The Comprehensive Aramaic Lexicon

06:01	ܘܡܠܟܐ ܐܢܛܝܘܟܘܣ ܡܗܠܟ ܗܘܐ ܒܐܬܪ̈ܘܬܐ ܕܒܝܬ ܓ̈ܠܝܐ ܘܫܡܥ ܕܐܝܬ ܥܝܠܡ ܒܦܪܣ ܡܕܝܢܬܐ ܡܫܒܚܬܐ ܘܥܬܝܪܐ ܒܣܐܡܐ ܘܒܕܗܒܐ܂
06:02	ܘܒܝܬ ܦܬܟܪ̈ܐ ܕܒܗ ܥܬܝܪ ܗܘܐ ܛܒ ܘܬܡܢ ܣܟܪ̈ܐ ܕܕܗܒܐ ܘܫܪܝܢܐ ܘܙܝ̈ܢܐ ܕܫܒܩ ܬܡܢ ܐܠܟܣܢܕܪܘܣ ܒܪ ܦܝܠܝܦܘܣ ܡܠܟܐ ܡܩܕܘܢܝܐ ܗܘ ܕܐܡܠܟ ܗܘܐ ܠܘܩܕܡ ܒܝܘ̈ܢܝܐ܂
06:03	ܘܐܬܐ ܗܘܐ ܘܒܥܐ ܗܘܐ ܠܡܐܚܕܗ ܠܡܕܝܢܬܐ ܘܠܐ ܐܫܟܚ ܡܛܠ ܕܐܫܬܡܥܬ ܡܠܬܐ ܠܒ̈ܢܝ ܡܕܝܢܬܐ܂
06:04	ܘܐܪܥܘܗܝ ܒܩܪܒܐ ܘܥܪܩ ܘܫܩܠ ܡܢ ܬܡܢ ܒܟܪܝܘܬܐ ܪܒܬܐ ܠܡܗܦܟ ܠܒܒܠ܂
06:05	ܘܐܬܐ ܠܗ ܐܢܫ ܡܣܒܪܢܐ ܠܦܪܣ ܕܐܬܬܒܪ ܡܫܪ̈ܝܬܐ ܗܠܝܢ ܕܐܙܠ ܠܐܪܥܐ ܕܝܗܘܕܐ܂
06:06	ܘܐܙܠ ܠܘܣܝܐ ܒܚܝܠܐ ܥܫܝܢܐ ܩܕܡܝܬ܂ ܘܐܬܬܒܪ ܩܕܡ ܐܦܝ̈ܗܘܢ ܘܐܬܚܝܠܘ ܒܙܝܢܐ ܘܒܚܝܠܐ ܘܒܒܙܬܐ ܣܓܝܐܬܐ ܕܢܣܒܘ ܡܢ ܡܫܪ̈ܝܬܐ ܕܚܪܒܘ܂
06:07	ܘܥܩܪܘ ܛܡܐܐ ܕܒܢܝܬ ܥܠ ܡܕܒܚܐ ܕܒܢܝܬ ܒܐܘܪܫܠܡ ܘܒܢܘ ܡܕܒܚܐ ܘܩܘܕܫܐ ܐܝܟ ܕܡܢ ܩܕܝܡ ܘܐܬܟܪܟܘ ܫܘܪ̈ܐ ܪ̈ܡܐ ܘܒܝܬ ܫܘܪ̈ܐ ܕܡܕܝܢܬܐ܂
06:08	ܘܗܘܐ ܕܟܕ ܫܡܥ ܡܠܟܐ ܡ̈ܠܐ ܗܠܝܢ ܬܘܪ ܘܐܬܙܝܥ ܛܒ ܘܢܦܠ ܥܠ ܥܪܣܐ ܘܢܦܠ ܒܬܫܢܝܩܐ ܡܢ ܟܪܝܘܬܗ ܡܛܠ ܕܠܐ ܗܘܐ ܠܗ ܐܝܟܢܐ ܕܡܬܪܥܐ ܗܘܐ܂
