The Comprehensive Aramaic Lexicon

19:01	ܘܥܢܐ ܐܝܘܒ ܘܐܡܪ܂
19:02	ܥܕܡܐ ܠܐܡܬܝ ܡܕܘܝܢ ܐܢܬܘܢ ‍<‍ܠܗ݀#3#‍>‍ ܠܢܦܫܝ܂ ܘܡܟܐܒܝܢ ܐܢܬܘܢ ܠܝ ܒܡ̈ܠܐ܂
19:03	ܕܗܐ ܥܣܪ̈ ܙܒ̈ܢܝܢ ܡܟܘܢܝܢ ܐܢܬܘܢ ܠܝ܂ ܘܠܐ ܒܗܬܝܢ ܐܢܬܘܢ ܕܡܟܪܝܢ ܐܢܬܘܢ ܠܝ܂
19:04	ܘܐܢ ܫܪܝܪܐܝܬ ܛܥܝܬ܂ ܠܘܬܝ ܬܗܘܐ ܛܥܝܘܬܝ܂
19:05	ܘܐܢ ܡܢ ܩܘܫܬܐ ܐܬܪܘܪܒܬܘܢ ܥܠܝ܂ ܘܐܟܣܬܘܢܢܝ ܘܚܣܕܬܘܢܢܝ܂
19:06	ܕܥܘ ܗܟܝܠ ܕܐܠܗܐ ܗܘ ܚܝܒܢܝ܂ ܘܡܨܝܕܬܗ ܗܘ ܦܪܣ ܥܠܝ܂
19:07	ܘܐܢ ܡܝܠܠ ܐܢܐ܂ ܐܢܫ ܠܐ ܥ݁ܢܐ ܠܝ܂ ܘܐܢ ܐܒܓܢ ܠܝܬ ܕܬܒܥ ܠܝ܂
19:08	ܐܘܪ̈ܚܬܝ ܣܓ/ܣܓܝ#3#/ ܕܠܐ ܐܥܒܪ܂ ܘܣܡ ܚܫܘܟܐ ܥܠ ܫ̈ܒܝܠܝ܂
19:09	ܐܝܩܪܝ ܐܫܠܚ ܡܢܝ܂ ܘܐܥܒܪ ܟܠܝܠܐ ܕܪܝܫܝ܂
19:10	ܥܩܪܢܝ ܡܢ ܟܘܠ ܣܛܪ̈ܝ ܘܐܙܠܬ܂ ܘܫܩܠ ܐܝܟ ܩܝܣܐ ܣܒܪܝ܂
19:11	ܘܬܩܦ ܥܠܝ ܪܘܓܙܗ܂ ܘܚܫܒܢܝ ܠܗ ܐܝܟ ܒܥܠܕܒܒܐ܂
19:12	ܘܐܟܚܕܐ ܐܬܘ ܥܠܝ ܫ̈ܠܝܚܘܗܝ܂ ܘܕܪܫܘ ܥܠܝ ܐܘܪ̈ܚܬܗܘܢ܂ ܘܫܪܘ ܚܕܪ̈ܝ ܡܫܟܢܝ/ܡܫ̈ܟܢܝ#2#/܂
19:13	ܐܚ̈ܝ ܐܪܚܩܘ ܡܢܝ܂ ܘܝܕܥ̈ܝ/ܘܪ̈ܚܡܝ#3#/ ܥܒܪܘ܂

