The Comprehensive Aramaic Lexicon

172:01	ܬܘܒ ܦܪܟܣܝܣ ܕܝܗܘܕܐ ܬܐܘܡܐ ܫܠܝܚܐ
172:02	ܟܕ ܙܒ݁ܢܗ ܠܚܒܢ ܬܓܪܐ ܕܢܚܘܬ ܢܬܠܡܕ
172:03	ܠܗܢܕܘ܂
172:04	1܂1 ܘܟܕ ܗܘܘ ܙܒܢܐ ܒܐܘܪܝܫܠܡ ܫ̈ܠܝܚܐ ܟܠܗܘܢ܃ ܫܡܥܘܢ
172:05	ܟܐܦܐ ܘܐܢܕܪܐܘܣ܃ ܘܝܥܩܘܒ ܘܝܘܚܢܢ܃ ܘܦܝܠܝܦܘܣ
172:06	ܘܒܪ ܬܘܠܡܝ܃ ܘܬܐܘܡܐ ܘܡܬܝ ܡܟܣܐ܂ ܘܝܥܩܘܒ ܒܪ
172:07	ܚܠܦܝ ܘܫܡܥܘܢ ܩܢܢܝܐ܃ ܘܝܗܘܕܐ ܒܪ ܝܥܩܘܒ݂ ܦܠܓ݁ܘ
172:08	ܗܘܘ ܐܬܪ̈ܘܬܐ ܒܝܢܬܗܘܢ܂ ܐܝܟܢܐ ܕܚܕ ܚܕ ܡܢܗܘܢ݁܂
172:09	ܢܟܪܙ ܒܦܢܝܬܐ ܕܡܛܬܗ ܘܒܐܬܪܐ ܕܡܪܗ ܫܕܪܗ ܀
172:10	1܂2 ܘܡ݂ܛܬ݂ ܒܦܣܬܐ ܘܒܦܠܓܘܬܐ܃ ܗܢܕܘ ܠܝܗܘܕܐ ܬܐܘܡܐ
172:11	ܫܠܝܚܐ݂܂ ܘܠܐ ܨ݁ܒܐ ܗܘܐ ܕܢܐܙ݁ܠ܃ ܟܕ ܐܡ݁ܪ ܗܘܐ݂܂
172:12	ܕܠܐ ܡܫܟܚ ܐܢܐ ܚܝܠܐ ܕܗܕܐ܂ ܡܛܠ ܕܒܨܝܪ ܐܢܐ܂
172:13	ܘܓܒܪܐ ܐܢܐ ܥܒܪܝܐ݂܂ ܐܝܟܢܐ ܠܗ̈ܢܕܘܝܐ ܡܫܟܚ ܐܢܐ
172:14	ܕܐ݁ܠܦ ܀ 1܂3 ܘܟܕ ܗܠܝܢ ܡܬܪܥܐ ܗܘܐ ܝܗܘܕܐ܂ ܐܬܚܙܝ
172:15	ܠܗ ܡܪܢ ܒܚܙܘܐ ܕܠܠܝܐ݂ ܘܐܡ݂ܪ ܠܗ܂ ܠܐ ܬܕܚܠ
172:16	ܬܐܘܡܐ܂ ܡܛܠ ܕܛܝܒܘܬܝ ܥܡܟ ܗܝ܂ ܗ݂ܘ ܕܝܢ ܣܟ
172:17	ܠܐ ܡܬܛܦܝܣ ܗܘܐ܂ ܟܕ ܐܡ݁ܪ܂ ܕܠܐܝܟܐ ܕܨ݁ܒܝ݂ܬ
172:18	ܡܪܢ ܫܕܪܝܢܝ܂ ܒܠܚܘܕ ܠܗܢܕܘ ܠܐ ܐܙ݁ܠ ܐܢܐ ܀
173:01	2܂1 ܘܟܕ ܗܠܝܢ ܡܬܪܥܐ ܗܘܐ ܝܗܘܕܐ݂܂ ܓ݂ܕܫ ܬܓܪܐ
173:02	ܚܕ ‍[‍ܗܢܕ‍]‍ܘܝܐ ܒܐܬܪܐ ܕܬܝܡܢܐ ܡܢ ܂ ܂ ܂ ܂ ‍[‍ܕ‍]‍ܫܡܗ
173:03	ܗܘܐ ܚ݁ܒܢ܂ ‍[‍ܘܡ‍]‍ܢ ܡ݁ܠܟܐ ܓܘܕܢܦܪ ܡܫ݁ܕܪ ܗܘܐ܂
173:04	ܐܝܟܢܐ ܕܓܒܪܐ ܢܓ݁ܪܐ ܐܘܡܢܐ ܢܘܒܠ ܠܗ܂ ܘܚ݂ܙܝܗܝ