06:09	ܘܗܘܐ ܬܡܢ ܝܘܡ̈ܬܐ ܣܓܝܐ̈ܐ ܡܛܠ ܕܐܬܚܕܬܬ ܥܠܘܗܝ ܟܪܝܘܬܐ ܪܒܬܐ ܘܐܬܪܥܝ ܕܡܐܬ܂
06:10	ܘܩܪܐ ܠܟܠܗܘܢ ܪ̈ܚܡܘܗܝ ܘܐܡܪ ܠܗܘܢ ܦܪܕܬ ܡܢ ܥ̈ܝܢܝ ܫܢܬܐ ܘܢܦܠܬ ܒܠܒܝ ܨܦܬܐ܂
06:11	ܘܐܡܪܬ ܒܠܒܝ ܥܕܡܐ ܠܐܝܢܐ ܐܘܠܨܢܐ ܐܬܝܬ ܘܡܚܫܘܠܐ ܗܢܐ ܪܒܐ ܕܐܢܐ ܒܗ ܡܛܠ ܕܒܣܝܡܐ ܗܘܝܬ ܘܪܚܝܡܐ ܒܫܘܠܛܢܝ܂
06:12	ܗܫܐ ܡܬܕܟܪ ܐܢܐ ܒܝܫ̈ܬܐ ܐܝܠܝܢ ܕܥܒܕܬ ܒܐܘܪܫܠܡ ܘܢܣܒܬ ܟܠܗܘܢ ܡܐ̈ܢܐ ܕܣܐܡܐ ܘܕܕܗܒܐ ܐܝܠܝܢ ܕܐܝܬ ܗܘܘ ܒܗ ܘܫܕܪܬ ܠܡܥܩܪ ܠܥܡܘܪ̈ܐ ܕܝܗܘܕ ܣܪܝܩܐܝܬ܂
06:13	ܝܕܥܬ ܕܡܛܠ ܗܠܝܢ ܐܕܪܟܢܢܝ ܒܝܫ̈ܬܐ ܗܠܝܢ ܘܗܐ ܐܒܕ ܐܢܐ ܒܟܪܝܘܬܐ ܪܒܬܐ ܒܐܪܥܐ ܢܘܟܪܝܬܐ܂
06:14	ܘܩܪܐ ܠܦܝܠܝܦܘܣ ܚܕ ܡܢ ܪ̈ܚܡܘܗܝ ܘܐܩܝܡܗ ܥܠ ܟܘܠܗ ܡܠܟܘܬܗ܂
06:15	ܘܝܗܒ ܠܗ ܬܓܗ ܘܠܒܘܫܗ ܘܥܙܩܬܗ ܠܡܣܩܘ ܠܒܪܗ ܐܢܛܝܟܘܣ ܘܢܕܒܪܝܘܗܝ ܕܢܡܠܟ܂
06:16	ܘܡܝܬ ܬܡܢ ܐܢܛܝܘܟܘܣ ܒܫܢܬ ܡܐܐ ܘܐܪܒܥܝܢ ܘܬܫܥ܂
06:17	ܘܝܕܥ ܠܘܣܝܐ ܕܡܝܬ ܠܗ ܡܠܟܐ ܘܐܩܝܡ ܠܐܢܛܝܟܘܣ ܒܪܗ ܕܢܡܠܟ ܚܠܦܘܗܝ ܠܗܘ ܕܪܒܝ ܡܢ ܛܠܝܘܬܗ ܘܩܪܐ ܫܡܗ ܐܘܦܛܘܪ܂