19:14	ܦܣܩܘ ܩܪ̈ܝܒܝ ܡܢ ܠܘܬܝ܂ ܘܝܕܥ̈ܝ/ܘܚܒܪ̈ܝ#3#/ ܐܬܢܫܝܘܢܝ܂

19:15	ܬܘ̈ܬܒܝ ܒܝܬܝ ܘܐ̈ܡܗܬܝ ܐܝܟ ܢܘܟܪܝܐ ܚܫܒܘܢܝ܂ ܘܢܘܟܪܝ ܗܘܝܬ ܒܥܝ̈ܢܝܗܘܢ܂
19:16	ܠܥܒܕܝ ܩܪܝܬ ܘܠܐ ܥܢܢܝ܂ ܘܐܬܟܫܦܬ ܠܗ ܒܡ̈ܠܝ ܦܘܡܝ܂ ܘܐܬܚܢܢܬ ܠܗ܂
19:17	ܗܘܝܬ ܢܘܟܪܝܐ ܠܐܢܬܬܝ܂ ܘܐܬܚܢܢܬ ܠܒܪ ܡ̈ܥܝ܂
19:18	ܘܐܦ ܥܘ݁ܠܐ̈ ܐܣܠܝܘܢܝ܂ ܩܡܬ ܘܡܠܠܘ ܒܝ܂
19:19	ܐܣܠܝܘܢܝ ܟܘܠ ܡ̈ܠܟܝ ܡܠ݂ܟܝ/ܡ̈ܠ݂ܟܝ#3#/܂ ܘܐܦ ܪ̈ܚܡܝ ܐܬܗܦܟܘ ܥܠܝ܀
19:20	ܡܫܟܝ ܘܒܣܪܝ ܕܒܩ/ܕܒܩܘ#3#/ ܒܓܪ̈ܡܝ/ܠܓܪ̈ܡܝ#3#/܂ ܘܐܬܦܠܛܬ ܒܡܫܟܐ ܕܫ̈ܢܝ܂
19:21	ܚܘܢܘܢܝ ܚܘܢܘܢܝ ܐܢܬܘܢ ܪ̈ܚܡܝ܂ ܡܛܠ ܕܐܝܕܗ ܗܘ/#3#/ ܕܐܠܗܐ ܩܪܒܬ ܠܝ܂
19:22	ܠܡܢܐ ܬܪܕܦܘܢܢܝ ܐܦ ܐܢܬܘܢ ܐܝܟ ܐܠܗܐ܂ ܘܡܢ ܒܣܪܝ ܠܐ ܬܣܒܥܘܢ܂
19:23	ܡ݁ܢ ܕܝܢ ܥܒܕ ܕܡܬ̈ܟܬܒܢ ܗ̈ܘܝ ܡ̈ܠܝ܂ ܘܡܬܪ̈ܫܡܢ ܗ̈ܘܝ ܒܣܦܪܐ܂
19:24	ܘܒܩܢܝܐ ܕܦܪܙܠܐ܂ ܘܒܨܝܪܐ ܕܐܒܪܐ ܠܥܠܡ܂ ܘܥܠ ܟܐܦܐ/ܟܐ̈ܦܐ#3#/ ܢܬܪ̈ܫܡܢ܂
19:25	ܘܐܢܐ ܝ݁ܕܥ ܐܢܐ ܕܦܪܘܩܝ ܚܝ ܗܘ܂ ܘܒܣܘܦܐ ܥܠ ܐܪܥܐ ܢܬܓܠܐ܂
19:26	ܘܥܠ ܡܫܟܝ ܗܘ ܐܬܟܪܟ ܗܠܝܢ ܘܥܠ ܒܣܪܝ܂
19:27	ܐܢ ܬܚܙܐ ܠܐܠܗܐ ܥܝܢܝ܂ ܚ̈ܙܝ ܢܘܗܪܐ ܟܘ̈ܠܝܬܝ܂ ܡܣܦ ܗܘ ܓܝܪ/ܕܝܢ#3#/ ܣܦܬ ܡܢ ܩܝܡܝ܂
19:28	ܕܐܡܪܝܢ/ܘܐܡܪܝܢ#3#/ ܐܢܬܘܢ܂ ܡܢܐ ܪܕܦܝܢܢ ܠܗ܂ ܛܒܐ ܓܝܪ ܡܠܬܐ ܐܫܟܚ ܒܬܪܝ܂
19:29	ܦܪܘܩܘ/ܦܪܘܩ#3#/ ܠܟܘܢ ܡܢ ܩܕܡ ܚܪܒܐ܂ ܡܛܠ ܕܚܡܬܐ ܕܚ̈ܛܗܐ ܚܪܒܐ ܗܝ܂ ܡܛܘܠ ܕܬܕܥܘܢ ܕܐܝܬ ܕܝܢܐ܀