← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60809: Book of Treasures

Click on a word for lexical analysis
Click on a red-colored coordinate for comments and/or translations of the line

▲ earlier lines

419.1:07 ܬܡܢ ܗܘ݁ܐ ܗܘܐ ܡܛܪܐ ܘܠܐ ܐܬܐ ܗܘܐ ܠܐܬܪ̈ܘܬܐ ܐܚܪ̈ܢܐ
419.1:08 ܗ݀ܢܘܢ ܕܒܨܝܪܝܢ܂ ܡܕܝܢ ܛܒ ܚܟܝܡܐܝܬ ܦܪܢܣ
419.1:09 ܐܠܗܢ ܠܡܥܒܕ ܥܢ̈ܢܐ ܕܒܗܘܢ ܢܬܚܒܫܘܢ ܡܝ̈ܐ
419.1:10 ܘܢܚܬܝܢ ܩܠܝܠ ܩܠܝܠ ܗ݀ܘ ܡܐ ܓܝܪ ܕܒܩܠܝܠ
419.1:11 ܩܠܝܠ ܗܘܐ ܫܘܠܡܐ ܫܦܝܪܐ ܩܢܐ܂ ܘܗ݀ܘ ܡܐ
419.1:12 ܕܡܢ ܫܝܠ ܘܡܣܪܗܒܐܝܬ ܚܘܒܠܐ ܥܒܕ
419.1:13 ܘܒܘܠܒܠܐ ܥܒܕ ܐܢܝܢ ܒܐܬܪܐ ܥܠܝܐ ܘܠܘ ܒܩܪܝܒܘܬܐ
419.1:14 ܕܐܪܥܐ ܐܟܡܢ ܕܡܐ ܕܢܣ̈ܟܢ ܠܡ̈ܝܐ ܡܛܠ ܪܘܚܩܐ
419.1:15 ܕܐܬܝܢ ܒܗ ܢܬܒܕܪܘܢ ܘܢܥܒܕܘܢ ܛܘ̈ܦܐ ܘܒܫܘܝܘ
419.1:16 ܢܫܩܘܢ ܠܐܪܥܐ ܗ݀ܝ ܕܢܚ݁ܬܝܢ ܥܠܝܗ݀܂ ܐܠܘ ܓܝܪ
419.1:17 ܒܩܪܒܐ ܐܝܬܝܗܝܢ ܗܘ̈ܝ ܥܢ̈ܢܐ ܡܐ ܕܢܣ̈ܟܢ
419.1:18 ܗܘ̈ܝ ܡܝ̈ܐ ܠܐ ܡܬܒܕܪܝܢ ܗܘܘ ܒܐܐܪ ܘܥܒܕܝܢ
419.1:19 ܗܘܘ ܟܢܘܫܝܐ ܒܚܕܐ ܕܘܟܐ ܘܡܛܝܦܝܢ ܗܘܘ
419.1:20 ܠܡܕܝܢ̈ܬܐ ܘܠܒ̈ܬܐ ܕܢ݁ܚܬܝܢ ܗܘܘ ܥܠܝܗܘܢ܂
419.1:21 ܘܐܦ ܚܢܩܝܢ ܗܘܘ ܠܡܢܗ݀ ܕܐܪܥܐ܂ ܘܠܡܢܗ݀
419.1:22 ܠܐ ܡܫܩܝܢ ܗܘܐ ܘܗ݀ܘ ܗܘܐ ܓܡܝܪܐ ܕܒ̈ܢܝܢܫܐ
419.1:23 ܒܝܕ ܚܢܘܩܝܐ ܘܬܘܒ ܠܐ ܡܫܩܝܢ ܗܘܘ ܠܛܘܪ̈ܐ
419.1:24 ܘܠܕܘܟܝ̈ܬܐ ܪ̈ܡܬܐ܂ ܘܬܘܒ ܥܒܕ ܐܠܗܐ ܠܡܛܪܐ
419.1:25 ܕܢܚܘܬ ܡܢ ܠܥܠ ܩܕܡܐܝܬ ܕܢܢܝܚܘܗܝ
419.1:26 ܠܒܪܐܢܫܐ ܡܢ ܥܡܠܐ ܕܫܩܝܐ ܘܢܝܩܪܗ ܒܗܕܐ
419.1:27 ܐܟܡܐ ܕܝܩܝܪ ܗܘ܂ ܐܢܝܚܗ ܒܙܢܝ̈ܐ ܐܚܪ̈ܢܐ
419.1:28 ܒܗ݀ܝ ܕܚܝܘ̈ܬܐ ܢܦܠܚ̈ܢ ܠܗ ܘܥܠܝܗܝܢ ܢܪܟܒ
419.1:29 ܘܢܫܡܠܐ ܟܠܗܘܢ ܣܘܢܩ̈ܢܘܗܝ ܥܡ ܐܚܪ̈ܢܝܬܐ