06:18	ܘܕܡܢ ܚܣ̈ܢܐ ܐܠܨܝܢ ܗܘܘ ܠܐܝܣܪܝܠ ܡܢ ܚܕܪ ܒܝܬ ܡܩܕܫܐ ܘܒܥܝܢ ܗܘܘ ܒܝܫܬܐ ܒܟܠܙܒܢ܂
06:19	ܘܐܬܪܥܝ ܠܡܥܩܪ ܐܢܘܢ ܘܐܦܩ ܠܟܠܗ ܥܡܐ ܕܢܐܙܠܘܢ ܢܚܒܫܘܢ ܐܢܘܢ܂
06:20	ܘܐܬܟܢܫܘ ܐܟܚܕܐ ܘܫܪܘ ܥܠܝܗ ܒܫܢܬ ܡܐܐ ܘܚܡܫܝܢ ܫ̈ܢܝܢ ܘܥܒܕܘ ܥܠܝܗܘܢ ܩܫܬ ܙܝܪ̈ܐ ܘܡܟܢ̈ܘܬܐ܂
06:21	ܘܢܦܩܘ ܡܢܗܘܢ ܡܢ ܚܒܘܫܝܐ ܘܢܦܩܘ ܐܢܫܐ ܪ̈ܫܝܥܐ ܡܢ ܐܝܣܪܐܝܠ܂
06:22	ܘܐܙܠܘ ܠܘܬ ܡܠܟܐ ܘܐܡܪܝܢ ܠܗ ܥܕܡܐ ܠܐܡܬܝ ܠܐ ܬܥܒܕ ܕܝܢܐ ܘܬܒܥܬܐ ܕܐܚ̈ܝܢ܂
06:23	ܚܢܢ ܨܒܝܢ ܠܡܦܠܚ ܠܐܒܘܟ ܘܠܡܐܙܠ ܒܬܪ ܐܝܠܝܢ ܕܡܢܗ ܡܬܐܡܪ̈ܢ ܘܠܡܬܢܩܦܘ ܠܦܘܩ̈ܕܢܘܗܝ܂
06:24	ܘܝܬܒܝܢ ܗܘܘ ܥܠܝܗ ܒܢ̈ܝ ܥܡܢ ܡܛܠ ܗܠܝܢ ܘܡܬܢܙܪܝܢ ܗܘܘ ܡܢܢ ܒܪܡ ܕܝܢ ܐܝܠܝܢ ܕܡܫܟܚܝܢ ܗܘܘ ܡܢܢ ܡܩܛܠܝܢ ܗܘܘ ܘܝܪܬܘܬܢ ܡܬܚܛܦܐ ܗܘܬ܂
06:25	ܘܠܐ ܗܘܐ ܥܠܝܢ ܒܠܚܘܕ ܐܘܫܛܘ ܐܝ̈ܕܝܐ ܐܠܐ ܐܦ ܥܠ ܟܠܗܘܢ ܬܚܘ̈ܡܝܗܘܢ܂
06:26	ܘܗܐ ܝܘܡܢܐ ܫܪܝܢ ܥܠ ܚܣܢܐ ܕܒܐܘܪܫܠܡ ܕܢܟܒܫܘܢܗ ܘܒܝܬ ܡܩܕܫܐ ܘܒܝܬ ܫܘܪܐ ܕܢܥܫܢܘܢ܂
06:27	ܘܐܠܐ ܡܕܪܟܝܢ ܐܢܬܘܢ ܠܗܘܢ ܒܥܓܠ ܕܒܝ̈ܫܢ ܡܢ ܗܠܝܢ ܢܥܒܕܘܢ ܘܠܐ ܬܫܟܚܘܢ ܠܡܟܒܫ ܐܢܘܢ܂
06:28	ܘܪܓܙ ܡܠܟܐ ܟܕ ܫܡܥ ܘܟܢܫ ܠܟܠܗܘܢ ܪ̈ܚܡܘܗܝ ܪ̈ܫܐ ܕܚܝܠܘܬܐ ܕܡܢ ܝܘܢ܂
