The Comprehensive Aramaic Lexicon

10:01	ܘܐܡ݂ܪ ܡܪܝܐ ܠܡܘܫܐ܂ ܙܠ ܠܘܬ ܦܪܥܘܢ܂ ܡܛܠ ܕܐܢܐ ܩܫ݁ܝܬ ܠܒܗ݂ ܘܠܒܐ ܕܥܒ݂̈ܕܘܗܝ܂ ܡܛܠ ܕܐܥ݁ܒܕ ܐ̈ܬܘܬܐ ܗܠܝܢ ܒܝܢܬܗܘܢ܂
10:02	ܘܡܛܠ ܕܬܫ݁ܬܥܐ ܩܕܡ ܒܪܟ ܘܒܪ ܒܪܟ ܡܕܡ ܕܥܒ݁ܕܬ ܒܡܨܪܝܢ݁/ܒܡܨܪ̈ܝܐ#3#/܂ ܘܐܬ̈ܘܬܐ ܕܥܒ݁ܕܬ ܒܗܘܢ܂ ܘܬܕܥܘܢ ܕܐܢܐ ܐܢܐ ܡܪܝܐ܂
10:03	ܘܐܬܘ ܡܘܫܐ ܘܐܗܪܘܢ ܠܘܬ ܦܪܥܘܢ ܘܐܡ݂ܪܘ ܠܗ/#3#/܂ ܗܟܢܐ ܐܡ݁ܪ ܡܪܝܐ ܐܠܗܐ ܕܥܒܪ̈ܝܐ܂ ܥܕܡܐ ܠܐܡܬܝ ܠܐ ܨ݁ܒܐ ܐܢܬ ܠܡܕ݂ܚܠ ܡܢܝ܂ ܫܕܪ ܠܥܡܝ݂ ܘ݁ܢܦܠܚ݂ܢܝ܂
10:04	ܘܐܠܐ ܨ݁ܒܐ ܐܢܬ ܠܡܫܕܪܘ ܠܥܡ݂ܝ ܗܐ ܡܝ݁ܬܐ ܐܢܐ ܡܚܪ ܩܡܨܐ ܥܠ ܟܠܗ ܬܚܘܡܟ܂
10:05	ܘܢ݁ܟܣܐ ܥܝܢܗ݀ ܕܐܪܥܐ܂ ܘܠܐ ܢܫܟܚ ܒܪ ܐܢܫܐ ܠܡܚܙܝܗ݀ ܠܐܪܥܐ܂ ܘܢܐܟܘܠ ܫܪܟܐ ܕܡܕܡ/ܕܟܠܡܕܡ#3#/ ܕܫ݂ܒܩ ܠܟܘܢ ܒܪܕܐ܂ ܘܢܐܟܘܠ ܟܠܗܘܢ ܐܝ̈ܠܢܐ ܐܝܠܝܢ ܕܝܥܘ ܠܟܘܢ ܒܚܩܠܐ܂
10:06	ܘܢܬܡ݂ܠܘܢ/ܘܢܡܠܘܢ#3#/ ܒܬ̈ܝܟ݂ ܘܒܬ̈ܝܗܘܢ ܕܥܒ݂̈ܕܝܟ܂ ܘܒܬ̈ܝܗܘܢ ܕܟܠܗܘܢ ܡܨܪ̈ܝܐ܂ ܕܠܐ ܚܙܘ ܐ̈ܒܗܝܟ ܘܐ̈ܒܗܐ ܕܐ̈ܒܗܝܟ ܗܟܢܐ݁܂ ܡܢ ܝܘܡܐ ܕܗܘ݂ܘ ܥܠ ܐܪܥܐ ܘܥܕܡܐ ܠܝܘܡܢܐ܂ ܘܗܦܟܘ ܢܦܩܘ \ܡܢ ܩܕܡ /ܡܢ ܠܘܬ#3#/ ܦܪܥܘܢ܂
