← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62070: P Wisd

Click on a word for lexical analysis
Click on a red-colored coordinate for comments and/or translations of the line

previous chapter


05:01 ܗܝ ܕܝܢ ܢܩܘܡ ܙܕܝܩܐ ܒܦܪܗܣܝܐ ܪܒܬܐ܂ ܩܕܡ ܐ̈ܦܝܗܘܢ ܕܐܝܠܝܢ ܕܐܠܨܘܗܝ ܘܕܐܝܠܝܢ ܕܛܠܡܘ ܠܐܘܬܗ܂
05:02 ܢܚܙܘܢܗ ܓܝܪ ܘܢܕܚܠܘܢ ܒܕܚܠܐ ܥܫܝܢܐ܂ ܘܢܬܡܗܘܢ ܟܕ ܢܚܙܘܢ ܬܫܒܘܚܬܗ܂
05:03 ܘܢܐܡܪܘܢ ܒܢܦܫܗܘܢ ܟܕ ܬܘܝܢ܂ ܘܒܐܘܠܨܢܐ ܕܪܘܚܗܘܢ ܢܬܬܢܚܘܢ ܘܢܐܡܪܘܢ ܗܢܘ ܗ݀ܘ ܕܗܝܕܝܢ ܠܓܘܚܟܐ ܥܒܝܕ ܗܘܐ ܠܢ܂ ܘܚܣܕܐ ܘܡܬܠܐ ܠܫ̈ܛܝܐ܂
05:04 ܐܬܚܫܒܢ ܥܠ ܥܘܡܪܗ ܕܫܛܝܐ ܗܘ܂ ܘܥܠ ܡܘܬܗ/ܥܘܡܪܗ#3#/ ܕܡܦܪܣܝ܂
05:05 ܐܝܟܢܐ ܐܬܚܫܒ ܒܒܢ̈ܘܗܝ ܕܐܠܗܐ܂ \ܘܐܝܬܝܗ݀ ܝܪܬܘܬܗ /ܘܐܝܬ ܠܗ ܝܪܬܘܬܐ#3#/ ܥܡ ܩܕܝܫ̈ܐ܂
05:06 ܛܥܝܢ ܗܘܝܢ ܗܟܝܠ ܡܢ ܐܘܪܚܐ ܕܩܘܫܬܐ܂ ܘܢܘܗܪܐ ܕܙܕܝܩܘܬܐ ܠܐ ܐܢܗܪ ܠܢ܂ ܘܫܡܫܐ ܠܐ ܕܢܚ ܠܢ܂
05:07 ܘܐܬܡܠܝܘ ܫܒܝ̈ܠܝܢ ܚ̈ܛܗܝܢ ܘܐܒܕܢܐ܂ ܘܗܠܟܢ ܒܚܘܪܒܐ ܕܠܐ ܕܪܝܫ܂ ܘܠܐܘܪܚܗ ܕܡܪܝܐ ܠܐ ܝܕܥܢ܂
05:08 ܡܢܐ ܐܘܬܪܬܢ ܫܒܗܪܢܘܬܢ܂ ܐܘ ܡܢܐ ܐܘܬܪܢ ܥܘܡܪܐ ܕܫܒܗܪܢܘܬܢ܂
05:09 ܕܐܝܟ ܛܠܢܝܬܐ ܥܒܪܬ܂ ܘܡܢܐ ܐܘܬܪܢ ܥܘܡܪܢ ܕܫܒܗܪܢܘܬܐ܂ ܕܐܝܟ ܛ̈ܠܢܝܬܐ ܥܒܪ̈ܢ ܗܠܝܢ ܟܠܗܝܢ܂ ܘܐܝܟ ܣܒܪܬܐ ܕܪܗܛܐ܂
05:10 ܘܐܝܟ ܐܠܦܐ ܕܥܒܪܐ ܥܠ ܓܠܠܘ̈ܗܝ ܕܝܡܐ܂ ܕܡܐ/ܘܡܐ#3#/ ܕܥܒܪܬ ܠܐ ܝܕܝ̈ܥܢ ܥܩ̈ܒܬܗ݀܂ ܘܠܐ ܫܒܝ̈ܠܝܗ݀ ܒܫܒ̈ܝܠܐ ܕܓ̈ܠܠܐ܂
05:11 ܐܘ ܐܝܟ ܥܘܦܐ ܕܦܪܚ ܒܐܐܪ܂ ܕܠܐ/ܘܠܐ#3#/ ܡܬܥܩܒܐ ܥܩܒܬܗ܂ ܕܡܚܐ ܒ̈ܓܦܘܗܝ ܘܡܙܝܥ܂ ܘܨܪܐ ܪܘܚܐ ܩܠܝܠܬܐ܂ ܘܒܥܘܫܢܐ ܕܐܒܪ̈ܘܗܝ ܨܪܐ ܐܐܪ܂ ܘܒܛܪܦܐ ܕܓܦܘ̈ܗܝ ܡܗܠܟ܂ ܘܡܢ ܒܬܪܗ ܠܐ ܡܬܝܕܥܐ ܡܥܒܪܬܗ܂ ܘܠܐ ܐܢܫ ܡܫܟܚ ܐܬܐ ܠܐܘܪܚܗ܂