173:05	ܡܪܢ ܟܕ ܡܗ݀ܠܟ ܒܐܘܪܚܐ ܘܐܡ݂ܪ ܠܗ܂ ܢܓܪܐ ܒܥ݁ܐ
173:06	ܐܢܬ ܕܬܙܒ݂ܢ܂ ܐܡ݁ܪ ܠܗ ܐܝܢ܂ ܐܡ݁ܪ ܠܗ ܡܪܢ ܐܝܬ
173:07	ܠܝ ܥܒ݂ܕܐ ܢܓܪܐ ܕܐܙܒ݁ܢ ܠܟ܂ ܘܚܘܝܗ ܠܗ ܡܢ ܪܘܚܩܐ
173:08	ܠܬܐܘܡܐ܂ 2܂2 ܘܩܨ ܥܡܗ ܥܣܪܝܢ ܕܟܣܦܐ ܕܡ̈ܘܗܝ܂
173:09	ܘܟܬܒܘ ܫܛܪܐ ܗܟܢܐ ܀ ܝܫܘܥ ܒܪ ܝܘܣܦ ܢܓ݁ܪܐ ܕܡܢ
173:10	ܒܝܬܠܚܡ ܩ݂ܪܝܬܐ ܕܒܝܗܘܕ܂ ܡ݁ܘܕܐ ܐܢܐ ܕܙܒ݁ܢ݂ܬ
173:11	ܠܝܗܘܕܐ ܬܐܘܡܐ ܥܒ݂ܕܐ ܕܝܠܝ܂ ܠܚ݁ܒܢ ܬܓܪܐ
173:12	ܕܓܘܕܢܦܪ ܡ݁ܠܟܐ ܀ ܀ 2܂3 ܘܟܕ ܫܠܡܘ ܐܫܛܪ̈ܘܗܝ܂ ܕܒܪܗ
173:13	ܝܫܘܥ ܠܝܗܘܕܐ݂܂ ܘܐܙ݂ܠ ܠܘܬ ܚ݁ܒܢ ܬܓܪܐ܂ ܘܚ݂ܙܝܗܝ ܚ݁ܒܢ
173:14	ܘܐܡ݂ܪ ܠܗ܂ ܡܪܟ ܗܘ ܗܢܐ܂ ܐܡ݁ܪ ܠܗ ܝܗܘܕܐ ܐܝܢ
173:15	ܡܪܝ ܗܘ܂ ܐܡ݁ܪ ܠܗ ܚܒܢ ܬܓܪܐ܂ ܡܙܒ݁ܢܘ ܙܒ݁ܢܟ ܠܝ܂
173:16	ܘܝܗܘܕܐ ܫ݂ܬܩ ܠܗ ܀ 3܂1 ܘܒܨܦܪܐ ܩܡ ܘܨ݁ܠܝ܂ ܘܒܥ݂ܐ ܡܢ
173:17	ܡܪܗ ܘܐܡ݂ܪ ܠܗ܂ ܗܐ ܡܪܢ ܐܝܟܢܐ ܕܨ݁ܒ݂ܝܬ ܢܗ݂ܘܐ
173:18	ܨܒܝܢܟ܂ ܘܐܙܠ ܠܘܬ ܚ݁ܒܢ ܬܓܪܐ݂܂ ܟܕ ܡܕܡ ܠܐ ܫܩ݂ܠ
173:19	ܥܡܗ܃ ܐܠܐ ܗܢܘܢ ܕܡ݂̈ܘܗܝ܂ ܝ݂ܗܒ ܗܘܐ ܐܢܘܢ ܠܗ
173:20	ܓܝܪ ܡܪܢ܂ ܘܐܙ݂ܠ ܝܗܘܕܐ ܘܐܫܟܚܗ ܠܚ݁ܒܢ ܬܓܪܐ ܟܕ
174:01	ܡ݁ܣܩ ܡܐܢ̈ܘܗܝ ܠܐܠܦܐ܂ ܘܫ݂݁ܪܝ ܗܘܐ ܕܢܣ݂ܩ ܥܡܗ ܀ ܀
174:02	3܂2 ܘܟܕ ܣܠܩܘ ܘܝܬܒܘ݂܂ ܐܡ݁ܪ ܠܗ ܚܒܢ ܬܓܪܐ ܠܝܗܘܕܐ܂
174:03	ܡܢܐ ܗܝ ܐܘܡܢܘܬܐ ܕܚ݁ܝ݂ܠ‍[‍ܬܢ‍]‍ ܐܢܬ ܕܬܥ݂ܒܕ܂ ܐܡ݁ܪ
174:04	ܠܗ ܝܗܘܕܐ ܢܓ݁ܪܘܬܐ ܘܐܪܕܟܠܘܬܐ݂ ܥ݁ܒܕܗ
174:05	ܕܢܓܪܐ܂ ܐܡ݁ܪ ܠܗ ܚ݁ܒܢ ܬܓܪܐ܂ ܡܢܐ ܝ݁ܕܥ ܐܢܬ