10:07	ܘܐܡܪܘ ܠܗ ܥܒ݂̈ܕܘܗܝ ܠܦܪܥܘܢ܂ ܥܕܡܐ ܠܐܡܬܝ ܬܗܘܐ ܠܢ ܗܕܐ ܬܘܩܠܬܐ܂ ܫܕܪ ܠܓܒܪ̈ܐ ܘ݁ܢܦܠ݂ܚܘܢ ܠܡܪܝܐ/ܩܕܡ ܡܪܝܐ#3#/ ܐܠܗܗܘܢ܂ ܥܕܡܐ ܠܗܫܐ ܠܐ ܝܕܥ݁ ܐܢܬ ܕܐܒ݂ܕܬ ܠܗ݀ ‍<‍ܟܘܠܗ݀#3#‍>‍ ܡܨܪܝ݂ܢ܂
10:08	ܘܐܗܦܟܘ ܐܢܘܢ ܠܡܘܫܐ ܘܠܐܗܪܘܢ ܠܘܬ ܦܪܥܘܢ܂ ܘܐܡܪ ܠܗܘܢ܂ ܙܠܘ ܦܠܘܚܘ ܩܕܡ ܡܪܝܐ ܐܠܗܟܘܢ܂ ܐܠܐ ܡܢ݁ ܘܡ݁ܢ ܐ݁ܙܠܝܢ܂
10:09	ܐܡ݁ܪ ܠܗ ܡܘܫܐ܂ ܒܥ̈ܠܝܡܝ݂ܢ ܘܒܩܫܝ̈ܫܝܢ ܢܐܙܠ ܒܒ̈ܢܝ݂ܢ ܘܒܒܢ̈ܬܢ܂ ܒܥܢ݂ܢ ܘܒܬܘܪ̈ܝܢ ܢܐܙܠ܂ ܡܛܠ ܕܥܕܥܐܕܐ ܗܘ ܠܢ ܕܡܪܝܐ܂
10:10	ܘܐܡ݂ܪ ܠܗܘܢ܂ ܢܗ݂ܘܐ ܗܟܢܐ݁ ܡܪܝܐ݁ ܥܡܟܘܢ܂ ܡܐ ‍<‍ܕܝܢ#3#‍>‍ ܕܫܕܪܬܟܘܢ܂ ܘܠܐܝܩܪܬܟܘܢ܂ ܚܙܘ ܕܝܢ ܕܠܡܐ ܒܝܫܬܐ ܠܘܩܒܠ ܐ̈ܦܝܟܘܢ܂
10:11	ܠܐ݁ ܗܟܢܐ܂ ܙܠܘ ܗܫܐ ܓܒܪ̈ܐ܂ ܘܦܠܘܚܘ ܩܕܡ ܡܪܝܐ܂ ܡܛܘܠ ܕܢܝܚܬܐ ܗܘ ܒܥܝܢ ܐܢܬܘܢ܂ ܘܐܦܩܘ ܐܢܘܢ ܡܢ ܩܕܡ ܐ̈ܦܘܗܝ ܕܦܪܥܘܢ܂
10:12	ܘܐܡ݂ܪ ܡܪܝܐ ܠܡܘܫܐ܂ ܐܪܝܡ ܐܝܕܟ ܥܠ ܐܪܥܐ ܕܡܨܪܝܢ ܒܩܡܨܐ܂ ܘܢ݂ܣ݂ܩ ܥܠ ܐܪܥܐ ܕܡܨܪܝܢ܂ ܘܢܐܟܘܠ ܥܣܒܐ ܕܐܪܥܐ܂ ܘܟܠܡܕܡ ܕܫܒ݂ܩ ܒܪܕܐ܂
10:13	ܘܐܪܝܡ ܡܘܫܐ ܚܘܛܪܗ ܥܠ ܐܪܥܐ ܕܡܨܪܝܢ܂ ܘܡܪܝܐ ܐܦܩ ܪܘܚܐ ܕܫܘܒܐ ܥܠ ܐܪܥܐ܂ ܟܠܗ ܐܝܡܡܐ ܗܘ݂݁ ܘܟܘܠܗ ܠܠܝܐ܂ ܫܦܪܐ ܗܘ݂ܐ܂ ܘܪܘܚܐ ܕܫܘܒܐ ܫܩܠ݂ܬ ܩܡܨܐ܂
