← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00101_87 ܟܲܦܢܵܐ ܪܲܒܵܐ ܕܲܗܘܵܐ ܒܥܵܠܡܵܐ ܣܒܲܪܬܸܗ ܐܲܟܪܸܙ܃
00101_88 ܘܲܕܠܵܐ ܫܡܲܥܘ ܗܼܘܲܘ ܐܵܚܵܒ ܘܼܐܝܙܒܸܠ
00101_89 ܕܠܵܐ ܢܸܫܒ݁ܽܘܩ ܗܼܘܵܐ ܕܠܵܐ ܣܵܗܕܽܘܬܵܐ ܒܥܵܠܡܵܐ ܢܲܦܫܸܗ܃
00101_90 ܒܝܲܕ ܐܵܬܘ̈ܵܬܵܐ ܡ݁ܲܥܗܸܕ ܗܼܘܵܐ ܠܸܗ ܥܲܠ ܪܲܒܽܘܬܸܗ܀
00101_91 ܐܲܚܸܬ ܡܸܛܪܵܐ ܘܲܛܥܲܘ ܐܼܢܲܫܲܐ ܕܡܲܢܽܘ ܡܲܚܸܬ܃
00101_92 ܟܠܵܝܗܼܝ ܡܸܢ ܐܲܪܥܵܐ ܕܬܲܪܓܸܫܝ ܟܽܠܵܗ݀ ܕܗܽܘܝܽܘ ܫܲܠܝܼܛ܀
00101_93 ܩܵܡ ܐܸܠܝܼܵܐ ܐܲܝܟ ܡܸܨܥܵܝܵܐ ܒܸܝܬ ܠܸܗ ܠܲܐܪܥܵܐ܃
00101_94 ܕܢܼܐܡܲܪ ܡܸܠܬܵܐ ܘܢܲܪܓܸܫ ܥܵܠܡܵܐ ܕܡܲܢܽܘ ܐܲܡܪܵܗ݀܀
00101_95 ܐܸܠܽܘ ܡܵܪܝܵܐ ܕܠܵܐ ܐܸܠܝܼܵܐ ܟܠܵܐ ܗܼܘܵܐ ܡܸܛܪܵܐ܃
00101_96 ܒܗܵܝ݁ ܕܲܓܢܝܼܙ ܗܼܘܵܐ ܘܠܵܐ ܕܡܲܢܽܘ ܟܠܵܝܗܼܝ ܡܸܬܝܲܕܥܵܐ ܗܼܘܵܬ܀
00101_97 ܠܥܲܒܕܸܗ ܫܲܕܲܪ ܘܸܐܡܲܪ ܡܸܠܬܵܐ ܘܫܲܡܥܵܗ݀ ܟܽܠܐܼܢܵܫ܃
00101_98 ܕܢܲܪܓܸܫ ܥܵܠܡܵܐ ܕܥܲܒܕܸܗ ܕܡܵܪܝܵܐ ܫܡܲܝܵܐ ܐܸܣܲܪ܀
00101_99 ܘܠܸܗ ܠܗܲܘ݁ ܥܲܒܕܵܐ ܛܲܫܝܸܗ ܒܢܲܚܠܵܐ ܘܒܸܝܬ ܐܲܪܡܲܠܬܵܐ܃
00102_00 ܕܟܲܕ ܒܵܥܸܝܢ ܠܸܗ ܢܼܐܠܦܽܘܢ ܥܲܡ̈ܡܸܐ ܕܡܵܢܵܐ ܘܲܐܝܟܲܢ܀
00102_01 ܒܝܲܕ ܐܝܼܙܓ̈ܲܕܸܐ ܕܫܲܕܲܪ ܐܵܚܵܒ ܠܲܐܬܪ̈ܲܘܵܬܵܐ܃
00102_02 ܐܲܛܒ݂ܸܗ ܠܓܲܒܪܵܐ ܒܥܵܠܡܵܐ ܟܽܠܸܗ ܟܲܕܠܵܐ ܨܵܒܸܐ܀
