← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62001: P Gn

Click on a word for lexical analysis
Click on a red-colored coordinate for comments and/or translations of the line

previous chapter


37:01 ܘܝܬ݂ܒ ܝܥܩܘܒ ܒܐܪܥܐ ܕܡܥܡܪܗ ܕܐܒܘܗܝ ܒܐܪܥܐ ܕܟܢܥܢ܂
37:02 ܘܗܠܝܢ ܬܘ̈ܠܕܬܗ ܕܝܥܩܘܒ܂ ܝܘܣܦ ܒܪ ܫܒܥܣܪܐ ‍<‍ܗܘܐ#3#‍>‍ ܫ̈ܢܝܢ܂ ܪܥ݁ܐ ܗܘܐ ܥܡ ܐܚ̈ܘܗܝ ܥܢܐ܂ ܘܗ݂ܘ ܪܒ݁ܐ ܗܘܐ ܥܡ ܒܢ̈ܝ ܙܠܦܐ ܘܥܡ ܒܢ̈ܝ ܒܠܗܐ܂ ܢܫ̈ܘܗܝ ܕܐܒܘܗܝ ܘܐܝܬܝ ܝܘܣܦ ܛܒܗܘܢ ܒܝ݂ܫܐ ܠܐܒܘܗܘܢ܂
37:03 ܘܐܝܣܪܝܠ ܪܚ݁ܡ ܗܘܐ ܠܗ/#3#/ ܠܝܘܣܦ ܝܬܝܪ ܡܢ ܟܠܗܘܢ ܒܢ̈ܘܗܝ܂ ܡܛܠ ܕܒܪ ܣܝܒܘܬܐ ܗܘܐ ܠܗ܂ ܘܥܒܕ ܠܗ ܟܘܬܝܢܐ ܕܦܕܝ̈ܬܐ܂
37:04 ܘܚܙܘ ܐ̈ܚܘܗܝ ܕܠܗ ܪܚ݁ܡ ܗܘܐ ܐܒܘܗܘܢ ܝܬܝܪ ܡܢ ܟܠܗܘܢ ‍<‍ܒܢ̈ܘܗܝ#3#‍>‍ ܘܣܢܐܘܗܝ܂ ܘܠܐ ܐܫܟܚܘ ܠܡܡܠܠܘ ܥܡܗ ܫܠܡܐ܂
37:05 ܘܚ݂ܠܡ ܝܘܣܦ ܚܠܡܐ ܘܚܘܝܗ ܠܐ̈ܚܘܗܝ܂ ܘܐܘܣܦܘ ‍<‍ܬܘܒ#3#‍>‍ ܠܡܣܢܝܗ܂
37:06 ܘܐܡ݂ܪ ܠܗܘܢ܂ ܫܡ݂ܥܘ ܚܠܡܐ ܗܢܐ ܕܚ݁ܠܡܬ܂
37:07 ܗܐ ܚܢܢ ܐ݁ܣܪܝܢܢ ܟ̈ܦܐ ܒܓܘ ܚܩܠܐ܂ ܘܗܐ ܩܡܬ ܟܦܝ ܘܐܙܕܩ݂ܦܬ܂ ܘܗܐ ܚܕܪ̈ܢ ܟܦܝ̈ܟܘܢ ܘܣܓܕܢ ܠܟܦܝ܂
