The Comprehensive Aramaic Lexicon

008:01	ܡܠܠ܂ ܘܠܫܢܝ ܩܢܝܗ ܕܣܦܪܐ܂ ܡܕܝܢ ܢܒܝܐ ܗܘܐ ܕܘܝܕ܂ ܐܝܟ ܕܐܦ
008:02	ܦܬܪܘܣ ܣ݁ܗܕ܀
008:03	‍{‍ܚ‍}‍
008:04	ܘܙ݁ܕܩ ܠܡܕܥ ܕܟܠܗܘܢ ܡܙܡܘܪ̈ܘܗܝ ܡܢ ܛܝܒܘܬܐ ܕܪܘܚܐ
008:05	ܕܩܘܕܫܐ ܐܬܡܠܠܘ܂ ܐܠܐ ܡܢܗܘܢ ܡ݁ܢ ܒܡܘܗܒܬܐ ܕܢܒܝܘܬܐ܂
008:06	ܗܢܘ܂ ܐܝܠܝܢ ܕܥܠ ܥܬܝ̈ܕܬܐ ܡܡܠܠܝܢ܃ ܕܡܝܬܪܝܢ ܒܗܘܢ
008:07	ܘܪܘܪ̈ܒܝܢ܃ ܗ݀ܢܘܢ ܕܥܠ ܡܫܝܚܐ܂ ܡܢܗܘܢ ܕܝܢ ܕܚܟܡܬܐ܃
008:08	ܐܝܟ ܛܘܒܘܗܝ ܠܓܒܪܐ܃ ܘܠܐ ܬܚܣܡ܃ ܘܫܡܥܘ ܗܕܐ
008:09	ܘܡܢܗܘܢ ܒܡܘܗܒܬܐ ܕܡܠܦܢܘܬܐ܂ ܗܢܘ܂ ܗ݀ܢܘܢ ܕܥܠ ܢܦܫܗ܃
008:10	ܡܛܠ ܪܕܝܦܘܬܗ ܕܡܢ ܫܐܘܠ ܘܐܒܫܠܘܡ ܘܕܫܪܟܐ܂ ܘܣܟܐ܃
008:11	ܟܠܚܕ ܡܕܡ ܝܬܝܪܐ ܘܦܪܝܫܐ ܩܢܐ ܥܠ ܚܒܪܗ ܘܡܢ ܚܒܪܗ܀
008:12	‍{‍ܛ‍}‍
008:13	ܘܡܬܒܥܝܐ ܕܠܡܘܢ ܠܐ ܣܕܝܪܝܢ ܒܛܟܣܗܘܢ ܡܙܡܘܪ̈ܐ
008:14	ܠܦܘܬ ܣܝܡܗܘܢ܃ ܐܠܐ ܡܩܕܡܝܢ ܘܡܫܘܚܪܝܢ܂ ܘܐܡܪܝܢܢ܃ ܕܠܘ
008:15	ܒܠܚܘܕ ܡܙܡܘܪ̈ܐ܃ ܐܠܐ ܐܦܠܐ ܦܣܘܩ̈ܐ ܕܢܒ̈ܝܐ ܟܠܗܘܢ

008:16	ܬܪ̈ܝܨܝܢ ܒܛܟܣܐ ܠܦܘܬ ܡܬܐܡܪܢܘܬܗܘܢ܂ ܒܗ݀ܝ ܕܠܘ ܗ݂ܢܘܢ

008:17	ܢܒ̈ܝܐ ܟܬܒܘ ܟܬܒ̈ܝܗܘܢ݁ ܘܐܫܠܡܘ ܐܝܟ ܛܟܣܐ ܕܬܫ̈ܥܝܬܐ
008:18	ܘܕܡܠܦܢܘ̈ܬܐ܃ ܐܠܐ ܐܚܪ̈ܢܐ ܡܢ ܒܬܪܟܢ ܓܒܘ ܦܣܘܩ̈ܐ
008:19	ܕܢܒܝܘܬܗܘܢ ܘܐܨܚܘ ܘܣܡܘ ܒܟܬܒܐ܃ ܐܟܡܐ
008:20	ܕܐܫܟܚܘ܂ ܐܦܠܐ ܓܝܪ ܝܕܥܝܢ ܗܘܘ ܕܐܝܢܘ ܩܕܡܝܐ ܘܐܝܢܘ
008:21	ܐܚܪܝܐ܃ ܒܙܒܢܐ ܟܝܬ ܐܘ ܒܥܠܬܐ܂ ܘܐܦ ܠܐ ܒܚܕ ܙܒܢܐ
008:22	ܡܬܓܠܝܢ ܗܘܘ ܠܢܒ̈ܝܐ ܟܠܗܘܢ ܓܠܝ̈ܢܐ܃ ܐܠܐ ܒܙܒܢ ܙܒܢ ܘܥܠ
008:23	ܡܕܡ ܡܕܡ܂ ܬܘܒ ܕܝܢ ܡܛܠ ܕܒܫܒ̈ܝܐ ܕܒܒ̈ܠܝܐ ܐܫܬܚܛܘ
008:24	ܘܐܨܛܪܝܘ ܘܝܩܕܘ ܟܬܒ̈ܐ ܟܠܗܘܢ ܕܢܒ̈ܝܐ܃ ܘܐܦ ܐܒܕܘ
008:25	ܦܣܘܩ̈ܐ ܣܓܝ̈ܐܐ ܘܠܐ ܩܢܝܢܢ ܝܕܥܬܗܘܢ܃ ܐܦܢ ܥܙܪܐ ܣܦܪܐ
008:26	ܒܬܪ ܦܘܢܝܐ ܐܨܚ ܘܣ݂ܡ ܐܢܘܢ ܐܝܟ ܕܐܬܚܟܡ ܡܢ ܛܝܒܘܬܐ܂
008:27	ܥܠ ܗܕܐ ܫܘܚܠܦܐ ܕܙܒܢܐ݁ ܐܝܬ ܒܗܘܢ܃ ܐܝܟ ܕܐܦ
008:28	ܒܡܙܡܘܪ̈ܐ ܚܙܝܢܢ܃ ܕܩܕܝܡ ܗ݀ܘ ܕܡܐܐ ܘܬܠܬܝܢ ܘܬܫܥ܂ ܗܢܘ܂
008:29	ܦܨܢܝ ܡܪܝܐ ܡܢ ܒܪܢܫܐ܃ ܠܗ݀ܘ ܕܫܬ܂ ܗܢܘ܂ ܡܪܝܐ ܠܐ ܒܪܘܓܙܟ܃