05:12 ܐܘ ܐܝܟ ܓܐܪܐ ܕܡܫܬܕܐ ܒܢܝܫܐ ܕܒܙܥ ܐܐܪ܂ ܘܒܪ ܫܥܬܗ ܗܘܐ ܐܐܪ ܒܕܘܟܬܗ܂ ܘܠܐ ܡܬܝܕܥܐ ܐܘܪܚܗ܂
05:13 ܗܟܢܐ ܐܦ ܚܢܢ ܐܬܝܠܕܢ ܘܣܦܢ܂ ܘܐܬܐ ܛܒܬܐ ܠܐ ܐܫܟܚܢ ܠܡܚܘܝܘ܂ ܐܠܐ ܒܒܝ̈ܫܬܢ ܐܫܬܟܦ‍<‍ܝ‍>‍ܢ܂
05:14 ܡܛܠ ܕܣܒܪܗܘܢ ܕܪ̈ܫܝܥܐ ܐܝܟ ܚܠܐ ܕܫܩܠܐ ܪܘܚܐ܂ ܘܐܝܟ ܥܘܪܐ ܕܫܩܠܐ ܥܠܥܠܐ܂ ܘܐܝܟ ܬܢܢܐ ܕܕܪܝܐ ܠܗ ܪܘܚܐ܂ ܘܐܝܟ ܕܘܟܪܢܐ ܕܝܘܡܗ ܕܥܒܪ ܐܘܪܚܐ܂ ܗܟܢܐ ܥܒܪܢ܂
05:15 ܙܕܝܩ̈ܐ ܕܝܢ ܠܥܠܡ ܚܝܝ̈ܢ܂ ܘܒܡܪܝܐ ܗܘ ܐܓܪܗܘܢ܂ ܘܪܢܝܗܘܢ ܒܡܪܝܡܐ/ܒܪ̈ܘܡܐ#3#/܂
05:16 ܡܛܠ ܗܢܐ ܢܩܒܠܘܢ ܡܠܟܘܬܐ ܫܒܝܚܬܐ܂ ܘܟܠܝܠܐ ܕܫܦܝܪ̈ܬܐ ܡܢ ܐܝܕܗ ܕܡܪܝܐ܂ ܘܒܝܡܝܢܗ ܡ݁ܛܠ ܥܠܝܗܘܢ܂ ܘܒܕܪܥܗ ܡܓܢ ܥܠܝܗܘܢ܂
05:17 ܘܡܛܠܬܗܘܢ ܒܛܢܢܗ ܢܙܝܢ ܟܠ܂ ܘܢܙܝܢ ܥܡܗ ܟܠܗ݀/ܠܟܠܗ݀#3#/ ܒܪܝܬܗ܂ ܠܚܪܒܐ ܕܣ̈ܢܐܘܗܝ܂
05:18 ܘܢܠܒܫ ܫܪܝܢܐ ܕܙܕܝܩܘܬܐ ܘܢܣܝܡ ܒܪܝܫܗ ܣܢܘܪܬܐ ܕܕܝܢܐ/ܦܘܪܩܢܐ#3#/ ܕܠܐ ܫܘܩܪܐ܂
05:19 ܘܢܣܒ ܣܟܪܐ ܕܚܣܝܘܬܐ ܕܠܐ ܡܙܕܟܝܐ܂
05:20 ܘܢܠܛܘܫ ܬܡܝܗܐܝܬ ܠܚܪܒܐ ܕܪܘܓܙܗ܂ ܘܢܥܒܕ ܥܡܗ ‍{‍ܥܡ‍}‍ ܥܠܡܐ ܩܪܒܐ ܥܡ ܫ̈ܛܝܐ܂
05:21 ܘܢܥܒܪܘܢ ܥܠܝܗܘܢ ܓܐܪ̈ܐ ܕܙܝ̈ܩܐ ܘܕܒܪ̈ܩܐ܂ ܘܐܝܟ ܢܝܫܐ ܕܟܦܬܐ ܕܩܫܬܐ ܕܥܢ̈ܢܐ ܢܫܬܪܘܢ܂
05:22 ܘܒܚܡܬܐ ܢܪܡܐ ܥܠܝܗܘܢ ܐ̈ܒܢܝ ܒܪܕܐ ܐܝܟ ܟܐ̈ܦܐ܂ ܘܢܬܚܡܬܘܢ/ܘܢܬܡܬܚܘܢ#3#/ ܥܠܝܗܘܢ ܡ̈ܘܗܝ ܕܝܡܐ܂ ܘܢܗܪ̈ܘܬܐ ܥܙܝܙܐܝܬ ܢܛܒܥܘܢ ܐܢܘܢ܂
05:23 ܘܬܩܘܡ ܥܠܝܗܘܢ ܪܘܚܐ ܕܚܝܠܬܐ܂ ܘܐܝܟ ܥܠܥܠܐ ܢܕܪܐ ܐܢܘܢ܂ ܘܢܚܪܒ ܟܘܠܗ݀ ܐܪܥܐ ܕܪ̈ܫܝܥܐ܂ ܘܢܫܚܘܩ ܠܥܒ̈ܕܝ ܥܘܠܐ܂ ܐܘܚܕܢܗܘܢ ܕܚ̈ܝܠܬܢܐ ܘܟܘܪ̈ܣܘܬܗܘܢ܀܀

next chapter