37:08 ܘܐܡܪܘ ܠܗ ܐܚ̈ܘܗܝ܂ ܡܡܠܟܘ ܡܡܠܟ ܐܢܬ ܥܠܝܢ ܐܘ ܡܫ݁ܬܠܛܘ ܡܫܬ݁ܠܛ ܐܢܬ ܒܢ܂ ܘܐܘܣܦܘ ܬܘܒ/#3#/ ܠܡܣܢܝܗ ܥܠ ܚ̈ܠܡܘܗܝ ܘܥܠ ܦܬ̈ܓܡܘܗܝ܂
37:09 ܘܚ݂ܠܡ ܬܘܒ ܚܠܡܐ ܐܚܪܢܐ܂ ܘܐܫܬܥܝܗ ܠܐ̈ܚܘܗܝ ܘܐܡ݂ܪ ܠܗܘܢ/#3#/܂ ܗܐ ܚܠܡܐ ܚ݁ܠܡܬ ܬܘܒ܂ ܘܗܐ ܫܡܫܐ ܘܣܗܪܐ ܘܚܕܥܣܪ ܟܘܟܒ̈ܝܢ ܣܓܕܝܢ ܠܝ܂
37:10 ܘܐܫܬܥܝ ܠܐܒܘܗܝ ܘܠܐܚ̈ܘܗܝ܂ ܘܟܐܐ ܒܗ ܐܒܘܗܝ ܘܐܡ݂ܪ ܠܗ܂ ܡܢܘ ܚܠܡܐ ܗܢܐ ܕܚ݂ܠܡܬ܂ ܡܐܬܐ ܢܐܬܐ ܐܢܐ ܘܐܡܟ ܘܐܚ̈ܝܟ ܠܡܣܓܕ ܠܟ ܥܠ ܐܪܥܐ܂
37:11 ܘܛܢܘ ܒܗ ܐ̈ܚܘܗܝ܂ ܘܐܒܘܗܝ ܢ݁ܛܪ ܗܘܐ ܦܬܓܡ̈ܐ ‍<‍ܗܠܝܢ#3#‍>‍܂
37:12 ܘܐܙܠܘ ܐܚ̈ܘܗܝ ܕܝܘܣܦ/#3#/ ܠܡܪܥܐ ܥܢܐ ܕܐܒܘܗܘܢ ܒܫܟܝܡ܂
37:13 ܘܐܡ݂ܪ ܐܝܣܪܝܠ/ܝܥܩܘܒ#3#/ ܠܝܘܣܦ܂ ܗܐ ܐ̈ܚܝܟ ܪܥ݁ܝܢ ܒܫܟܝܡ܂ ܬܐ ܐܫܕܪܟ ܠܘܬܗܘܢ܂ ܘܐܡ݂ܪ ܠܗ ܗܐ ܐܢܐ܂
37:14 ܘܐܡ݂ܪ ܠܗ ܐܒܘܗܝ/#3#/܂ ܙܠ ܚܙܝ ܫܠܡܐ ܕܐ̈ܚܝܟ ܘܫܠܡܐ ܕܥܢܐ ܘܐܬܝܒܝܢܝ ܦܬܓܡܐ܂ ܘܫܕܪܗ ܝܥܩܘܒ ܡܢ \ܥܘܡܩܐ ܕܚܒܪܘܢ /ܚܒܪܘܢ#3#/ ܘܐܬ݂ܐ ܠܫܟܝܡ܂
37:15 ܘܐܫܟܚܗ ܓܒܪܐ ܟܕ ܛܥ݁ܐ ܒܚܩܠܐ܂ ܘܫܐܠܗ ܓܒܪܐ ܗ݀ܘ/#3#/ ܘܐܡ݂ܪ ܠܗ/#3#/܂ ܡܢܐ ܒ݁ܥܐ ܐܢܬ܂
37:16 ܘܐܡ݂ܪ ܠܐܚ̈ܝ ܒ݁ܥܐ ܐܢܐ܂ ܚܘܢܝ ܐܝܟܐ ܪܥ݁ܝܢ܂
