The Comprehensive Aramaic Lexicon

41:01	ܫܬ̈ܘܩܝܢ ܓܙܪ̈ܬܐ܂܂ ܘܐܡ̈ܘܬܐ ܢܚ̈ܠܦܢ ܚܝܠܐ܂ ܢܩܪ̈ܒܢ ܘܗܝܕܝܢ ܢܡ̈ܠܠܢ܂ ܘܐܟܚܕܐ ܠܕܝܢܐ ܢܩܪ̈ܒܢ܂

41:02	ܡܢܘ/ܡ݁ܢ#3#/ ܐܥܝܪ ܙܕܝܩܘܬܐ ܡܢ ܡܕܢܚܐ ܘܩܪܗ݀ ܠܪܓܠܗ܂ ܢܫܬܠܡܘܢ ܩܕܡܘܗܝ ܥܡ̈ܡܐ܂ ܘܡ̈ܠܟܐ ܢܬܘܪܘܢ܂ ܢܬܠ ܐܝܟ ܥܦܪܐ ܚܪܒܗ܂ ܘܐܝܟ ܩܫܬܐ ܕܢ݁ܬܪܐ/ܬܒܝܪܬܐ#3#/ ܩܫܬܗ

41:03	ܢܪܕܘܦ ܐܢܘܢ ܘܢܥܒܕ ܫܠܡܐ܃ ܘܐܘܪܚܐ ܒܪ̈ܓܠܘܗܝ ܠܐ ܢܥܠ܂
41:04	ܡܢܘ ܥܬܕ ܘܥܒܕ܂ ܡ݁ܢ ܕܩܪܐ ܠܕܪ̈ܐ ܡܢ ܪܫܝܬܐ܂ ܐܢܐ ܐܢܐ ܡܪܝܐ ܩܕܡܝܐ ܘܐܚܪܝܐ ܐܢܐ ܐܢܐ܂
41:05	ܚ̈ܙܝܢܝ ܓܙܪ̈ܬܐ ܘܕܚܠܘ ܣܘ̈ܦܝܗ݀ ܕܐܪܥܐ܂ ܕܚܠܘ ܘܩܪܒܘ ܘܐܬܘ܂
41:06	ܘܓܒܪ ܠܚܒܪܗ ܡܥܕܪܝܢ܂ ܘܠܐܚܘܗܝ ܐܡ݁ܪ ܐܬܚܝܠ܂
41:07	ܘܠܒܒ \ܢܓܪܐ ܠܩܝܢܝܐ /ܩܝܢܝܐ ܠܢܓܪܐ#3#/܃ ܕܐ݁ܪܫ ܒܩܘܪܢܣܐ/ܩܘܪܢܣܐ#3#/ ܘܦܠܚ܃ ܘܐܡ݁ܪ ܥܠ ܕܒܩܐ ܕܫܦܝܪ ܗܘ܂ ܘܩ݁ܒܥܝܢ ܠܗ ܒܨ̈ܨܐ ܕܠܐ ܢܬܬܙܝܥ܂
41:08	ܗܫܐ ܐܝܣܪܝܠ ܥܒܕܝ ‍<‍ܐܢܬ#3#‍>‍܂ ܝܥܩܘܒ ܕܓܒܝ݁ܬܟ ‍<‍ܘܠܐ ܐܣܠܝܬܟ#3#‍>‍܃ ܙܪܥܗ ܕܐܒܪܗܡ ܪܚܡܝ
41:09	ܕܚܝ݁ܠܬܟ܃ ܡܢ ܣܘ̈ܦܝܗ݀ ܕܐܪܥܐ ܘܡܢ ܕܘܩ̈ܝܗ݀ ܩܪܝ݁ܬܟ܂ ܘܐܡ݁ܪܬ ܠܟ ܥܒܕܝ/ܕܥܒܕܝ#3#/ ܐܢܬ܂ ܓܒܝ݁ܬܟ ܘܠܐ ܐܣܠ݁ܝܬܟ܂
41:10	ܠܐ ܬܕܚܠ ܡܛܠ ܕܥܡܟ ܐܢܐ܂ ܘܠܐ ܬܬܪܗܒ ܡܛܠ ܕܐܢܐ ܐܢܐ ܐܠܗܟ/ܡܪܝܐ ܥܕܘܪܟ#3#/܂ ܚܝ݁ܠܬܟ ܐܦ ܥ݁ܕܪܬܟ܂ ܐܦ ܣܡ݁ܟܬܟ ܒܝܡܝܢܝ ܙܕܝܩܬܐ܂
