The Comprehensive Aramaic Lexicon

08:01	ܘܐܡܪ ܡܪܝܐ ܠܝܫܘܥ܂ ܠܐ ܬܕܚܠ ܘܠܐ ܬܙܘܥ܂ ܕܒܪ ܥܡܟ ܠܟܠܗ ܥܡܐ ܘܥܒܕ ܩܪܒܐ܂ ܘܩܘܡ ܣܩ ܠܥܝ܂ ܡܛܠ ܕܐܫ݁ܠܡܬܗ ܒܐ̈ܝܕܝܟ ܠܡܠܟܐ ܕܥܝ܂ ܘܠܥܡܗ ܘܠܡܕܝܢܬܗ ܘܠܐܪܥܗ܂
08:02	ܘܥܒܕ ܠܥܝ ܘܠܡܠܟܗ݀܂ ܐܝܟ/ܐܝܟܢܐ#3#/ ܕܥܒܕܬ ܠܐܝܪܝܚܘ ܘܠܡܠܟܗ݀܂ ܒܠܚܘܕ ܕܝܢ ܒܙܬܐ ܘܒܥܝܪܐ ܒܘܙܘ ܠܟܘܢ܂ ܘܐܟܡܢܘ ܠܟܘܢ ܟܡܐܢܐ ܡܢ ܒܣܬܪܗ݀ ܕܡܕܝܢܬܐ܀
08:03	ܘܩܡ ܝܫܘܥ ܘܟܠܗ ܥܡܐ ܥ݁ܒ̈ܕܝ ܩܪܒܐ ܠܡܣܩ ܠܥܝ܂ ܘܓܒܐ ܝܫܘܥ ܬܠܬܐ ܐ̈ܠܦܝܢ ܓܒܪ̈ܝܢ܂ ܕܓܢܒܪ̈ܝܢ ܒܚܝܠܗܘܢ܂ ܘܫܕܪ ܐܢܘܢ ܒܠܠܝܐ܂
08:04	ܘܦܩܕ ܐܢܘܢ ܘܐܡܪ ܠܗܘܢ܂ ܚܙܘ ܡܐ ܕܟ݁ܡܢܝܢ ܐܢܬܘܢ ܥܠ ܡܕܝܢܬܐ ܡܢ ܒܣܬܪܗ݀ ܕܡܕܝܢܬܐ܂ ܠܐ ܬܪܚܩܘܢ ܛܒ ܡܢܗ݀ ܡܢ ܡܕܝܢܬܐ܂ ܘܗܘܝܬܘܢ ܡܛܝܒܝܢ ܟܠܟܘܢ܂
08:05	ܘܐܢܐ ܘܥܡܐ ܕܐܝܬ ܥܡܝ ܢܬܩܪܒ ܠܡܕܝܢܬܐ܂ ܘܡܐ ܕܢܦܩܘ ܠܐܘܪܥܢ ܐܝܟ ܕܒܩܕܡܝܬܐ܂ ܗܐ ܥ݁ܪܩܝܢܢ ‍<‍ܠܢ#3#‍>‍ ܡܢ ܩܕܡܝܗܘܢ܂
08:06	ܘܢ݁ܦܩܝܢ ܒܬܪܢ ܘܪܕܦ݁ܝܢ ܠܢ ܡܢ ܡܕܝܢܬܐ܂ ܡܛܠ ܕܐ݁ܡܪܝܢ ܕܥ݁ܪܩܝܢ ܐܢܘܢ ܡܢ ܩܕܡܝܢ ܐܝܟ ܕܒܩܕܡܝܬܐ܂ ܘܚܢܢ ܗܐ ܥ݁ܪܩܝܢܢ ܡܢ ܩܕܡܝܗܘܢ܂