37:17 ܐܡ݁ܪ ܠܗ/#3#/ ܓܒܪܐ܂ ܫܩ݂ܠܘ ܠܗܘܢ ܡܟܐ܂ ܘܫܡ݁ܥܬ ܕܐܡܪ̈ܝܢ܂ ܢܐܙܠ ܠܕܘܬܢ܂ ܘܐ݂ܙܠ ܝܘܣܦ ܒܬܪ ܐܚ̈ܘܗܝ܂ ܘܐܫܟܚ ܐܢܘܢ ܒܕܘܬܢ܂
37:18 ܘܚܙܐܘܗܝ ܡܢ ܪܘܚܩܐ܂ ܘܥܕܠܐ ܢܬܩܪܒ/ܢܩܪܘܒ#3#/ ܠܘܬܗܘܢ܂ ܡܬܚܫܒܝܢ ܗܘܘ ܥܠܘܗܝ ܠܡܩܛܠܗ܂
37:19 ܘܐܡܪܘ ܓܒܪ ܠܐܚܘܗܝ܂ ܗܐ ܚ݁ܠܡ ܚ̈ܠܡܐ ܗܘ ܐܬܐ܂
37:20 ܬܘ ܢܩܛ݂ܠܝܘܗܝ ܘܢܪܡܝܘܗܝ ܒܚܕ ܡܢ ܓܘܒ̈ܐ܂ ܘܢܐܡܪ ܕܚܝܘܬܐ ܒܝܫܬܐ ܐܟܠܬܗ܂ ܘܢܚܙܐ ܡܢܐ ܗ݀ܘܐ ܠܚ̈ܠܡܘܗܝ܂
37:21 ܘܫܡ݂ܥ ܪܘܒܝܠ ܘܦܨܝܗ ܡܢ ܐ̈ܝܕܝܗܘܢ܂ ܘܐܡ݂ܪ ܠܗܘܢ/#3#/܂ ܠܐ ܢܩܛܘܠ ܢܦܫܐ܂
37:22 ܘܐܡ݂ܪ ܠܗܘܢ ܪܘܒܝܠ܂ ܠܐ ܬܐܫܕܘܢ ܕܡܐ܂ ‍<‍ܐܠܐ#3#‍>‍ ܐܪܡܐܘܗܝ ܒܓܘܒܐ ܗܢܐ ܕܒܡܕܒܪܐ܂ ܘܐܝܕܐ ܠܐ ܬܘܫܛܘܢ ܒܗ܂ ܕܢܦܨܝܘܗܝ ܡܢ ܐ̈ܝܕܝܗܘܢ ܘܢܗܦܟܝܘܗܝ ܠܐܒܘܗܝ܂
37:23 ܘܟܕ ܐܬ݂ܐ ܝܘܣܦ ܠܘܬ ܐ̈ܚܘܗܝ܂ ܐܫܠܚܘܗܝ ܟܘܬܝܢܐ ܕܦܕܝ̈ܬܐ ܕܠܒܝܫ ܗܘܐ܂
37:24 ܘܢܣܒܘܗܝ ܘܐܪܡܝܘܗܝ ܒܓܘܒܐ܂ ܘܓܘܒܐ ܣܪܝܩ ܗܘܐ ܘܠܝܬ ‍<‍ܗܘܐ#3#‍>‍ ܒܗ ܡ̈ܝܐ܂
37:25 ܘܝܬܒܘ ܠܡ݂ܐܟܠ ܠܚܡܐ܂ ܘܐܪܝܡܘ ܥܝܢ̈ܝܗܘܢ ܘܚܙܝܢ܂ ܘܗܐ ܫܝܪܬܐ ܕܥܪ̈ܒܝܐ ܐܬܝܐ ܡܢ ܓܠܥܕ ܘܓܡ̈ܠܝܗܘܢ ܛܥܝܢܝܢ܂ ܪ̈ܗܛܢܐ ܘܨܪܘܐ ܘܒ̈ܛܡܐ܂ ܘܐܙܠܝܢ ܠܡܘܒܠܘ ܠܡܨܪܝܢ܂
37:26 ܘܐܡ݂ܪ ܝܗܘܕܐ ܠܐ̈ܚܘܗܝ܂ ܡܢܐ ܝܘܬܪܢܐ ܕܢܩܛܘܠ ܠܐܚܘܢ܂ ܘܢܟܣܐ ܕܡܗ܂