41:11	ܢܒܗܬܘܢ ܘܢ݁ܚܦܪܘܢ ܐܝܠܝܢ ܕܣܩ݁ܪܝܢ ܠܟ܂ ܢܗܘܘܢ ܐܝܟ ܠܐ ܡܕܡ܂ ܘܢܐܒܕܘܢ ܓܒܪ̈ܐ ܕܢܨ݁ܝܢ ܥܡܟ܂
41:12	ܬܒܥܐ ܐܢܘܢ ܘܠܐ ܬܫܟܚ ܐܢܘܢ ܠܓܒܪ̈ܐ ܕܢܨ݁ܝܢ ܥܡܟ܂ ܢܗܘܘܢ ܐܝܟ ܕܠܐ/ܠܐ#3#/ ܐܝܬܝܗܘܢ ܓܒܪ̈ܐ ܕܡܬܟܬܫܝܢ ܥܡܟ܂
41:13	ܡܛܠ ܕܐܢܐ ܐܢܐ ܡܪܝܐ ܐܠܗܟ ܡܚܝܠܢܐ ܕܝܡܝܢܟ܂ ܐܡ݁ܪܬ ܠܟ ܠܐ/ܕܠܐ#3#/ ܬܕܚܠ܂ ܐܢܐ ܐܢܐ ܥܕܘܪܟ ‍<‍ܐܡܪ ܡܪܝܐ#3#‍>‍܀܀
41:14	ܠܐ ܬܕܚܠܝܢ ܬܘܠܥܗ ܕܝܥܩܘܒ܂ ܘܡܢܝܢܗ ܕܐܝܣܪܝܠ܂ ܐܢܐ ܐܢܐ ܥܕܘܪܟܝ ܐܡ݁ܪ ܡܪܝܐ܂ ܘܦܪܘܩܟܝ ܩܕܝܫܐ ܕܐܝܣܪܝܠ܂
41:15	ܗܐ ܥܒ݁ܕܬܟ ܐܝܟ ܓܪܓܪܐ ܚܕܬܐ ܕܫܚ݁ܩ ܘܡܕܩ ܬܕܘܫ ܛܘܪ̈ܐ ܘܬܕܩ܂ ܘܪ̈ܡܬܐ ܬܥܒܕ ܐܝܟ ܥܘܪܐ܂
41:16	ܬܕܪܐ ܐܢܘܢ ܘܪܘܚܐ ܬܫܩܘܠ ܐܢܘܢ܂ ܘܥܠܥܠܐ ܬܒܕܪ ܐܢܘܢ܂ ܘܐܢܬ ܬܕܘܨ ܒܡܪܝܐ܃ ܘܒܩܕܝܫܐ ܕܐܝܣܪܝܠ ܬܫܬܒܚ܂
41:17	ܡܣ̈ܟܢܐ ܘܒ݁ܝܫ̈ܐ ܒܥ݁ܝܢ ܡ̈ܝܐ ܘܠܝܬ܂ ܘܠܫܢܗܘܢ ܒܨܗܝܐ ܝܒܫ܂ ܐܢܐ ܡܪܝܐ ܐܥܢܐ ܐܢܘܢ܂ ܐܠܗܗ ܕܐܝܣܪܝܠ ܘܠܐ ܐܫܒܘܩ ܐܢܘܢ܂
41:18	ܐܦܬܚ ܢܗܪ̈ܘܬܐ ܒܛܘܪ̈ܐ܃ ܘܒܓܘ ܦܩ̈ܥܬܐ ܡܒ̈ܘܥܐ܂ ܐܥܒܕ ܡܕܒܪܐ ܠܐܓܡ̈ܐ ܕܡ̈ܝܐ܂ ܘܐܪܥܐ ܨܗܝܬܐ ܠܡܒ̈ܘܥܐ ܕܡ̈ܝܐ܂
41:19	ܐܬܠ/ܐܥܒܕ#3#/ ܒܡܕܒܪܐ ܐܪ̈ܙܐ ܘܐܫܟܪ̈ܥܐ܂ ܘܐܣܐ ܘܩܝܣܐ ܕܡܫܚܐ܂ ܐܣܝܡ ܒܦܩܥܬܐ ܫܪ̈ܘܝܢܐ ܗܕܝܪ̈ܐ ܐܟܚܕܐ܂
