The Comprehensive Aramaic Lexicon

14:01	ܡܛܠ ܕܡܪܚܡ ܡܪܝܐ ܥܠ ܝܥܩܘܒ܃ ܘܡܨܛܒܐ ܬܘܒ ܒܐܝܣܪܝܠ܂ ܘܢܫܒܘܩ ܐܢܘܢ ܒܐܪܥܗܘܢ܂ ܘܢܬܠܘܘܢ ܥܠܝܗܘܢ ܥܡܘܪ̈ܐ܃ ܘܢܬܬܘܣܦܘܢ ܥܠ ܕܒܝܬ ܝܥܩܘܒ܂
14:02	ܘܢܕܒܪܘܢ ܐܢܘܢ ܥܡ̈ܡܐ ܘܢܝܬܘܢ ܐܢܘܢ ܠܐܪܥܗܘܢ܂ ܘܢܐܪܬܘܢ ܐܢܘܢ ܕܒܝܬ ܐܝܣܪܝܠ ܒܐܪܥܗ ܕܡܪܝܐ ܠܥܒ̈ܕܐ ܘܠܐܡ̈ܗܬܐ܂ ܘܢܗܘܘܢ ܫܒ݁ܝܢ ܠܫ̈ܒܝܗܘܢ܃ ܘܢܫܬܠܛܘܢ ܒܡܫ̈ܥܒܕܢܝܗܘܢ܀܀
14:03	ܘܢܗܘܐ ܒܝܘܡܐ ‍<‍ܗܘ#3#‍>‍ ܕܢܢܝܚܟ ܡܪܝܐ ܡܢ ܟܪܝܘܬܟ ܘܡܢ ܪܘܓܙܟ܃ ܘܡܢ ܫܘܥܒܕܐ ܩܫܝܐ ܕܐܫܬܥܒܕܬ܃
14:04	ܬܫܩܘܠ ܡܬܠܐ ܗܢܐ ܥܠ ܡܠܟܐ ܕܒܒܠ ܘܬܐܡܪ܂ ܐܝܟܢܐ ܒܛܠ ܫܠܝܛܐ ܘܒܛܠ ܡܚܦܛܢܐ/ܡܒܕܩܢܐ#3#/܂
14:05	ܬܒܪ ܡܪܝܐ ܚܘܛܪܐ ܕܪܫܝܥܐ ܘܫܒܛܐ ܕܫܠܝܛܐ/ܘܫܠܝܛܐ#3#/܃
14:06	ܕܡ݁ܚܐ ܗܘܐ ܥܡ̈ܡܐ ܒܐܟܬܐ/ܒܟܐܬܐ#3#/ ܡܚܘܬܐ ܕܠܐ ܡܪܕܘ܂ ܘܪܕ݁ܐ ܗܘܐ ܒܪܘܓܙܐ ܥܡ̈ܡܐ܃ ܘܪܕ݁ܦ ܠܗܘܢ ܕܠܐ ܚܘܣܢ܂
14:07	ܐܬܬܢܝܚܬ ܘܫܠܝܬ/ܘܫܠܬ#2#/ ܟܠܗ݀ ܐܪܥܐ܂ ܘܕܨܬ ܒܬܫܒܘܚܬܐ܂
14:08	ܘܐܦ ܒܪܘܬܐ ܘܐܪ̈ܙܐ ܕܠܒܢܢ ܚܕܝܘ ܠܟ܂ ܡܢ ܙܒܢܐ ܕܫܟܒܬ܃ ܠܐ ܣܠܩܘ ܥܠܝܢ ܠܡܦܣܩ܂
14:09	ܫܝܘܠ ܡܢ ܠܬܚܬ ܐܬܡܪܡܪܬ ܠܘܩܒܠ ܡܥܠܟ܂ ܐܥܝܪܬ ܥܠܝܟ ܓܢܒܪ̈ܐ/ܠܓܢܒܪ̈ܐ#3#/܂ ܘܟܠܗܘܢ ܫ̈ܠܝܛܢܐ ܕܐܪܥܐ ܕܐܩܝܡܬ ܡܢ ܟܘܪ̈ܣܘܬܗܘܢ܂ ܟܠܗܘܢ ܡ̈ܠܟܐ ܕܥܡ̈ܡܐ
14:10	ܢܥܢܘܢ/ܢܥܠܘܢ#3#/ ܘܢܐܡܪܘܢ ܠܟ܂ ܐܦ ܐܢܬ ܐܬܟܪܗܬ ܐܟܘܬܢ ܘܠܘܬܢ ܐܫܬܠܡܬ܃

