The Comprehensive Aramaic Lexicon

11:01	ܡܣܐ̈ܬܐ ܕܢܟܠܐ ܡܣܠܐ ܡܪܝܐ܂ ܘܒܡܬ̈ܩܠܐ ܬܪ̈ܝܨܐ ܨܒܐ܂
11:02	ܐܬܪ ܕܥܐܠܐ ܙܠܝܠܘܬܐ ܥܐܠ ܨܥܪܐ܂ ܘܠܡܟܝ̈ܟܐ ܚܟܡܬܐ܂
11:03	ܣܒܪܐ ܕܬܪ̈ܝܨܐ ܢܬܒܢܐ܂ ܘܪܡܘܬܐ ܕܥܘ̈ܠܐ ܬܣܬܚܦ܂
11:04	ܠܐ ܡܗܢܐ ܥܘܬܪܐ ܒܝܘܡܐ ܕܪܘܓܙܐ܂ ܙܕܝܩܘܬܐ ܕܝܢ ܡܦܨܝܐ ܡܢ ܡܘܬܐ܂

11:05	ܙܕܝܩܘܬܗ ܕܬܡܝܡܐ ܬܬܪܘܨ ܐܘܪܚܗ܂ ܘܒܥܘ݂ܠܗ ܢܦܠ ܥ݁ܘܠܐ܂

11:06	ܙܕܝܩܘܬܗܘܢ ܕܬܪ̈ܝܨܐ ܬܦܨܐ ܐܢܘܢ܂ ܘܥܘ̈ܠܐ ܒܥܘ݂ܠܗܘܢ ܢܬܬܚܕܘܢ܂
11:07	ܡܐ ܕܡܝܬ ܓܒܪܐ ܥܘܠܐ ܐܒܕ/ܐܥܒܕ#3#/ ܣܒܪܗ܂ ܘܣܒܪܗܘܢ ܕܒܝܫ̈ܐ ܐܒܕ܂
11:08	ܙܕܝܩܐ ܡܢ ܐܘܠܨܢܐ ܢܬܦܨܐ܂ ܘܢܥܘܠ ܥܘܠܐ ܚܠܦܘܗܝ܂
11:09	ܥܘܠܐ ܒܦܘܡܗ ܡܚܒܠ ܚܒܪܗ܂ ܘܙܕܝܩ̈ܐ ܒܝܕܥܬܐ ܢܬܥܫܢܘܢ܂
11:10	ܒܛܒ̈ܬܗܘܢ ܕܙܕܝܩ̈ܐ ܬܥܫܢ ܡܕܝܢܬܐ܂ ܘܒܐܒܕܢܗܘܢ ܕܥܘ̈ܠܐ ܬܚܕܐ܂
11:11	ܒܒܘܪ̈ܟܬܗܘܢ ܕܬܪ̈ܝܨܐ ܬܬܪܝܡ ܡܕܝܢܬܐ܂ ܘܒܦܘܡܗܘܢ/ܘܒܐܒܕܢܗܘܢ#3#/ ܕܥܘ̈ܠܐ ܬܣܬܚܦ܂
11:12	ܕܫܐܛ ܠܚܒܪܗ ܚܣܝܪ ܪܥܝܢܐ ܗܘ܂ ܘܓܒܪܐ ܣܟܘܠܬܢܐ ܒܫܬܩܐ ܥܡܪ܂
11:13	ܐܟܠܩܪܨܐ ܓܠܐ ܐܪܙܐ܂ ܘܕܡܗܝܡܢ ܒܪܘܚܗ ܟܣܐ ܡܠܬܐ܂
11:14	ܥܡܐ ܕܡܕܒܪܢܐ ܠܝܬ ܠܗ ܢܦܠ܂ ܘܦܘܪܩܢܗ ܒܡܠ݂ܟܐ ܣܓܝܐܐ܂
11:15	ܒܝܫܐ ܡܒܐܫ ܡܐ ܕܐܪܥ ܠܙܕܝܩܐ܂ ܡܛܠ ܕܣܢܐ ܠܕܡܣܟܝܢ ܠܣܒܪܐ܂
11:16	ܐܢܬܬܐ ܡܪܚܡܢܝܬܐ ܡܣܡܟܐ ܬܫܒܘܚܬܐ ܠܓܒܪܐ܂ ܟܘܪܣܝܐ ܕܝܢ ܕܨܥܪܐ ܐܢܬܬܐ ܣܢܝܬ ܫܪܪܐ܂ ܚܒ̈ܢܢܐ ܐܦ ܒܥܘܬܪܗܘܢ/ܒܥܘܠܘܬܗܘܢ#3#/ ܗܘܝܢ ܨܪ̈ܝܟܝܢ܂ ܘܥܫ̈ܝܢܐ ܡܣܡܟܝܢ ܝܕܥܬܐ܂
