The Comprehensive Aramaic Lexicon

48:01	ܫܡܥܘ ܗܠܝܢ ܕܒܝܬ ܝܥܩܘܒ̈ ܕܡܬܩܪܝܢ ܒܫܡܗ ܕܐܝܣܪܝܠ܂ ܘܡܢ ܡܝܢܐ/ܡܝ̈ܐ#Mܿܣܽܠ#/ ܕܝܗܘܕܐ ܢܦܩܘ܂ ܕܝ݁ܡܝܢ ܒܫܡܗ ܕܡܪܝܐ܃ ܘܒܐܠܗܐ ܕܐܝܣܪܝܠ ܡܕܟܪܝܢ܂ ܠܐ ܒܩܘܫܬܐ ܘܠܐ ܒܙܕܝܩܘܬܐ܂
48:02	ܡܛܠ ܕܡܢ ܩܪܝܬܐ ܕܩܘܕܫܐ ܐܬܩܪܝܘ܂ ܘܥܠ ܐܠܗܐ ܕܐܝܣܪܝܠ ܐܣܬܡܟܘ ܡܪܝܐ ܚܝܠܬܢܐ ܫܡܗ܂
48:03	ܩܕܡܝ̈ܬܐ ܕܡܢ ܪܫܝܬܐ ܚܘ݁ܝܬ܂ ܘܡܢ ܦܘܡܝ ܢܦܩ ܘܐܫܡܥ݁ܬ ܐ̈ܢܝܢ ‍<‍ܠܟܘܢ#3#‍>‍܂ ܘܡܢ ܫܠܝܐ ܥܒ݁ܕ ܐܢܐ ܘܐܬ̈ܝܢ܂
48:04	ܝ݁ܕܥ ܐܢܐ ܕܩܫܐ ܐܢܬ܂ ܘܩܕܠܟ ܓܝܕܐ ܗܘ ܕܦܪܙܠܐ܂ ܘܒܝܬ ܥܝܢ݁ܝܟ ܢܚܫܐ܂
48:05	ܚܘ݁ܝܬܟ ܡܢ/ܕܡܢ#3#/ ܩܕܝܡ܃ ܘܥܕܠܐ ܬܐܬܐ ܐܫܡܥ݁ܬܟ܂ ܕܠܐ ܬܐܡܪ ܦܬܟܪ̈ܝ/ܕܦܬܟܪ̈ܝ#3#/ ܥܒܕܘ܃ ܘܓ̈ܠܝܦܝ ܘܢܣܝ̈ܟܝ ܦܪܩܘܢܝ܂
48:06	ܫܡ݁ܥܬ ܘܚܙ݁ܝܬ ܟܠܗܝܢ܂ ܘܐܢܬܘܢ ܠܐ ܬܚܘܘܢ܂ ܐܫܡܥ݁ܬܟ ܚܕܬ̈ܬܐ ܕܡܢ ܗܫܐ ܢܛܝܪ̈ܢ ܘܠܐ ܐܝܕܥܬ܂
48:07	ܘܡܟܝܠ ܡܬܒܪ̈ܝܢ ܘܠܐ ܡܢ ܩܕܝܡ܂ ܡܢ ܩܕܡ ܝܘܡܐ ܠܐ ܫܡܥܬ ܐ̈ܢܝܢ܂ ܕܠܐ ܬܐܡܪ ܕܝ݁ܕܥ/ܝ݁ܕܥ#3#/ ܐܢܐ ܠܗܝܢ܂
48:08	ܠܐ ܫܡܥܬ ܐܦ ܠܐ ܝ݁ܕܥ ܐܢܬ ܠܗܝܢ܂ ܘܡܢ ܩܕܝܡ ܠܐ ܐܬܦܬܚ ܐܕܢܝ̈ܟ܂ ܝ݁ܕܥ ܐܢܐ ܕܡܕܓܠܘ ܡܕܓܠ ܐܢܬ܂ ܘܥܘ݁ܠܐ ܡܢ ܟܪܣܐ ܐܬܩܪܝܬ܂
48:09	ܡܛܠ ܫܡܝ ܐܘܪܟ ܪܘܓܙܝ܂ ܘܬܫܒܘܚܬܝ ܐܛܪ ܠܟ܃ ܘܠܐ ܐܘܒܕܟ܂
48:10	ܗܐ ܨܪܦܬ݁ܟ ܘܠܐ ܒܟܣܦܐ܂ ܘܒܚ݁ܪܬܟ ܒܟܘܪܐ ܕܡܣܟܢܘܬܐ܂
48:11	ܡܛܠܬܝ ܐܥܒܕ ܕܠܐ ܐܬܛܘܫ/ܐܛܘܫ#3#/܂ ܘܐܝܩܪܝ ܠܐܚܪܝܢ ܠܐ ܐܬܠ܀