14:11	ܘܐܝܩܪܟ ܢܚܬ ܠܫܝܘܠ܃ ܘܡܝܬ ܟܢܪܟ܃ ܬܚܘܬܝܟ ܬܬܡܟܟ ܪܡܬܐ ܘܬܟܣܝܟ ܬܘܠܥܐ܂

14:12	ܐܝܟܢܐ ܢܦܠܬ ܡܢ ܫܡܝܐ܃ ܐܝܠܠ ܒܨܦܪܐ܂ ܢܦܠܬ ܒܐܪܥܐ ܡܨܥܪ̈ܢܐ ܕܥܡ̈ܡܐ܂
14:13	ܐܢܬ ܐܡܪܬ ܒܠܒܟ ܐܣܩ/ܕܐܣܩ#3#/ ܠܫܡܝܐ܃ ܘܠܥܠ ܡܢ ܟܘܟ̈ܒܘܗܝ ܕܐܝܠ ܐܪܝܡ ܟܘܪܣܝ܂ ܘܐܬܒ ܒܛܘܪ̈ܐ ܪ̈ܡܐ ܕܒܫ̈ܦܘܠܝ ܓܪܒܝܐ܂
14:14	ܘܐܣܩ ܥܠ ܪܘܡܐ ܕܥܢ̈ܢܐ ܘܐܬܕܡܐ/ܘܐܕܡܐ#3#/ ܠܥܠܝܐ܂
14:15	ܡܟܝܠ ܠܫܝܘܠ ܬܚܘܬ ܘܠܐܫܬܗ ܕܓܘܒܐ܂
14:16	ܟܠ ܚ̈ܙܝܝܟ ܥܠܝܟ ܢܕܝܩܘܢ܂ ܘܒܟ ܢܣܬܟܠܘܢ ܘܢܐܡܪܘܢ܂ ܗܢܘ ܓܒܪܐ ܕܡܪܡܪ ܗܘܐ ܐܪܥܐ ܘܐܙܝܥ ܡ̈ܠܟܘܬܐ܂
14:17	ܘܐܚܪܒ ܬܒܝܠ ܐܝܟ ܡܕܒܪܐ܃ ܘܩܘܪ̈ܝܐ ܣܚܦ܂ ܘܐܣܝܪ̈ܘܗܝ ܠܐ ܫܪܐ܂
14:18	ܟܠܗܘܢ ܡ̈ܠܟܐ ܕܥܡ̈ܡܐ܃ ܫܟܒܘ ܒܐܝܩܪܐ ܐܢܫ ܒܒܝܬܗ܂
14:19	ܘܐܢܬ ܐܫܬܕܝܬ ܡܢ ܩܒܪܟ ܐܝܟ ܢܘܪܒܐ ܡܣܠܝܐ܂ ܠܒܘܫܐ ܕܩ̈ܛܝܠܐ ܕܩܛܝܠܝܢ ܒܣܝܦܐ܃ ܕܢܚ݁ܬܝܢ ܒܟܐ̈ܦܐ ܕܓܘܒܐ ܐܝܟ ܫ̈ܠܕܐ ܕܝܫ̈ܬܐ܂
14:20	ܘܠܐ ܬܚܕܐ ܥܡܗܘܢ ܒܩܒܪܐ/ܒܩܪܒܐ#3#/܂ ܡܛܠ ܕܐܪܥܟ ܚܒܠܬ ܘܥܡܟ ܩܛܠܬ܂ ܠܐ ܢܩܘܡ ܠܥܠܡ ܙܪܥܐ ܒܝܫܐ܂
14:21	ܛܝܒ ܠܒܢ̈ܘܗܝ ܩܛܠܐ ܒܥܘܠܐ ܕܐܒܘܗܘܢ܂ ܕܠܐ ܢܩܘܡܘܢ ܘܢܐܪܬܘܢ ܐܪܥܐ܃ ܘܢܡܠܘܢ ܐ̈ܦܝ ܬܒܝܠ ܩܪܒܐ܂
14:22	ܐܩܘܡ ܥܠܝܗܘܢ ܐܡ݁ܪ ܡܪܝܐ ܚܝܠܬܢܐ܃ ܘܐܘܒܕ ܫܡܗ݀/ܥܡܗ݀#3#/ ܕܒܒܠ܂ ܘܙܪܥܗ݀ ܘܛܘܗܡܗ݀ ܘܫܪܒܬܗ݀ ܐܡ݁ܪ ܡܪܝܐ܂
