The Comprehensive Aramaic Lexicon

20:01	ܘܐܡ݂ܪ ܐܠܗܐ ܟܠܗܘܢ ܦܬ̈ܓܡܐ ܗܠܝܢ܂
20:02	ܐܢܐ ܐܢܐ ܡܪܝܐ ܐܠܗܟ݁܂ ܕܐܣܩܬܟ/ܕܐܦܩܬܟ#3#/ ܡܢ ܐܪܥܐ ܕܡܨܪܝܢ܂ ܡܢ ܒܝܬ ܥܒܕܘܬܐ܂
20:03	ܠܐ ܢܗܘܘܢ ܠܟ ܐ̈ܠܗܝܢ ܐܚܪ̈ܢܝܢ ܠܒܪ ܡܢܝ܂
20:04	ܠܐ ܬܥܒ݁ܕ ܠܟ ܟܠ ܨܠܡ ܘܟܠ ܕܡܘ݁܂ ܕܐܝܬ ܒܫܡܝܐ ܡܢ ܠܥܠ ܘܕܐܝܬ ܒܐܪܥܐ ܡܢ ܠܬܚܬ݁܂ ܘܕܐܝܬ ܒܡ̈ܝܐ ܠܬܚܬ ܡܢ ܐܪܥܐ܂
20:05	ܠܐ ܬܣܓܘܕ ܠܗܘܢ ܘܠܐ ܬܦܠܘܚ ܐܢܘܢ/ܠܗܘܢ#3#/܂ ܡܛܠ ܕܐܢܐ ܐܢܐ ܡܪܝܐ/#3#/ ܐܠܗܟ܂ ܐܠܗܐ ܛܢܢܐ܂ ܦܪܥ݁ ܚ̈ܘܒܐ/ܚܛܗ̈ܐ#3#/ ܕܐ̈ܒܗܐ ܥܠ ܒܢ̈ܝܐ܂ ܥܠ ܬܠܬܐ ܘܥܠ ܐܪ̈ܒܥܐ ܕܪ̈ܝܢ ܠܣ̈ܢܐܝ܂
20:06	ܘܥܒ݁ܕ ܐܢܐ/#3#/ ܛܝܒܘܬܐ ܠܐ̈ܠܦܐ/ܥܠ ܐܠܦܐ#3#/ ܕܕܪ̈ܐ܂ ܠܪ̈ܚܡܝ ܘܠܢܛܪ̈ܝ ܦܘܩ̈ܕܢܝ܂
20:07	ܠܐ ܬܐܡܐ ܒܫܡܗ ܕܡܪܝܐ ܐܠܗܟ ܒܕܓܠܘܬܐ܂ ܡܛܠ ܕܠܐ ܡܙܟܐ ܡܪܝܐ ܠܡ݁ܢ ܕܝܡܐ ܒܫܡܗ ܒܕܓܠܘܬܐ܂
20:08	ܐܬܕܟܪ ܝܘܡܐ ܕܫܒܬܐ ܠܡܩܕܫܘܬܗ܂
20:09	ܫܬܐ ܝܘܡ̈ܝܢ ܬܦܠܘܚ ܘܬܥܒ݁ܕ ܟܠ ܥܒ݁ܕܟ܂
20:10	ܘܝܘܡܐ ܫܒܝܥܝܐ ܫܒܬܐ ܠܡܪܝܐ ܐܠܗܟ܂ ܠܐ ܬܥ݁ܒܕ ‍<‍ܒܗ#3#‍>‍ ܟܠ ܥܒ݁ܕ܂ ܐܢܬ ܘܒܪܟ ܘܒܪܬܟ ܘܥܒ݂ܕܟ ܘܐܡܬܟ܂ ܘܒܥܝܪܟ ܘܬܘܬܒܟ ܕܒܩܘܪ̈ܝܟ݁܂
20:11	ܡܛܠ ܕܠܫܬܐ ܝܘܡ̈ܝܢ ܥܒ݂ܕ ܡܪܝܐ ܫܡܝܐ ܘܐܪܥܐ܂ ܘܝܡ̈ܡܐ ܘܟܠ ܕܐܝܬ ܒܗܘܢ܂ ܘܐܬܬܢܝܚ ܒܝܘܡܐ ܫܒܝܥܝܐ܂ ܡܛܠ ܗܢܐ ܒܪܟ ܡܪܝܐ/ܐܠܗܐ#3#/ ܠܝܘܡܐ ܫܒܝܥܝܐ/ܕܫܒܬܐ#3#/ ܘܩܕܫܗ܂
20:12	ܝܩܪ ܠܐܒܘܟ ܘܠܐܡ݂ܟ ܕܢ݂ܣܓܘܢ ܝܘܡ̈ܝܟ/ܚܝ̈ܝܟ#3#/ ܒܐܪܥܐ ܕܡܪܝܐ ܐܠܗܟ ܝܗ݀ܒ ܠܟ܂
20:13	ܠܐ ܬܩܛܘܠ܂
20:14	ܠܐ ܬܓܘܪ܂
20:15	ܠܐ ܬܓܢܘܒ܂
20:16	ܠܐ ܬܣܗ݂ܕ ܒܚܒܪܟ/ܥܠ ܚܒܪܟ#3#/ ܣܗܕܘܬܐ ܕܓܠܬܐ܂
20:17	ܠܐ ܬܪܓ ܒܝܬܗ ܕܚܒܪܟ܂ ܠܐ ܬܪܓ ܐܢܬܬܗ ܕܚܒܪܟ܂ ܘܥܒ݂ܕܗ ܘܐܡܬܗ ܘܬܘܪܗ ܘܚܡܪܗ܂ ܘܟܠ ܡܕܡ ܕܐܝܬ ܠܚܒܪܟ܂
20:18	ܘܟܠܗ ܥܡܐ ܚ݁ܙܝܢ ܩ̈ܠܐ ܘܠܡܦܐ̈ܕܐ܂ ܘܩܠܐ ܕܩܪܢܐ ܘܛܘܪܐ ܕܬܐܢ܂ ܘܚܙܘ ܥܡܐ ܘܕܚ݂ܠܘ܂ ܘܩܡܘ ܡܢ ܪܘܚܩܐ܂
20:19	ܘܐܡ݂ܪܘ ܠܡܘܫܐ܂ ܡܠܠ ܐܢܬ ܥܡܢ ܘܢܫܡܥ܂ ܘܠܐ ܢܡܠܠ ܥܡܢ ܐܠܗܐ ܕܠܐ ܢܡܘܬ܂
20:20	ܘܐܡ݂ܪ ܡܘܫܐ ܠܥܡܐ ܠܐ ܬܕܚܠܘܢ܂ ܡܛܠ ܕܠܡܢܣܝܘܬܟܘܢ ܐܬ݂ܐ ܐܠܗܐ܂ ܘܡܛܠ ܕܬܗ݂ܘܐ ܕܚܠܬܗ ‍<‍ܕܡܪܝܐ#3#‍>‍ ܩܕܡ ܐ̈ܦܝܟܘܢ ܘܕܠܐ/ܘܠܐ#3#/ ܬܚܛܘܢ܂
20:21	ܘܩܡܘ ܥܡܐ ܡܢ ܪܘܚܩܐ܂ ܘܡܘܫܐ ܩ݂ܪܒ ܠܘܬ ܥܪܦܠܐ ܕܬܡܢ ܐܠܗܐ܂
20:22	ܘܐܡ݂ܪ ܡܪܝܐ ܠܡܘܫܐ܂ ܗܟܢܐ ܬܐܡܪ ܠܕܒܝܬ/ܠܒܢ̈ܝ#3#/ ܐܝܣܪܐܝܠ܂ ܐܢܬܘܢ ܚܙܝܬܘܢ܂ ܕܡܢ ܫܡܝܐ ܡ݁ܠܠܬ ܥܡܟܘܢ܂
20:23	ܠܐ ܬܥ݁ܒܕܘܢ ܠܟܘܢ ܥܡܝ ܐ̈ܠܗܐ ܕܕܗܒܐ܂ ܘܐ̈ܠܗܐ ܕܣܐܡܐ/ܕܟܣܦܐ#3#/ ܠܐ ܬܥ݁ܒܕܘܢ ܠܟܘܢ/#3#/܂

