The Comprehensive Aramaic Lexicon

65:01	ܐܬܒܥܝܬ ܠܐܝܠܝܢ ܕܠܐ ܫܐܠܘܢܝ܂ ܘܐܫܬܟܚ݁ܬ ܠܐܝܠܝܢ ܕܠܐ ܒܥܐܘܢܝ܂ ܐܡ݁ܪܬ ܗܐ ܐܢܐ܂ ܗܐ ܐܢܐ ܠܥܡܐ ܕܠܐ ܩܪܐ ܫܡܝ܂
65:02	ܦܫ݁ܛܬ ܐ̈ܝܕܝ ܝܘܡܐ ܟܠܗ܃ ܥܠ ܥܡܐ ܕܠܐ ܡܬܛܦܝܣ܂ ܕܡܗܠܟܝܢ/ܘܡܗܠܟܝܢ#3#/ \ܒܬܪ ܬܪ̈ܥܝܬܗܘܢ /ܒܬܪ̈ܥܝܬܗܘܢ#3#/܂ ܒܐܘܪܚܐ ܕܠܐ ܫܦܝܪܐ܂
65:03	ܥܡܐ ܕܡܪܓܙܝܢ ܠܝ ܐܡܝܢܐܝܬ܂ ܕܒܚ݁ܝܢ ܒܓܢ̈ܐ܃ ܘܣܝ݁ܡܝܢ ܒܣ̈ܡܐ/ܒܣ̈ܡܢܐ#3#/ ܥܠ ܐܒ̈ܢܐ/ܐܒܒ̈ܢܐ#3#/܂
65:04	ܘܝ݁ܬܒܝܢ ܒܩܒܪ̈ܐ ܘܒܝ݁ܬܝܢ ܒܡܥܪ̈ܐ܂ ܘܐܟܠܝܢ ܒܣܪܐ ܕܚܙܝܪܐ܃ ܘܡܛܘܫܝܢ/ܘܡܘܫܛܝܢ#3#/ ܒܫ̈ܠܕܐ ܡܐ̈ܢܝܗܘܢ܃ ܠܡܫܪܐ ܢܡܘܣܐ܃ ܘܠܡܛܡܐܘ ܩܝܡܐ ܩܕܝܫܐ ܕܢܪܓܙܘܢ ܠܡܪܝܐ܂
65:05	ܘܐܡ݁ܪܝܢ ܦܪܘܩ ܠܗܠ܂ ܠܐ ܬܬܩܪܒ ܠܝ܃ ܡܛܠ ܕܡܩܕܫ ܐܢܐ܂ ܗܠܝܢ ܗ̈ܘܝ ܬܢܢܐ ܒܪܘܓܙܝ܂ ܘܢܘܪܐ ܕܝܩ݁ܕܐ ܒܟܠ ܝܘܡ܂
65:06	ܗܐ ܟܬܝܒܐ ܩܕܡܝ܂ ܠܐ ܐܫܬܘܩ ‍<‍ܐܢܘܢ#3#‍>‍ ܥܕܡܐ ܕܐܦܪܘܥ ܐܢܘܢ ܐܥܦܐ ܒܥܘܒܗܘܢ܂
65:07	ܚ̈ܛܗܝܗܘܢ ܘܚ̈ܛܗܐ ܕܐ̈ܒܗܝܗܘܢ܃ ܚܫܩܒܘܠ ܐܢܘܢ ‍<‍ܩܕܡܝ#3#‍>‍ ܐܡ݁ܪ ܡܪܝܐ܂ ܕܣܡܘ ܒܣ̈ܡܐ ܥܠ ܛܘܪ̈ܐ܃ ܘܥܠ ܪ̈ܡܬܐ ܚܣܕܘܢܝ܂ ܐܡܫܘܚ ܥ݁ܒ̈ܕܝܗܘܢ ܠܘܩܕܡ ܒܥܘܒܗܘܢ܀
65:08	ܗܟܢܐ ܐܡ݁ܪ ܡܪܝܐ܂ ܐܝܟ ܕܡܫܬܟܚܐ ܛܘܛܝܬܐ ܒܣܓܘܠܐ܃ ܘܐܡ݁ܪ ܐܢܫ ܠܚܒܪܗ ܠܐ ܬܚܒܠܝܘܗܝ ܡܛܠ ܕܒܘܪܟܬܐ ܐܝܬ ܒܗ܃ ܗܟܢܐ ܐܥܒܕ ܡܛܠ ܥܒ̈ܕܝ܂ ܘܠܐ ܐܚܒܠ ܠܟܠܗܘܢ܂