11:17	ܓܒܪܐ ܚܣܝܐ ܪܡܐ ܠܢܦܫܗ ܚ̈ܘܒܠܐ ܛܒ̈ܐ܂ ܘܡܘܒܕ ܦܓܪܗ ܓܒܪܐ ܕܠܐ ܡܪܚܡ܂
11:18	ܪܫܝܥܐ ܥܒܕ ܥ݁ܒ̈ܕܐ ܕܥܬܐ܂ ܘܕܙܪܥ ܙܕܝܩܘܬܐ ܩܘܫܬܐ ܗܘ ܐܓܪܗ܂
11:19	ܒܪܐ ܕܙܕܝܩܘܬܐ ܠܚܝ̈ܐ܂ ܘܕܥܒܕ ܒܝܫܬܐ ܠܡܘܬܐ܂
11:20	ܡܣܠܐ ܡܪܝܐ ܠܥܩ̈ܝܡܝ/ܠܥܡܝ̈ܩܝ#3#/ ܠܒܐ܂ ܘܨܒܐ ܒܐܝܠܝܢ ܕܕܠܐ ܡܘܡ ܐܢܘܢ ܒܐܘܪܚܐ܂
11:21	ܕܡܘܫܛ ܐܝܕܗ ܥܠ ܚܒܪܗ ܠܐ ܢܙܟܐ ܡܢ ܒܝܫܬܐ܂ ܘܙܪܥܐ ܕܙܕܝܩ̈ܐ ܢܬܦܨܐ܂
11:22	ܐܝܟ ܩܕܫܐ ܕܕܗܒܐ ܒܢܚܝܪܗ݀ ܕܚܙܝܪܬܐ܂ ܗܟܢܐ ܗܝ ܐܢܬܬܐ ܫܦܝܪܬܐ ܣܪܝܬ/ܕܠܝܬ ܠܗ݀#3#/ ܛܥܡܐ܂
11:23	ܪܓܬܐ ܕܙܕܝܩ̈ܐ ܒܛܒ̈ܬܐ܂ ܘܣܒܪܗܘܢ ܕܥܘ̈ܠܐ ܒܪܘܓܙܐ܂
11:24	ܐܝܬ ܕܕܝܠܗ ܙܪܥ ܘܣܓܝ ܡܥܠ܂ ܘܐܝܬ ܕܕܠܐ ܕܝܠܗ ܡܟܢܫ ܘܙܥܘܪ ܗܘ ܠܗ܂
11:25	ܢܦܫܐ ܒܪܝܟܬܐ ܬܕܗܢ܂ ܘܠܝܛܐ ܬܘܒ ܢܬܬܠܝܛ܂
11:26	ܕܟܠܐ ܥܒܘܪܐ ܒܐܘܠܨܢܐ܂ ܢܫܒܩܝܘܗܝ ܠܒ̈ܥܠܕܒܒܘܗܝ܂ ܘܒܘܪܟܬܐ ܬܗܘܐ ܥܠ ܪܫܗ ܕܐܝܢܐ ܕܡܙܒܢ܂
11:27	ܕܒܥܐ ܛܒܬܐ ܒܥܐ ܨܒܝܢܐ܂ ܘܕܒܥܐ ܒܝܫܬܐ ܬܐܬܐ ܥܠܘܗܝ܂
11:28	ܕܬܟܝܠ ܥܠ ܥܘܬܪܗ ܢܦܠ܂ ܘܙܕܝܩ̈ܐ ܐܝܟ ܛܪ̈ܦܐ ܢܦܪܥܘܢ܂
11:29	ܕܒܢܐ ܒܝܬܗ ܒܥܬܐ܂ ܢܫܒܘܩ ܠܒ̈ܢܘܗܝ ܬܢܚ̈ܬܐ܂ ܕܠܐ ܟܐܫ ܒܒܝܬܗ܂ ܢܦܠܓ ܠܒ̈ܢܘܗܝ ܪ̈ܘܚܐ܂ ܘܣܟܠܐ ܢܗܘܐ ܥܒ݂ܕܐ ܠܚܟܝܡܐ܂
11:30	ܦܐܪ̈ܘܗܝ ܕܙܕܝܩܐ ܐܝܠܢܐ ܕܚ̈ܝܐ܂ ܘܡܬܒܕܪ̈ܢ ܢܦܫܬ̈ܐ ܕܥܘ̈ܠܐ܂
11:31	ܐܢ ܙܕܝܩܐ ܠܡܚܣܢ ܚܝܐ܃ ܪܫܝܥܐ ܘܚܛܝܐ ܐܝܟܐ ܡܫܬܟܚ܂