174:06	ܕܬܥܒܕ ܒܩ̈ܝܣܐ݂ ܘܡܢܐ ܒܦܣ̈ܝ‍<‍ܠ‍>‍ܬܐ܂ ܐܡ݁ܪ ܠܗ ܝܗܘܕܐ܂
174:07	ܒܩ̈ܝܣܐ ܝ݁ܠܦܬ ܕܐ݁ܥܒܕ܂ ܩ̈ܩܢܐ ܘܢܝܪ̈ܐ ܘܡ̈ܣܣܐ܂ ܘܠܝ̈ܩܐ
174:08	ܠܦܢ̈ܛܘܢܐ݂ ܘܥ‍{‍ܕ‍}‍ܪ̈‍<‍ܕ‍>‍ܐ ܠܐ̈ܠܦܐ܂ ܘܒܟܐ̈ܦܐ ܢܦܫ̈ܬܐ ܘܢ̈ܘܣܐ݂܂
174:09	ܘܗ̈ܝܟܠܐ݂ ܘܒܝ݂ܪ̈ܬܐ ܠܡ̈ܠܟܐ܂ 3܂3 ܐܡ݁ܪ ܠܗ ܚ݁ܒܢ ܬܓܪܐ܂ ܐܦ
174:10	ܐܢܐ݂ ܗ݀ܢܘ ܐܘܡܢܐ ܒܥ݁ܐ ܗ݀ܘܝܬ ܀ ܘܫܪܝܘ ܗܘܘ ܠܡܪܕܐ܂
174:11	ܡܛܠ ܕܩܡ݁ܬ݂ ܗܘܬ ܠܗ݀ ܪܘܚܐ܂ ܘܒܗܝܠܐܝܬ ܪܕܝ݁ܢ ܗܘܘ݂܂
174:12	ܥܕܡܐ ܕܣܡ݂ܟܘ ܠܣܢܕܪܘܟ ܡܚܘܙܐ܂ 4܂1 ܟܕ ܢܚ݂ܬܘ ܕܝܢ
174:13	ܠܐܪܥܐ܃ ܘܥܐ݁ܠܝܢ ܗܘܘ ܘܐܙ݁ܠܝܢ ܠܡܕܝܢܬܐ܂ ܫܡ݂ܥܘ
174:14	ܗܘܘ ܩܠܐ ܕܨ̈ܦܘܢܘܬܐ ܘܕܗܕܪ̈ܘܠܐ ܘܙܡ݂ܪܐ ܣܓܝܐܐ܂
174:15	ܘܡܫܐ݁ܠ ܗܘܐ ܝܗܘܕܐ ܘܐܡ݁ܪ܂ ܕܡܢܐ ܗܝ ܚܕܘܬܐ
174:16	ܕܐܝܬ ܒܗܕܐ ܡܕܝܢܬܐ܂ ܐܡ݁ܪܝܢ ܠܗ܂ ܐܦ ܠܟ݂ ܐܠܗ̈ܐ
174:17	ܐܝܬܝܘܟ ܕܬܒܣ݂ܡ ܒܗܕܐ ܡܕܝܢܬܐ݂܂ ܡ݁ܠܟܐ ܓܝܪ ܒܪܬܐ
174:18	ܝܚܝܕܝܬܐ ܐܝܬ ܠܗ݂܂ ܘܠܓܒܪܐ ܝ݁ܗܒ ܠܗ݀܂ ܘܩܠܐ ܗܢܐ
174:19	ܕܚܕܘܬܐ ܕܝܠܗ݀ ܗܘ ܕܡܫܬܘܬܐ܂ ܘܐܦ ܟܪ̈ܘܙܐ ܫܒܝܩܝܢ
174:20	ܠܗ ܠܡ݁ܠܟܐ ܕܢܟܪܙܘܢ܂ ܕܟܘܠ ܐܢܫ ܢܐܬܐ ܠܡܫܬܘܬܐ܂
175:01	ܘܐܦ ܡ̈ܣܟܢܐ ܘܥܬܝܪ̈ܐ ܘܥܒ݂̈ܕܐ ܘܒ̈ܢܝ ܚܐܪ̈ܐ܂ ܘܢܘܟܪ̈ܝܐ
175:02	ܘܒ̈ܢܝ ܡܕܝܢܬܐ܂ ܘܟܠ ܐܢܫ ܕܠܡܫܬܘܬܐ ܠܐ ܢܐܬܐ݁
175:03	ܪܫܝܢܐ ܠܡ݁ܠܟܐ ܢܚ݂ܘܒ ܀ 4܂2 ܐܡ݁ܪ ܠܗ ܚ݁ܒܢ ܬܓܪܐ ܠܝܗܘܕܐ܂
175:04	ܢܐܙܠ ܐܦ ܚܢܢ ܕܠܐ ܒܝ݂ܫܐܝܬ ܢܫܬ݂ܡܥ܂ ܘܝܬܝܪܐܝܬ
175:05	ܕܐܟ̈ܣܢܝܐ ܚܢܢ܂ ܘܟܕ ܫ݂ܪܘ ܒܦܘܬܩܐ ܘܐܬܬܢܝ݂ܚܘ ܩܠܝܠ
