The Comprehensive Aramaic Lexicon

00100_70	ܬܲܝܬܸܐ ܨܠܽܘܬܵܟ ܡܸܛܪܵܐ ܘܛܲܠܠܵܐ ܠܥܵܠܡܵܐ ܕܝܼܒܸܫ܀
00100_71	ܐܝܟ ܕܣܡ݂ܟܬ݁ܢܝ ܬܣܡ݂ܘܟ ܠܐܪܥܐ ܕܐ݂ܠܝܨܐ ܡܪܝ܃
00100_72	ܘܲܠܛܘܽܪܵܦܵܗ݀ ܢܸܗܘܸܐ ܢܦܼܐܫܵܐ ܐܲܝܟ ܕܲܗܘܵܘ ܠܝܼ܀
00100_73	ܘܲܐܝܟ ܕܲܐܥܬܲܪ‍{‍^ܪ^‍}‍ܬܵܗ݀ ܠܸܐܡܵܐ ܒܲܒܪܵܗ ܟܲܕ ܝܲܗܼܒܬܲܝܗܝ ܠܵܗ݀܃
00100_74	ܠܫܲܢܼܬܵܐ ܬܸܬܸܠܝ ܡܸܠܬܵܟ ܢܝܼܣܵܢ ܕܲܡ݁ܠܸܐ ܛܘܽܒܸ̈ܐ܀
00100_75	ܬܡܝܼܗ ܒܲܥܒܝܼ̈ܕܵܬܸܗ ܘܲܒܨܸܒܘ̈ܵܬܸܗ܃
00100_76	ܘܲܒܣܽܘܥܪ̈ܵܢܲܘܗܝ ܕܲܟܡܵܐ ܪܵܡܝܼܢ ܡܸܢ ܕܲܟܝܵܢܵܐ܀
00100_77	ܘܕܲܟܡܵܐ ܩܢ݂ܵܐ ܗܼܘܵܐ ܦܲܐܪܼܪܣܝܼܵܐ ܨܹܝܕ ܐܲܠܵܗܵܐ܃
00100_78	ܘܲܐܝܟܲܢ ܐܸܫܟܲܚ ܢܸܫ݂ܪܸܐ ܘܢܸܐܣܽܘܪ ܡܵܪܵܢܵܐܝܼܬ܀
00100_79	ܢܲܦܫܸܗ ܫܦܝܼܬܵܐ ܗܘܵܬ̤ ܡܲܒ݁ܽܘܥܵܐ ܕܲܢܒܝܼܽܘܬܵܐ܃
00100_80	ܘܦ݁ܲܓܪܸܗ ܢܲܩܕܵܐ ܢܲܘܣܵܐ ܕܲܟܝܵܐ ܠܲܐܠܵܗܽܘܬܵܐ܀
00100_81	ܫܡܲܥ ܠܲܐܵܠܗܵܐ ܟܽܠ݁ܡܽܘܢ ܕܲܦܩܲܕ ܘܲܕܦܵܛܽܘܢܲܐ ܗܼܽܘ܃
00100_82	ܐܵܦ ܐܲܠܵܗܵܐ ܫܲܡܥܸܗ ܐܵܦ ܠܸܗ ܟܽܠ ܡܽܘܢ ܕܸܐܡܲܪ܀
00100_83	ܐܸܣ݂ܲܪ ܠܲܫܡܲܝܵܐ ܘܩܲܒܸܠ ܡܵܪܝܵܐ ܘܲܥܨܵܐ ܡܸܠ̈ܲܘܗܼܝ܃
00100_84	ܢܲܓܸ݁ܕ ܠܲܐܪܥܵܐ ܘܲܐܝܟ ܡܵܪܵܗ݀ ܗܘܵܐ ܟܲܕ ܥܲܒ݂ܕܵܐ ܗܼܘܵܐ܀
00100_85	ܒܚܲܝܲܬ ܡܝܼ̈ܬܸܐ ܒܥܵܐ ܘܸܐܬܚܲܫܲܚ ܐܵܝܟ ܥܵܒܽܘܕܵܐ܃
00100_86	ܕܵܐܪܵܐ ܠܡܲܘܬܵܐ ܢܚ݂ܸܬ ܓܲܢܒܵܪܵܐ ܘܲܙܟܵܐ ܘܲܣܠܸܩ܀