08:07	ܘܐܢܬܘܢ ܩܘܡܘ ܡܢ ܟܡܐܢܟܘܢ܂ ܘܚܘܪܒܘܗ݀ ܠܡܕܝܢܬܐ܂ ܘܢܫܠܡܝܗ݀ ܡܪܝܐ ܐܠܗܟܘܢ ܒܐ̈ܝܕܝܟܘܢ܂
08:08	ܘܡܐ ܕܐܚܕܬܘܢܗ݀ ܠܡܕܝܢܬܐ ܐܘܩܕܘܗ݀ ܒܢܘܪܐ܂ ܘܐܝܟ ܡܠܬܗ ܕܡܪܝܐ ܥܒܕܘ܂ ܘܚܙܘ ܕܝܢ ܕܦܩ݁ܕܬܟܘܢ܂
08:09	ܘܫܕܪ ܐܢܘܢ ܝܫܘܥ ܘܐܙܠܘ ܠܒܝܬ ܟܡܐܢܐ܂ ܘܐܝܬܒܘ ܒܝܢܬ ܒܝܬ ܐܝܠ ܠܥܝ ܡܢ ܡܥܪܒܝܗ݀ ܕܡܕܝܢܬܐ܂ ܘܒܬ ܝܫܘܥ ܒܠܠܝܐ ܗ݀ܘ ܒܓܘ ܥܡܐ܂
08:10	ܘܩ݁ܕܡ ܝܫܘܥ ܒܨܦܪܐ ܘܡܢܝܗܝ ܠܥܡܐ܂ ܘܣܠܩ ܗܘ ܘܣ̈ܒܐ ܕܐܝܣܪܝܠ ܠܥܝ ܩܕܡ ܥܡܐ܂

08:11	ܘܟܠܗܘܢ ܓܒܪ̈ܐ ܩܪ̈ܒܬܢܐ ܕܥܡܗ ܣܠܩܘ ܘܩܪܒܘ ܠܩܘܒܠܗ݀ ܕܡܕܝܢܬܐ܂ ܘܫܪܘ ܡܢ ܓܪܒܝܝܗ݀ ܕܥܝ܂ ܘܢܚܠܐ ܐܝܬ ܗܘܐ ܒܝܢܬܗܘܢ ܠܥܝ܂

08:12	ܘܕܒܪ ܝܫܘܥ ܚܡܫܐ ܐ̈ܠܦܝܢ ܓܒܪ̈ܝܢ܂ ܘܐܘܬܒ ܐܢܘܢ ܒܟܡܐܢܐ ܒܝܢܬ ܒܝܬ ܐܝܠ ܠܥܝ܂ ܡܢ ܡܥܪܒܝܗ݀ ܕܡܕܝܢܬܐ܂
08:13	ܘܥܒܕܗ ܠܥܡܗ ܘܠܟܠܗ݀ ܡܫܪܝܬܗ ܡܢ ܓܪܒܝܝܗ݀ ܕܡܕܝܢܬܐ܂ ܘܢܛܪ̈ܝ ܥܩܒܐ ܡܢ ܡܥܪܒܝܗ݀ ܕܡܕܝܢܬܐ܂ ܘܐܙܠ ܝܫܘܥ ܒܠܠܝܐ ܗ݀ܘ ܒܓܘ ܥܡܐ܂
08:14	ܘܟܕ ܚܙܐ ܡܠܟܐ ܕܥܝ ܐܣܬܪܗܒ܂ ܘܩܡܘ ܢܦܩܘ ܐ̈ܢܫܝܗ݀ ܕܡܕܝܢܬܐ܂ ܠܐܘܪܥܗ ܕܐܝܣܪܝܠ܂ ܘܗܘܘ ܟܠܗ ܥܡܐ ܕܥܝ ܒܦܩܥܬܐ܂ ܘܥܡܐ ܠܐ ܝ݁ܕܥ ܗܘܐ ܕܟܡܐܢܐ ܐܝܬ ܗܘܐ ܠܗܘܢ ܡܢ \ܒܣܬܪܗ݀ ܕܡܕܝܢܬܐ /ܒܣܬܪ ܡܕܝܢܬܐ#3#/܂