37:27 ܬܘ ܢܙܒܢܝܘܗܝ ܠܥܪ̈ܒܝܐ܂ ܘܐܝܕܢ ܠܐ ܬܗܘܐ ܒܗ܂ ܡܛܠ ܕܐܚܘܢ ܗܘ ܘܒܣܪܢ܂ ܘܫܡܥܘ ܡܢܗ ܐ̈ܚܘܗܝ܂
37:28 ܘܥܒܪܘ ܓܒܪ̈ܐ ܬܓܪ̈ܐ ܡܕܝܢ̈ܝܐ܂ ܘܢܓ݂ܕܘ ܐܣܩܘܗܝ ܠܝܘܣܦ ܡܢ ܓܘܒܐ܂ ܘܙܒܢܘܗܝ ܠܝܘܣܦ ܠܥܪ̈ܒܝܐ ܒܥܣܪ̈ܝܢ ܕܟܣܦܐ܂ ܘܐܝܬܝܘܗܝ ܠܡܨܪܝܢ܂
37:29 ܘܗ݂ܦܟ ܪܘܒܝܠ ܠܓܘܒܐ܂ ܘܗܐ ܠܝܬ ܒܗ ܝܘܣܦ܂ ܘܨܪܝ ܠܒ݂ܘܫ̈ܘܗܝ܂
37:30 ܘܗܦܟ ܠܘܬ ܐ̈ܚܘܗܝ܂ ܘܐܡ݂ܪ ܠܗܘܢ/#3#/܂ ܛܠܝܐ ܐܝܟܘ/ܠܝܬܘܗܝ#3#/܂ ܐܢܐ ܠܐܝܟܐ ܐ݁ܙܠ ܐܢܐ܂
37:31 ܘܢܣܒܘܗ݀ ܠܟܘܬܝܢܗ ܕܝܘܣܦ܂ ܘܢܟܣܘ ܨܦܪܝܐ ܕܥܙ̈ܐ܂ ܘܦܠܦܠܘܗ݀ ܠܟܘܬܝܢܐ ܒܕܡܗ܂
37:32 ܘܫܕܪܘܗ݀/ܘܫܩܠܘܗ݀#3#/ ܠܟܘܬܝܢܐ ܕܦܕ̈ܝܬܐ܂ ܘܐܝܬܝܘܗ݀ ܠܐܒܘܗܘܢ܂ ܘܐܡܪܘ ܗܕܐ ܐܫܟܚܢ܂ ܐܫܬܘܕܥ ܟܘܬܝܢܐ ܐܢ ܕܒܪܟ ܗܝ ܐܘ ܠܐ܂
37:33 ܘܐܫܬܘܕܥܗ݀ ܘܐܡ݂ܪ܂ ܟܘܬܝܢܐ ܕܒܪܝ ܗܝ܂ ܚܝܘܬܐ ܒܝܫܬܐ ܐܟܠܬܗ܂ ܡܬܒܪ ܬܒܝܪ ܝܘܣܦ ܒܪܝ܂
37:34 ܘܨܪܝ ܝܥܩܘܒ ܠܒ̈ܘܫܘܗܝ ܘܐܣܪ ܣܩܐ ܒܚܨ̈ܘܗܝ܂ ܘܐܬܐܒܠ ܥܠ ܒܪܗ ܝܘܡ̈ܬܐ ܣ̈ܓܝܐܐ܂
37:35 ܘܩܡܘ ܟܠܗܘܢ ܒܢ̈ܘܗܝ ܘܟܠܗܝܢ ܒܢ̈ܬܗ ܠܡܒܝܐܘܬܗ܂ ܘܠܐ ܨܒ݂ܐ ܠܡܬܒܝܐܘ ܘܐܡ݂ܪ܂ ܐܚܘܬ ܥܠ ܒܪܝ ܟܕ ܐܒܝܠ ܐܢܐ ܠܫܝܘܠ܂ ܘܒܟܝܗܝ ܐܒܘܗܝ܂
37:36 ܘܡܕܝܢ̈ܝܐ ܙܒܢܘܗܝ ܒܡܨܪܝܢ܂ ܠܦܘܛܝܦܪ ܡܗܝܡܢܐ ܪܒ ܕܚܫ̈ܐ ܕܦܪܥܘܢ܂

next chapter