65:09	ܘܐܦܩ ܙܪܥܐ ܡܢ ܝܥܩܘܒ܂ ܘܡܢ ܝܗܘܕܐ ܝܪܬܐ ܕܛܘܪܝ/ܕܩܘܕܫܝ#3#/܂ ܘܢܐܪܬܘܢܗ݀ ܓܒ̈ܝܝ ܘܥܒ̈ܕܝ ܢܥܡܪܘܢ ܬܡܢ܂
65:10	ܘܢܗܘܐ ܫܪܘܢܐ ܕܝܪܐ/ܠܕܝܪܐ#3#/ ܠܥܢܐ/ܕܥܢܐ#3#/܃ ܘܥܘܡܩܐ ܕܥܟܪ ܠܡܪܒܥܐ ܕܒܩܪ̈ܐ ܠܥܡܝ ܕܒܥܐܘܢܝ܂
65:11	ܘܐܢܬܘܢ ܕܫܒܩܬܘܢ ܠܡܪܝܐ܃ ܘܛܥܝܬܘܢ ܛܘܪܗ/ܠܛܘܪܗ#3#/ ܩܕܝܫܐ܃ ܘܡܠܝܬܘܢ ܦܬܘܪ̈ܐ ܠܓܕ̈ܐ/ܠܓܕ̈ܕܐ#3#/܃ ܘܡܙܓܬܘܢ ܠܗܘܢ ܐ̈ܓܢܐ܃
65:12	ܐܡܢܝܟܘܢ/ܐܡܚܝܟܘܢ#3#/ ܒܚܪܒܐ܂ ܘܟܠܟܘܢ ܒܩܛܠܐ ܬܒܪܟܘܢ܂ ܥܠ/ܡܛܠ#3#/ ܕܩ݁ܪܝܬ ܘܠܐ ܥܢܝܬܘܢ܃ ܘܡܠܠ݁ܬ ܘܠܐ ܫܡܥܬܘܢ܃ ܘܥܒܕܬܘܢ ܕܒܝܫ ܩܕܡܝ܂ ܘܓܒܝܬܘܢ ܡܕܡ ܕܠܐ ܨܒ݁ܐ ܐܢܐ܂
65:13	ܡܛܠ ܗܢܐ ܗܟܢܐ ܐܡ݁ܪ ܡܪܝܐ ܐܠܗܐ܂ ܗܐ ܥܒ̈ܕܝ ܢܐܟܠܘܢ ܘܐܢܬܘܢ ܬܟܦܢܘܢ܂ ܗܐ ܥܒ̈ܕܝ ܢܫܬܘܢ ܘܐܢܬܘܢ ܬܨܗܘܢ܂ ܗܐ ܥܒ̈ܕܝ ܢܚܕܘܢ ܘܐܢܬܘܢ ܬܒܟܘܢ܂
65:14	ܗܐ ܥܒ̈ܕܝ ܢܫܒܚܘܢ/ܢܫܬܒܚܘܢ#3#/ ܡܢ ܛܒ̈ܬܐ ܕܠܒܗܘܢ܃ ܘܐܢܬܘܢ ܬܒܓܢܘܢ ܡܢ ܟܐܒܗ ܕܠܒܟܘܢ ܘܡܢ ܬܒܪܗ݀ ܕܪܘܚܟܘܢ ‍<‍ܬܝܠܠܘܢ#3#‍>‍܂
65:15	ܘܬܫܒܩܘܢ ܫܡܟܘܢ ܡܘܡ̈ܬܐ/ܡܘܗܒܬܐ#3#/ ܠܓܒܝ̈ܝ܃ ܘܢܡܝܬܟ ܡܪܝܐ ܐܠܗܐ܃ ܘܠܥܒ̈ܕܘܗܝ ܢܩܪܐ ܫܡܐ ܐܚܪܢܐ܂
65:16	ܕܡܬܒܪܟ ܒܐܪܥܐ ܡܬܒܪܟ ܒܐܠܗܐ ܐܡܝܢ܂ ܘܕܝ݁ܡܐ ܒܐܪܥܐ ܝܡ݁ܐ ܒܐܠܗܐ ܐܡܝܢ܂ ܡܛܠ ܕܢܬܛ̈ܥܝܢ ܥܩ̈ܬܐ ܩܕܡ̈ܝܬܐ ܘܢܬܟܣ̈ܝܢ ܡܢ ܩܕܡܝ܂