06:29	ܘܡܢ ܡܠܟܘ̈ܬܐ ܐܚܪ̈ܢܝܬܐ ܘܡܢ ܓܙܪ̈ܬܐ ܕܝܡܐ ܘܐܬܘ ܠܘܬܗܘܢ ܚܝܠܘ̈ܬܐ ܕܐܓܝܪܝܢ܂
06:30	ܘܐܝܬܘܗܝ ܗܘܐ ܡܢܝܢܐ ܕܚܝܠܗ ܡܐܐ ܐ̈ܠܦܝܢ ܪ̈ܓܠܝܝܢ ܘܥܣܪܐ ܐ̈ܠܦܝܢ ܦܪ̈ܫܝܢ ܘܦܝ̈ܠܐ ܬܠܬܝܢ ܘܬܪܝܢ ܝܕܥ̈ܝ ܩܪܒܐ܂
06:31	ܘܐܬܘ ܒܐܘܪܚܐ ܕܐܕܘܡ ܘܫܪܘ ܒܝܬ ܫܘܪܐ ܘܐܬܟܬܫܘ ܝܘܡ̈ܬܐ ܣܓܝܐܐ ܘܥܒܕܘ ܡܐܟܢ̈ܘܬܐ ܘܢܦܩܘ ܘܐܘܩܕܘ ܐ̈ܢܝܢ ܒܢܘܪܐ ܘܐܩܪܒܘ ܓܢܒܪܐܝܬ܂
06:32	ܘܐܫܩܠ ܝܗܘܕܐ ܡܢ ܚܣܢܐ ܘܫܪܐ ܒܝܬ ܙܟܪܝܐ ܠܘܩܒܠ ܡܫܪܝܬܐ ܕܡܠܟܐ܂
06:33	ܘܩܕܡ ܡܠܟܐ ܒܫܦܪܐ ܘܐܫܩܠ ܠܡܫܪܝܬܐ ܒܥܘܙܗ ܒܐܘܪܚܐ ܕܒܝܬ ܙܟܪܝܐ ܘܐܙܕܝܢܘ ܚܝ̈ܠܘܬܐ ܠܩܪܒܐ ܘܩܪܘ ܒܫܝܦܘܪ̈ܐ܂

06:34	ܘܠܦܝ̈ܠܐ ܚܘܝܘ ܕܡܐ ܕܥܢ̈ܒܐ ܘܕܬܘ̈ܬܐ ܐܝܟ ܕܢܩܝܡܘܢ‍{‍ ܕܢܩܝܡܘܢ‍}‍ ܐܢܘܢ ܒܩܪܒܐ܂

06:35	ܘܦܠܓܘ ܦܝ̈ܠܐ ܠܦܠܓܐ ܘܐܩܝܡܘ ܥܠ ܓܢܒ ܚܕ ܚܕ ܦܝܠܐ ܐܠܦ ܓܒܪ̈ܝܢ ܕܡܙܝܢܝܢ ܒܙܪܕܐ ܘܒܣܢܘ̈ܪܬܐ ܕܢܚܫܐ ܘܚܡܫܡܐܐ ܦܪ̈ܫܝܢ ܡܫܠܡܝܢ ܠܚܕ ܚܕ ܡܢܗܘܢ ܡܫܠܡܝܢ ܗܘܘ ܠܗܢܘܢ܂
06:36	ܗܠܝܢ ܡܢ ܩܕܡ ܙܒܢܐ ܕܐܝܟܐ ܕܗܘܐ ܦܝܠܐ ܬܡܢ ܢܗܘܘܢ ܘܐܝܟܐ ܕܐܙܠ ܐܙܠܝܢ ܗܘܘ ܘܠܐ ܦܪ̈ܩܝܢ ܗܘܘ ܡܢܗ܂
