The Comprehensive Aramaic Lexicon

24:01	ܗܐ ܡܪܝܐ ܡܚܒܠ ܐܪܥܐ/ܠܐܪܥܐ#3#/ ܘܡܬܪܥ ܠܗ݀܂ ܘܣܚ݁ܦ ܐ̈ܦܝܗ݀܃ ܘܡܒܕܪ ܥܡܘܪ̈ܝܗ݀܂
24:02	ܘܢܗܘܐ ܥܡܐ ܐܝܟ ܟܗܢܐ܂ ܘܥܒܕܐ ܐܝܟ ܡܪܗ ܘܐܡܬܐ ܐܝܟ ܡܪܬܗ݀܂ ܩܢܝܐ ܐܝܟ ܡܙܒܢܢܐ܂ ܘܝܙܘܦܐ ܐܝܟ ܡܘܙܦܢܐ܂ ܐܝܟ ܡܪܐ ܚܘܒܬܗ ܕܚܝܒ ܠܗ܂
24:03	ܡܬܚܒܠܘ ܬܬܚܒܠ ܐܪܥܐ܂ ܘܡܬܒܙܙܘ ܬܬܒܙܙ܂ ܡܛܠ ܕܡܪܝܐ ܡܠܠ ܦܬܓܡܐ ܗܢܐ܂
24:04	ܐܠܬ ܘܝܬܒܬ ܒܐܒܠܐ ܐܪܥܐ܂ ܐܠܬ ܘܝܬܒܬ ܘܐܬܐܒܠܬ ܬܒܝܠ܂ ܐܠܐ ܪܘܡܗ݀ ܕܐܪܥܐ܂
24:05	ܘܐܪܥܐ ܐܬܕܡܝܬ ܠܥܡܘܪ̈ܝܗ݀܂ ܡܛܠ ܕܥܒܪܘ ܢܡܘܣܐ ܘܚܠܦܘ/ܘܚܒܠܘ#3#/ ܦܘܩܕܢܐ܃ ܘܒܛܠܘ ܩܝܡܐ ܕܥܠܡ܂
24:06	ܡܛܠ ܗܠܝܢ/ܗܢܐ#3#/ ܬܬܒ ܒܐܒܠܐ ܐܪܥܐ܂ ܘܢܬܚܝܒܘܢ/ܘܢܬܚܒܠܘܢ#2#/ ܟܠܗܘܢ ܥܡܘܪ̈ܝܗ݀܂ ܡܛܠ ܗܢܐ ܢܬܚܪܒܘܢ ܟܠܗܘܢ ܥܡܘܪ̈ܝܗ݀ ܕܐܪܥܐ܂ ܘܢܫܬܚܪܘܢ ܐܢܫܐ ܩܠܝܠ܂
24:07	ܝܬܒ ܒܐܒܠܐ ܥܒܘܪܐ ܘܐ̈ܠܝ ܓܘܦܢ̈ܐ܂ ܘܐܬܬܢܚܘ ܟܠ ܚ̈ܕܝܝ ܠܒܐ܂
24:08	ܒܛܠܬ ܚܕܘܬܐ ܘ̈ܦܠܓܐ܂ ܘܫܠܝ ܩܠܐ ܕܕܝܨܐ܂ ܒܛܠܬ ܚܕܘܬܐ ܘܟܢܪ̈ܐ܂
24:09	ܒܙܡܪܐ ܠܐ ܢܫܬܘܢ ܚܡܪܐ܂ ܢܡܪ ܫܟܪܐ ܠܫܬܝ̈ܘܗܝ܂

