← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62012: P Is

Click on a word for lexical analysis
Click on a red-colored coordinate for comments and/or translations of the line

previous chapter


22:01 ܡܫܩܠܐ ܕܢܚܠܐ ܕܚܙܝܘܢ܃ ܡܢܐ ܐܝܬ ܠܟܝ ܗܪܟܐ ܕܣܠܩܬܝ ܟܘܠܟܝ ܠܐܓܪܐ܂
22:02 ܕܠܘܚܝܐ ܐܬܡܠܝܬ ܩܪܝܬܐ܃ ܩܠܐ ܐܬܡܠܝܬ ܩܪܝܬܐ ܥܫܝܢܬܐ܃ ܩܛܝ̈ܠܝܟܝ ܠܐ ܗܘܘ ܩ̈ܛܝܠܐ ܕܣܝܦܐ܂ ܐܦ ܠܐ ܡܝ̈ܬܐ ܕܩܪܒܐ܂
22:03 ܟܠܗܘܢ ܫ̈ܠܝܛܢܝܟܝ ܢܕܘ ܐܟܚܕܐ܂ ܡܢ ܩܫܬܐ ܐܬܐܣܪܘ ܕܐܫܬܚܪܘ/ܘܐܫܬܚܪܘ#3#/ ܒܟܝ܂ ܐܟܚܕܐ ܐܬܐܣܪܘ ܘܠܪܘܚܩܐ ܥܪܩܘ܂
22:04 ܡܛܠ ܗܢܐ ܐܡ݁ܪܬ܃ ܫܘܒܩܘܢܝ ܐܬܡܪܡܪ ܒܒܟܬܐ܂ ܠܐ ܬܐܠܨܘܢ ܠܡܒܝܐܘܬܢܝ ܥܠ ܬܒܪܗ݀ ܕܒܪܬ ܥܡܝ܂
22:05 ܡܛܠ ܕܝܘܡܐ ܕܕܠܘܚܝܐ ܘܕܕܝܫܐ ܘܕܒܟܬܐ܃ ܠܡܪܝܐ ܐܠܗܐ ܚܝܠܬܢܐ ܒܢܚܠܐ ܕܚܙܝܘܢ ܒܨܐ/ܒܢܐ#3# ܫܘܪܐ ܘܓܥܐ ܥܠ ܛܘܪ̈ܐ܂
22:06 ܘܥܝܠܡ ܫܩܠ ܩܛܪܩܐ܂ ܒܪ̈ܟܒܐ ܕܐܢܫܐ ܦܪ̈ܫܐ܂ ܘܫܘܪܐ ܓܠܐ ܣܟܪ̈ܐ܂
22:07 ܘܢܗܘܘܢ ܓܒ̈ܝܐ ܕܥܘܡܩ̈ܝܟܝ ܡܠܝܢ ܡܪ̈ܟܒܬܐ܂ ܘܦܪ̈ܫܐ ܢܣܬܕܪܘܢ ܥܠ ܬܪ̈ܥܐ܂
22:08 ܘܝܗܘܕܐ ܢܓܠܐ ܣܕܪ̈ܐ܂ ܘܬܚܙܐ ܒܝܘܡܐ ܗ݀ܘ ܙܝܢܐ ܕܒܝܬ ܥܒܐ܃
22:09 ܘܬܘܪ̈ܥܬܐ ܕܩܪܝܬܗ ܕܕܘܝܕ ܚܙܝܬܘܢ ܕܣ̈ܓܝ܃ ܘܟܢܫܬܘܢ ܡ̈ܝܐ ܕܝܡܬܐ ܬܚܬܝܬܐ܃
22:10 ܘܡܠܝܬܘܢ ܒ̈ܬܐ ܕܐܘܪܫܠܡ܂ ܘܥܩܪܬܘܢ ܒ̈ܬܐ ܕܬܥܫܢܘܢ ܫܘܪܐ܂
22:11 ܘܩ̈ܒܝܬܐ ܥܒܕܬܘܢ ܒܝܬ ܫܘܪܐ ܠܡ̈ܝܐ ܕܝܡܬܐ ܥܬܝܩܬܐ܂ ܘܠܐ ܚܪܬܘܢ ܠܥܒܘܕܗ݀܂ ܘܠܓܒܘܠܗ݀ ܡܢ ܪܘܚܩܐ ܠܐ ܚܙܝܬܘܢ܂
22:12 ܘܩܪܐ ܡܪܝܐ ܐܠܗܐ ܚܝܠܬܢܐ ܒܝܘܡܐ ܗ݀ܘ܃ ܠܒܟܬܐ ܘܠܡܪ̈ܩܕܬܐ ܘܠܩ̈ܘܕܚܬܐ ܘܠܟܒܢܐ ܕܣܩ̈ܐ܂