06:37	ܘܡ̈ܓܕܠܐ ܕܩܝ̈ܣܐ ܥܫ̈ܝܢܐ ܕܡܟܣܝܢ ܗܘܘ ܥܠ ܚܕ ܚܕ ܡܢ ܦܝ̈ܠܐ ܕܡܚܙܩܝܢ ܥܠܝܗܘܢ ܒܡܐܟܢܐ ܘܥܠ ܚܕ ܚܕ ܡܢܗܘܢ ܓܒܪ̈ܐ ܩܪ̈ܒܬܢܐ ܬܠܬܝܢ ܘܫܘܫܢܗ܂
06:38	ܘܫܪܟܐ ܕܦܪ̈ܫܐ ܡܟܐ ܘܡܟܐ ܐܩܝܡܘ ܥܠ ܬܪ̈ܝܗܘܢ ܓܒܝܗ ܕܡܫܪܝܬܐ ܢܩܫܝܢ ܗܘܘ ܒܙܝܢܗܘܢ ܒܦ̈ܠܓܐ܂
06:39	ܟܕ ܕܝܢ ܐܨܡܚ ܫܡܫܐ ܥܠ ܣܟܪ̈ܐ ܕܕܗܒܐ ܘܣܟܪ̈ܐ ܕܢܚܫܐ ܡܒܪܩܝܢ ܗܘܘ ܛܘܪ̈ܐ ܡܢܗܘܢ ܘܡܙܗܪܝܢ ܗܘܘ ܐܝܟ ܠܡܦܝ̈ܕܐ ܕܢܘܪܐ܂
06:40	ܘܐܬܡܬܚܘ ܡܢ ܡܫܪܝܬܐ ܕܡܠܟܐ ܡܢܗܘܢ ܥܠ ܛܘܪܐ ܪ̈ܡܐ ܘܡܢܗܘܢ ܥܠ ܪ̈ܟܢܐ ܘܐܬܝܢ ܗܘܘ ܙܗܝܐܝܬ ܟܕ ܣܕܝܪܝܢ ܗܘܘ܂
06:41	ܘܡܬܬܙܝܥܝܢ ܗܘܘ ܟܘܠ ܕܫܡܥܝܢ ܗܘܘ ܩܠܐ ܕܪܓܘܫܝܗܘܢ ܘܗܠܟܬܐ ܕܣܘܓܐܗܘܢ ܘܢܩܫܐ ܕܙܝܢܗܘܢ ܐܝܬܝܗ ܗܘܬ ܓܝܪ ܡܫܪܝܬܐ ܕܥܫܝܢܐ ܛܒ܂
06:42	ܘܩܪܒ ܝܗܘܕܐ ܘܡܫܪܝܬܗ ܠܩܪܒܐ ܘܢܦܠܘ ܡܢ ܡܫܪܝܬܐ ܕܡܠܟܐ ܫܬܡܐܐ ܓܒܪ̈ܝܢ܂
06:43	ܘܚܙܐ ܐܠܝܥܙܪ ܕܡܬܩܪܐ ܚܘܪܢ ܚܕ ܡܢ ܦܝ̈ܠܐ ܕܡܙܝܢ ܒܫܪܝܢܐ ܕܡܠܟܘܬܐ ܘܐܝܬܘܗܝ ܗܘܐ ܥܫܝܢ ܡܢ ܟܠܗܘܢ ܦܝ̈ܠܐ ܘܐܬܚܙܝ ܕܒܗ ܗܘ ܡܠܟܐ܂
06:44	ܘܝܗܒ ܢܦܫܗ ܠܡܚܝܘ ܠܥܡܗ ܘܕܢܥܒܕ ܠܢܦܫܗ ܫܡܐ ܠܥܠܡ܂
06:45	ܘܪܗܛ ܥܠܘܗܝ ܒܚܐܦܐ ܠܡܨܥܬ ܦܠܓܐ ܘܚܪܒ ܗܘܐ ܠܝܡܝܢܐ ܘܠܣܡܠܐ ܘܐܬܦܠܓܘ ܡܢ ܩܕܡܘܗܝ ܡܟܐ ܘܡܟܐ܂