08:15	ܘܐܬܒܕܪ ܝܫܘܥ ܘܟܠܗ ܐܝܣܪܝܠ ܡܢ ܩܕܡܝܗܘܢ ܠܡܥܪܩ ܒܐܘܪܚܐ ܕܡܕܒܪܐ܂
08:16	ܘܩܥܐ ܟܠܗ ܥܡܐ ܕܥܝ ܠܡܪܕܦ ܒܬܪܗܘܢ܂ ܘܪܕܦܘ ܒܬܪ ܝܫܘܥ ܘܐܣܬ‍{‍ܪ‍}‍‍<‍ܕ‍>‍ܩܘ ܠܗܘܢ ܡܢ ܡܕܝܢܬܐ܂
08:17	ܘܠܐ ܐܫܬܚܪ ܐܢܫ ܒܥܝ ܘܒܒܝܬ ܐܝܠ ܕܠܐ ܢܦܩܘ ܒܬܪ ܐܝܣܪܝܠ܂ ܘܫܒܩܘܗ݀ ܠܡܕܝܢܬܐ ܟܕ ܦܬܝܚܐ ܘܪܕܦܘ ܒܬܪ ܐܝܣܪܝܠ܀
08:18	ܘܐܡܪ ܡܪܝܐ ܠܝܫܘܥ܂ ܐܪܝܡ ܒܢܝܙܟܐ ܕܒܐܝܕܟ ܥܠ ܥܝ܂ ܡܛܠ ܕܒܐ̈ܝܕܝܟ ܐܫ݁ܠܡܬܗ݀܂ ܘܐܪܝܡ ܝܫܘܥ ܒܢܝܙܟܐ ܕܐܚܝܕ ܗܘܐ ܒܐܝܕܗ܂ ܥܠ ܡܕܝܢܬܐ܂
08:19	ܘܟܡܐܢܐ ܩܡ ܡܣܪܗܒܐܝܬ ܡܢ ܕܘܟܬܗ܂ ܘܪܗܛܘ ܚܦܝܛܐܝܬ ܐܝܟ ܡܦܢܐ ܐܝܕܐ܂ ܘܥܠܘ ܠܡܕܝܢܬܐ ܘܐܚܕܘܗ݀܂ ܘܐܣܬܪܗܒܘ ܘܐܘܩܕܘܗ݀ ܠܡܕܝܢܬܐ ܒܢܘܪܐ܂
08:20	ܘܐܬܦܢܝܘ ܐܢܫܐ ܕܥܝ ܠܒܣܬܪܗܘܢ܂ ܘܚܙܘ ܕܣ݁ܠܩ ܬܢܢܗ݀ ܕܡܕܝܢܬܗܘܢ ܥܕܡܐ ܠܫܡܝܐ܂ ܘܠܐ ܐܘܦܝܘ ܠܡܥܪܩ/ܠܡܥܪܩܘ#3#/ ܠܟܐ ܘܠܟܐ܂ ܘܥܡܐ ܕܐܝܣܪܝܠ ܕܥ݁ܪܩ ܗܘܐ ܒܡܕܒܪܐ ܐܬܗܦܟ ܥܠ ܪ̈ܕܘܦܘܗܝ܂
08:21	ܘܝܫܘܥ ܘܟܠܗ ܐܝܣܪܝܠ܂ ܚܙܘ ܕܟܒܫܗ݀ ܟܡܐܢܐ ܠܡܕܝܢܬܐ ܘܣܠܩ ܬܢܢܗ݀ ܕܡܕܝܢܬܐ܂ ܘܗܦܟܘ ܚܪܒܘ ܐܢܘܢ ܠܐ̈ܢܫܝܗ݀ ܕܥܝ܂