22:13 ܘܗܐ ܒܘܣܡܐ ܘܚܕܘܬܐ ܢܟܣܬܐ ܕܬܘܪ̈ܐ ܘܢܟܣܬܐ ܕܥܢܐ܂ ܡܐܟܘܠܬܐ ܕܒܣܪܐ ܘܡܫܬܝܐ ܕܚܡܪܐ ܢܐܟܘܠ ܘܢܫܬܐ܂ ܡܛܠ ܕܡܚܪ ܢܡܘܬ܂
22:14 ܓܠܝܐ ܗܝ ‍<‍ܗܕܐ#3#‍>‍ ܒܐ̈ܕܢܝ ܡܪܝܐ ܚܝܠܬܢܐ ܘܐܡܪ܃ ܠܐ ܬܣܒܘܢ ܠܟܘܢ ܚܛܝܬܐ ܗܕܐ ܥܕܡܐ ܕܬܡܘܬܘܢ܂ ܐܡ݁ܪ ܡܪܝܐ ܐܠܗܐ ܚܝܠܬܢܐ܀
22:15 ܗܟܢܐ ܐܡ݁ܪ ܡܪܝܐ ‍<‍ܐܠܗܐ#3#‍>‍ ܚܝܠܬܢܐ܂ ܙܠ ܠܘܬ ܣܘܟܢ ܗܢܐ܃ ܠܘܬ ܫܒܢܐ ܪܒܝܬܐ ܘܐܡܪ ܠܗ܂
22:16 ܡܢܐ ܥܒ݁ܕ ܐܢܬ ܗܪܟܐ܂ ܘܡܢܐ ܐܝܬ ܠܟ ܗܪܟܐ܃ ܕܢܩܪܬ ܠܟ ܗܪܟܐ ܩܒܪܐ܂ ܢܩ݁ܪ ܒܪܘܡܐ ܩܒܪܗ܂ ܘܪܫ݁ܡ ܒܟܐܦܐ ܡܫܪܝܗ܂
22:17 ܗܐ ܡܪܝܐ ܡܫܕܐ ܫ݁ܕܐ ܠܟ ܓܒܪܐ܂܂ ܘܡܛܥܐ ܛܥ݁ܐ ܠܟ܂
22:18 ܢܐܠܨܟ ܒܐܘܠܨܢܐ ܐܝܟ ܐܘܠܨܢܐ ܕܐܣܦܪܐ܂ ܒܐܪܥܐ ܐܪܘܚܬܐ ܕܐ̈ܝܕܝܐ܂ ܬܡܢ ܬܡܘܬ܂ ܘܬܡܢ ܡܪܟܒܬܐ ܕܐܝܩܪܟ ܨܥܪܐ ܕܒܝܬ ܡܪܟ܂
22:19 ܘܐܗܓܡܟ ܡܢ ܐܝܩܪܟ܂ ܘܐܣܚܦܟ ܡܢ ܩܝܡܟ܂
22:20 ܘܢܗܘܐ ܒܝܘܡܐ ܗ݀ܘ ܐܡ݁ܪ ܡܪܝܐ܂ ܐܩܪܐ ܠܥܒܕܝ ܐܠܝܩܝܡ ܒܪ ܚܠܩܝܐ܃
22:21 ܘܐܠܒܫܝܘܗܝ ܟܘܬܝܢܟ܂ ܘܒܗܡܝܢܟ ܐܚܙܩܝܘܗܝ܂ ܘܫܘܠܛܢܟ ܐܬܠ ܒܐ̈ܝܕܘܗܝ܂ ܘܢܗܘܐ ܐܒܐ ܠܥܡܘܪ̈ܝܗ݀ ܕܐܪܫܠܡ ܘܠܓܒܪ̈ܐ ܕܒܝܬ ܝܗܘܕܐ܂
22:22 ܘܢܣܝܡ ܩ̈ܠܝܕܐ ܕܒܝܬ ܕܘܝܕ ܥܠ ܟܬܦܗ܂ ܘܢܦܬܚ ܘܠܝܬ ܕܢܐܚܘܕ܂ ܘܢܐܚܘܕ ܘܠܝܬ ܕܢܦܬܚ܂
22:23 ܘܐܩܫܝܘܗܝ ܣܟܬܐ ܒܐܬܪܐ ܡܗܝܡܢܐ܂ ܘܢܗܘܐ ܟܘܪܣܝܐ ܕܐܝܩܪܐ ܠܒܝܬ ܐܒܘܗܝ܂
22:24 ܘܢܬܠܘܢ ܥܠܘܗܝ ܟܠܗ ܐܝܩܪܐ ܕܒܝܬ ܐܒܘܗܝ ܡܝܩܪܐ ܘܡܫܒܚܐ܂ ܘܟܠ ܡܐܢܐ ܙܥܘܪܐ܂ ܡܢ ܡܐܢܐ ܕܙܡܪܐ ܘܥܕܡܐ ܠܡܐܢܐ ܕܟܢܪܐ܂
22:25 ܒܝܘܡܐ ܗ݀ܘ ܐܡ݁ܪ ܡܪܝܐ ܚܝܠܬܢܐ܃ ܬܬܥܩܪ ܣܟܬܐ ܕܢܩܝܫܐ/ܕܢܩܫܝܐ#2#/ ܒܐܬܪܐ ܡܗܝܡܢܐ܂ ܘܬܣܬܚܦ ܘܬܦܠ܂ ܘܢܐܒܕ ܫܩܠܐ ܕܣܝܡ ܥܠܝܗ݀܂ ܡܛܠ ܕܡܪܝܐ ܡܠܠ܂

next chapter