65:17	ܡܛܘܠ ܕܗܐ ܐܢܐ ܒܪܐ ܐܢܐ ܫܡܝܐ ܚ̈ܕܬܐ ܘܐܪܥܐ ܚܕܬܐ܂ ܘܠܐ ܢܬܕܟܪܘܢ ܩܕܡ̈ܝܬܐ܂ ܘܠܐ ܢܣ̈ܩܢ ܥܠ ܠܒܐ܂
65:18	ܐܠܐ ܢܚܕܘܢ ܘܢܕܘܨܘܢ ܠܥܠܡ ܥܠܡܝܢ ܕܒܪܐ ܐܢܐ܂ ܡܛܠ ܕܗܐ ‍<‍ܐܢܐ#3#‍>‍ ܒܪܐ ܐܢܐ ܠܐܘܪܫܠܡ ܕܝ݁ܨܐ ܘܒܗ݀ ܐܚܕܐ܂
65:19	ܘܐܚܕܐ ܒܐܘܪܫܠܡ ܘܐܕܘܨ ܒܥܡܝ܂ ܘܬܘܒ ܠܐ ܢܫܬܡܥ ܒܗ݀ ܩܠܐ ܕܒܟܬܐ ܘܩܠܐ ܕܝܠܠܬܐ܂
65:20	ܘܬܘܒ ܠܐ ܢܗܘܐ ܬܡܢ ܛܠܐ ܝܘܡ̈ܬܐ܃ ܘܣܒܐ ܕܠܐ ܢܡܠܐ ܝܘܡ̈ܬܗ܂ ܡܛܠ ܕܛܠܝܐ ܒܪ ܡܐܐ ܫ̈ܢܝܢ ܢܡܘܬ܂ ܘܐܝܢܐ ܕܚ݁ܛܐ ܒܪ ܡܐܐ ܫ̈ܢܝܢ ܢܬܠܝܛ܂
65:21	ܘܢܒܢܘܢ ܒ̈ܬܐ ܘܢܬܒܘܢ܂ ܘܢܨܒܘܢ ܟܪ̈ܡܐ ܘܢܐܟܠܘܢ ‍<‍ܡܢ#3#‍>‍ ܦܐܪ̈ܝܗܘܢ܂
65:22	ܠܐ ܢܒܢܘܢ ܘܐܚܪ̈ܢܐ ܢܬܒܘܢ܂ ܘܠܐ ܢܨܒܘܢ ܘܐܚܪ̈ܢܐ ܢܐܟܠܘܢ܂ ܡܛܠ ܕܝܘܡ̈ܬܗ ܕܥܡܝ܃ ܐܝܟ ܝܘܡ̈ܬܐ ܐܢܘܢ ܕܐܝ̈ܠܢܐ܂ ܘܥ݁ܒܕ ܐ̈ܝܕܝܗܘܢ ܢܐܟܠܘܢ܂ ܓܒ̈ܝܝ
65:23	ܠܐ ܢܠܐܘܢ/ܢܐܠܘܢ#3#/ ܠܣܪܝܩܘܬܐ ܘܠܐ ܢܘܠܕܘܢ ܠܠܘܛܬܐ܂ ܡܛܠ ܕܙܪܥܐ ܐܢܘܢ ܒܪܝܟܗ ܕܡܪܝܐ܂ ܗܢܘܢ ܘܒܢ̈ܝܗܘܢ ܥܡܗܘܢ܂
65:24	ܘܥܕ ܠܐ ܢܩܪܘܢ ܐܥܢܐ ܐܢܘܢ܂ ܘܥܕܠܐ ܢܡܠܠܘܢ ܐܫܡܥ ܐܢܘܢ܂

65:25	ܕܐܒܐ ܘܐܡܪܐ ܐܟܚܕܐ ܢܪܥܘܢ܂ ܘܐܪܝܐ ܐܝܟ ܬܘܪܐ ܢܐܟܘܠ ܬܒܢܐ܂ ܘܚܘܝܐ ܥܦܪܐ ܠܚܡܗ܂ ܘܠܐ ܢܒܐܫܘܢ܂ ܘܠܐ ܢܚܒܠܘܢ ܒܟܠܗ \ܛܘܪܝ ܩܕܝܫܐ /ܛܘܪܐ ܕܩܘܕܫܝ#3#/ ܐܡ݁ܪ ܡܪܝܐ܀܂