The Comprehensive Aramaic Lexicon

30:01	ܘܫܕܪ ܚܙܩܝܐ ܠܘܬ ܟܠܗ ܐܝܣܪܝܠ ܘܕܒܝܬ ܝܗܘܕܐ܂ ܘܐܦ ܐܓܪ̈ܬܐ ܟܬܒ ܠܕܒܝܬ ܐܦܪܝܡ܂ ܘܠܕܒܝܬ ܡܢܫܐ܃ ܠܡܐܬܐ ܠܒܝܬܗ ܕܡܪܝܐ ܕܒܐܘܪܫܠܡ܂ ܠܡܥܒܕ ܥܐܕܐ ܠܡܪܝܐ/ܕܡܪܝܐ#3#/ ܚܝܠܬܢܐ ܐܠܗܐ ܕܐܝܣܪܝܠ܂
30:02	ܘܐܬܚܫܒܘ ܡܠܟܐ ܘܪ̈ܘܪܒܢܘܗܝ ܘܟܠܗ ܥܡܐ ܕܐܝܣܪܝܠ ܕܗܘܘ ܒܐܘܪܫܠܡ܃ ܠܡܥܒܕ ܥܐܕܐ ܠܡܪܝܐ ‍<‍ܚܝܠܬܢܐ#3#‍>‍ ܐܠܗܐ ܕܐܝܣܪܝܠ ܒܝܪܚܐ ܬܢܝܢܐ܂
30:03	ܡܛܠ ܕܠܐ ܡܫܟܚܝܢ ܗܘܘ ܠܡܥܒܕܗ ܒܗ ܒܙܒܢܐ ܗ݀ܘ܂ ܡܛܠ ܕܟܗ̈ܢܐ ܠܐ ܐܬܩܕܫܘ ܗܘܘ܂ ܘܡܠܦܢ̈ܘܗܝ/ܘܡܢܦܩ̈ܘܗܝ#3#/ ܕܥܡܐ ܠܐ ܐܬܩܦܣܘ ܗܘܘ ܠܐܘܪܫܠܡ/ܒܐܘܪܫܠܡ#3#/܂
30:04	ܘܫܦܪ ‍<‍ܗܘܐ#3#‍>‍ ܦܬܓܡܐ ܒܥܝܢ̈ܘܗܝ ܕܡܠܟܐ ܘܒܥܝܢ̈ܘܗܝ ܕܟܠܗ \ܥܡܐ ܕܐܝܣܪܝܠ /ܐܝܣܪܐܝܠ#3#/܂
30:05	ܘܩܡܘ ܘܐܫܪܘ ܦܬܓܡܐ ܠܡܥܒܕܗ܂ ܘܐܥܒܪܘ/ܠܡܥܒܪܘ#3#/ ܩܠܐ ܒܟܠܗ ܐܝܣܪܝܠ/ܥܡܐ ܕܐܝܣܪܝܠ#3#/܂ ܡܢ ܒܪܫܒܥ ܘܥܕܡܐ ܠܕܢ܂ ܠܡܐܬܐ ܘܠܡܥܒܕ ܥܐܕܐ ܠܡܪܝܐ/ܕܡܪܝܐ#3#/ ܐܠܗܐ ܕܐܝܣܪܝܠ ܒܐܪܫܠܡ܂ ܡܛܠ ܕܣܓܝ ܗܘܐ ܠܗ ܥܘܬܪܗܘܢ ܛܒ܂
30:06	ܘܐܙܠܘ ܛܒܠܪ̈ܐ ܒܐܓܪ̈ܬܐ ܕܡܠܟܐ ܘܕܪ̈ܘܪܒܢܘܗܝ/ܘܪ̈ܘܪܒܢܝ#3#/܂ ܒܟܘܠܗ ܐܝܣܪܝܠ ܘܝܗܘܕܐ܂ ܒܦܘܩܕܢܐ ܕܡܠܟܐ ܘܐܡ݁ܪܝܢ܂ ܒܢ̈ܝ/ܠܒܢ̈ܝ#3#/ ܐܝܣܪܝܠ ܬܘܒܘ/ܬܘ#3#/ ܠܘܬ ܡܪܝܐ ܐܠܗܗ ܕܐܒܪܗܡ ܘܕܐܝܣܚܩ ܘܕܐܝܣܪܝܠ܂ ܘܢܗܦܟ/ܘܢܗܦܘܟ#3#/ ܫܪܟܢܐ ܕܐܫܬܟܚ/ܕܐܫܬܚܪ#3#/ ܡܢܟܘܢ܃ ܡܢ ܐܝܕܘ̈ܗܝ ܕܡܠܟܐ ܕܐܬܘܪ܂
