The Comprehensive Aramaic Lexicon


03:01	ܘܐܡܪ ܫܡܥܘ ܗܟܝܠ ܗܠܝܢ ܪ̈ܝܫܐ ܕܒܝܬ ܝܥܩܘܒ܂ ܘܫ̈ܠܝܛܢܐ ܕܒܝܬ ܐܝܣܪܝܠ܂ ܠܐ ܗܘܐ ܠܟܘܢ ܘܠ݁ܐ ܠܡܕܥ ܕܝܢܐ܂

03:02	ܣܢܝ̈ܝ ܛܒ̈ܬܐ ܘܪ̈ܚܡܝ ܒܝܫܬ̈ܐ܂ ܕܚܛܦܝܢ ܐܢܬܘܢ ܡܫܟܗܘܢ ܡܢܗܘܢ܂ ܘܒܣܪܗܘܢ ܡܢ ܓܪ̈ܡܝܗܘܢ܂
03:03	ܕܐܟܠܘ ܒܣܪܗ ܕܥܡܝ܂ ܘܡܫܟܗܘܢ ܡܢܗܘܢ ܐܫܠܚܘ܂ ܘܓܪ̈ܡܝܗܘܢ ܬܒܪܘ ܘܐܪܡܝܘ ܐܝܟ ܕܒܩܕܣܐ܂ ܘܐܝܟ ܒܣܪܐ ܒܩܕܪܐ܂
03:04	ܗܝ ܕܝܢ ܢܓܥܘܢ/ܢܩܥܘܢ#5#/ ܠܘܬ ܡܪܝܐ ܘܠܐ ܢܥܢܐ ܐܢܘܢ܂ ܘܢܗܦܟ ܐ̈ܦܘܗܝ ܡܢܗܘܢ ܒܙܒܢܐ ܗ݀ܘ܂ ܥܠ ܕܐܒܐܫܘ ܥܒ̈ܕܝܗܘܢ܂܀
03:05	ܗܟܢܐ ܐܡܪ ܡܪܝܐ/ܡܪܐ ܡܪ̈ܘܬܐ#3#/܂ ܥܠ ܢܒ̈ܝܐ ܕܡܛܥܝܢ ܠܥܡܝ܂ ܕܢܟܬܝܢ ܒܫܢ̈ܝܗܘܢ ܘܡܟܪܙܝܢ ܫܠܡܐ܂ ܘܡ݁ܢ ܕܠܐ ܪܡܐ ܒܦܘܡܗܘܢ ܡܟܪܙܝܢ ܥܠܘܗܝ ܩܪܒܐ܂
03:06	ܡܛܠ ܗܢܐ ܠܠܝܐ ܠܟܘܢ ܡܢ ܚܙܘܐ܂ ܘܬܚܫܟ ܠܟܘܢ ܡܢ ܩܨܡܐ܂ ܘܬܥܪܒ ܫܡܫܐ ܥܠ ܢܒ̈ܝܐ܂ ܘܢܥܡܛ ܥܠܝܗܘܢ ܝܘܡܐ܂
03:07	ܘܢܒܗܬܘܢ ܐܝܠܝܢ ܕܚܙܝܢ ܚܙ̈ܘܢܐ܂ ܘܢܚܦܪܘܢ ܩܨ̈ܘܡܐ܂ ܘܢܬܥܛܦܘܢ ܟܠܗܘܢ ܥܠ ܣ̈ܦܘܬܗܘܢ܂ ܡܛܠ ܕܠܐ ܥܢܐ ܠܗܘܢ ܐܠܗܐ܂
03:08	ܒܪܡ ܕܝܢ ܐܢܐ ܡܠܐ ܐܢܐ ܚܝܠܐ ܕܪܘܚܗ ܕܡܪܝܐ܂ ܘܕܝܢܐ ܘܓܢܒܪܘܬܐ܂ ܕܐܚܘܐ ܠܝܥܩܘܒ ܥܘܠܗ ܘܠܐܝܣܪܝܠ ܚܛܝܬܗ܂
03:09	ܫܡܥܘ ܗܟܝܠ ܗܕܐ ܪ̈ܝܫܐ ܕܒܝܬ ܝܥܩܘܒ܂ ܘܫ̈ܠܝܛܢܐ ܕܒܝܬ ܐܝܣܪܝܠ܂ ܕܡܣܠܝܢ ܕܝܢܐ ܘܡܥܩܡܝܢ ܟܠܗܝܢ ܬܪ̈ܝܨܬܐ܂
03:10	ܕܒܢܝܢ ܠܨܗܝܘܢ ܒܕܡܐ ܘܠܐܘܪܫܠܡ ܒܥܘܠܐ܂
03:11	ܪ̈ܫܝܗ݀ ܒܫܘܚܕܐ ܕܝܢܝܢ܂ ܘܟܗ̈ܢܝܗ݀ ܒܐܓܪܐ ܡܠܦܝܢ܂ ܘܢܒܝ̈ܝܗ݀ ܒܟܣܦܐ ܩܨܡܝܢ܂ ܘܥܠ ܡܪܝܐ ܡܬܬܟܠܝܢ ܘܐܡܪܝܢ܂ ܗܐ ܡܪܝܐ ܒܝܢܬܢ ܠܐ ܐܬܝܐ ܥܠܝܢ ܒܝܫܬܐ܂
03:12	ܡܟܝܠ ܡܛܠܬܟܘܢ ܨܗܝܘܢ ܚܩܠܐ ܬܬܕܒܪ܂ ܘܐܘܪܫܠܡ ܚܪܒܬܐ ܬܗܘܐ܂ ܘܛܘܪ ܒܝܬܐ ܠܒܝܬ ܥܒܐ܂܀