175:06	ܐܙ݂ܠܘ ܠܡܣܬܡ݁ܟܘ܂ ܗ݂ܘ ܕܝܢ ܝܗܘܕܐ ܒܡܨܥܬܐ
175:07	ܐܣܬܡ݂ܟ܂ ܘܟܠܗܘܢ ܒܗ ܚ݁ܝܪܝܢ ܗܘܘ݂ ܐܝܟ ܕܒܐܟܣܢܝܐ܃
175:08	ܕܡܢ ܕܘܟܐ ܐܚܪܢܝܐ ܐܬ݂ܐ܂ ܘܚ݁ܒܢ ܬܓܪܐ ܡܪܗ ܒܕܘܟܬܐ
175:09	ܐܚܪܬܐ ܣܡܝ݂ܟ ܗܘܐ܂ 5܂1 ܘܟܕ ܠܥ݂ܣܘ ܘܐܫܬܝܘ݂܂ ܝܗܘܕܐ
175:10	ܡܕܡ ܣ݁ܟ ܠܐ ܛ݁ܥܡ ܗܘܐ܂ ܐܡ݁ܪܝܢ ܠܗ ܗ݀ܢܘܢ ܕܠܘܬܗ܂
175:11	ܡܢܐ ܐܬ݂ܝܬ ܠܟܐ܂ ܟܕ ܠܐ ܠܡܠܥܣ ܘܠܐ ܠܡܫܬܐ
175:12	ܡܫܟܚ ܐܢܬ܃ ܐܡ݁ܪ ܠܗܘܢ ܝܗܘܕܐ܂ ܡܛܠ ܡܕܡ ܗܘ
175:13	ܕܡܝ݁ܬܪ ܡܢ ܡܐܟܠܐ ܘܡܢ ܡܫܬܝܐ ܐܬ݂ܝܬ ܠܟܐ܂ ܘܐܦ
175:14	ܡܛܠ ܢܝ݁ܚܐ ܕܡ݁ܠܟܐ݂ ܘܕܐ݁ܫ݂ܠܡ ܨܒܝܢܗ܂ ܘܡܛܠ ܕܟܪ̈ܘܙܐ
175:15	ܩ݁ܪܝܢ ܗܘܘ܂ ܕܡ݁ܢ ܕܢܫܡ݂ܥ ܘܠܐ ܢܐܬܐ݂ ܡܣܡ ܒܪܝܫܐ
175:16	ܢܩ݁ܒܠ܂ 5܂2 ܘܟܕ ܠܥ݂ܣܘ ܕܝܢ ܘܟܕ ܐܫܬܝܘ܂ ܐܦ ܡ݂ܫܚܐ
175:17	ܘܟ݂ܣ̈ܢܐ ܐܥ݂ܠܘ ܠܗܘܢ܃ ܘܫܩܠܘ܂ ܐܝܬ ܡܢܗܘܢ
175:18	ܕܐ̈ܦܝܗܘܢ ܡܫܚܝܢ ܗܘܘ܂ ܘܐܝܬ ܡܢܗܘܢ ܕܕܩ̈ܢܝܗܘܢ
175:19	ܘܐܝܬ ܕܕܘ̈ܟܝܬܐ ܐܚܪ̈ܢܝܬܐ܂ ܝܗܘܕܐ ܕܝܢ ܠܐܠܗܐ
175:20	ܡܫ݁ܒܚ ܗܘܐ܂ ܘܡܨܥܬ ܪܝܫܗ ܚ݁ܬܡ ܗܘܐ܂ ܘܒܢܚܝܪ̈ܘܗܝ
175:21	ܩܠܝܠ ܐܪܛܒ܂ ܘܒܐ̈ܕܢܘܗܝ ܣ݂ܡ ܗܘܐ܂
175:22	ܘܠܠܒܗ݂ ܪܫ݂ܡ ܗܘܐ܂ 5܂3 ܘܟܠܝܠܐ ܕܐܣܐ ܒܪܝܫܗ݂ ܣܝܡ ܗܘܐ܂
176:01	ܘܛܪܦܐ ܕܩܢܝܐ݂ ܒܐܝ݂ܕܗ ܐܚܝܕ ܗܘ݂ܐ ܀ ܗ݀ܝܕܝܢ ܙܡ݁ܪܬܐ
176:02	ܕܐܝܬ ܗܘܬ ܒܓܘ ܣܡܟܐ݂܂ ܥܠ ܟܠܗܘܢ ܡܬܟܪܟܐ
176:03	ܗܘܬ܂ ܘܟܕ ܡ݂ܛܬ݂ ܠܘܬ ܝܗܘܕܐ݂܂ ܩܝ݁ܡܐ ܗܘܬ ܘܠܥܠ
176:04	ܡܢܗ ܙܡ݁ܪܐ ܗܘܬ܂ ܗ݀ܝ ܕܝܢ ܙܡ݁ܪܬܐ ܥܒ݂ܪܝܬܐ ܗ݂ܘܬ܂