00100_87	ܐܲܒܲܥ ܩܲܡܚܵܐ ܘܲܐܣܓܝܼ ܡܸܫܚܵܐ ܕܠܵܐ ܒܲܟܝܵܢܵܐ܃
00100_88	ܒܡܸܠܬܸܗ ܥ݂ܒܵܕܵܐ ܘܲܒܦܽܘܩܕܵܢܸܗ ܒܪܝܼܬܵܐ ܚܲܘܝܼ܀
00100_89	ܣܥܲܪ ܚܲܕ̈ܬܵܬ݂ܵܐ ܘܲܬܡܝܼܗ̈ܵܬܵܐ ܒܸܝܬ ܐܲܪܡܲܠܬ݂ܵܐ܃
00100_90	ܘܫܲܡܠܝܼ ܪ̈ܵܐܙܸܐ ܕܥܲܬܝܼ̈ܕܵܬܵܐ ܢܲܗܝܼܪܵܐܝܼܬ܀
00100_91	ܚܪܝܼܒܵܐ ܒܪܝܼܬܵܐ ܘܫܲܕܝܵܐ ܠܟܲܦܢܵܐ ܘܗܽܘ ܡܸܬܥܲܙܲܙ܃
00100_92	ܫܓܝܼܪ ܒܲܛܢܵܢܵܐ ܘܲܡ݁ܠܸܐ ܚܸܡ݂ܬܵܐ ܥܲܠ ܪ̈ܲܫܝܼܥܸܐ܀
00100_93	ܗܲܝܕܸܝܢ ܡܵܪܝܵܐ ܕܲܡ݁ܠܸܐ ܪ̈ܲܚܡܸܐ ܥܲܠ ܐܼܢܵܫܽܘܬܵܐ܃
00100_94	ܕܵܠ ܒܸܗ ܚܢܵܢܵܐ ܕܢܲܪܘܲܚ ܠܲܐܪܥܵܐ ܕܲܐܠܝܼܨܵܐ ܗܼܘܵܬ̤܀
00100_95	ܥ݂ܨܵܐܘܽܗܼܝ ܪܲܚܡܲܘܗܼܝ ܕܲܡܬܘܽܡܵܐܝܼܬ ܐܝܼܬܲܝܗܽܘܢ ܒܸܗ܃
00100_96	ܕܢܲܚ݂ܸܐ ܠܒܝܼ̈ܫܸܐ ܘܲܠܟܵܦܽܘܪܸ̈ܐ ܟܲܕ ܠܵܐ ܫܵܘܸܝܢ܀
00100_97	ܠܥܲܒܕܸܗ ܛܵܒܵܐ ܕܢܸܥ݂ܨܸܐ ܒܡܸܕܸܡ ܠܵܐ ܨܵܒܸܐ ܗܼܘܵܐ܃
00100_98	ܘܲܕܢܸܬܸܠ ܗܼܘܵܐ ܡܸܛܪܵܐ ܘܛܲܐܠܵܐ ܬܘܽܒ ܒܵܥܸܐ ܗܼܘܵܐ܀
00100_99	ܢܒܝܼܵܐ ܝܲܩܝܼܪ ܥܲܠ ܐܲܠܵܗܵ ܘܠܐ ܥܵܨܸܐ ܠܸܗ
00101_00	ܘܟܲܦܢܵܐ ܪܲܒܵܐ ܚܲܪܒܵܗ݀ ܠܲܐܪܥܵܐ ܘܲܐܝܟܲܢ ܬܸܗܘܸܐ܀
00101_01	ܘܲܨܒܵܐ ܡܵܪܝܵܐ ܕܟܲܕ ܠܵܐ ܥܵܨܸܐ ܠܗܲܘ ܛܲܢܵܢܵܐ܃
00101_02	ܢܸܬܸܠ ܡܸܛܪܵܐ ܒܚܽܘܒܸܗ ܕܲܪܘܝܼܚ ܨܹܝܕ ܐܼܢܵܫܽܘܬܵܐ܀
00101_03	ܘܲܐܝܟ ܡܸܫܟܵܢܵܐ ܕܒܲܪ ܗܼܘܵܐ ܠܛܲܠܝܵܐ ܒܪܵܗ݀ ܕܲܐ݂ܪܡܲܠܬܵܐ܃