30:07	ܠܐ ܬܗܘܘܢ ܐܝܟ ܐܒܗܝ̈ܟܘܢ ܘܐܝܟ ܐܚܝ̈ܟܘܢ ܕܟܕܒܘ ܒܡܪܝܐ ܐܠܗܐ ܕܐܒܗ̈ܬܢ܃ ܘܝܗܒ ܐܢܘܢ ܠܠܘܛܬܐ ܐܝܟܢܐ ܕܐܢܬܘܢ ܚ݁ܙܝܢ܂
30:08	ܘܐܦ ܗܫܐ ܠܐ ܬܩܫܘܢ ܩܕܠܟܘܢ/ܠܒܟܘܢ#2#/ ܐܝܟ ܐܒܗ̈ܬܟܘܢ܂ ܘܥܘܠܘ ܠܡܩܕܫܐ ܕܐܬܩܕܫ ܠܥܠܡ܂ ܘܦܠܘܚܘ ܠܡܪܝܐ ܐܠܗܟܘܢ܂ ܕܢܗܦܟ ܡܢܟܘܢ ܚܡܬܐ ܕܪܘܓܙܗ܂
30:09	ܡܛܠ ܕܐܬܓܠܝ ܥܠܝܟܘܢ ܘܥܠ ܐܚ̈ܝܟܘܢ ܘܥܠ ܒܢܝܟܘܢ܂ ܘܗܘ ܢܬܠܟܘܢ ܠܪ̈ܚܡܐ ܠܥܝܢ ܫܒܝ̈ܟܘܢ܂ ܘܢܗܦܟܟܘܢ ܠܐܪܥܐ ܗܕܐ܂ ܡܛܠ ܕܚܢܢ ܗܘ ܘܪܚܡܬܢ ‍<‍ܗܘ#3#‍>‍ ܡܪܝܐ/ܠܡܪܝܐ#3#/ ܐܠܗܟܘܢ܂ ܘܠܐ ܢܗܦܟ ܐܦܘ̈ܗܝ ܡܢܟܘܢ܃ ܟܕ ܬܬܦܢܘܢ ܠܘܬܗ܂

30:10	ܘܗܘܘ ܛܒܠܪ̈ܘܗܝ ܕܡܠܟܐ ܚܙܩܝܐ ܥ݁ܒܪܝܢ ‍<‍ܗܘܘ#3#‍>‍ ܡܢ ܩܪܐ ܠܩܪܐ܂ ܒܐܪܥܐ ܕܐܦܪܝܡ ܘܕܡܢܫܐ܃ ܘܥܕܡܐ ܠܙܒܘܠܘܢ݁ ܘܗܘܘ ܓ݁ܚܟܝܢ ܥܠܝܗܘܢ ܘܡܒܣܪܝܢ/ܘܡܡܣܪܝܢ#3#/ ܥܠܝܗܘܢ

30:11	ܓܒܪ̈ܐ ܪ̈ܫܝܥܐ ܕܐܝܬ ܒܫܒܛܐ \ܕܒܝܬ ܐܫܝܪ /ܕܐܫܝܪ#2#/ ܘܒܫܒܛܐ ܕܒܝܬ ܐܦܪܝܡ ܘܒܫܒܛܐ ܕܒܝܬ ܡܢܫܐ܂ ܘܒܫܒܛܐ ܕܒܝܬ ܙܒܘܠܘܢ܂ ܘܫܪܟܐ ܕܫܒ̈ܛܐ ܗܠܝܢ܂ ܐܬܬܒܪܘ ܒܠܒܗܘܢ ܘܐܬܘ ܠܐܘܪܫܠܡ
30:12	ܥܡ ܫܒܛܐ ܕܒܝܬ ܝܗܘܕܐ܂ ܘܗܘܬ ܐܝܕܗ ܕܡܪܝܐ ܥܠܝܗܘܢ܃ ܠܡܬܠ ܠܗܘܢ ܠܒܐ ܚܕ܂ ܠܡܥܒܕ ܦܘܩܕܢܐ ܕܡܠܟܐ ܘܕܪ̈ܘܪܒܢܘܗܝ ܐܝܟ ܡܠܬܗ ܕܡܪܝܐ܂