176:05	6܂1 ܘܟܕ ܣܓ݁ܝ ܥܕܢܐ ܩ݁ܡ݂ܬ݂ ܠܥܠ ܡܢܗ݂܂ ܝܗܘܕܐ ܠܐ ܐܪܝܡ
176:06	ܐܦܘ̈ܗܝ ܠܥܠ܃ ܐܠܐ ܟܠ ܒܐܪܥܐ ܚܐ݁ܪ ܗܘܐ܂ ܘܐܬ݂ܐ
176:07	ܚܕ ܡܢ ܗ݀ܢܘܢ ܫ̈ܩ݁ܘܬܐ݂܂ ܐܪܝܡ ܐܝ݂ܕܗ ܘܥܠ ܦܟܗ ܡܚ݂ܝܗܝ܂
176:08	ܝܗܘܕܐ ܕܝܢ ܚ݂ܪ ܒܗ݂ ܘܐܡ݂ܪ ܠܗ܂ ܐܠܗܝ ܢܫܒܘܩ ܠܟ ܗܕܐ
176:09	ܒܥܠܡܐ ܕܥܬܝܕ܂ ܒܗܢܐ ܕܝܢ ܥܠܡܐ݂ ܢܚ݁ܘܐ ܬܕܡܪ̈ܬܗ
176:10	ܒܗ݀ܝ ܐܝ݂ܕܐ ܕܡ݁ܚܬܢܝ܂ ܘܐܚܙܝܗ݀ ܟܕ ܓܪܝܪ ܠܗ݀ ܟܠܒܐ ܀
176:11	ܘܫ݁ܪܝ ܗܘܐ ܝܗܘܕܐ ܕܢܙܡ݂ܪ ܙܡܝ݂ܪܬܐ ܗܕܐ܂ 6܂2 ܥܕܬܝ ܒܪܬ݂
176:12	ܢܘܗܪܐ܂ ܙܝܘܐ ܕܡ̈ܠܟܐ ܐܝܬ ܠܗ݀܂ ܓܐܐ ܘܪܓ݁ܝܓ ܚܙܘܗ݀܂
176:13	ܝܐܐ ܘܡ݁ܨܒܬ ܒܟܠ ܥ݁ܒܕ ܛܒ܂ ܠܒܘ̈ܫܝܗ݀ ܠܦܩ̈ܚܐ ܕܡ݁ܝܢ
176:14	ܕܦܝ݁ܝܚ ܘܒܣܝܡ ܪܝܚܗܘܢ܂ 6܂3 ܒܪܝܫܗ݀ ܫ݁ܪܐ ܡ݁ܠܟܐ ܘܙܐ݁ܢ
176:15	ܠܥܡܘܪ̈ܘܗܝ ܠܬܚܬ܂ ܩܘܫܬܐ ܒܪܝܫܗ݀ ܣܝܡܐ݂܂ ܚܕܘܬܐ
176:16	ܒܪ̈ܓܠܝܗ݀ ܡܕܝܠܐ܂ ܦܘܡܗ݀ ܦܬܝ݂ܚ ܘܝܐܐ ܠܗ݀܂ ܕܟܠ
176:17	ܬܫ̈ܒܚܢ ܒܗ ܐܡ݁ܪܐ܂ ܬܪ̈ܥܣܪ ܫ̈ܠܝܚܘܗܝ ܕܒܪܐ ܘܫܒ̈ܥܝܢ
176:18	ܘܬܪ̈ܝܢ ܒܗ݀ ܪܥ݁ܡܝܢ܂ ܠܫܢܗ݀ ܐ̈ܦܝ ܬܪܥ݁ܐ܂ ܕܡܪܝ݂ܡ ܘܥܐ݁ܠ
176:19	ܟܗܢܐ܂ ܩܕܠܗ݀ ܕܪ̈ܓܝܢ ܕܪ̈ܓܝܢ܂ ܕܐܪܕܟܠܐ ܩܕܡܝܐ ܒܢܝ݂ܗܝ܂
176:20	6܂4 ܐܝ݂̈ܕܝܗ݀ ܬܪ̈ܬܝܗܝܢ ܠܐܬܪܐ ܕܚ̈ܝܐ ܡܟܪ̈ܙܢ܂ ܘܥܣܪ̈
176:21	ܨ̈ܒܥܬܗ݀ ܬܪܥܐ ܕܫܡܝܐ ܦܬܚ̈ܝ܂ ܒܝܬ ܓܢܘܢܗ݀ ܢܗܝܪ܂
176:22	ܘܪܝܚܐ ܕܦܘܪܩܢܐ ܡ݂݁ܠܐ܂ ܦܝܪܡܐ ܒܓܘܗ݀ ܡܬ݂ܩܢ܂
177:01	ܚܘܒܐ ܘܗܝܡܢܘܬܐ ܘܣܒܪܐ ܠܟܘܠ ܡ݁ܒܣܡ݂܂ ܡܢ ܠܓܘ
177:02	ܡܟ݂ܝܟ ܫܪܪܐ܂ ܬܪ̈ܥܝܗ݀ ܒܩܘܫܬܐ ܡܨ݁ܒܬܝܢ܂ 7܂1 ܫ̈ܘܫܒܝܢܝܗ݀
