← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62028: P Job

Click on a word for lexical analysis
Click on a red-colored coordinate for comments and/or translations of the line

previous chapter


31:01 ܩܝܡܐ ܐܩܝܡܬ ܠܥܝܢ̈ܝ܂ ܕܠܐ ܐܬܒܝܢ ܒܒܬܘܠܬܐ܂
31:02 ܘܡܢܐ ܗܝ ܦܠܓܘܬܗ ܕܐܠܗܐ ܕܡܢ ܠܥܠ܂ ܘܝܪܬܘܬܗ ܕܐܠܗܐ ܕܡܢ ܡܪܘܡܐ܂
31:03 ܐܠܐ ܬܒܪܐ ܠܥ݁ܘ̈ܠܐ܂ ܘܢܘܟܪܝܘܬܐ ܥܠ ܥܒ̈ܕܝ ܥܘ݂ܠܐ܂
31:04 ܗܘܝܘ ܚܙܐ ܐܘܪ̈ܚܬܝ܂ ܘܟܠܗܝܢ ܗ̈ܠܟܬܝ ܡܢܐ܂
31:05 ܐܢ ܗܠܟܬ ܥܡ ܫܩܪ̈ܐ܂ ܘܐܢ ܐܣܬܪܗܒ ܪ̈ܓܠܝ ܠܡܪܗܛ ܒܢܟܠܐ܂
31:06 ܢܬܩܠܢܝ ܒܡܣܐܬܐ ܕܩܘܫܬܐ ܘܢܕܥ ܐܠܗܐ ܫܠܡܘܬܝ܂
31:07 ܐܢ ܐܣܛܝܬ ܗ̈ܠܟܬܝ ܡܢ ܐܘܪܚܐ܂ ܘܐܢ ܐܙܠ ܠܒܝ ܒܬܪ ܥܝܢ̈ܝ܂ ܘܐܢ ܕܒܩ ܒܝ ܡܕܡ܂
31:08 ܐܠܐ ܐܢ ܙܪܥܬ ܗܝܕܝܢ ܐܟܠܬ܂ ܘܐܢ ܢܨܒܬ ܗܝܕܝܢ ܪܒܝܬ ܘܚܡܠܬ܂
31:09 ܘܐܢ ܐܫܬܕܠ ܠܒܝ ܥܠ ܐܢܢܬܐ ܢܘܟܪܝܬܐ܂ ܘܥܠ ܬܪܥܐ ܕܚܒܪܝ ܐܢ ܟܡܢܬ܂
31:10 ܐܠܐ ܛܚܢܬ ܠܐܚܪ̈ܢܝܢ ܐܢܬܬܝ܂ ܘܐܦܬ ܒܕܘܟܐ ܐܚܪܢܝܐ܂
31:11 ܡܛܠ ܕܗܝ ܚܛܝܬܐ ܗܝ܂ ܘܗܝ ܥܝܢܐ ܗܝ ܕܨܢܥܬܐ܂
31:12 ܘܢܘܪܐ ܗܝ ܕܥܕܡܐ ܠܐܒܕܢܐ ܐܟܠܐ܂ ܘܟܠܗܝܢ ܥ̈ܠܠܬܝ ܢܬܥܩܪ̈ܢ܂
31:13 ܐܢ ܐܣܠܝܬ ܕܝܢܐ ܕܥܒܕܝ ܘܕܐܡܬܝ ܡܐ ܕܕܝܢܝܢ ܗܘܘ ܥܡܝ܂
31:14 ܐܠܐ ܐܡܪܬ ܡܢܐ ܐܥܒܕ ܡܐ ܕܩ݁ܐܡ ܐܠܗܐ܂ ܘܡܐ ܕܦܩܕ ܡܢܐ ܐܬܝܒܝܘܗܝ܂
31:15 ܕܗܐ ܒܟܪܣܐ ܕܥܒܕܢܝ ܥܒܕܗ܂ ܘܒܚܕ ܡܪܒܥܐ ܬܩܢܢ/ܬܩܢܢܝ#3#/܂
31:16 ܐܢ ܟܠܝܬ ܠܡܣܟܢܐ ܡܕܡ ܕܨܒܐ܂ ܘܐܢ ܐܚܫܟܬ ܠܥܝ̈ܢܐ ܕܐܪܡܠܬܐ܂
31:17 ܐܢ ܐܟܠܬ ܠܚܡܝ ܒܠܚܘܕܝ܂ ܘܠܐ ܝܬܡܐ ܡܢܗ ܐܟܠ܂
31:18 ܡܛܠ ܕܡܢ ܛܠܝܘܬܝ ܪܒܝܘܢܝ ܟܐ̈ܒܐ܂ ܘܡܢ ܟܪܣܗ݀ ܕܐܡܝ ܬܢܚ̈ܬܐ܂
31:19 ܐܢ ܚܙܝܬ ܕܐܒܝܕ ܡܢ ܒܠܝ ܠܒܘܫܐ܂ ܘܠܝܬ ܬܟܣܝܬܐ ܠܒ݁ܝܫܐ/ܒܥܪܝܐ#3#/܂
31:20 ܐܠܐ ܥܠ ܒܘܪ̈ܟܝ ܐܬܪܒܝܘ܂ ܘܡܢ ܓܙ̈ܐ ܕܥܢܝ ܐܫܬܚܢܘ܂