00102_03 ܕܗܽܘ ܐܸܠܝܼܵܐ ܐܼܣܲܪ ܠܲܫܡܲܝܵܐ ܡܲܢ ܝܵܕܲܥ ܗܼܘܵܐ܃
00102_04 ܐܸܠܵܐ ܥܲܡܵܐ ܘܲܕܒܸܝܬ ܐܵܚܵܒ ܕܲܠܗܽܘܢ ܐܸܡܲܪ܀
00102_05 ܘܟܲܕ ܐܸܬܟܲܠܝܲܬ̤ ܘܲܢܓܲܪ ܙܲܒܢܲܐ ܘܠܲܝܬܲܘܗܼܝ ܡܸܛܪܵܐ܃
00102_06 ܘܡܲܢܽܘ ܕܲܟܠܵܝܗܼܝ ܥܲܡ̈ܡܸܐ ܕܲܐܪܥܵܐ ܠܵܐ ܪܓܝܼܫܝܼܢ ܗܼܘܲܘ܀
00102_07 ܘܲܟܒܲܪ ܕܲܒܲܚ݂ܘ ܠܲܐܠ̈ܵܗܲܝܗܽܘܢ ܘܲܠܨܲܠ̈ܡܲܝܗܽܘܢ݁܃
00102_08 ܕܚܲܕ ܚܲܕ ܢܸܬܸܠ ܡܸܛܪܵܐ ܒܲܐܬܪܸܗ ܘܠܵܐ ܐܸܫܟܲܚܘ ܗܼܘܲܘ܀
00102_09 ܗܵܝ݁ ܕܸܐܠܝܼܵܐ ܐܼܣܲܪ ܠܲܫܡܲܝܵܐ ܠܵܐ ܫܡܝܼܥܵܐ ܗܼܘܵܬ܃
00102_10 ܕܲܕܒܸܝܬ ܐܵܚܵܒ ܫܲܡܥܽܘܗ݀ ܒܲܠܚܽܘܕ ܟܲܕ ܐܲܡܪܵܗ݀ ܗܼܘܵܐ܀
00102_11 ܘܟܲܕ ܡܸܫܬܲܢܸܝܢ ܐܲܬܪ̈ܲܘܵܬܵܐ ܒܲܓܠ̈ܝܼܦܲܝܗܽܘܢ܃
00102_12 ܘܚܲܕܚܲܕ ܡܸܢܗܽܘܢ ܩܵܪܸܐ ܠܕܝܼܠܸܗ ܕܢܲܝܬܸ݁ܐ ܡܸܛܪܵܐ܀
00102_13 ܘܲܡܫܲܢܸܩ ܠܸܗ ܠܥܵܠܡܵܐ ܟܲܦܢܵܐ ܘܟܵܦܽܘܪܽܘܬܵܐ܃
00102_14 ܘܥܲܡ ܐܘܽܠܨܵܢܵܐ ܚܠܝܼܛܵܐ ܛܽܘܥܝܲܝ ܕܲܚܢܝܼܩܝܼܢ ܒܲܗ݀܀
00102_15 ܗܲܝܕܸܝܢ ܐܵܚܵܒ ܟܲܕ ܓܵܙܸܡ ܗܼܘܵܐ ܥܲܠ ܐܸܠܝܼܵܐ܃
00102_16 ܫܲܕܲܪ ܢܸܒܥܸܝܘܗܼܝ ܒܲܝܢܵܬ ܥܲܡܡܸ̈ܐ ܒܥܵܠܡܵܐ ܪܲܒܵܐ܀
00102_17 ܡܕܲܒܪܵܢܽܘܬܵܐ ܥ݂ܨܵܬܸܗ ܢܫܲܕܲܪ ܠܲܐܬܪ̈ܲܘܵܬܵܐ܃
00102_18 ܕܢܼܐܠܦܽܘܢ ܣܲܘ̈ܦܸܐ ܣܒܲܪܬܸܗ ܕܡܵܪܝܵܐ ܢܲܗܝܼܪܵܐܝܼܬ܀
00102_19 ܡܥܵܩܝܼܢ ܗܼܘܲܘ ܓܹܝܪ ܥܲܠ ܐܸܠܝܼܵܐ ܕܢܸܚܙܽܘܢ ܐܲܝܟܲܘ܃