177:03	ܚܕܝܪܝܢ ܠܗ݂݀܂ ܟܠܗܘܢ ܕܠܗܘܢ ܙܡ݁ܢ݂ܬ݂܂ ܘܫ̈ܘܫܒܝܢܬܗ݀
177:04	ܩ̈ܕܝܫܬܐ ܩܕܡܝܗ݀ ܫܘܒܚܐ ܡ̈ܡܠܠܢ܂ ܡܫܡܫܝܢ ܩܕܡܝܗ݀
177:05	ܚ̈ܝܐ܂ ܘܚܝܪܝܢ ܠܚܬܢܗܘܢ ܕܢܐܬܐ܂ ܘܗܢ݂ܘܢ ܒܫܘܒܚܗ
177:06	ܢ݂ܢܗܪܘܢ܂ ܘܢܗܘܘܢ ܒܡ݁ܠܟܘܬܐ ܥܡܗ ܕܠܥܠܡ ܥܠܡܝܢ
177:07	ܠܐ ܥ݁ܒܪܐ܂ ܘܢܗܘܘܢ ܒܫܘܒܚܐ ܕܠܗ ܟܠܗܘܢ ܙܕܝ̈ܩܐ
177:08	ܟܢܝܫܝܢ܂ ܘܢܗܘܘܢ ܒܒܘܣܡܐ݂܂ ܕܠܗ ܚܕܚ̈ܕܢܐ ܥܐ݁ܠܝܢ܂
177:09	ܘܢܠܒܫܘܢ ܠܒ̈ܘܫܝ ܢܘܗܪܐ܂ ܘܢܬܥܛܦܘܢ ܒܫܘܒܚܐ
177:10	ܕܡܪܗܘܢ܂ 7܂2 ܘܢܫܒܚܘܢ ܠܐܒܐ ܚ݂݁ܝܐ܂ ܕܩ݁ܒܠܘ ܢܘܗܪܗ
177:11	ܓܐܝܐ܂ ܘܢܗܪܘ ܒܙܝܘܗ ܕܡܪܗܘܢ܂ ܕܩ݁ܒܠܘ ܡܢ
177:12	ܦܘܪܢܣܗ܂ ܕܐܦܘܣܝܐ ܡܢ ܡܬܘܡ ܠܝܬ ܠܗ܂ ܘܐܫ݂ܬܝܘ
177:13	ܡܢ ܚ̈ܝܐ܂ ܕܡܠܗܩܝܢ ܘܡܨܗܝܢ ܠܫܬܝ݁ܝ̈ܗܘܢ܂ ܘܫܒ݁ܚܘ
177:14	ܠܐܒܐ ܡܪܐ ܕܟܠ ܘܠܒܪܐ ܝܚܝܕܝܐ ܕܡܢܗ܂ ܘܐܘܕܝܘ
177:15	ܠܪܘܚܐ ܚܟܡܬܗ ܀ 8܂1 ܘܟܕ ܙܡ݁ܪ ܗܘܐ ܗܕܐ ܙܡܝܪܬܐ݂܂
177:16	ܟܠܗܘܢ ܗ݀ܢܘܢ ܕܠܘܬܗ݂ ܒܗ ܚ݁ܝܪܝܢ ܗܘܘ܂ ܘܚ݁ܙܝܢ ܗܘܘ
177:17	ܕܓܘܢܗ ܐܫܬܚܠܦ ܠܗ܂ ܡܫ݂ܡܥ ܕܝܢ ܠܐ ܫܡܥܝܢ ܗܘܘ
177:18	ܡܢܐ ܐܡ݁ܪ ܗܘܐ܂ ܡܛܠ ܕܗ݂ܘ ܥܒܪܐܝܬ ܐܡ݁ܪ ܗܘܐ܂
177:19	ܘܗ݂ܢܘܢ ܠܐ ܝ݁ܕܥܝܢ ܗܘܘ܂ ܙܡ݂݁ܪܬܐ ܕܝܢ ܟܠܡܕܡ
177:20	ܫܡ݂ܥܐ ܗܘܬ܂ ܡܛܠ ܕܥܒܪܝܬܐ ܗܘܬ܂ ܘܒܗ ܚ݁ܝܪܐ
177:21	ܗܘܬ ܀ 8܂2 ܘܟܕ ܫܢ݂ܝܬ݁ ܡܢ ܠܘܬܗ ܘܠܐܚܪ̈ܢܐ ܙܡ݁ܪܐ ܗܘܬ݂܂
177:22	ܬܘܒ ܒܗ ܚ݁ܝܪܐ ܗܘܬ܂ ܘܐܚܒܬܗ ܗܘܬ ܐܝܟ ܕܠܓܒܪܐ
178:01	ܒܪ ܐܬܪܗ݀܂ ܐܦ ܒܚܙܘܗ ܫܦܝܪ ܗܘܐ ܡܢ ܟܠܗܘܢ ܗ݀ܢܘܢ