00101_04	ܕܡܵܐ ܕܫܵܩܸܠ ܠܸܗ ܢܸܬܸܠ ܐܵܦ ܗܽܘ ܩ̈ܠܝܼܕܸܐ ܕܲܢܣܲܒ܀
00101_05	ܐܲܪܡܝܼ ܫܠܲܕܵܐ ܥܲܡܸܗ ܒܒܲܝܬܵܐ ܕܡܵܐ ܕܫܵܡܲܥ ܗܼܘܵܐ܃
00101_06	ܩܵܠ ܝ̈ܲܠܠܵܬܵܐ ܬܸܪܥ݂ܲܡܝ ܢܲܦܫܸܗ ܥܲܠ ܐ̄ܢܵܫܽܘܬܵܐ
00101_07	ܥ݂ܲܒܕܸܗ ܐܵܦ ܠܸܗ ܡܵܪܸܐ ܐܸܒܠܵܐ ܕܼܐܝܬ ܠܸܗ ܡܝܼܬܵܐ܃
00101_08	ܘܲܛܥ݂ܸܡ ܟܸܐܒܵܐ ܒܗܲܘ݁ ܚܲܕ ܛܲܠܝܵܐ ܘܢܵܚ݂ ܥܲܙܝܼܙܵܐ܀
00101_09	ܟܲܕ ܫܵܐܸܠ ܗܼܘܵܐ ܢܲܦܫܸܗ ܕܡܝܼܬܵܐ ܡܸܢ ܐܲܠܵܗܵܐ܃
00101_10	ܐܸܬܪܲܟ݁ܲܟ ܗܼܘܵܐ ܕܵܐܦ ܗܽܘ ܢܲܪܚ݂ܸܡ ܥܲܠ ܫ̇ܵܐܘ̈ܽܠܸܐ܀
00101_11	ܠܟܽܠܵܗ݀ ܒܪܝܼܬܵܐ ܨܵܪ ܠܸܗ ܡܵܪܝܵܐ ܒܗܵܝ݁ ܐܲܪܡܲܠܬܵܐ܃
00101_12	ܘܟܲܕ ܒܵܟܝܵܐ ܗܼܘܵܬ̤ ܐܸܫܬܲܗܝܼ ܗܼܘܵܐ ܛܢܵܢܸܗ ܕܲܢܢܽܘܚ܀
00101_13	ܘܟܲܕ ܒܲܩܝܵܡܬܸܗ ܕܡܝܼܬܵܐ ܚܕܝܼ ܗܼܘܵܐ ܘܢܵܚ ܪܸܥܝܵܢܸܗ܃
00101_14	ܦܩܲܕ ܠܸܗ ܡܵܪܝܵܐ ܕܢܼܐܙ݂ܲܠ ܢܸܫܪܸܐ ܠܥܵܠܡܵܐ ܕܲܐܣܝܼܪ܀
00101_15	ܥ݂ܲܒܕܸܗ ܡܵܪܝܵܐ ܕܲܢܚܽܘܒ ܣܲܓ݁ܝܼ ܒܡܝܼܬܵܐ ܕܲܐܚܝܼ܃
00101_16	ܘܟܸܢ ܐܸܡܲܪ ܠܸܗ ܫܲܪܒܸܗ ܕܡܸܛܪܵܐ ܕܢܸܗ݂ܘܸܐ ܒܲܐܪܥܵܐ܀
00101_17	ܝܲܗܼܒ ܠܸܗ ܢܲܦܫܵܐ ܘܚܵܒ ܛܲܝܒܽܘܬܵܐ ܕܠܵܐ ܡܸܬܦܲܪܥܵܐ܃
00101_18	ܕܡܵܐ ܕܦܵܩܸܕ ܠܸܗ ܢܸܫܠܸܐ ܘܢܸܫܡܲܥ ܐܲܝܟ ܚܲܝܵܒܵܐ܀
00101_19	ܘܟܲܕ ܡܲܘܗܲܒܬܵܐ ܪܲܒܬܵܐ ܫܩܲܠ ܗܼܘܵܐ ܘܚܵܒ ܠܲܐܠܵܗܵܐ܃
00101_20	ܦܩܲܕ ܠܸܗ ܕܢܼܐܙܲܠ ܢܸܚܙܸܐ ܠܲܐܚܵܒ ܘܢܸܗܘܸܐ ܡܸܛܪܵܐ܀