← Back
The Comprehensive Aramaic Lexicon
← Return to the Text Browser
click on the file description for more information

62028: P Job

Click on a word for lexical analysis
Click on a red-colored coordinate for comments and/or translations of the line

previous chapter


34:01 ܘܥܢܐ ܐܠܝܗܘ ܘܐܡܪ܂
34:02 ܫܡܥܘ ܚ̈ܟܝܡܐ ܡ̈ܠܝ܂ ܘܐܝܠܝܢ ܕܝܕܥܝܢ/ܕܫܡܥܝܢ#3#/ ܨܘܬܘܢܢܝ܂
34:03 ܡܛܠ ܕܐܕܢܐ ܒܚܪܐ ܡ̈ܠܐ܂ ܘܚܟܐ ܛ݁ܥܡ ܡܐܟܘܠܬܐ܂
34:04 ܢܓܒܐ ܠܢ ܕܝ݁ܢܐ ܘܢܕܥ ܒܝܢܬܢ܂ ܡܢܐ ܫܦܝܪ
34:05 ܐܡܪܬ ܐܝܘܒ ܘܙܟܝܬ܂ ܕܐܡܪܬ/ܘܐܡܪܬ#3#/ ܐܙܕܕܩܬ/ܕܐܙܕܕܩܬ#1##2#/ ܘܐܠܗܐ ܗܘ ܨܠܝܗܝ ܠܕܝܢܝ ܥܠܝ܂
34:06 ܡܢܘ ܐܢܫܐ ܕܐܒܕ ܕܠܐ ܣܟܠܘ܂
34:07 ܡܢܘ ܓܒܪܐ ܐܝܟ ܐܝܘܒ܂ ܕܢܫܬܐ ܡܘܝܩܐ ܐܝܟ ܡ̈ܝܐ܂
34:08 ܘܗܘܐ ܫܘܬܦܐ ܘܚܒܪܐ ܠܥܒ̈ܕܝ ܥܘܠܐ܂ ܥܡ ܐܢܫܐ ܚ̈ܛܝܐ ܠܡܗܠܟܘ܂
34:09 ܕܐܡܪܬ ܕܠܐ ܙ݁ܟܐ ܓܒܪܐ ܡܐ ܕܕܚ݁ܠ ܡܢ ܐܠܗܐ܂

34:10 ܡܛܠ ܗܢܐ ܐܢܫ̈ܝ ܠܒܐ ܫܘܡܥܘܢܝ܂ ܚܣ ܠܐܠܗܐ ܕܢܥܒܕ ܥܘܠܐ܂ ܘܚܣ ܠܗ/ܠܐܠܗܐ#3#/ ܕܢܥܒܕ ܚܛܝܬܐ܂

