← Back
The Comprehensive Aramaic Lexicon
← Return to the Text Browser
click on the file description for more information

63101: IshGen (Ishodad of Merv on Genesis)

Click on a word for lexical analysis
Click on a red-colored coordinate for comments and/or translations of the line

previous chapter


035:01 ܘܕܫܪܟܐ܂ ܦܠܓ ܐܢܘܢ ܠܡ̈ܝܐ ܒܝܘܡܐ ܕܬܪ̈ܝܢ ܠܬܠܬ
035:02 ܡܢܘ̈ܢ܃ ܗܟܘܬ ܘܠܢܘܗܪܐ ܗ݀ܘ ܐܫܝܕܐ ܦܠܓ ܠܬܠܬ
035:03 ܡܢܘ̈ܢ܂ ܟܕ ܣܘܓܐܐ ܕܕܟܝܘܬܗ ܕܢܘܗܪܐ ܠܫܡܫܐ
035:04 ܝܗܒܗ݀܃ ܗܢܐ ܕܐܦ ‍[‍ܢܗܘܪܐ‍]‍ ܪܒܐ ܩܪܝܗܝ܂ ܘܠܡܢܬܐ

035:05 ܡܨܥܝܬܐ ܘܬܛܝܪܬܐ ܩܒܥܗ݀ ܒܐܣܦܝܪ ܣܗܪܐ܃ ܗ݀ܘ

035:06 ܕܢܗܝܪܐ ܙܥܘܪܐ ܟܢܝܗ܂ ܘܠܬܠܝܬܝܬܐ ܘܙܥܘܪܬܐ ܦܠܓܗ݀
035:07 ܠܟܘܟ̈ܒܐ ܘܠܓܐܠܛܘܣ܂ ܗܢܘ܂ ܫܒܝܠ ܬܒܢ̈ܐ܃ ܕܒܗܘܢ
035:08 ܠܫܡܝܐ ܨܒܬ܃ ܟܕ ܐܦ ܒܗܘܢ ܡܫܬܟܚܝܢ ܣܓ̈ܝܐ ܃
035:09 ܢܘܗܪܐ ܘܙܥܘܪ̈ܝ ܢܘܗܪܐ܂ ܫܡܫܐ ܓܝܪ ܫܡܐ ܗ݂ܘ
035:10 ܕܓܘܐ ܕܡܟܪܙ ܥܠ ܢܘܗܪܐ ܘܢܘܪܐ ܘܐܐܪ܃ ܒܕ ܓܠܝܐ
035:11 ܕܢܘܗܪܐ ܕܠܒܪ ܡ݂ܢ ܫܡܫܐ ܗ݀ܘ ܕܡܢܗ ܡܬܝܠܕ ܠܘ
035:12 ܫܡܫܐ ܗ݂ܘ܂ ܢܘܗܪܐ ܓܝܪ ܕܫܡܫܐ ܡܫܬܡܗ ܐܝܟ
035:13 ܕܣ݁ܗܕ ܬܐܘܠܘܓܘܣ܃ ܕܡ݂ܢ ܩܕܝܡ ܠܡ ܗܘܠܐ ܩܕܡ
035:14 ܩܝܡ ܒܟܠܗܘܢ ܣܘܥܪ̈ܢܐ ܕܒܪܐ ܗܘ݂ܐ ܘܟܢ ܠܐܕܫܐ܃
035:15 ܬܢܢ ܕܝܢ ܨܝܕ ܫܡܫܐ ܠܐܕܫܐ ܥܒ݂ܕ ܒܩܕܡܐ ܘܟܢ
035:16 ܗܘܠܐ܂ ܐܕܫܐ ܗ݂ܘ ܓܝܪ ܕܫܡܫܐ ܢܘܗܪܐ܂ ܘܡܬܒܥܝܐ
035:17 ܕܒܐܝܢܐ ܥܕܢܐ ܐܬܦܠܓܘ ܢܗܝܪ̈ܐ܂ ܡܝܟܐܝܠ ܕܝܢ ܐܡ݁ܪ
035:18 ܕܒܡܥܪ̈ܒܝ ܫܡܫܐ ܕܡܥܠܝ ܐܪܒܥܒܫܒܐ܃ ܘܣܗܪܐ
035:19 ܐܬܬܣܝܡ ܒܡܕܢܚܐ ܟܕ ܐܝܬܘܗܝ ܒܪ ܚܡܫܬܥܣܪ
035:20 ܝܘܡ̈ܝܢ܃ ܘܫܡܫܐ ܒܡܥܪܒܐ ܒܪ ܐܪܒܥܐ ܝܘ̈ܡܝܢ܂
035:21 ܐܚܪ̈ܢܐ ܕܝܢ܂ ܕܒܥܕܢܐ ܠܡ ܕܨܦܪܐ ܐܬܦܠܓܘ܃ ܘܫܡܫܐ
035:22 ܐܬܬܣܝܡ ܒܡܕܢܚܐ ܘܣܗܪܐ ܒܡܥܪܒܐ܂ ܐܚܪ̈ܢܐ ܕܝܢ܂
035:23 ܕܟܠܗܘܢ ܠܡ ܟܕ ܐܬܬܩܢܘ ܒܡܕܢܚܐ ܐܬܬܣܝܡ܃
035:24 ܘܫܡܫܐ ܫܡܠܝ ܪܗܛܗ ܟܠܗ ܥܕܢܗ ܕܐܝܡܡܐ܃
035:25 ܣܗܪܐ ܕܝܢ ܥܠ ܕܘܟܬܗ ܢ݁ܛܪ ܗܘ݂ܐ ܥܕܡܐ ܠܪܡܫܐ
035:26 ܕܚܡܫܒܫܒܐ ܕܐܩܦ ܒܡܪܕܝܬܗ܂ ܒܪܡ ܕܝܢ ܐܝܟ ܕܚܢܝܐ
035:27 ܠܢܝܫܐ ܕܡܕܒܪܢܘܬܐ ܕܐܠܗܐ܃ ܗ݀ܝ ܕܡܪܝ ܡܝܟܐܝܠ ܝܬܝܪ
035:28 ܫܪܝܪܐ܃ ܒܗ݀ܝ ܕܐܦ ܝܗ̈ܘܕܝܐ ܡ݂ܢ ܪܡܫܐ ܦܩܝܕܝܢ ܗܘ݂ܘ
035:29 ܕܢܥܒܕܘܢܝܗܝ ܠܐܪܒܥܣܪܐ ܒܥܕܢܐ ܕܬܘܩܢܗ ܕܣܗܪܐ܂

next chapter