10:14	ܘܣܠ݂ܩ ܩܡܨܐ ܥܠ ܟܠܗ݀ ܐܪܥܐ ܕܡܨܪܝܢ܂ ܘܫ݂ܪܐ ܒܟܠܗ ܬܚܘܡܐ ܕܡܨܪ̈ܝܐ܂ ܬܩܝܦ ܗܘܐ ܛܒ܂ ܘܐܟܘܬܗ݂ ܠܐ ܗܘ݂ܐ ܩܡܨܐ ‍<‍ܡܢ#3#‍>‍ ܩܕܡܘܗܝ܂ ܘܐܦ ܠܐ ܒܬܪܗ ܢܗܘܐ ܐܟܘܬܗ܂

10:15	ܘܟܣ݁ܝ ܥܝܢܗ݂݀ ܕܟܠܗ݀ ܐܪܥܐ܂ ܘܚܫܟ݂ܬ ܐܪܥܐ܂ ܘܐܟ݂ܠ ܟܠܗ ܥܣܒܐ ܕܐܪܥܐ܂ ܘܟܠܗܘܢ ܦܐܪ̈ܐ ܕܐܝ̈ܠܢܐ ܕܫܒ݂ܩ ܒܪܕܐ܂ ܘܠܐ ܐܫܬܚܪ ܛܪܦܐ ܒܐܝܠܢܐ܂ ܐܦ ܠܐ ܥܣܒܐ ܒܚܩܠܐ ܒܟܠܗ݀ ܐܪܥܐ ܕܡܨܪܝܢ܂

10:16	ܘܣܪܗܒ ܦܪܥܘܢ ܠܡܩܪܐ ܠܡܘܫܐ ܘܠܐܗܪܘܢ ܘܐܡ݂ܪ ܠܗܘܢ܂ ܚ݁ܛܝܬ ܠܡܪܝܐ ܐܠܗܟܘܢ ܘܠܟܘܢ܂
10:17	ܐܦ ܗܫܐ ܫܒܘܩܘ ܣܘܪܚܢܝ ܗܢܐ ܙܒܢܐ܂ ܘܨܠܘ ܩܕܡ ܡܪܝܐ ܐܠܗܟܘܢ܂ ܘܢ݁ܦ݂ܪܩ ܡܢܝ ܡܘܬܐ/ܡܘܬܢܐ#3#/ ܗܢܐ܂
10:18	ܘܢܦ݂ܩ ܡܘܫܐ ܡܢ ܩܕܡ ܦܪܥܘܢ܂ ܘܨ݁ܠܝ ܩܕܡ ܡܪܝܐ܂
10:19	ܘܗܦ݂ܟ ܡܪܝܐ ܐܝܬܝ ܪܘܚܐ ܡܥܪܒܐ ܕܬܩܝܦܐ ܛܒ݂܂ ܘܫܩ݂ܠܬܗ ܠܩܡܨܐ ܘܐܪܡܝܬܗ ܒܝܡܐ ܕܣܘܦ܂ ܘܠܐ ܐܫ݂ܬܚ݂ܪ ܐܦ ܠܐ ܚܕ ܩܡܨܐ ܒܟܠܗ ܬܚܘܡܐ ܕܡܨܪ̈ܝܐ܂
10:20	ܘܩܫ݁ܝ ܡܪܝܐ ܠܒܗ ܕܦܪܥܘܢ܂ ܘܠܐ ܫܕܪ ܠܒܢ̈ܝ ܐܝܣܪܝܠ܂
10:21	ܘܐܡ݂ܪ ܡܪܝܐ ܠܡܘܫܐ܂ ܐܪܝܡ ܐܝܕܟ ܠܘܬ ܫܡܝܐ܂ ܘܢ݂ܗܘܐ ܚܫܟܐ ܥܠ ܟܠܗ݀/#3#/ ܐܪܥܐ ܕܡܨܪܝܢ܂ ܘܢܥܡ݂ܛ ܚܫܟܐ܂