41:20	ܕܢܚܙܘܢ ܘܢܕܥܘܢ ܘܢܬܒܝܢܘܢ ܘܢܣܬܟܠܘܢ ܐܟܚܕܐ܃ ܕܐܝܕܗ ܕܡܪܝܐ ܥܒܕܬ ܗܕܐ܃ ܘܩܕܝܫܐ ܕܐܝܣܪܝܠ ܒܪܗ݀܂
41:21	ܩܪܒܘ ܕܝܢ̈ܝܟܘܢ ܐܡ݁ܪ ܡܪܝܐ܂ ܩܪܒܘ ܬܪ̈ܥܝܬܟܘܢ ܐܡ݁ܪ ܡܠܟܗ ܕܝܥܩܘܒ܂
41:22	ܢܩܪܒܘܢ ܘܢܚܘܘܢ ܐܝܠܝܢ ܕܥܬ̈ܝܕܢ܂ ܩ̈ܕܡܝܬܐ ܡܢܐ ܐ̈ܢܝܢ ܚܘܐܘܢ܂ ܘܢܣܝܡ ܒܠܒܢ ܘܢܕܥ ܐܚܪܝܬܗܝܢ܂ ܐܘ ܕܐ̈ܬܝܢ ܐܫܡܥܘܢ܂
41:23	ܚܘܐܘܢ ܐܬ̈ܘܬܐ ܕܥܬ̈ܝܕܢ/ܒܥܬ̈ܝܕܢ#3#/܂ ܘܢܕܥ ܕܐ̈ܠܗܐ ܐܢܬܘܢ܂ ܐܦ ܡܛܐܒܝܢ ܐܢܬܘܢ ܐܦ ܡܒܐܫܝܢ ܐܢܬܘܢ܂ ܘܢܫܬܥܐ ܘܢܚܙܐ ܐܟܚܕܐ܂
41:24	ܗܐ ܐܢܬܘܢ ܠܐ ܡܕܡ ܐܢܬܘܢ܂ ܘܥ݁ܒ̈ܕܝܟܘܢ ܡܢ ܚܪܒܐ܂ ܘܛܢܦܘܬܐ ܗܝ ܓܒܝܬܟܘܢ/ܓܒܝܘܬܟܘܢ#2#/܀
41:25	ܐܥܝ݁ܪܬ ܡܢ ܓܪܒܝܐ܃ ܕܢܐܬܐ ܡܢ ܡܕܢܚ̈ܝ ܫܡܫܐ ܘܢܩܪܐ ܒܫܡܝ܂ ܘܢܐܬܘܢ ܫ̈ܠܝܛܐ/ܫ̈ܠܝܛܢܐ#3#/ ܘܢܬܕܝܫܘܢ܃ ܐܝܟ ܛܝܢܐ ܕܕܐ݁ܫ ܦܚܪܐ܂
41:26	ܡܢܘ ܕܢܚܘܐ ܡܢ ܪܫܝܬܐ܃ ܘܢܕܥ ܘܢܐܡܪ/ܕܢܐܡܪ#3#/ ܕܙܕܝܩ܂ ܠܝܬ ܕܡܚܘܐ ܐܦܠܐ ܕܡܫܡܥ܂ ܐܦ ܠܐ ܕܫ݁ܡܥ ܡ̈ܠܝܟܘܢ܂
41:27	ܪ̈ܫܝܬܐ ܕܨܗܝܘܢ ܗܠܝܢ ܐ̈ܢܝܢ܂ ܘܠܐܘܪܫܠܡ ܡܣܒܪܢܐ ܐܬܠ܂
41:28	ܚܪܬ ܘܠܝܬ ܐܢܫ ܕܡܬܪܥܐ ܥܠ ܗܠܝܢ ܕܐܫܐܠ ܐܢܘܢ ܘܢܬܠܘܢ ܠܝ ܦܬܓܡܐ܂
41:29	ܗܐ ܟܠܗܘܢ ܠܐ ܡܕܡ ܐܢܘܢ܂ ܘܥ݁ܒ̈ܕܝܗܘܢ ܣܪܝܩܝܢ܂ ܘܪܘܚܐ ܪܝܩܢܝܬܐ ܥ݁ܒ̈ܕܝܗܘܢ܂