48:12	ܫܡܥܝܢܝ ܝܥܩܘܒ̈ ܘܐܝܣܪܝܠ ܕܩ݁ܪܝܬ܂ ܐܢܐ ܐܢܐ ܩܕܡܝܐ ܘܐܢܐ ܐܢܐ ܐܚܪܝܐ܂
48:13	ܘܐܝܕܝ ܐܬܩܢܬ ܫܬܐ̈ܣܝܗ݀ ܕܐܪܥܐ܂ ܘܝܡܝܢܝ ܛܦܚܬ ܫܡܝܐ܂ ܩ݁ܪܐ ܐܢܐ ܠܗܘܢ ܘܩܝ݁ܡܝܢ ܐܟܚܕܐ܂
48:14	ܐܬܟܢܫܘ ܟܠܟܘܢ ܘܫܡܥܘ ܡܢܘ ܐܝܬ ܒܟܘܢ ܕܡܚܘܐ ܗܠܝܢ܂ ܡܪܝܐ ܪܚܡ ܕܢܥܒܕ ܨܒܝܢܗ ܒܒܒܠ ܘܒܙܪܥܐ/ܘܒܐܪܥܐ#3#/ ܕܟܠܕ̈ܝܐ܂
48:15	ܐܢܐ ‍<‍ܐܢܐ#3#‍>‍ ܡܠܠ݁ܬ ܘܐܦ ܩ݁ܪܝܬ܂ ܘܐܝ݁ܬܝܬܗ݀ ܘܐܨܠܚ݁ܬ ܐܘܪܚܗ݀܂
48:16	ܩܪܘܒܘ ܠܘܬܝ ܘܫܡܥܘ ܗܕܐ܂ ܕܡܢ/ܡܢ#3#/ ܪܫܝܬܐ ܒܛܘܫܝܐ ܠܐ ܡܠܠ݁ܬ/ܡܡܠܠܬ#3#/܂ ܘܡܢ ܙܒܢܐ ܕܗܘܬ ܬܡܢ ܐܢܐ܂ ܘܗܫܐ ܡܪܝܐ ܐܠܗܐ ܫܕܪܢܝ ܘܪܘܚܗ܂
48:17	ܗܟܢܐ ܐܡ݁ܪ ܡܪܝܐ ܦܪܘܩܟ ܩܕܝܫܐ ܕܐܝܣܪܝܠ܂ ܐܢܐ ܡܪܝܐ ܐܠܗܟ ܡܠܦ ܐܢܐ ܠܟ ܕܠܐ ܬܥܠܐ܂ ܘܡܚܘܐ ܐܢܐ ܠܟ ܐܘܪܚܐ ܕܬܐܙܠ ܒܗ݀܂
48:18	ܠܘܝ ܕܝܢ ܨܐ݁ܬ ܐܢܬ ܦܘܩ̈ܕܢܝ܂ ܘܗܘ݁ܐ ܫܠܡܟ ܐܝܟ ܢܗܪܐ܂ ܘܙܕܝܩܘܬܟ ܐܝܟ ܓ̈ܠܠܐ ܕܝܡܐ܂
48:19	\ܘܗ݀ܘܐ ܙܪܥܟ /ܘܙܪܥܟ#3#/ ܐܝܟ ܚܠܐ܂ ܘܝܠܕܐ ܕܡ̈ܥܝܟ ܐܝܟ ܚܨ̈ܨܘܗܝ܂ ܘܠܐ ܢܣܘܦ ܘܠܐ ܢܐܒܕ ܫܡܗ ܡܢ ܩܕܡܝ܂
48:20	ܦܘܩܘ ܡܢ ܒܒܠ܂ ܥܪܘܩܘ ܡܢ ܟ̈ܠܕܝܐ܂ ܒܩܠܐ ܕܬܫܒܘܚܬܐ ܚܘܘ ܗܕܐ܂ ܘܐܫܡܥܘܗ݀ ܘܐܦܩܘܗ݀ ܥܕܡܐ ܠܣܘ̈ܦܝܗ݀ ܕܐܪܥܐ܂ ܘܐܡܪܘ܃ ܦܪܩ ܡܪܝܐ ܠܝܥܩܘܒ ܥܒܕܗ܂

48:21	ܒܚܪ̈ܒܬܐ ܗܠܟ ܐܢܘܢ܂ ܘܡ̈ܝܐ ܡܢ ܛܪܢܐ ܐܪܕܝ ܠܗܘܢ܂ ܒܙܥ ܟܐܦܐ ܘܪܕܘ ܡ̈ܝܐ܂

48:22	ܠܝܬ ܫܠܡܐ ܠܪ̈ܫܝܥܐ ܐܡ݁ܪ ܡܪܝܐ܀