06:46	ܘܥܠ ܬܚܝܬ ܦܝܠܐ ܘܕܩܪܗ ܘܩܛܠܗ ܘܢܦܠ ܥܠ ܐܪܥܐ ܥܠܘܗܝ ܘܡܝܬ ܬܡܢ܂
06:47	ܘܚܙܘ ܥܘܫܢܗ ܕܡܠܟܘܬܐ ܘܥܘܙܐ ܕܚܝܠܘ̈ܬܐ ܘܐܪܟܢܘ ܡܢܗܘܢ܂
06:48	ܘܡܢ ܡܫܪܝܬܐ ܕܡܠܟܐ ܣܠܩܝܢ ܗܘܘ ܠܐܘܪܥܗܘܢ ܠܐܘܪܫܠܡ ܘܫܪܐ ܡܠܟܐ ܒܝܗܘܕ ܘܒܛܘܪܐ ܕܨܗܝܘܢ܂
06:49	ܘܥܒܕ ܫܠܡܐ ܥܡ ܐܝܠܝܢ ܕܐܝܬ ܗܘܘ ܒܝܬ ܫܘܪܐ ܘܢܦܩܘ ܡܢ ܡܕܝܢܬܐ ܡܛܘܠ ܕܠܝܬ ܗܘܐ ܠܗܘܢ ܬܡܢ ܐܣܢܐ ܕܢܬܚܒܫܘܢ ܬܡܢ ܡܛܠ ܕܫܒܬܐ ܗܘܬ ܠܐܪܥܐ܂
06:50	ܘܐܚܕܗ ܡܠܟܐ ܠܒܝܬ ܫܘܪܐ ܘܐܩܝܡ ܬܡܢ ܡܛܪܬܐ ܠܡܛܪܗ܂
06:51	ܘܫܪܐ ܥܠ ܒܝܬ ܩܘܕܫܐ ܝܘܡ̈ܬܐ ܣ̈ܓܝܐܐ ܘܐܩܝܡ ܬܡܢ ܩܫܬܙܝܪ̈ܐ ܘܡܟܢ̈ܘܬܐ ܘܕܫܕܝܢ ܢܘܪܐ ܘܕܫܕܝܢ ܟܐ̈ܦܐ ܘܥܩܪ̈ܒܐ ܠܡܫܕܐ ܓܐܪ̈ܐ ܘܩ̈ܠܥܐ܂
06:52	ܘܥܒܕܘ ܐܦ ܗܢܘܢ ܡܟܢ̈ܘܬܐ ܠܘܩܒܠ ܡܟܢܘܬܗܘܢ ܘܐܩܪܒܘ ܝܘܡ̈ܬܐ ܣܓܝܐ̈ܐ܂
06:53	ܐܣܢܐ ܕܝܢ ܠܝܬ ܗܘܐ ܒܝܬ ܩܘܕܫܐ ܡܛܠ ܕܫܢܬܐ ܗܘܬ ܫܒܝܥܝܬܐ ܘܐܝܠܝܢ ܕܡܫܬܘܙܒܝܢ ܗܘܘ ܠܝܗܘܕ ܡܢ ܥܡ̈ܡܐ ܐܟܠܘܗܝ ܠܫܪܟܐ ܕܐܣܢܐ܂
06:54	ܘܐܫܬܚܪܘ ܒܝܬ ܩܘܕܫܐ ܐܢ̈ܫܐ ܙܥܘܪ̈ܐ ܡܛܠ ܕܥܫܢ ܗܘܐ ܟܦܢܐ ܥܠܝܗܘܢ ܘܐܬܒܕܪܘ ܟܘܠ ܐܢܫ ܠܐܬܪܗ܂