08:22	ܘܗܠܝܢ ܢܦܩܘ ܡܢ ܡܕܝܢܬܐ ܠܐܘܪܥܗܘܢ܂ ܘܗܘܘ ܠܗܘܢ ܐ̈ܢܫܝܗ ܕܥܝ ܒܡܨܥܬܗ ܕܐܝܣܪܝܠ܂ ܘܗܠܝܢ ܡܟܐ ܘܗܠܝܢ ܡܟܐ܂ ܘܚܪܒܘ ܐܢܘܢ ܘܣܪܝܕܐ ܠܐ ܫܒܩܘ ܠܗܘܢ܂
08:23	ܘܠܡܠܟܐ ܕܥܝ ܐܚܕܘܗܝ ܟܕ ܚܝ ܘܩܪܒܘܗܝ ܠܘܬ ܝܫܘܥ܂
08:24	ܘܟܕ ܓܡܪ ܐܝܣܪܝܠ ܠܡܚܪܒ ܠܟܠܗܘܢ ܥܡܘܪ̈ܝܗ݀ ܕܥܝ܂ ܒܚܩ̈ܠܬܐ ܘܒܡܕܒܪܐ ܪܕܦ݁ܝܢ ܗܘܘ ܠܗܘܢ܂ ܘܢܦܠܘ ܟܠܗܘܢ ܒܦܘܡܐ ܕܚܪܒܐ ܥܕܡܐ ܕܓܡܪܘ܂ ܘܗܦܟܘ ܟܠܗ ܐܝܣܪܝܠ ܠܥܝ ܘܚܪܒܘܗ݀ ܒܦܘܡܐ ܕܚܪܒܐ܂
08:25	ܘܟܘܠܗܘܢ ܕܢܦܠܘ ܒܝܘܡܐ ܗ݀ܘ܂ ܡܢ ܓܒܪ̈ܐ ܘܥܕܡܐ ܠܢܫ̈ܐ܂ ܬܪܥܣܪ ܐ̈ܠܦܝܢ ܟܠܗܘܢ ܐ̈ܢܫܐ ܕܥܝ܂
08:26	ܘܝܫܘܥ ܠܐ ܐܗܦܟ ܐܝܕܗ ܕܐܪܝܡ ܗܘܐ ܒܢܝܙܟܐ܂ ܥܕܡܐ ܕܚܪܒ ܐܢܘܢ ܠܟܠܗܘܢ ܥܡܘܪ̈ܝܗ݀ ܕܥܝ܂
08:27	ܒܠܚܘܕ ܒܥܝܪܐ ܘܒܙܬܐ ܕܡܕܝܢܬܐ ܗ݀ܝ ܒܙܘ ܠܗܘܢ ܒܢ̈ܝ ܐܝܣܪܝܠ܂ ܐܝܟ ܡܠܬܗ ܕܡܪܝܐ ܕܦܩܕ/ܕܐܡܪ#3#/ ܠܝܫܘܥ܂
08:28	ܘܐܘܩܕܗ݀ ܝܫܘܥ ܠܥܝ܂ ܘܥܒܕܗ݀ ܬܠܠܐ ܚܪܒܐ ‍<‍ܥܕܡܐ#3#‍>‍ ܠܥܠܡ ܥܕܡܐ ܠܝܘܡܢܐ܂
08:29	ܘܠܡܠܟܗ݀/ܘܡܠܟܗ݀#3#/ ܕܥܝ ܙܩܦܗ ܥܠ ܩܝܣܐ ܥܕܡܐ ܠܙܒܢܐ ܕܪܡܫܐ܂ ܘܟܕ ܥܪܒܬ ܫܡܫܐ ܦܩܕ ܝܫܘܥ ܘܐܚܬܘܗ݀/ܘܐܚܕܘܗ݀#3#/ ܠܫܠܕܐ ܡܢ ܩܝܣܐ܂ ܘܐܪܡܝܘܗ݀ ܒܡܥܠܢܐ ܕܬܪܥܐ ܕܡܕܝܢܬܐ/ܕܩܪܝܬܐ#3#/܂ ܘܐܩܝܡܘ/ܘܐܪܡܝܘ#3#/ ܥܠܘܗܝ ܝܓܪܐ ܕܟܐ̈ܦܐ ܪ̈ܘܪܒܬܐ ܥܕܡܐ ܠܝܘܡܢܐ܂
