The Comprehensive Aramaic Lexicon

421.1:01	ܡܬܚܙܝܢ ܠܢ ܒܩܫܬܐ ܬܡܪܝܐ ܘܝܘܪܩܐ ܘܚܪܘܥܐ
421.1:02	ܘܐܡ݁ܪܝܢܢ ܕܫܡܫܐ ܚܡܝܡܐ ܗܘ ܘܢܘܪܢܐ܂
421.1:03	ܘܡܐ ܕܦܓܥܐ ܢܘܪܢܘܬܗ ܒܗܘܠܐ ܕܣܩܘܒܠܝܐ
421.1:04	ܠܗ݀ ܡܢ ܩܒܘܠ ܩܪܝܪܘ ܘܫܥܝܥܬܐ ܘܡܝܢܝܬܐ
421.1:05	ܕܐܐܪ ܘܡܬܟܬܫ ܥܡܗ݀ ܘܝܗܒ ܠܗ݀ ܠܘܩܕܡ
421.1:06	ܓܘܢܗ ܣܘܡܩܐ ܟܕ ܐܝܬ ܚܘܝܕܐ ܡܕܡ ܙܥܘܪܐ
421.1:07	ܥܡܗ݀ ܡܢ ܕܡܘܬܐ ܕܝܠܗ݀܂ ܐܟܙܢܐ ܕܢܘܪܐ ܠܩܝܣܐ
421.1:08	ܘܕܫܪܟܐ ܒܗ ܕܝܢ ܒܕܡܘܬܐ ܗܘ݁ܝܐ ܬܘܒ ܡܐ ܕܠܐ
421.1:09	ܡܬܚܝܕܐ ܢܘܪܢܘܬܗ ܠܗܘܠܐ܂ ܐܠܐ ܠܩܘܒܠܐ ܗܘ݁ܝܐ
421.1:10	ܕܓܘܫ̈ܡܐ ܡܕܡ ܚܝܘܬܢܝܐ ܘܡܬܡܨܥ ܐܐܪ
421.1:11	ܒܝܬ ܠܗ ܘܠܗ ܘܡܣܡܩܐ ܠܗ܂ ܐܟܙܢܐ ܕܗ݀ܢܘܢ

421.1:12	ܕܩܡܘ ܒܫܡܫܐ ܙܒܢܐ ܙܥܘܪܐ ܐܘ݁ ܝܘܡܐ ܚܕ

421.1:13	ܠܘܬ ܢܘܪܐ ܠܘܩܕܡ ܣܡܩ ܡܫܟܐ ܕܓܘܫܡܗܘܢ
421.1:14	ܒܗ݀ ܕܝܢ ܒܕܡܘܬܐ ܐܦ ܫܡܫܐ ܟܕ ܦܓܥ ܒܡ̈ܢܘܬܐ
421.1:15	ܪ̈ܛܝܒܬܐ ܘܥܒܝ̈ܬܐ ܒܐܐܪ ܡܐܚܡ ܠܗܝܢ܃
421.1:16	ܘܒܝܕ ܚܡܝܡܘܬܐ ܗܘ݁ܝܐ ܒܗ݀ ܡܟܢܘܬܐ ܕܢܩ̈ܒܠܢ
421.1:17	ܣܘܡܩܘܬܐ ܕܒܝܕ ܐܢܐܩܠܣܝܣ ܢܬܚܘܐ
421.1:18	ܒܗܝܢ ܠܚܙܬܢ܂ ܓܘܢܐ ܣܘܡܩܐ ܘܐܦ ܓܘ̈ܢܐ
421.1:19	ܐܚܪ̈ܢܐ ܐܚܪܢܝܐܝܬ ܘܡܛܠ ܕܡܢ ܪܘܚܩܐ ܚܙܝܢܢ
421.1:20	ܠܗ݀ ܠܣܘܡܩܘܬܐ ܐܝܟ ܗ݀ܘ ܕܡܬܥܒܝ̈ܢ ܡܢܘ̈ܬܗ
421.1:21	ܠܚܙܬܢ ܘܡܬܪ̈ܨܦܢ ܘܨ̈ܠܝܢ ܩܠܝܠ ܠܐܘܟܡܘܬܐ
421.1:22	ܘܡܛܠܗܕܐ ܡܣܬܒܪܐ ܠܢ ܕܗ݂ܘ ܓܘܢܐ ܬܡܪܢܐ ܗܘ
421.1:23	ܓܘܢܐ ܕܝܢ ܝܘܪܩܐ ܗ݀ܘܐ ܡܐ ܕܗ݂ܝ ܪܛܝܒܘܬܐ
421.1:24	ܕܒܐܐܪ ܘܩܪܝܪܘܬܐ ܟܕ ܦܓܥܬ̤ ܒܚܡܝܡܘܬܐ
421.1:25	ܐܬܟܢܫܬ̤ ܠܘܬ ܝܬܗ ܘܗ݀ܝ ܕܐܙܕܟܝܬ̤ ܡܢܗ
421.1:26	ܕܚܡܝܡܘܬܐ ܩܒܠܬ̤ ܓܘܢܐ ܣܘܡܩܐ܃ ܘܗܕܐ ܕܠܐ
421.1:27	ܐܙܕܟܝܬ̤ ܘܐܬܩܫܝܬ̤ ܘܐܫܬܡܠܝܬ̤ ܒܝܕ ܟܘܢܫܗ
421.1:28	ܕܬܬܠ ܠܢ ܓܘܢܐ ܝܘܪܩܐ ܒܩܪܝܒܘܬܐ ܕܗ݀ܘ
421.1:29	ܬܡܪܝܐ܂ ܐܝܬ ܠܗ݀ ܓܝܪ ܠܪܛܝܒܘܬܐ ܕܬܫܬܡܠܐ
421.1:30	ܓܘܢܐ ܗܢܐ ܝܘܪܩܐ܂ ܗܐ ܓܝܪ ܡܝ̈ܐ ܡܐ ܕܡܬܠܒ̈ܕܢ
421.2:01	ܡܢܗܝܢ ܕܡ̈ܢܘܬܗܘܢ ܥܒ̈ܕܢ ܓܘܢܐ ܝܘܪܩܐ ܐܟܙܢܐ
421.2:02	ܕܗ݀ܘ ܝܘܪܩܐ ܕܡܬܚܙܐ ܒܢܗܪ̈ܘܬܐ ܕܡܬܩܪܐ ܡܢ
421.2:03	ܐܢܫ̈ܝܢ ܥܡ݁ܪ ܐܘܪ̈ܕܥܐ ܘܐܦ ܟܠܗ݀ ܥܣܒܐ
421.2:04	ܡܐ ܕܐܬܬܠܒܕ ܪܛܝܒܘܬܗ ܝܘܪܩܐ ܗ݀ܘܐ܂ ܓܘܢܐ ܕܝܢ
421.2:05	ܟܘܪܟܡܢܐ ܗ݀ܘܐ ܡ݂ܢ ܪܘܟܒܐ ܕܗ݀ܘ ܣܘܡܩܐ
421.2:06	ܘܚܘܪܐ ܕܐܝܬ ܒܗ݀ ܒܡܝܢܘܬܐ܂ ܗܐ ܓܝܪ ܓܘܢܐ ܕܨܘܒܥܐ
421.2:07	ܕܟܘܪܟܡܐ ܡ݂ܢ ܓܘܢܐ ܣܘܡܩܐ ܘܚܘܪܐ ܗ݀ܘܐ܂