← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62029: P Prov

Click on a word for lexical analysis
Click on a red-colored coordinate for comments and/or translations of the line

previous chapter


23:01 ܐܢ ܝܬܒ ܐܢܬ ܠܡܚܫܡܘ ܥܡ ܫܠܝܛܐ܂ ܐܫܬܘܕܥ ܡܕܡ ܕܣܝܡ ܩܕܡܝܟ܂
23:02 ܕܠܐ ܬܣܝܡ ܣܟܝܢܐ ܒܦܘܡܟ܂ ܐܢ ܐܝܬ ܓܒܪܐ ܕܢܦܝܫ/ܕܢܦܫ#3#/܂
23:03 ܠܐ ܬܪܓ ܡܢ ܡܐܟܘܠܬܗ܂ ܡܛܠ ܕܠܚܡܗ ܠܚܡܐ ܗܘ ܕܕܓܠܘܬܐ܂
23:04 ܠܐ ܬܬܩܪܒ ܠܥܬܝܪܐ܂ ܐܠܐ ܒܚܟܡܬܐ ܐܬܦܪܩ/ܐܬܩܪܒ#2#/ ܡܢܗ܂
23:05 ܐܢ ܬܨܕ ܓܝܪ ܥܝܢܟ ܒܗ ܠܐ ܡܬܚܙܐ ܠܟ܂ ܡܛܠ ܕܥܒܕ ܠܗ ܓܦ̈ܐ ܐܝܟ ܕܢܫܪܐ ܘܦܪܚ ܠܫܡܝܐ܂
23:06 ܠܐ ܬܚܫܡ ܥܡ ܓܒܪܐ ܚܘܪܐ܂ ܘܠܐ ܬܪܓ ܡܢ ܡܐܟܘܠܬܗ܂
23:07 ܐܟܙܢܐ ܓܝܪ ܕܐܢܫ ܒܠܥ ܙܦܬܐ܂ ܗܟܢܐ ‍<‍ܓܝܪ#3#‍>‍ ܐܟܠ ܐܢܬ ܘܫܬܐ ܥܡܗ܂ ܘܠܒܗ ܠܐ ܗܘܐ ܠܘܬܟ܂
23:08 ܘܠܚܡܐ ܕܐܟܠ ܐܢܬ ܡܬܝܒ ܐܢܬ ܠܗ܂ ܘܡܚܒܠ ܐܢܬ ܡ̈ܠܝܟ ܒܣ̈ܝܡܬܐ܂
23:09 ܩܕܡ ܣܟܠܐ ܠܐ ܬܡܠܠ܂ ܡܛܠ ܕܫܐܛ ܠܗܝܢ/ܠܗܠܝܢ#2#/ ܠܡ̈ܠܝܟ܂
23:10 ܠܐ ܬܫܢܐ ܬܚܘܡܐ ܕܡܢ ܥܠܡ܂ ܘܒܚܩܠܐ ܕܝܬ̈ܡܐ ܠܐ ܬܥܘܠ܂
23:11 ܡܛܘܠ ܕܦܪܘܩܗܘܢ ܬܩܝܦ ܗܘ܂ ܘܗܘ ܢܕܘܢ ܕܝܢܗܘܢ ܥܡܟ܂
23:12 ܐܥܠ ܠܒܟ ܠܡܪܕܘܬܐ܂ ܘܐܕܢܟ ܠܡܐܡܪܐ ܕܝܕܥܬܐ܂
23:13 ܠܐ ܬܟܠܐ ܡܪܕܘܬܐ ܡܢ ܛܠܝܐ܂ ܡܛܠ ܕܐܢ ܡܚܐ ܐܢܬ ܠܗ ܠܐ ܡܐܬ܂
23:14 ܐܢܬ ܓܝܪ ܡܚܐ ܐܢܬ ܠܗ ܒܫܒܛܐ܂ ܘܢܦܫܗ ܡܢ ܫܝܘܠ ܡܦܨܐ ܐܢܬ܀
23:15 ܒܪܝ ܐܢ ܚܟܝܡ ܠܒܟ܂ ܐܦ ܠܒܝ ܕܝܠܝ \ܢܚܕܐ܂
23:16 ܘܢܕܘ̈ܨܢ ܟ̈ܘܠܝܬܝ / ܢܚܕܐ ܘܢܕܘܨ܂ ܘܟ̈ܘܠܝܬܝ#3#/ ܡܐ ܕܡܡ̈ܠܠܢ ܣ̈ܦܘܬܟ ܬܪܝܨܘܬܐ܂