08:30	ܗܝܕܝܢ ܒܢܐ ܝܫܘܥ ܡܕܒܚܐ ܠܡܪܝܐ ܐܠܗܐ ܕܐܝܣܪܝܠ ܒܛܘܪܐ ܕܓܒܠ܂
08:31	ܐܝܟ ܕܦܩܕ ܡܘܫܐ ܥܒܕܗ ܕܡܪܝܐ ܠܒܢ̈ܝ ܐܝܣܪܝܠ܂ ܐܝܟ ܕܟܬܝܒ ܒܣܦܪܐ ܕܢܡܘܣܐ ܕܡܘܫܐ܂ ܡܕܒܚܐ ܕܟܐ̈ܦܐ ܫ̈ܠܡܠܡܬܐ ܕܠܐ ܢܦܠ ܥܠܝܗܝܢ ܦܪܙܠܐ܂ ܘܩܪܒܘ ܥܠܘܗܝ/ܟܠܗܘܢ#3#/ ܝܩ̈ܕܐ ܫ̈ܠܡܐ ܠܡܪܝܐ܂ ܘܕܒܚܘ ܕܒܚܬܐ܂
08:32	ܘܟܬܒ ܬܡܢ ܥܠ ܟܐ̈ܦܐ ܗܠܝܢ ܕܡܕܒܚܐ܂ ܦܪܫܓܢܐ ܕܢܡܘܣܗ ܕܡܘܫܐ ܕܟܬܒ ܩܕܡ ܒܢ̈ܝ ܐܝܣܪܐܝܠ܂
08:33	ܘܟܠܗ ܐܝܣܪܝܠ ܘܩܫܝܫ̈ܘܗܝ ܘܣܦܪ̈ܘܗܝ ܘܕܝܢ̈ܘܗܝ܂ ܩ݁ܝܡܝܢ ܡܟܐ ܘܡܟܐ ܡܢ ܬܪ̈ܝܗܘܢ ܣܛܪ̈ܝܗ݀ ܕܩܒܘܬܐ܂ ܠܘܩܒܠ ܟܗ̈ܢܐ ܘܠܘ̈ܝܐ ܕܫܩܝܠܝܢ ܩܒܘܬܐ ܕܕܝܬܩܐ ܕܡܪܝܐ܂ ܦܠܓܗܘܢ ܠܘܩܒܠ ܛܘܪܐ ܕܓܪܙܝܡ܂ ܘܦܠܓܗܘܢ ܠܘܩܒܠ ܛܘܪܐ ܕܓܒܠ܂ ܐܝܟܢܐ ܕܦܩܕ ܡܘܫܐ ܥܒܕܗ ܕܡܪܝܐ܂ ܠܡܒܪܟܘ ܠܐܝܣܪܝܠ/ܠܒܢ̈ܝ ܐܝܣܪܝܠ#3#/ ܐܝܟ ܕܡܢ ܩܕܝܡ܂
08:34	ܘܡܢ ܒܬܪܟܢ܂ ܩܪܐ ܝܫܘܥ ܟܠܗܘܢ ܦܬ̈ܓܡܘܗܝ ܕܢܡܘܣܐ܂ ܒܘܪ̈ܟܬܐ ܘܠܘ̈ܛܬܐ ܟܠܗܘܢ ܕܟܬܝ̈ܒܢ ܒܣܦܪܐ ܕܢܡܘܣܐ܂
08:35	ܠܐ ܫܒܩ ܚܕܐ ܡܠܬܐ ܡܢ ܟܠ ܕܦܩܕ ܡܘܫܐ܂ ܕܠܐ ܩܪܐ ܝܫܘܥ ܩܕܡ ܟܠܗ݀ ܟܢܘܫܬܐ ܕܐܝܣܪܝܠ܂ ܘܩܕܡ ܢܫ̈ܐ ܘܩܕܡ ܛ̈ܠܝܐ܂ ܘܩܕܡ ܬܘ̈ܬܒܐ ܕܒܝܢܬܗܘܢ܂܀