← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62022: P Hab

Click on a word for lexical analysis
Click on a red-colored coordinate for comments and/or translations of the line

01:01 ܚܙܘܐ ܕܚܙܐ ܚܒܩܘܩ ܢܒܝܐ܂
01:02 ܥܕܡܐ ܠܐܡܬܝ ܡܪܝܐ ܓܥܐ ܐܢܐ ܘܠܐ ܫܡܥ ܐܢܬ܂ ܘܩܥܐ ܐܢܐ ܠܘܬܟ ܥܠ ܚ̈ܛܘܦܐ ܘܠܐ ܡܦܨܐ ܐܢܬ܂
01:03 ܠܡܢܐ ܚܘܝܬܢܝ ܥܘ݂ܠܐ ܘܥܬܐ܂ ܘܚܙܐ ܐܢܐ ܚܛܘܦܝܐ ܘܒܝܫܬܐ/ܘܒܙܬܐ#3#/܂ ܩܕܡܝ ܗܘܐ ܕܝܢ݂ܐ܂ ܘܕܝ݁ܢܐ ܩܒܠ ܫܘܚܕܐ܂
01:04 ܡܛܠ ܗܢܐ ܦܓ ܢܡܘܣܐ܂ ܘܠܐ ܢܦܩ ܕܝܢ݂ܐ ܒܙܟܝܘܬܐ/ܒܙܟܘܬܐ#3#/܂ ܡܛܠ ܕܥ݁ܘܠܐ ܕܒܪ ܒܝܫ ܒܝܫ ܠܙܕܝܩܐ܂ ܘܢܦܩ ܕܝܢ݂ܐ ܟܕ ܡܥܩܡ܂
01:05 ܚܙܘ ܡܪ̈ܚܐ ܘܚܘܪܘ܂ ܘܐܬܕܡܪܘ ܘܬܡܗܘ܂ ܡܛܠ ܕܥܒܕܐ ܥܒܕ ܐܢܐ ܒܝ̈ܘܡܝܟܘܢ܂ ܘܠܐ ܡܗܝܡܢܝܢ ܐܢܬܘܢ ܐܢ ܐܢܫ ܢܫܬܥܐ ܠܟܘܢ܂
01:06 ܡܛܠ ܕܗܐ ܐܢܐ ܡܩܝܡ ܐܢܐ ܠܟ̈ܠܕܝܐ܂ ܥܡܐ ܡܪܚܐ ܘܡܪܝܪܐ܂ ܕܐܙܠ ܒܦܬܝܗ݀ ܕܐܪܥܐ ܠܡܐܪܬ ܡܫ̈ܟܢܐ ܕܠܐ ܕܝܠܗ܂
01:07 ܥܫܝܢ ܗܘ ܘܕܚܝܠ ܘܕܝܢܗ ܡܢܗ܂ ܘܚܙܘܗ ܡܦܩ܂
01:08 ܩ̈ܠܝܠܝܢ ܪ̈ܟܫܗ ܡܢ ܢܫܪ̈ܐ܂ ܘܚܪ̈ܝܦܝܢ ܡܢ ܕܐ̈ܒܐ ܕܪܡܫܐ܂ ܘܢܛܘܣܘܢ ܦܪ̈ܫܘܗܝ܂ ܘܢܐܬܘܢ ܦܪ̈ܫܘܗܝ ܡܢ ܪܘܚܩܐ܂ ܘܢܛܘܣܘܢ ܐܝܟ ܢܫܪܐ ܕܟܦܢ ܠܡܐܟܘܠܬܐ܂
01:09 ܟܠܗܘܢ ܠܚܛܘܦܝܐ ܐܬܝܢ܂ ܚܙܘܐ ܕܐ̈ܦܝܗܘܢ ܥܫܝܢ܂ ܘܟܢܫܝܢ ܫܒܝܬܐ ܐܝܟ ܚܠܐ܂
01:10 ܘܗܘ ܒܡ̈ܠܟܐ ܡܡܝܩ܂ ܘܒܫ̈ܠܝܛܢܐ ܡܒܙܚ܂ ܘܥܠ ܟܠ ܟܪ̈ܟܝܢ ܓܚܟ܂ ܘܡܩܒܪ ܥܦܪܐ ܘܐܚܕ ܠܗ܂
01:11 ܗܝ ܕܝܢ ܬܚܠܦ ܪܘܚܗ ܘܬܥܒܪ܂ ܘܢܬܚܝܒ ܚܝܠܗ ܠܐܠܗܗ܂
01:12 ܡܛܠ ܕܐܢܬ ܗܘ ܡܢ ܪܫܝܬܐ ܡܪܝܐ ܐܠܗܝ ܩܕܝܫܐ܂ ܕܠܐ ܢܡܘܣ ܐܢܬ ܡܪܝܐ܂ ܣܡܬܝܗܝ ܠܕܝܢ݂ܐ ܘܓܒܠܬܢܝ ܠܡܟܣܘܬܗ܂
01:13 ܕܟܝ̈ܢ ܐܢܝܢ ܥܝܢ̈ܝܟ ܘܠܐ ܚ̈ܙܝܢ ܒܝܫܬܐ܂ ܘܠܡܚܪ ܒܥ݁ܘ̈ܠܐ/ܒܥ݁ܘܠܐ#5#/ ܠܐ ܡܫܟܚ ܐܢܬ܂ ܠܡܢܐ ܚܐܪ ܐܢܬ ܒܡܪ̈ܚܐ/ܒܥ̈ܘܠܐ#3#/ ܘܫܬܝܩ ܐܢܬ܂ ܟܕ ܒܠܥ ܥ݁ܘܠܐ ܠܙܕܝܩܐ܂
01:14 ܘܥܒܕܬ ܐܢܘܢ ܠܒܢ̈ܝ ܐܢܫܐ ܐܝܟ ܢܘ̈ܢܐ ܕܒܝܡܐ/ܕܝܡܐ#1##2#/ܒܝܡܐ#3#/ ܘܐܝܟ ܪܚܫܐ ܕܠܝܬ ܠܗ ܡܕܒܪܢܐ܂
01:15 ܕܟܠܗ ܒܨܢܪܬܐ ܣܠܩ܂ ܘܡܬܢܓܕ ܒܡܨܝܕܬܐ ܘܡܬܟܢܫ ܒܓܘܦܐ܂ ܘܟܕ ܟܢܫ ܚܕܝ ܘܕܨ܂
01:16 ܘܕܒܚ ܠܡܨܝܕܬܗ ܘܣܡ ܒܣ̈ܡܐ ܠܓܘܦܗ܂ ܡܛܠ ܕܒܗܝܢ ܫܡܢܬ ܡܢܬܗ ܘܡܐܟܘܠܬܗ ܓܒܝܬܐ܂
01:17 ܡܛܠ ܗܢܐ ܫܕܐ ܡܨܝܕܬܗ ܒܟܠܙܒܢ܂ ܘܩܛܠ ܥܡ̈ܡܐ/ܠܥܡ̈ܡܐ#3#/ ܘܠܐ ܚܐܣ܂܀

next chapter