31:21 ܐܢ ܐܪܝܡܬ ܥܠ ܝܬܡܐ ܐܝܕܝ܂ ܐܠܐ ܡܐ ܕܚܙܝܬܗ ܒܬܪܥܐ ܥܕܪܬܗ܂
31:22 ܟܬܦܝ ܡܢ ܟܪܗ݀ ܬܦܠ܂ ܘܕܪܥܝ ܡܢ ܩܢܝܗ ܢܬܬܒܪ܂
31:23 ܡܛܠ ܕܕܚܠܬܗ ܕܐܠܗܐ ܐܙܝܥܬܢܝ܂ ܘܬܒܪܗ ܐܬܐ ܥܠܝ܂ ܘܡܢ ܙܘܥܬܐ ܠܐ ܐܫܟܚܬ/ܐܫܟܚ#3#/ ܠܡܩܡ܂
31:24 ܐܢ ܥܒܕܬ ܕܗܒܐ ܬܘܟܠܢܝ܂ ܘܐܢ ܐܡܪܬ ܥܠ ܟܐܦܐ ܛܒܬܐ ܕܐܢܬܝ ܗܝ ܬܘܟܠܢܝ܂ ܘܐܢ ܐܡܪܬ ܥܠ ܣܢܝܢܐ ܕܐܢܬ ܗܘ ܣܒܪܝ܂
31:25 ܘܐܢ ܚܕܝܬ ܟܕ ܣܓܝ ܩܢܝܢܝ܂ ܘܟܕ ܣܓܝ ܐܫܟܚܬ ܐܝܕܝ܂
31:26 ܐܢ ܚܙܝܬ ܢܘܗܪܐ ܟܕ ܕܢܝܚ ܘܣܗܪܐ ܟܕ ܚܒܝܒ܂
31:27 ܐܢ ܐܙܠ ܘܐܫܬܕܠ ܒܣܬܪܐ ܠܒܝ܂ ܘܢܫܩܬ ܐܝܕܝ ܠܦܘܡܝ܂
31:28 ܐܦ ܗܘ ܚܙܐ ܟܠܗܝܢ ܨܢܥ̈ܬܝ ܐܢ ܟܕܒܬ ܩܕܡ ܐܠܗܐ܂
31:29 ܘܐܢ ܚܕܝܬ ܒܬܒܪܐ ܕܣܢܐܝ/ܕܣ̈ܢܐܝ#1##2#/܂ ܘܐܢ ܕܨܬ ܡܐ ܕܗܘܬ ܠܗ ܒܝܫܬܐ܂
31:30 ܘܠܐ/ܘܐܢ#3#/ ܐܫܠܡܬ ܦܘܡܝ ܠܚܛܗܐ܂ ܘܢܦܫܝ ܠܚܕܐ ܡܢ ܗܠܝܢ ܠܐ ܫܐܠܬ܂
31:31 ܐܠܐ ܐܡܪܘ ܪ̈ܚܡܝ܂ ܡ݁ܢ ܕܝܢ ܝܗܒ ܠܢ/ܠܝ#3#/ ܡܢ ܒܣܪܗ ܘܠܐ ܣܒܥܢ܂
31:32 ܒܫܘܩܐ ܠܐ ܐܒܝܬܬ ܐܟܣܢܝܐ܂ ܘܬܪܥܝ ܠܐܪܚܐ ܦܬܚܬ܂
31:33 ܐܢ ܟܣܝܬ ܐܝܟ ܐܢܫܐ ܚ̈ܛܗܝ܂ ܘܐܢ ܛܡܪܬ ܒܛܘܫܝܐ ܚ̈ܘܒܝ܂
31:34 ܘܐܢ ܕܫܬ \ܚܝܠܐ ܕܣ̈ܓܝܐܐ /ܚܝ̈ܠܐ ܣܓܝ̈ܐܐ#3#/܂ ܐܠܐ ܣܘܓܐܐ ܗܘ ܕܫܪ̈ܒܬܐ ܬܒܪܢܝ܂ ܘܒܪܢܫܐ ܠܐ ܐܗܦܟܬ ܒܬܪܥܐ܂ ܘܒܡܡܠܠܐ ܕܣ̈ܦܘܬܐ ܠܐ ܪܢܝܬ/ܐܪܢܝܬ#2#/܂ ܓܘܪ̈ܓܘܗܝ ܕܐܠܗܐ ܡܟܟܘܢܝ܂
31:35 ܡ݁ܢ ܕܝܢ ܝܗܒ ܡ݁ܢ ܕܫ݁ܡܥ ܠܝ ܐܢ ܐܝܬܘܗܝ܂ ܐܠܗܐ ܢܥܢܝܢܝ܂ ܘܢܟܬܘܒ ܒܣܦܪܐ ܕܝܢ̈ܘܗܝ ܕܓܒܪܐ܂
31:36 ܐܠܐ/ܐܠܗܐ#3#/ ܥܠ ܟܬܦܝ ܐܫܩܠܝܘܗܝ܂ ܘܥܒܕܬܗ ܠܝ ܟܠܝܠܐ܂
31:37 ܡܢܝܢܐ ܕܗ̈ܠܟܬܝ ܐܚܘܝܘܗܝ܂ ܘܐܝܟ ܫܠܝܛܐ ܐܒܕܩܝܘܗܝ܂
31:38 ܘܥܠܝ ܐܪܥܐ ܬܝܠܠ܂ ܘܟܪ̈ܒܝܗ݀ ܐܟܚܕܐ ܢܒܟܘܢ܂
31:39 ܐܢ ܐܟܠܬ ܚܝܠܗ݀ ܕܠܐ ܟܣܦ܂ ܘܢܦܫܐ ܕܡܪܝܪܐ ܐܢ ܐܕܘܝܬ܂
31:40 ܚܠܦ ܚܛܬܐ ܢܦܘܩ ܙܒܠܐ܂ ܘܚܠܦ ܣܥܪܬܐ ܢܦܘܩ ܟܘܒܐ܀ ܘܫܠܡܘ ܦܬ̈ܓܡܘܗܝ ܕܐܝܘܒ܀

next chapter