06:55	ܘܫܡܥ ܠܘܣܝܐ ܕܦܝܠܝܦܘܣ ܗܘ ܕܐܩܝܡ ܡܠܟܐ ܐܢܛܝܘܟܘܣ ܟܕ ܚܝ ܠܡܬܪܣܝܘ ܠܒܪܗ ܘܠܡܡܠܟܘܬܗ܂
06:56	ܐܗܦܟܗ ܡܢ ܦܪܣ ܘܡܢ ܡܕܝ ܘܚ̈ܝܠܘܬܐ ܕܐܙܠܘ ܥܡ ܡܠܟܐ ܥܡܗ ܘܕܒܥܐ ܗܘܐ ܨܒܘ̈ܬܐ ܕܢܐܚܘܕ܂
06:57	ܘܡܬܒ‍{‍‍{‍ܠܗ‍}‍‍}‍‍<‍‍<‍ܗܠ‍>‍‍>‍ܝܢ ܗܘܘ ܘܡܣܬܪܗܒܝܢ ܠܡܐܙܠ ܘܐܡܪܘ ܠܡܠܟܐ ܘܠܡܕܒܪ̈ܢܐ ܕܚܝܠܐ ܘܠܓܒܪ̈ܐ ܓܡܪܝܢ ܚܢܢ ܟܠܝܘܡ ܘܣܝܒܪܬܐ ܙܥܘܪܝܐ ܠܢ ܘܐܬܪܐ ܕܫܪܝܢܢ ܥܠܘܗܝ ܥܫܝܢ ܘܩܡ ܠܗܝܢ ܥܠܝܢ ܨܒܘ̈ܬܐ ܕܡܠܟܘܬܐ܂
06:58	ܗܫܐ ܢܬܠ ܝܡܝܢܐ ܠܓܒܪ̈ܐ ܗܠܝܢ ܘܢܥܒܕ ܥܡܗܘܢ ܫܠܡܐ ܘܥܡ ܟܘܠܗ ܥܡܗܘܢ܂
06:59	ܘܢܩܝܡ ܠܗܘܢ ܩܝܡܐ ܕܢܬܕܒܪܘܢ ܒܢܡ̈ܘܣܝܗܘܢ ܐܝܟ ܕܡܢ ܩܕܝܡ ܡܛܘܠ ܢܡ̈ܘܣܝܗܘܢ ܓܝܪ ܕܒܛܠܢ ܐܪܓܙܘ ܘܥܒܕܘ ܗܠܝܢ ܟܠܗܝܢ܂
06:60	ܘܫܦܪܬ ܡܠܬܐ ܩܕܡ ܡܠܟܐ ܘܩ‍<‍ܕ‍>‍ܡ ܡܕܒܪ̈ܢܐ ܘܫܕܪ ܠܘܬܗܘܢ ܕܢܫܝܢ ܐܢܘܢ ܘܩܒܠܘ܂
06:61	ܘܝܡܐ ܠܗܘܢ ܡܠܟܐ ܘܪ̈ܘܪܒܢܘܗܝ ܘܥܠ ܗܠܝܢ ܢܦܩܘ ܡܢ ܚܣܢܐ܂
06:62	ܘܥܠ ܡܠܟܐ ܠܛܘܪܐ ܕܨܗܝܘܢ ܘܚܙܐ ܚܣܢܗ ܕܐܬܪܐ ܗܘ ܘܟܕܒ ܒܡܘܡܬܐ ܕܝܡܐ ܘܦܩܕ ܘܣܬܪܘܗܝ ܠܫܘܪܐ ܟܕ ܚܕܪ܂
06:63	ܘܫܩܠ ܡܣܪܗܒܐܝܬ ܘܗܦܟ ܠܐܢܛܝܘܟܝ ܘܐܫܟܚ ܠܦܝܠܝܦܘܣ ܕܐܫܬܠܛ ܒܡܕܝܢܬܐ ܘܐܩܪܒ ܥܡܗ ܘܢܣܒܗ ܠܡܕܝܢܬܐ܂