24:10	ܐܬܒܙܬ ܩܪܝܬܐ܂ ܘܐܬܬܚܕܘ ܟܠ ܒܝܬ ܡ̈ܕܢܐ/ܡܕ̈ܝܐ#3#/܂

24:11	ܝܠܠܬܐ ܥܠ ܚܡܪܐ ܒܫ̈ܘܩܐ܂ ܒܛܠܬ ܟܠܗ݀ ܚܕܘܬܐ܂ ܘܥܒܪ ܕܝܨܗ݀ ܕܐܪܥܐ܂
24:12	ܘܐܫܬܚܪ ܒܩܪܝܬܐ ܚܒܠܐ܃ ܘܕܘܘܢܐ ܢܦܣܩ/ܢܦܣ#3#/ ܬܪ̈ܥܝܗ݀܂
24:13	ܗܟܢܐ ܢܗܘܐ ܒܓܘܗ݀ ܕܐܪܥܐ ܒܝܢܬ ܥܡ̈ܡܐ܃ ܐܝܟ ܚܒܛܐ ܕܙܝܬܐ܂ ܘܐܝܟ ܒܘܥܪܐ ܡܐ ܕܓܡܪ ܩܛܦܐ܂
24:14	ܗܢܘܢ ܢܪܝܡܘܢ ܩܠܗܘܢ܃ ܘܢܫܒܚܘܢ ܒܓܐܝܘܬܗ ܕܡܪܝܐ܂ ܘܢܨܗܠܘܢ ܡܢ ܝܡܐ܂
24:15	ܡܛܠ ܗܢܐ ܒܬܫܒܘܚܬܐ ܫܒܚܘ ܠܡܪܝܐ܂ ܘܒܓܙܪ̈ܬܐ ܕܝܡܐ ܫܡܗ ܕܡܪܝܐ ܐܠܗܐ ܕܐܝܣܪܝܠ܂
24:16	ܡܢ ܟܢ̈ܦܝܗ݀ ܕܐܪܥܐ ‍<‍ܩܠ#3#‍>‍ ܙܡܝܪܬܐ ܫܡܥܢ܂ ܚܝܠܐ ܕܙܕܝܩܐ ܕܐܡ݁ܪ܂ ܪܐܙ ܠܝ ܪܐܙ ܠܝ܂ ܐܘܝ ܠܝ ܥ݁ܘ̈ܠܐ ܐܥܠܝܘ܂ ܥ݁ܘ̈ܠܐ ܥܘ݂ܠܐ ܐܥܠܝܘ܂
24:17	ܕܚܠܬܐ ܘܓܘܡܨܐ ܘܦܚܐ ܥܠܝܟ̈ ܥܡܘܪ̈ܐ ܕܐܪܥܐ܂
24:18	ܘܡ݁ܢ ܕܢܥܪܘܩ ܡܢ ܩܠܐ ܕܕܚܠܬܐ ܢܦܠ ܒܓܘܡܨܐ܂ ܘܡ݁ܢ ܕܢܣܩ ܡܢ ܓܘ ܓܘܡܨܐ ܢܬܬܚܕ ܒܦܚܐ܂ ܡܛܠ ܕܡܣ̈ܘܟܐ ܡܢ ܡܪܘܡܐ ܐܬܦܬܚܘ܃ ܘܙܥ ܫܬܐ̈ܣܝܗ݀ ܕܐܪܥܐ܂
24:19	ܡܙܥ ܬܙܘܥ ܐܪܥܐ܂ ܘܡܕܠ ܬܕܘܠ ܐܪܥܐ܂ ܘܡܡܛ ܬܡܘܛ ܐܪܥܐ܂
24:20	ܘܡܙܥ ܬܙܘܥ ܐܪܥܐ ܐܝܟ ܪܘܝܐ܂ ܘܬܢܘܕ ܐܝܟ ܥܪܙܠܐ܂ ܘܢܥܫܢ ܥܠܝܗ݀ ܥܘܠܗ݀܂ ܘܬܦܠ ܘܠܐ ܬܘܣܦ ‍<‍ܬܘܒ#3#‍>‍ ܠܡܩܡ܂
24:21	‍<‍ܒܗ#3#‍>‍ ܒܝܘܡܐ ܗ݀ܘ܃ ܢܦܩܘܕ ܡܪܝܐ ܥܠ ܚܝ̈ܠܐ ܕܪܘܡܐ ܒܪܘܡܐ܃ ܘܥܠ ܡ̈ܠܟܐ ܕܐܪܥܐ ܒܐܪܥܐ܂
24:22	ܘܢܟܢܫܘܢ ܟܢܘܫܝܐ ܥܠ ܐܣܝܪ ܓܘܒܐ܃ ܘܢܬܚܫܒܘܢ ܥܠ ܚܒܝܫܐ܂ ܘܠܣܘܓܐܐ ܕܝܘܡ̈ܬܐ ܢܬܦܪܩܘܢ܂
24:23	ܘܢܚܦܪ ܣܗܪܐ ܘܢܒܗܬ ܫܡܫܐ܂ ܡܛܠ ܕܐܡܠܟ ܡܪܝܐ ܚܝܠܬܢܐ ܒܛܘܪܐ ܕܨܗܝܘܢ ܘܒܐܘܪܫܠܡ܂ ܘܩܕܡ ܩܕܝܫ̈ܘܗܝ ܢܫܬܒܚ܀