The Comprehensive Aramaic Lexicon

028:01	ܠܡ ܠܐ ܣܝܡܐ ܥܠ ܪܩܝܥܐ܃ ܒܕܠܐ ܥܕܟܝܠ ܒܪܝܢ
028:02	ܗܘ݂ܘ ܢܗܝܪ̈ܐ ܐܝܠܝܢ ܕܨܒܬܗ ܐܢܘܢ ܘܫܘܦܪܗ܂

028:03	ܐܚܪ̈ܢܐ܃ ܕܛܥܘܢܐ ܗ݂ܘ ܠܡ ܕܟܬܘܒܐ ܘܕܡܦܩܢܐ ܀

028:04	ܘܙ݁ܕܩ ܕܢܕܥ ܕܐܘܪܓܢܝܣ ܩܕܡܝܬ ܘܟܢ ܒܣܝܠܝܘܣ
028:05	ܘܐܚܪ̈ܢܐ ܠܡ̈ܝܐ ܕܠܥܠ ܡ݂ܢ ܪܩܝܥܐ ܚܝܠܘ̈ܬܐ ܪ̈ܘܚܢܐ
028:06	ܐ݁ܡܪܝܢ ܕܐܝܬܝܗܘܢ܂ ܡܛܠ ܕܦܠܬܢܐܝܬ ܦܫܩ ܐܘܪܓܢܝܣ
028:07	ܠܟ̈ܬܒܐ܃ ܐܦ ܠܗܕܐ ܗܟܘܬ ܐܣܬܟܠ܂ ܘܡܛܠ ܕܐܫܟܚ
028:08	ܕܡܬܝܠܝܢ ܒܢܝܢܫܐ ܒܡܝ̈ܐ܃ ܐܝܟ ܗ݀ܝ ܕܢܣܩ ܥܠܝܗܘܢ
028:09	ܡܪܝܐ ܡܝ̈ܐ ܕܢܗܪ̈ܘܬܐ ܣܓܝ̈ܐܐ ܘܥܫܝ̈ܢܐ܃ ܠܡܠܟܐ
028:10	ܕܐܬܘܪ ܘܠܟܠܗ ܚܝܠܗ܃ ܪܢܐ ܦܛܥܐܝܬ ܕܐܦ ܗܠܝܢ
028:11	ܕܠܥܠ ܡ݂ܢ ܫܡܝܐ ܟܝ̈ܢܐ ܐܢܘܢ ܪ̈ܘܚܢܐ܃ ܥܠ ܕܐܡܝܪ
028:12	ܥܠܝܗܘܢ ܕܡ̈ܝܐ ܕܠܥܠ ܡ݂ܢ ܫܡܝܐ ܢܫܒܚܘܢ ܠܫܡܗ
028:13	ܕܡܪܝܐ܂ ܘܠܐ ܐܬܒܝܢܘ ܛܥ̈ܝܐ ܕܒܢܝܢܫܐ ܠܘ ܒܠܚܘܕ
028:14	ܒܡܝ̈ܐ ܐܬܡܬܠܘ܃ ܐܠܐ ܐܦ ܒܐܪ̈ܝܘܬܐ ܘܒܬܥ̈ܠܐ
028:15	ܘܒܢܫܪ̈ܐ ܘܒܕܫܪܟܐ܃ ܡܠܐ̈ܟܐ ܕܝܢ ܘܠܐ ܟܠ ܟܠܗ܂
028:16	ܘܬܘܒ ܟܬܒܐ ܡܠܦ ܕܒܝܬ ܡܝ̈ܐ ܠܡܝ̈ܐ ܦ݂ܪܫ ܪܩܝܥܐ ܀
028:17	ܘܙ݁ܕܩ ܕܢܕܥ ܕܠܥܠ ܡ݂ܢ ܪܩܝܥܐ ܚܫܘܟܐ ܠܐ ܚ݁ܫܚ ܐܠܐ
028:18	ܢܘܗܪܐ ܐܫܝܕܐ ܀
028:19	‍[‍v݁ 9‍]‍ ܢܬܟܢܫܘܢ ܡܝ̈ܐ ܕܠܬܚܬ ܡ݂ܢ ܫܡܝܐ܂ ܘܬܬܚܙܐ
028:20	ܝܒܝܫܬܐ܂ ܠܡܝ̈ܐ ܗ݀ܢܘܢ ܕܦܫܘ ܒܐܪܥܐ ܦܩܕ ܗܫܐ
028:21	ܕܢܬܟܢܫܘܢ ܠܚܕ ܣܛܪܐ܃ ܕܢܚܘܐ ܕܗ݂ܘܝܘ ܝܗܘܒܐ
028:22	ܕܐܪܥܐ ܘܡܝ̈ܐ܃ ܕܩܕܡܝܬ ܒ݂ܪܐ ܐܢܘܢ ܒܫܬܩܐ ܐܝܟ
028:23	ܡܠܘܐܐ ܕܠܐ ܡܨܒܬ ܘܟܢ ܨܒܬ ܐܢܘܢ ܐܝܟ ܕܨܒ݂ܐ܂
028:24	ܘܡܬܒܥܝܐ ܕܠܡܘܢ ܐܡ݂ܪ ܕܢܬܟܢܫܘܢ ܠܐܬܪܐ ܚܕ܃
028:25	ܟܕ ܡܝ̈ܐ ܒܕܘܟܝ̈ܬܐ ܣܓܝ̈ܐܬܐ ܐܝܬ܂ ܒܪܡ ܗ݀ܝ ܕܐܬܪܐ
028:26	ܚܕ ܣܝܡܐ ܡܛܠ ܦܪܝܫܘܬܗܘܢ ܕܠܝܡܐ ܐܘܟܝܬ
028:27	ܠܝܡ̈ܡܐ ܕܐܝܬܝܗܘܢ ܠܗܘܢ ܐܬܪܐ܂ ܢܬܟܢܫܘܢ ܠܡ
028:28	ܠܐܬܪܐ ܚܕ ܕܝܡܡ̈ܝܗܘܢ܂ ܐܦ ܓܝܪ ܠܝܡ̈ܡܝܗܘܢ
028:29	ܒܫܡܐ ܕܚܕ ܝܡܐ ܚܕܢܐܝܬ ܩܪܝܢܢ܃ ܘܠܬܗܘܡܐ ܬܘܒ
028:30	ܬܗ̈ܘܡܝܗܘܢ܂ ܘܝܕܝܥܐ ܕܗ݀ܝ ܕܐܬܪܐ ܚܕ ܥܠ
028:31	ܐܬܪ̈ܘܬܗܘܢ ܕܡܝ̈ܐ ܡܫܬܩܠܐ ܘܥܠ ܟܢܝܫܘܬܗܘܢ܃