10:22	ܘܐܪܝܡ ܡܘܫܐ ܐܝܕܗ ܠܫܡܝܐ/ܠܘܬ ܫܡܝܐ#3#/܂ ܘܗܘܐ ܚܫܟܐ ܘܥܡܛܢܐ ܒܟܠܗ݀ ܐܪܥܐ ܕܡܨܪܝܢ܂ ܬܠܬܐ ܝܘܡ̈ܝ݂ܢ܂
10:23	ܠܐ ܚ݂ܙܐ ܐܢܫ ܠܐܚܘܗܝ܂ ܘܠܐ ܩܡ ܐܢܫ ܡܢ ܕܘܟܬܗ݂ ܬܠܬܐ ܝܘܡ̈ܝܢ܂ ܘܠܟܠܗܘܢ ܒܢ̈ܝ ܐܝܣܪܝܠ ܗܘ݂ܐ ܢܘܗܪܐ ܒܝܬ ܡܘܬ݁ܒܗܘܢ܂
10:24	ܘܩ݂ܪܐ ܦܪܥܘܢ ܠܡܘܫܐ ‍<‍ܘܠܐܗܪܘܢ#3#‍>‍ ܘܐܡ݂ܪ ܠܗ/ܠܗܘܢ#3#/܂ ܙܠܘ ܦܠܘܚܘ ܩܕܡ ܡܪܝܐ ‍<‍ܐܠܗܟܘܢ#3#‍>‍܂ ܒܠ݂ܚܘܕ ܥܢܟܘܢ ܘܬܘܪ̈ܝܟܘܢ ܫܒܘܩܘ܂ ܘܐܦ ܐܝܩܪܬܟܘܢ ܬܐܙܠ ܥܡܟܘܢ܂
10:25	ܐܡ݁ܪ ܠܗ ܡܘܫܐ ‍<‍ܠܦܪܥܘܢ#3#‍>‍܂ ܐܦ ܐܢܬ ܬܬܠ ܒܐܝܕܢ ܕܒܚ̈ܐ ܘܥ̈ܠܘܬܐ܂ ܘܢܕܒ݁ܚ ܠܡܪܝܐ ܐܠܗܢ܂
10:26	ܘܐܦ ܒܥܝܪܢ ܬܐܙܠ ܥܡܢ܂ ܘܠܐ ܬܫܬ݂ܚܪ ܡܢ݂ܢ ܐܦ ܠܐ ܚܕܐ ܛܦܪܐ ܬܢܢ܂ ܡܛܠ ܕܡܢܗ݀ ܢܣ݁ܒܝܢܢ ܠܡܦܠܚ ܩܕܡ ܡܪܝܐ ܐܠܗܢ܂ ܘܚܢ݂ܢ ܠܐ ܝ݁ܕܥܝܢ ܚܢܢ ܡܢܐ ܢܦܠܘܚ ܩܕܡ ܡܪܝܐ ܡܐ ܕܡ݁ܛܝܢ ܠܬܡܢ܂
10:27	ܘܩ݁ܫܝ ܡܪܝܐ ܠܒܗ ܕܦܪܥܘܢ܂ ܘܠܐ ܨܒ݂ܐ ܕܢܫܕܪ ܐܢܘܢ܂
10:28	ܘܐܡ݂ܪ ܦܪܥܘܢ ܠܡܘܫܐ܂ ܙܠ ܠܟ݁/#3#/ ܡܢ ܠܘܬܝ܂ ܐܙ݂ܕܗܪ ܠܐ ܬܘܣܦ ܬܘܒ/#3#/ ܕܬܬܚܙܐ ܠܝ܂ ܡܛܠ ܕܒܝܘܡܐ ܕܡܬܚܙܐ ܐܢܬ ܠܝ݂ ܬ݂ܡܘܬ܂
10:29	ܐܡ݁ܪ ܠܗ ܡܘܫܐ ܫܦܝܪ ܐܡ݂ܪܬ܂ ܬܘܒ݂ ܠܐ ܡ݁ܘܣܦ ܐܢܐ ܠܡܚܙܐ ܐ̈ܦܝܟ܂