ܗܕ̈ܐ
206:20	ܠܡܩܕܡܘ݂ܬ ܝ݂ܕܥܬܗ ܕܐܠܗܐ܂ ܘܕ݁ܡܝܐ ܗ݀ܕܐ ܝ݂ܕܥܬܐ ܠܢܒܝܘ݂ܬܐ܂ ܐܝܟ ܕܡ݂ܢ ܠܥ݂ܠ ܐܡ݂ܪܢܢ܂ ܘܢܒܝܘ݂ܬܐ ܡܛܠ ܕܩ݁ܕܡܐ
206:21	ܡܬ݂ܢܒܝܐ ܘܡܫܘܕܥܐ ܥܬܝ݂ܕ̈ܬܐ܂ ܗ݀ܐ ܡܒܛܠܐ ܠܚܐܪܘ݂ܬܐ܂ ܘܡܫ݁ܪܝܐ ܠܥܬܝ݂ܕܘ݂ܬܐ܃ ܚܣ܂ ܐܠܐ ܡܛܠ ܕܥܬܝܕ̈ܢ ܕܢܗ̈ܘܝܢ
206:22	ܐܢ ܡ݂ܢ ܚܐܪܘ݂ܬܐ ܘܐܢ ܡ݂ܢ ܒܛܝ݂ܠܘ݂ܬܐ܂ ܩܕܡܐ ܝ݁ܕܥܐ ܠܗܝܢ ܐܠܗܐܝ݂ܬ ܘܡܬ݂ܢܒܝܐ܂ ܘܚܐܪܘ݂ܬܐ ܡܫܪܪܐ ܠܒܛܝ݂ܠܘ݂ܬܐ܂
206:23	ܘܒܛܝ݂ܠܘ݂ܬܐ ܡܫܪܪܐ ܠܚܐܪܘ݂ܬܐ܂ ܘܝ݂ܕܥܬܐ ܫܪܝ݂ܪܬܐ ܕܟܘܟ̈ܒܐ ܡܫܪܪܐ ܠܡܩܕܡܘ݂ܬ ܝܕܥܬܗ ܕܐܠܗܐ܂ ܘܡܩܕܡܘ݂ܬ
207:01	ܝܕܥܬܗ ܕܐܠܗܐ܂ ܠܟܠܗܝܢ ܡܫܪܪܐ ܘܠܚܕܐ ܡܢܗܝܢ ܠܐ ܡܒܛܠ܀