20:24	ܡܕܒܚܐ ܕܐܕܡܬܐ ܬܥ݁ܒܕ ܠܝ܂ ܘܬܕܒ݁ܚ ܥܠܘܗܝ ܥܠܘ̈ܬܟ ܘܩܘܪ̈ܒܢܝܟ܂ ܘܥܢܟ ܘܬܘܪ̈ܝܟ܂ ܒܟܠ ܐܬܪ ܕܬܕܟܪ/ܕܐܬܕܟܪ#3#/ ܫܡܝ܂ ܐ݁ܬܐ ܠܘܬܟ ܘܐܒܪܟܟ܂

20:25	ܘܐܢ ܡܕܒܚܐ ܕܟܐ̈ܦܐ ܬܥ݁ܒܕ ܠܝ܂ ܠܐ ܬܒܢܝܘܗܝ ܒܦܣܝܠܬܐ܂ ܡܛܠ ܕܦܪܙܠܐ ܐܢܝܦ݂ܬ ܥܠܘܗܝ ܘܛܘܫܬܝܗܝ܂
20:26	ܘܠܐ ܬܣܩ ܒܕܪ̈ܓܐ ܠܡܕܒܚܝ܂ ܕܠܐ ܢܬܓܠܐ ܦܘܪܣ݁ܝܟ ܥܠܘܗܝ܂