14:23	ܘܐܥܒܕܝܗ݀ ܝܪܬܘܬܐ ܠܩܘ̈ܦܕܐ ܘܐܓܡ̈ܐ ܕܡ̈ܝܐ܂ ܘܐܟܢܫܝܗ݀ ܒܡܟܢܫܬܐ/ܒܡܟܢܘܫܬܐ#3#/ ܕܐܒܕܢܐ ܐܡ݁ܪ ܡܪܝܐ ܚܝܠܬܢܐ܂
14:24	ܐܝܡܐ ܡܪܝܐ ܚܝܠܬܢܐ ܘܐܡܪ܂ ܕܐܝܟ ܕܐܬܚܫܒ݁ܬ ܗܟܢܐ ܢܗܘܐ܂ ܘܐܝܟ ܕܐܬܪܥܝ݁ܬ ‍<‍ܗܟܢܐ ܢܗܘܐ#3#‍>‍ ܢܬܩܝܡ܂
14:25	ܕܐܬܒܪ/ܕܐܬܒܘܪ#3#/ ܠܐܬܘܪܝܐ ܒܐܪܥܝ܂ ܘܥܠ ܛܘܪ̈ܝ ܐܕܘܫܝܘܗܝ܂ ܘܢܥܒܪ ܢܝܪܗ ܡܢܗܘܢ܂ ܘܫܘܥܒܕܗ ܡܢ ܟܬܦܗܘܢ/ܟܬܦܬܗܘܢ#3#/ ܢܥܒܪ܂
14:26	ܗܕܐ ܗܝ ܬܪܥܝܬܐ ܕܐܬܪܥܝܬ ܥܠ ܐܪܥܐ ܟܠܗ݀܂ ܘܗܕܐ ܗܝ ܐܝܕܐ ܕܐܬܬܪܝܡܬ ܥܠ ܟܘܠܗܘܢ ܥܡ̈ܡܐ܂
14:27	ܡܪܝܐ ܚܝܠܬܢܐ ܐܬܪܥܝ܂ ܡܢܘ ܢܒܛܠ܂ ܘܠܐܝܕܗ ܪܡܬܐ ܡܢܘ ܢܗܦܟ/ܢܗܦܘܟ#3#/܂
14:28	ܡܫܩܠܐ ܕܦܠܫܬ܃ ܒܫܢܬܐ ܕܡܝܬ ܐܚܙ ܡܠܟܐ ܗܘܐ ܡܫܩܠܐ ܗܢܐ܂
14:29	ܠܐ ܬܚܕܝܢ/ܬܕܚܠܝܢ#3#/ ܟܠܟܝ ܦܠܫܬܝ܃ ܡܛܠ ܕܐܬܬܒܪ ܫܒܛܐ ܕܡܫܥܒܕܢܟܝ܂ ܡܛܠ ܕܡܢ ܥܩܪܗ ܕܚܘܝܐ ܢܦ݁ܩ ܓܪܣܐ܂ ܘܦܐܪ̈ܘܗܝ ܚܪܡܢܐ/ܕܚܪܡܢܐ#3#/ ܕܦܪܚ܂
14:30	ܘܢܪܥܘܢ ܒܘܟܪ̈ܝ ܡܣ̈ܟܢܐ܃ ܘܒ݁ܝ̈ܫܐ ܒܫܠܝܐ ܢܪܒܥܘܢ܂ ܘܐܡܝܬ ܥܩܪܟܝ ܒܟܦܢܐ܂ ܘܕܡܫܬܚܪ ܡܢܟܝ/ܒܟܝ#3#/ ܢܬܩܛܠ܂
14:31	ܐܝܠܠܝ ܩܪ̈ܝܬܐ ܒܓܢܝ ܩܪܝܬܐ܂܂ ܐܬܕܠܚܬ ܦܠܫܬ ܟܠܗ݀܂ ܡܛܠ ܕܡܢ ܓܪܒܝܐ ܐ݁ܬܐ ܬܢܢܐ܃ ܘܠܝܬ/ܘܠܐ ܐܝܬ#3#/ ܕܝܚܝܕܝ ܒܥܕܥܐ̈ܕܘܗܝ܂
14:32	ܘܡܢܐ ܢܥܢܐ/ܢܥܒܕ#3#/ ܠܡܠܐܟܐ/ܠܡܠܟܐ#3#/ ܕܥܡ̈ܡܐ܂ ܕܡܪܝܐ ܡܬܩܢ ܫܬܐ̈ܣܝܗ݀ ܕܨܗܝܘܢ܃ ܘܒܗ݀ ܢܣܬܬܪܘܢ ܒ݁ܝܫ̈ܐ ܕܥܡܗ܂