178:02	ܕܐܝܬ ܗܘܘ ܬܡܢ܂ ܘܟܕ ܙܡ݂݁ܪܬܐ ܫܠܡ݂ܬ݂݂܂ ܝܬ݂ܒܬ݁ ܠܗ݀
178:03	ܠܩܘ݂ܒܠܗ܂ ܘܠܐ ܡ݂ܪܦ‍<‍ܝ‍>‍ܐ ܗܘܬ ܥ̈ܝܢܝܗ݀ ܡܢܗ݂܂ ܗ݂ܘ ܕܝܢ
178:04	ܠܐ ܡ݁ܪܝܡ ܗܘܐ ܥ̈ܝܢܘܗܝ ܘܠܐ ܚ݁ܐܪ ܗܘܐ ܒܐܢܫ܂
178:05	ܐܠܐ ܟܠ ܒܐܪܥܐ ܚ݁ܐܪ ܗܘܐ݁܂ ܥܕ ܢܩܘܡ ܘܢܦ݂ܛܪ ܡܢ
178:06	ܒܝܬ ܣܡܟܐ ܀ 8܂3 ܫ݂݁ܩܝܐ ܕܝܢ ܗ݀ܘ ܢܚ݂ܬ ܗܘܐ ܠܥܝܢܐ ܕܢܡ݂ܠܐ
178:07	ܡ̈ܝܐ܂ ܘܐܫܬܘܪܝ ܬܡܢ ܐܪܝܐ ܘܬܒ݂ܪܗ ܘܗܕܡ݂ ܗܕܡ
178:08	ܦܣܩܗ ܗܘܐ ܀ ܗ݀ܝ ܕܝܢ ܟ̈ܠܒܐ ܚܕ ܚܕ ܡܢ ܗ̈ܕܡܘܗܝ݂
178:09	ܫܩܝܠܝܢ ܗܘܘ܂ ܟܠܒܐ ܕܝܢ ܚܕ ܐܘܟܡܐ܂ ܐܝ݂ܕܗ ܕܝܡܝܢܐ܃
178:10	ܗ݀ܝ ܕܐܪܝܡ ܥܠ ܝܗܘܕܐ ܫܩܝܠ ܗܘܐ݂܂ ܘܡܨܥܬ ܣܡܟܐ
178:11	ܐܥܠܗ̤µ܂܂ ܘܟܕ ܚܙܐܘܗ݀ ܟܠܗܘܢ݂ ܬܡ݂ܗܘ܂ 9܂1 ܘܟܕ ܟܠܗܘܢ
178:12	ܡܫܐ݁ܠܝܢ ܗܘܘ ܕܡܢ݂ܘ ܛܥ݁ܐ ܡܢܗܘܢ݂܂ ܐܫܬ݂ܟܚ݂ܬ݁ ܐܝ݂ܕܐ
178:13	ܕܕܫ݂݁ܩܝܐ ܗܝ܂ ܗ݀ܘ ܕܡܚ݂ܝܗܝ ܗܘܐ ܠܝܗܘܕܐ ܀ ܗ݀ܝܕܝܢ
178:14	ܙܡ݂݁ܪܬܐ ܬܒ݂ܪܬ ܐܒܘ̈ܒܝܗ݀ ܘܠܘܬ ܪ̈ܓܠܘܗܝ ܕܫܠܝܚܐ
178:15	ܐ݂ܬܬ݂܂ 9܂2 ܝܬܒ݂ܬ݁ ܘܐܡ݁ܪܐ ܗܘܬ܂ ܕܗܢܐ ܓܒܪܐ ܐܘ
178:16	ܐܠܗܐ ܗܘ ܐܘ ܫܠܝܚܐ ܕܐܠܗܐ܂ ܐܢܐ ܓܝܪ ܫܡ݁ܥܬܗ
178:17	ܥܒ݂ܪܐܝܬ ܡܕܡ ܕܐܡ݂ܪ ܠܗܘ ܫ݂݁ܩܝܐ܂ ܘܒܗ݀ ܒܫܥܬܐ
178:18	ܓ݂ܕܫ ܠܗ܂ ܐܡ݂ܪ ܠܗ ܓܝܪ܃ ܕܐܚܙܝܗ݀ ܠܐܝ݂ܕܐ ܕܡܚܬܢܝ܃
178:19	ܟܕ ܓܪܝܪ ܠܗ݀ ܟܠܒܐ܂ ܘܗܐ ܚܙ݂ܝܬܘܢ ܐܝܟܢܐ ܓܪܗ݀
178:20	ܟܠܒܐ܂ ܘܡܢܗܘܢ ܗܝܡܢܘ ܠܙܡ݂݁ܪܬܐ݂܂ ܘܡܢܗܘܢ ܠܐ
178:21	ܡܗܝܡܢܝܢ ܗܘܘ܂ 9܂3 ܡ݁ܠܟܐ ܕܝܢ ܟܕ ܛܒ݂ܐ ܗܢܐ ܫܡ݂ܥ܃
178:22	ܐܬ݂ܐ ܘܐܡ݂ܪ ܠܗ ܠܝܗܘܕܐ܂ ܬܐ ܥܡܝ݂ ܘܨ݁ܠܐ ܥܠ ܒܪܬܝ܂