34:11 ‍<‍ܡܛܠ#3#‍>‍ ܕܐܝܟ ܥܒ݁ܕܘ̈ܗܝ ܕܒܪܢܫܐ ܦܪܥ ܠܗ܂ ܘܓܒܪܐ ܐܝܟ ܐܘܪ̈ܚܬܗ ܡܫܟܚ܂
34:12 ܫܪܝܪܐܝܬ ܐܠܗܐ ܠܐ ܥ݁ܒܕ ܥܘܠܐ܂ ܐܦ ܠܐ ܐܠܗܐ ܡܥܪܩܠ ܐܘܪܚܐ܂
34:13 ܡܢܘ ܦܩܕ ܠܐܪܥܐ܂ ܥܒܕ ܠܟܠܗ݀ ܬܒܝܠ܂
34:14 ܐܢ ܡܦܢܐ ܥܠܘܗܝ ܠܒܗ܂ ܪܘܚܗ ܘܢܫܡܬܗ ܠܘܬܗ ܡܬܟܢܫܢ/ܡܬܟܢܫܐ#3#/܂
34:15 ܣ݁ܐܦ ܟܠ ܒܣܪ \ܐܟܚܕܐ /ܐܝܟ ܚܕܐ#2#/܂ ܘܒܪܢܫܐ ܠܥܦܪܗ ܗ݀ܦܟ܂
34:16 ܘܐܢ ܡܬܒܝܢ ܐܢܬ ܫܡܥ ܗܠܝܢ܂ ܘܨܘܬ ܠܩܠܐ ܕܡ̈ܠܝ܂
34:17 ܡ݁ܢ ܕܣ݁ܢܐ ܕܝܢܐ ܠܐ ܙ݁ܟܐ܂ ܘܐܢ ܙܟܝ ܗܘ ܠܐ ܟܐܢܐܝܬ ܡܬܚܝܒ܂
34:18 ܕܐܡܪ ܥܠ ܡ݁ܠܟܐ ܥܘܠܐ܂ ܡܠ݂ܟ ܪ̈ܝܫܢܐ ܡܠ݂ܟ ܫ̈ܠܝܛܢܐ܂
34:19 ܕܠܐ/ܘܠܐ#3#/ ܢ݁ܣܒ ܒܐ̈ܦܝ ܪ̈ܘܪܒܢܐ܂ ܘܠܐ ܢܣ݁ܒ ܒܐ̈ܦܝ ܡܣ̈ܟܢܐ܂ ܡܛܠ ܕܟܠܗܘܢ ܥ݁ܒܕ ܐ̈ܝܕܘܗܝ ܐܢܘܢ܂
34:20 ܡܢ ܬܚܝܬ ܫܠܝܐ ܡܝܬܝܢ܂ ܘܒܦܠܓܗ ܕܠܠܝܐ ܣܝܦܝܢ ܘܐܒܕܝܢ܂ ܘܡܫܬܘܕܥܝܢ ܠܚܣܝܢܐ ܠܐ ܒܚܝܠܐ܂
34:21 ܡܛܘܠ ܕܥܝ̈ܢܘܗܝ ܥܠ ܟܠܗܝܢ ܐܘܪ̈ܚܬܗ ܕܓܒܪܐ܂ ܘܟܠܗܝܢ ܗ̈ܠܟܬܗ/ܐܘܪ̈ܚܬܗ#3#/ ܚ݁ܙܐ܂
34:22 ܕܠܐ ܚܫܘܟܐ ܘܕܠܐ ܛ̈ܠܠܝ ܡܘܬܐ܂ ܠܡܬܛܫܝܘ/ܠܡܛܫܝܘ#3#/ ܬܡܢ ܥܒ̈ܕܝ ܥܘܠܐ܂
34:23 ܡܛܠ ܕܬܘܒ ܠܐ/ܕܠܐ#3#/ ܗܘܐ ܥܠ/ܥܡ#3#/ ܓܒܪܐ ܣ݁ܐܡ ܠܡܗܠܟܘ ܥܡ ܐܠܗܐ ܒܕܝܢܐ܂
34:24 ܕܐܒܐܫ ܠܣ̈ܓܝܐܐ ܕܠܐ ܣܟ܂ ܘܢܩܝܡ ܐܟܚܕܐ ܚܠܦܝܗܘܢ܂
34:25 ܡܛܠ ܗܢܐ ܐܫܬܘܕܥ ܐܢܘܢ ܡܢ ܥܒ݁ܕܝ̈ܗܘܢ܂ ܘܢܗܦܟ ܐܢܘܢ ܠܠܠܝܐ/ܠܠܝܐ#3#/܂
34:26 ܘܢܬܡܟܟܘܢ ܬܚܝܬ ܥܘ݂ܠܐ ܥܒ݁ܕܝ̈ܗܘܢ܂ ܒܐܬܪܐ ܕܚܝ݂ܠܐ܂
34:27 ܥܠ ܕܣܛܘ ܡܢ ܒܬܪܗ܂ ܘܟܠܗܝܢ ܐܘܪ̈ܚܬܗ ܠܐ ܐܣܬܟܠܘ܂
34:28 ܥܐܠܐ ܩܕܡܘܗܝ ܨܠܘܬܗ ܕܡܣܟܢܐ܂ ܘܓܥܬܗ ܕܥܢܘܝܐ ܫ݁ܡܥ܂
34:29 ܘܐܢ ܗܘ ܫ݁ܒܩ ܡܢܘ ܡܚܝܒ܂ ܘܐܢ ܗܘ ܡܗܦܟ ܐ̈ܦܘܗܝ܂ ܡܢܘ ܫ݁ܒܩ \ܠܥܡܐ ܐܘ ܠܒܪ ܐܢܫܐ/ܠܒܪܢܫܐ ܐܘ ܠܥܡܐ#3#/ܐܘ ܠܒܪ ܐܢܫܐ#3#/ܘܠܒܪ ܐܢܫܐ#3#/ ܐܟܚܕܐ܂
34:30 ܕܠܐ/ܘܠܐ#3#/ ܐܡܠܟ ܐܢܫܐ ܚܠܦܐ/ܚܢܦܐ#1##2#/ ܘܚܛܝܐ ܠܥܡܐ܂
34:31 ܡܛܠ ܕܐܠܗܐ ܐܡܪ܂ ܕܫܒܩܬ/ܫܒܩܬ#3#/ ܠܐ ܡܚܒܠ ܐܢܐ ܕܠܐ ܚ̈ܛܗܝܢ܂
34:32 ܐܠܦܝܢܝ ܐܢܬ ܐܢ ܥܒܕܬ ܥܘ݂ܠܐ܂
34:33 ܬܘܒ ܠܐ ܐܘܣܦ ܠܡܬܠ ܠܟ ܦܬܓܡܐ ܥܠ ܕܚܛܝܬ܂ ܐܢܬ ܓܝܪ/#3#/ ܐܬܒܩܝܬ ܘܠܐ ܐܢܐ܂ ܘܡܕܡ ܕܝ݁ܕܥ \ܐܢܬ ܡܠܠ /ܐܢܐ ܡܡܠܠ ܐܢܐ#3#/܂
34:34 ܐܢܫܐ ܕܠܒܐ ܢܐܡܪܘܢ ܠܝ܂ ܘܓܒܪܐ ܚܟܝܡܐ ܢܫܡܥܢܝ܂
34:35 ܐܝܘܒ ܠܐ ܗܘܐ ܒܐܝܕܥܬܐ ܡܡܠܠ܂ ܘܡ̈ܠܘܗܝ ܠܐ ܗ̈ܘܝ ܒܣܘܟܠܐ܂
34:36 ܫܪܝܪܐܝܬ ܐܬܒܚܪ ܐܝܘܒ ܥܕ ܣܘܦܐ܂ ܘܠܐ ܡܬܚܫܒ ܒܐܢܫܐ ܥܘ݁ܠܐ̈܂
34:37 ܘܐܢ ܡܘܣܦ ܥܠ ܚ̈ܛܗܘܗܝ܂ ܣܟܠܘܬܐ ܒܝܢܬܢ ܡܬܦܩܕܐ/ܡܬܦܩܪܐ#3#/܂ ܘܢܩܪܒ ܩܕܡ ܐܠܗܐ ܡ̈ܠܘܗܝ܀

next chapter