419.1:30 ܕܠܐܣܟ܂ ܐܟܙܢܐ ܕܠܒܘ̈ܫܐ ܡܫ̈ܚܠܦܐ
419.2:01 ܘܫܘܚܠܦ ܣܝܒܪ̈ܬܐ ܘܐܚܪ̈ܢܝܬܐ܂ ܐܠܘ ܓܝܪ
419.2:02 ܠܐܬܪ̈ܘܬܐ ܕܦܩ̈ܥܬܐ ܘܕܘܟܝ̈ܬܐ ܡܬܚܝ̈ܬܐ ܕܡܣܝܒܪ̈ܢܐ
419.2:03 ܨܒܐ ܗ݈ܘܐ ܕܢܫܩܐ ܬܥܫܐ ܪܒܐ ܩܢܐ ܗܘܐ܂ ܘܬܘܒ
419.2:04 ܠܘ ܠܟܠܗ݀ ܐܪܥܐ ܡܨܐ ܗܘܐ ܕܢܫܩܐ܂ ܐܠܐ ܐܢ ܠܕܘܟܝ̈ܬܐ
419.2:05 ܫܘܝ̈ܬܐ ܠܛܘܪ̈ܐ ܕܝܢ ܘܪ̈ܡܬܐ ܠܐ ܡܨܐ ܗܘܐ ܠܡܫܩܝܘ
419.2:06 ܡܛܠܗܕܐ ܝܗܒ ܠܗ ܕܩܠܝܠ ܐܪ̈ܥܬܐ ܢܫܩܐ
419.2:07 ܕܚ݁ܐܫ ܡ݂ܢ ܥܡܠܐ ܢܬܥܗܕ ܠܛܒܘܬܗ ܕܐܠܗܐ
419.2:08 ܕܐܪܝܡ ܡܢܗ݀ ܠܬܥܫܐ ܓܘܢܝܐ ܕܟܠܗ݀ ܐܪܥܐ܃
419.2:09 ܐܢܝܚܗ ܓܝܪ ܘܡܢ ܬܟܬܘܫ̈ܐ ܩܫܝ̈ܐ ܘܡܚ̈ܘܬܐ
419.2:10 ܘܩܛܠ̈ܐ ܕܗ݀ܘܝܢ ܥܠ ܡܝ̈ܐ ܐܟܡܐ ܕܚ݁ܙܝܢܢ
419.2:11 ܕܗ݀ܘܝܐ ܙܒ̈ܢܝܢ ܣܓܝ̈ܐܢ܂ ܕܡܛܠ ܗܕܐ ܦܪܢܣ݂
419.2:12 ܟܐܢܐܝܬ ܒܢܙܠܐ ܫܩܝܐ ܫܩܝܐ ܕܡܛܪܐ ܠܥܬܝܪ̈ܐ
419.2:13 ܘܠܡܣ̈ܟܢܐ ܠܚܝ̈ܠܬܢܐ ܘܠܡܚ̈ܝܠܐ܂ ܟܕ ܠܝܬ ܐ݈ܢܫ
419.2:14 ܕܡܨܐ ܕܢܥܠܘܒ ܐܘ݁ ܕܢܬܥܠܒ ܘܬܘܒ ܕܡ̈ܝܐ
419.2:15 ܕܡܛܪܐ ܛܒ ܚܠܝܢ܂ ܟܕ ܠܝܬ ܒܗܘܢ ܐܝܢܝܘܬܐ
419.2:16 ܡܕܡ ܒܝܫܬܐ ܒܕܡܘܬ ܗܢܘܢ ܕܥܒܪܝܢ ܥܠ
419.2:17 ܐܪܥܐ ܘܢܣܒܝܢ ܐܝ̈ܢܝܘܬܐ ܡܫ̈ܚܠܦܬܐ܂ ܕܡܛܠ
419.2:18 ܗܕܐ ܦܐܪ̈ܐ ܕܗ݀ܘܝܢ ܡ݂ܢ ܡܛܪܐ ܡܛܠ ܕܟܝܘܬܐ
419.2:19 ܕܐܝܬ ܒܗܘܢ ܛܒ ܥܗܢܝܢ ܠܘܬ ܣܝܒܪ̈ܬܐ ܝܬܝܪ
419.2:20 ܡܢ ܗ݀ܢܘܢ ܕܫܩܝܐ ܘܡܬܝܕܥܐ ܗܕܐ ܕܗܟܢܐ
419.2:21 ܗܝ ܡܢ ܗ݀ܝ ܕܟܠܗܘܢ ܐܒ̈ܒܢܐ ܘܫܪܟܐ ܕܛܥܡ̈ܬܐ
419.2:22 ܡܢ ܡܛܪܐ ܫܬܝܢ ܝܬܝܪ ܒܣܝܡ ܛܥܡܗܘܢ
419.2:23 ܐܦ ܪܝܚܗܘܢ ܘܦܫܪܐ ܫܦܝܪܐ ܥܒܕܝܢ܂ ܐܦ
419.2:24 ܬܠܓܐ ܓܝܪ܂ ܚ݁ܫܚ ܛܒ܂ ܟܕ ܓܝܪ ܢܚ݁ܬ
419.2:25 ܥܠ ܐܪܥܐ ܡܘܒܕ ܠܪܚܫܐ ܒܝܫܐ ܕܡܚܒܠ
419.2:26 ܠܙܪ̈ܥܐ ܠܐܝ̈ܠܢܐ ܘܡܚܝܨ ܠܐܦ̈ܐ ܒܪ̈ܝܬܐ ܕܐܪܥܐ
419.2:27 ܠܘܬ ܗ݀ܝ ܕܢܫܬܪܪܘܢ ܒܗ ܡܘܥܝ̈ܬܐ ܘܥܩܪ̈ܐ

▼ later lines