179:01	ܡܛܠ ܕܝܚܝܕܝܬܐ ܗܝ ܠܝ܂ ܘܝܘܡܢܐ ܡܬܩܢ ܐܢܐ ܠܗ݀܂
179:02	ܘܠܐ ܨ݂ܒܐ ܕܢܐܙܠ ܥܡܗ݂܂ ܡܛܠ ܕܠܐ ܥܕܟܝܠ ܐܬܚܙܝ
179:03	ܗܘܐ ܠܗ ܡܪܢ ܒܗ݀ܘ ܐܬܪܐ ܀ ܡ݁ܠܟܐ ܕܝܢ ܒܩܛܝܪܐ
179:04	ܐܘܒܠܗ ܠܒܝܬ ܓܢܘܢܐ܂ 10܂1 ܘܫ݂݁ܪܝ ܗܘܐ ܕܢܨ݁ܠܐ ܘܢܐܡܪ
179:05	ܗܟܢܐ܂ ܡܪܢ ܠܘܝܐ ܕܥ̈ܒ݂ܕܘܗܝ܂ ܘܗ݂ܕܝܐ ܘܡܕܒܪܢܐ
179:06	ܕܐܝܠܝܢ ܕܡܗܝܡܢܝܢ ܒܗ܂ ܘܒܝܬ ܓܘܣܐ ܘܢܝ݁ܚܐ ܕܐܠܝ̈ܨܐ̈
179:07	ܘܣܒܪܐ ܕܡ̈ܣܟܢܐ܃ ܘܦܪܘܩܐ ܕܡ̈ܚܝܠܐ܂ ܘܡܐܣܝܢܐ
179:08	ܕܢ̈ܦܫܬܐ ܟܪ̈ܝܗܬܐ܂ ܡܚܝܢܐ ܕܥ̈ܠܡܐ ܘܦܪܘܩܐ ܕܒܪ̈ܝܬܐ݂܂
179:09	ܐܢܬ ܗܘ ܕܝ݁ܕܥ ܐܢܬ ܐܝܠܝܢ ܕܥܬܝ̈ܕܢ܂ ܘܒܢ ܓܡ݁ܪ ܐܢܬ

179:10	ܠܗܝܢ܂ ܐܢܬ ܗܘ ܡܚܘܝܢܐ ܕܪ̈ܐܙܐ ܟ̈ܣܝܐ܂ ܘܡܓܠܝܢܐ

179:11	ܕܡ̈ܠܐ ܣܬܝܪ̈ܬܐ܂ ܐܢܬ ܗܘ ܢܨܘܒܗ ܕܐܝܠܢܐ ܛ݁ܒܐ܂
179:12	ܘܒܐܝ݂̈ܕܝܟ ܟܠܗܘܢ ܥ݁ܒ̈ܕܐ ܗ݂ܘܘ܂ ܐܢܬ ܗܘ ܕܟܣ݂ܝܬ
179:13	ܒܟܠܗܘܢ ܥ݁ܒ̈ܕܝܟ ܘܡܬܝܕܥ ܐܢܬ ܒܣܘܥܪ̈ܢܝܗ݀ܘܢ܂
179:14	10܂2 ܝܫܘܥ ܒܪܐ ܡܫܠܡܢܐ ܕܪ̈ܚܡ݂ܐ ܡ̈ܫܠܡܢܐ܃ ܘܗ݂ܘܝܬ
179:15	ܡܫܝܚܐ ܘܠܒ݂ܫܬ ܠܒܪܢܫܐ ܩܕܡܝܐ܂ ܐܢܬ ܗܘ
179:16	ܚܝܠܐ ܘܚܟܡܬܗ܃ ܘܡܕܥܗ ܘܨܒܝܢܗ ܘܢܝ݁ܚܗ ܕܐܒܘܗܝ܃
179:17	ܕܟܣ݂ܝܬ ܒܗ ܒܫܘܒܚܐ ܘܓܠ݂ܝܬ ܒܗ ܒܥܒܘܕܘܬܟ܂ ܘܚܕ
179:18	ܐܢܬܘܢ ܒܬܪ̈ܝܢ ܫ̈ܡܗܝܢ܂ 10܂3 ܘܐܬܚ݂ܙܝܬ ܐܝܟ ܡܚܝܠܐ݂܂
179:19	ܘܣܒ݂ܪܘ ܥܠܝܟ ܚ̈ܙܝܝܟ܂ ܕܒܪܢܫܐ ܐܢܬ ܕܣܢܝܩ ܥܠ
179:20	ܥܘܕܪܢܐ܂܂ ܘܚܘܝܬ ܫܘܒܚܐ ܕܐܠܗܘܬܟ ܒܢ݂ܐܓܪܬ
179:21	ܪܘܚܟ ܥܡ ܐܢܫܘܬܢ܂ ܟܕ ܣܚ݂ܦܬܝܗܝ ܠܒܝ݂ܫܐ ܡܢ