30:13	ܘܐܬܟܢܫܘ ܠܐܪܫܠܡ ܥܡܐ ܣܓܝܐܐ܂ ܠܡܥܒܕ ܥܐܕܐ ܕܦܛܝܪ̈ܐ ܒܝܪܚܐ ܬܢܝܢܐ܂ ܥܡܐ ܣܓܝܐܐ ܕܛܒ܂
30:14	ܘܩܡܘ ܘܥܩܪܘ ܡܕܒܚ̈ܐ ܕܐܝܬ ܒܐܪܫܠܡ܂ ܘܟܠܗܝܢ ܥܠܘ̈ܬܐ ܕܦܬܟܪ̈ܐ ܥܩܪܘ܂ ܘܫܕܘ ܐܢ̈ܝܢ ܒܢܚܠܐ ܕܩܕܪܘܢ܂
30:15	ܘܥܒܕܘ ܦܨܚܐ ܒܐܪ̈ܒܥܣܪܐ ܫܒܥܐ ܝܘܡ̈ܝܢ ܒܝܪܚܐ ܬܢܝܢܐ܂ ܘܟܗ̈ܢܐ ܘܠܘ̈ܝܐ ܐܬܩܕܫܘ܂ ܘܐܝܬܝܘ ܥܠܘ̈ܬܐ ܠܒܝܬܗ ܕܡܪܝܐ܂
30:16	ܘܩܡܘ ܥܠ ܐܬܪܗܘܢ ܐܝܟܐ/ܐܝܟܢܐ#3#/ ܕܡܬܚܙܐ܂ ܐܝܟܢܐ ܕܟܬܝܒ ܒܢܡܘܣܐ ܕܡܘܫܐ ܢܒܝܐ ܕܡܪܝܐ܂ ܕܟܗ̈ܢܐ/ܟܗ̈ܢܐ#3#/ ܡܩܒܠܝܢ ܗܘܘ ܕܡܐ ܡܢ ܐܝܕܐ ܕܠܘ̈ܝܐ܂
30:17	ܡܛܠ ܕܣܓܝܐܝܢ ܗܘܘ ܓܝܪ ܒܥܡܐ ܕܐܝܣܪܐܝܠ܃ ܕܠܐ ܐܬܩܕܫܘ܂ ܘܠܘ̈ܝܐ ܩܡܘ ܠܗܘܢ ܥܠ ܢܟܣܬܐ ܕܐܡܪ̈ܐ܂ ܘܚ݁ܙܝܢ ܗܘܘ ܟܠ ܐܝܢܐ ܕܕܟܐ ܠܡܬܩܕܫܘ ܠܡܪܝܐ܂
30:18	ܡܛܠ ܕܣܓܝܐ̈ܝܢ ܗܘܘ ܒܥܡܐ ܕܐܝܣܪܝܠ܃ ܡܢ ܕܒܝܬ ܐܦܪܝܡ ܘܡܢܫܐ ܘܐܝܣܟܪ ܘܙܒܘܠܘܢ܂ ܗܠܝܢ ܐܪܒܥܐ ܫܒ̈ܛܝܢ ܕܠܐ/ܠܐ#3#/ ܐܬܕܟܝܘ܂ ܡܛܠ ܕܐܟܠܘܗܝ ܠܦܨܚܐ/ܦܨܚܐ#3#/ ܕܠܐ ܒܢܡܘܣ/ܢܡܘܣ#3#/܂ ܡܛܠ ܕܨܠܝ ܚܙܩܝܐ ܥܠܝܗܘܢ ܘܐܡܪ ܠܗܘܢ܂ ܐܠܗܐ ܛܒܐ ܢܚܣܐ ܚܠܦ/ܥܠ#3#/ ܟܠܗ ܥܡܐ ܕܐܝܣܪܝܠ܂
30:19	ܡܛܠ ܕܐܬܩܢ/ܕܐܬܩܢܢ#3#/ ܠܒܢ ܠܡܨܠܝܘ ܠܡܪܝܐ ܐܠܗܐ ܕܐܒܗ̈ܬܢ܃ ܘܩܘܕܫܐ ܠܐ ܗܘܐ ܕܟܐ ܡܢܢ܂
30:20	ܘܫܡܥ ܡܪܝܐ ܒܩܠܗ ܕܚܙܩܝܐ܂ ܘܐܣܝܗ ܠܥܡܐ܂