23:17 ܠܐ/ܐܢ#2#/ ܢܛܢ ܠܒܟ ܒܚ̈ܛܝܐ܂ ܐܠܐ ܒܕܚܠܬܗ ܕܡܪܝܐ ܟܠ ܝܘܡ܂
23:18 ܕܬܗܘܐ ܠܟ ܚܪܬܐ/ܚܕܘܬܐ#3#/ ܘܣܒܪܟ ܠܐ ܢܓܡܪ܂
23:19 ܫܡܥ ܒܪܝ ܘܗܘܝ ܚܟܝܡ܂ ܘܬܕܘܨ ܬܪܥܝܬܝ ܒܠܒܟ܂
23:20 ܠܐ ܬܗܘܐ ܪܘܝ ܒܚܡܪܐ܂ ܘܠܐ ܬܗܘܐ ܐܣܘܛ ܒܒܣܪܐ܂
23:21 ܡܛܠ ܕܕܪܘܝ ܒܚܡܪܐ ܘܐܣܘܛ ܒܒܣܪܐ ܢܐܒܕ܂ ܘܕܕܡܟ ܢܠܒܫ ܒܪܕܥܬܐ܂
23:22 ܫܡܥ ܠܐܒܘܟ ܕܐܘܠܕܟ܂ ܘܠܐ ܬܫܘܛ ܣܝܒܘܬܗ݀ ܕܐܡܟ܂
23:23 ܩܘܫܬܐ ܩܢܝ܂ ܘܠܐ ܬܙܒܢ ܚܟܡܬܐ ܘܡܪܕܘܬܐ ܘܣܘܟܠܐ܂
23:24 ܢܪܘܙ ܘܢܕܘܨ ܐܒܘܗܝ ܕܙܕܝܩܐ܂ ܘܢܘܠܕ ܚܟܝܡܐ ܘܢܚܕܐ ܒܗ ܐܒܘܗܝ܂
23:25 ܘܢܚܕܘܢ ܒܟ ܐܒܘܟ ܘܐܡܟ ܘܬܕܘܨ ܝܠܕܬܟ܂
23:26 ܗܒ ܠܝ ܒܪܝ ܠܒܟ܂ ܘܥܝܢ̈ܝܟ ܐܘܪ̈ܚܬܝ ܢܛܪ̈ܢ܂
23:27 ܓܘܡܨܐ ܗܝ ܓܝܪ ܥܡܝܩܐ ܙܢܝܬܐ܂ ܘܒܪܐ ܕܐܘܠܨܢܐ ܢܘܟܪܝܬܐ܂
23:28 ܘܡܢ ܫܠܝܐ ܡܘܒܕܐ܂ ܘܒܢܝܢ̈ܫܐ ܣ̈ܓܝܐܐ ܥܘ݂ܠܐ ܡܣܓܝܢ܀
23:29 ܠܡ݁ܢ ܘܝܐ ܘܠܡ݁ܢ ܕܘܘܕܐ܂ ܘܠܡ݁ܢ ܕܝܢܐ ܘܠܡ݁ܢ ܒܝܫܬ̈ܐ܂ ܘܠܡ݁ܢ ܨܘ̈ܠܦܬܐ ܕܡܓܢ܂ ܘܕܡ݁ܢ ܡܩ̈ܢܐܢ ܥܝ̈ܢܘܗܝ܂
23:30 ܐܠܐ ܕܐܝܠܝܢ ܕܡܘܚܪܝܢ ܒܚܡܪܐ܂ ܘܡܥܩܒܝܢ ܐܝܟܐ ܕܐܝܬ ܒܝܬ ܡܫܬܝܝܐ܂ ܠܐ ܬܗܘܐ ܪܘܝ ܒܚܡܪܐ܂ ܐܠܐ ܡܠܠ ܥܡ ܐܢܫܐ ܙܕܝܩ̈ܐ܂ ܘܗܘܝܬ ܡܗܠܟ ܥܡܗܘܢ ܘܡܡܠܠ܂
23:31 ܠܐ ܬܨܕ ܥܝܢܟ ܒܚܡܪܐ ܕܙܪܓܐ ܥܝܢܗ ܒܟܣܐ܂ ܐܠܐ ܪܢܝ ܒܙܕܝܩܘܬܐ܂
23:32 ܡܛܠ ܕܚܪܬܗ ܕܚܡܪܐ ܐܝܟ ܡܚܘܬܐ ܗܝ ܕܚܘܝܐ܂ ܘܐܝܟ ܚܪܡܢܐ ܕܦܪܚ܂
23:33 ܥܝܢ̈ܝܟ ܡܐ ܕܚܪ ܒܢܘܟܪܝܬܐ܂ ܗܝܕܝܢ ܠܒܟ ܡܡܠܠ ܗ̈ܦܝܟܬܐ܂
23:34 ܘܗܘܐ ܐܢܬ ܠܟ܂ ܐܝܟ ܗ݀ܘ ܕܫܟܝܒ ܒܠܒܗ ܕܝܡܐ܂ ܘܐܝܟ ܡ݁ܠܚܐ ܒܡܚܫܘܠܐ ܪܒܐ܂
23:35 ܘܬܐܡܪ ܕܡܚܐܘܢܝ ܘܠܐ ܚܫܬ܂ ܘܡܒܙܚܝܢ ܗܘܘ ܒܝ ܘܠܐ ܝܕܥ ܗܘܝܬ܂ ܐܡܬܝ ܐܬܬܥܝܪ ܘܐܙܠ ܐܒܥܝܗ݀܂

next chapter