← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62029: P Prov

Click on a word for lexical analysis
Click on a red-colored coordinate for comments and/or translations of the line

previous chapter


07:01 ܒܪܝ ܛܪ ܡ̈ܠܝ܂ ܘܦܘܩ̈ܕܢܝ ܐܛܫܐ ܒܠܒܟ/ܒܓܘܟ#3#/܂
07:02 ܛܪ ܦܘܩ̈ܕܢܝ ܘܚܝܝ܂ ܘܢܡܘܣܝ ܐܝܟ ܒܒܬܐ ܕܥܝܢܐ܂
07:03 ܩܛܘܪ ܐܢܘܢ ܒܨܘܪܟ܂ ܘܟܬܘܒ ܐܢܘܢ ܥܠ ܠܘܚ̈ܐ ܕܠܒܟ܂
07:04 ܘܐܡܪ ܠܚܟܡܬܐ ܚܬܝ ܐܢܬܝ܂ ܘܠܣܘܟܠܐ ܩܪܝ ܡܕܥܐ܂
07:05 ܕܢܢܛܪܟ ܡܢ ܐܢܬܬܐ ܢܘܟܪܝܬܐ ܕܡܫ̈ܕܠܢܝܢ ܡ̈ܠܝܗ݀܂
07:06 ܡܛܠ ܕܡܢ ܟܘܬܐ ܕܒܝܬܗ݀ ܘܡܢ ܟܣܣܛܪܘܢ ܐܕܝܩܬ܂
07:07 ܘܚܙܬ ܫܒܪ̈ܐ ܘܚܪܬ ܒ̈ܛܠܝܐ܂ ܘܒܚܣܝܪ̈ܝ ܪܥܝܢܐ
07:08 ܕܥܒܪܝܢ ܒܫܘܩܐ܂ ܥܠ ܓܢܒ ܙܘܝܬ̈ܐ ܕܫܒܝ̈ܠܝ ܒܝܬܗ݀܂
07:09 ܒܪܡܫܐ ܒܡܥܪ̈ܒܝ ܫܡܫܐ܂ ܒܚܫܘܟܐ ܕܠܠܝܐ ܘܒܥܡܛܢܐ܂
07:10 ܘܢܦܩܬ ܐܢܬܬܐ ܠܐܘܪܥܗ ܒܐܣܟܝܡܐ ܕܙܢܝܬܐ܂ ܕܡܦܪܕܐ ܠܒܗܘܢ ܕܥ̈ܠܝܡܐ܂
07:11 ܘܡܪܘܕܝܐ ܘܐܣܘܛܝܐ܂ ܘܒܒܝܬܗ݀ ܪ̈ܓܠܝܗ݀ ܠܐ ܫ̈ܠܝܢ܂
07:12 ܐܠܐ ܒܙܒܢ ܠܒܪ ܦܗܝܐ܂ ܘܒܙܒܢ ܒܫ̈ܘܩܐ ܘܒ̈ܙܘܝܬܐ ܟܡܢܐ܂
07:13 ܘܐܚܕܬܗ ܘܢܫܩܬܗ܂ ܘܐܚܨܦܬ ܐ̈ܦܝܗ݀ ܘܐܡܪܬ ܠܗ܂
07:14 ܕܒܚ̈ܐ ܐܢܘܢ ܫ̈ܠܡܐ܂ ܝܘܡܢܐ ܦܪܥܬ ܢܕܪ̈ܝ܂
07:15 ܡܛܘܠ/ܒܬܪ#3#/ ܗܢܐ ܢܦܩܬ ܠܐܘܪܥܟ܂ ܕܡܣܟܝܐ ܗܘܝܬ ܠܡܚܙܝܟ ܘܐܫܟܚܬܟ܂
07:16 ܒܬܫܘܝܬܐ ܫܘܝܬ ܥܪܣܝ܂ ܘܒܩܪ̈ܡܐ ܡܨܪ̈ܝܐ ܩܪܡܬܗ݀܂
07:17 ܘܪܣܬ ܥܠ ܥܪܣܝ܂ ܡܘܪܐ ܘܟܘܪܟܡܐ ܘܩܘܢܡܐ܂
07:18 ܬܐ ܢܬܒܣܡ ܒܪܚܡܬܐ ܥܕܡܐ ܠܨܦܪܐ܂ ܘܢܥܦܩ ܚܕ ܠܚܕ ܒܪܓܬܐ܂
07:19 ܠܐ ܗܘܐ ܓܝܪ ܒܒܝܬܐ ܓܒܪܝ܂ ܐܙܠ ܠܗ ܒܐܘܪܚܐ ܪܚܝܩܬܐ܂
07:20 ܘܨܪܪܐ ܕܟܣܦܐ ܫܩܠ ܒܐܝܕܗ܂ ܘܠܝ̈ܘܡܬܐ ܗܘ ܣ̈ܓܝܐܐ ܐܬܐ ܠܒܝܬܗ܂
07:21 ܘܐܛܥܝܬܗ ܒܣܘܓܐܐ ܕܡ̈ܠܝܗ݀܂ ܘܒܫܘܘܕܠܐ ܕܣ̈ܦܘܬܗ݀ ܠܘܬܗ݀ ܢܬܦܬܗ܂
07:22 ܘܗܘ ܐܙܠ ܗܘܐ ܒܬܪܗ݀ ܐܝܟ ܫܒܪܐ܂ ܘܐܝܟ ܬܘܪܐ ܕܐܙܠ ܠܘܬ ܛܒܚܐ܂ ܘܐܝܟ ܟܠܒܐ ܠܐܣܘܪܐ/ܠܐܣܘܪܝܐ#3#/܂
07:23 ܘܐܝܟ ܐܝܠܐ ܕܡܦܪܚ ܓܐܪܐ ܒܟܒܕܗ܂ ܘܡܣܬܪܗܒ ܐܝܟ ܚܝܘܬ ܟܢܦܐ ܠܦܚܐ܂ ܘܠܐ ܝܕܥ ܕܠܡܘܬܐ ܗܘ ܕܢܦܫܗ ܐܙܠ܂
07:24 ܡܟܝܠ ܒ̈ܢܝܐ ܫܘܡܥܘܢܝ܂ ܘܨܘܬܘ ܡ̈ܠܘܗܝ ܕܦܘܡܝ܂
07:25 ܠܐ ܢܨܛܠܐ ܠܒܟ ܠܐܘܪ̈ܚܬܗ݀܂ ܘܠܐ ܬܛܥܐ ܒܫ̈ܒܝܠܝܗ݀܂
07:26 ܡܛܠ ܕܣܘܓܐܐ ܕܩ̈ܛܝܠܐ ܐܪܡܝܬ܂ ܘܥܫܝܢ̈ܝܢ ܟܘܠܗܘܢ ܩ̈ܛܝܠܝܗ݀܂
07:27 ܐܘܪ̈ܚܬܐ ܕܒܝܬܗ݀ ܐܘܪ̈ܚܬܐ ܐܢܝ̈ܢ ܕܫܝܘܠ܂ ܕܢܚ̈ܬܢ ܠܬܘ̈ܢܐ ܕܡܘܬܐ܀܂

next chapter