30:21	ܘܥܒܕܘ ܒܢ̈ܝ ܐܝܣܪܐܝܠ ‍<‍ܘܟܠ#3#‍>‍ ܕܐܫܬܟܚܘ ܒܐܘܪܫܠܡ܃ ܥܐܕܐ ܕܦܛܝܪ̈ܐ ܫܒܥܐ ܝܘܡ̈ܝܢ܂ ܒܚܕܘܬܐ ܪܒܬܐ܂ ܘܡܫܒܚܝܢ ܗܘܘ ܠܡܪܝܐ ܟܠܝܘܡ ܒܝܘܡ܂ ܠܘ̈ܝܐ ܒܬܫ̈ܒܚܬܐ/ܒܫܒܝܚ̈ܬܐ#3#/ ܕܦܘܡܗܘܢ܂ ܘܟܗ̈ܢܐ ܒܬܫܒܚ̈ܬܐ܂
30:22	ܘܡܠܠ ܚܙܩܝܐ ܥܡ ܟܠܗܘܢ ܠܘ̈ܝܐ ܕܡܫܒܚܝܢ ܗܘܘ ܬܫܒܚ̈ܬܐ/ܒܬܫܒܚ̈ܬܐ#3#/ ܛܒ̈ܬܐ ܩܕܡ ܡܪܝܐ܂ ܘܐܟܠܘ ܗܘܘ ܓܒܪ̈ܐ ܫܒ̈ܥܐ ܝܘܡ̈ܝܢ܂ ܘܡܕܒܚܝܢ ܗܘܘ ܕܒܚ̈ܐ ܫ̈ܠܡܐ ܠܡܪܝܐ ܘܡܘܕܝܢ ܗܘܘ ܠܡܪܝܐ ܐܠܗܐ ܕܐܒܗ̈ܬܗܘܢ܂
30:23	ܘܐܬܟܠܝ ܟܠܗ ܥܡܐ ܕܐܝܣܪܝܠ ܠܡܥܒܕ ܫܒܥܐ ܝܘܡ̈ܝܢ ܐܚܪ̈ܢܝܢ܂ ܘܫܒܥܐ ܝܘܡ̈ܝܢ ܕܚܕܘܬܐ܂
30:24	ܡܛܠ ܕܚܙܩܝܐ ܡܠܟܐ ܕܝܗܘܕܐ ܐܦܪܫ܂ ܘܝܗܒ ܠܥܡܐ ‍<‍ܕܐܝܣܪܝܠ#3#‍>‍ ܫܒܥܐ ܐܠܦܝ̈ܢ ܚܝܘ̈ܬܐ ܪ̈ܘܪܒܬܐ ܘܕܩܕ̈ܩܬܐ܂ ܘܦܪܫ ܘܝܗܒ ܠܥܡܐ ܕܐܝܣܪܝܠ܂ ܬܘܪ̈ܐ ܐܠܦ܂ ܘܥ̈ܢܐ ܥܣܪܐ ܐܠܦܝ̈ܢ܂ ܘܐܬܩܕܫܘ ܟܗ̈ܢܐ ܣܓܝܐ̈ܐ܂
30:25	ܘܚܕܝ ܟܠܗ ܥܡܐ ܕܝܗܘܕܐ܂ ܘܟܗ̈ܢܐ ܘܠܘ̈ܝܐ܂ ܘܟܠ ܥܡܐ ܕܐ݁ܬܝܢ ܡܢ \ܥܡܐ ܕܐܝܣܪܝܠ /ܐܝܣܪܝܠ#3#/܂ ܘܓܝܘܪ̈ܐ ܕܐ݁ܬܝܢ ܡܢ ܐܪܥܐ/ܥܡܐ#3#/ ܕܐܝܣܪܝܠ܂ ܘܕܝ݁ܬܒܝܢ/ܘܝ݁ܬܒܝܢ#3#/ ܒܝܗܘܕܐ܂
30:26	ܘܗܘܬ ܚܕܘܬܐ ܪܒܬܐ ܒܐܘܪܫܠܡ܃ ܡܛܠ ܕܡܢ ܝܘܡܘ̈ܗܝ ܕܫܠܝܡܘܢ ܒܪ ܕܘܝܕ ܡܠܟܐ ܕܐܝܣܪܝܠ܃ ܠܐ ܗܘܬ ܐܝܟ ܗܕܐ ܒܐܘܪܫܠܡ܂
30:27	ܘܩܡܘ ܟܗ̈ܢܐ ܘܠܘ̈ܝܐ܃ ܘܒܪܟܘ ܠܥܡܐ ܕܐܝܣܪܝܠ܂ ܘܫܡܥ ܡܪܝܐ ܒܩܠܗܘܢ܂ ܘܥܠܬ ܨܠܘܬܗܘܢ ܠܡܘܬܒܐ ܕܩܘܕܫܗ ܠܫܡܝܐ܂