00102_20 ܘܲܡܫܲܐܠܝܼܢ ܗܼܘܲܘ ܥܲܡܡ̈ܵܐ ܕܲܐܪܥܵܐ ܕܡܲܢܽܘ ܗܵܢܵܐ܀
00102_21 ܘܡܵܢܵܐ ܗܼܝܼ ܥܸܠܬܵܐ ܕܗܵܟܸܢ ܐ̇ܵܠܨܵܐ ܥܠܲܘܗܼܝ ܢܸܬܥܲܩܲܒ܃
00102_22 ܘܡܸܫܬܲܥܸܝܢ ܗܼܘܲܘ ܗܵܠܸܝܢ ܕܸܐܬ݂ܵܘ ܡܸܢ ܒܸܝܬ ܐܵܚܵܒ܀
00102_23 ܓܲܒܪܵܐ ܢܒܝܼܲܐ ܗܼܘ ܚܲܕ ܛܲܢܵܢܵܐ ܕܒܸܝܬ ܐܲܠܵܗܵܐ܃
00102_24 ܡܸܢ ܗܲܘ ܥܲܡܵܐ ܕܲܐܣܸܩ ܡܵܪܝܵܐ ܡܸܢ ܓܲܘ ܡܸܨܪܸܝܢ܀
00102_25 ܒܸܝܬ ܠܸܗ ܠܡܲܠܟܵܐ ܗ݂ܘܵܬ̤ ܡܲܨܽܘܬܵܐ ܘܲܣܠܸܩ ܪܽܘܓܙܸܗ܃
00102_26 ܘܲܐܣܝܼܪܵܐ ܠܸܗ ܫܡܲܝܵܐ ܘܥܲܪܝܼܩ ܬܸܚܪܲܒܝ ܐܲܪܥܵܐ܀
00102_27 ܡܼܐܡܵܐ ܝܼܡ݂ܵܐ ܒܚܲܝ̈ܲܝ ܡܵܪܸܗ ܘܲܟܠ݂ܵܐ ܡܸܛܪܵܐ܃
00102_28 ܘܸܐܠܵܐ ܦܩܲܕ ܠܸܗ ܬܘܽܒ ܠܵܐ ܢܵܚܸܬ ܥܲܠ ܒܸܪܝ̈ܵܬܵܐ܀
00102_29 ܣܒܲܪܬܲܐ ܚܲܕܬܵܐ ܒܲܝܢܵܬ ܚܲܢ̈ܦܸܐ ܡܸܬܟܲܪܙܵܐ ܗܼܘܵܬ܃
00102_30 ܕܟܽܠܵܗ݀ ܒܪܝܼܬܵܐ ܬܲܪܓ݂ܸܫܝ ܡܲܢܽܘ ܕܲܟܠܵܐ ܡܸܛܪܵܐ܀
00102_31 ܛܸܒܸܗ ܕܡܵܪܝܵܐ ܫܲܕܲܪ ܐܵܚܵܒ ܠܲܐܬܪ̈ܲܘܵܬܵܐ܃
00102_32 ܘܲܐܠܸܦ ܐܸܢܽܘܢ ܥܸܠܬܸܗ ܕܟܲܦܢܵܐ ܒܝܲܕ ܐܝܼܙ̈ܓܲܕܲܘܗܼܝ܀
00102_33 ܦܵܥ̈ܠܸܝܗ݀ ܕܼܐܝܙܒܸܠ ܥܒܵܕܵܐ ܪܲܒܵܐ ܥܒܲܕܘ ܠܸܐܠܝܼܵܐ܃
00102_34 ܝܸܗܼܒܲܬ̤ ܐܲܓܪܵܐ ܘܗܽܘ ܐܸܫܬܲܡܲܗ ܒܲܝܢܵܬ ܥܲܡܡܸ̈ܐ܀
00102_35 ܟܲܕ ܓܵܙܡܝܼܢ ܠܸܗ ܢܼܐܬ݂ܸܐ ܢܸܫ݂ܪܸܐ ܫܡܲܝܵܐ ܕܸܐܣܲܪ܃
00102_36 ܡܲܠܽܐܘܗ݀ ܠܲܐܪܥܵܐ ܟܽܠ ܢܸܨܚܵܢܸ̈ܐ ܕܓܲܢܼܒܵܪܽܘܬܸܗ܀
00102_37 ܝܼܠܸܦܘ ܚ̈ܲܢܦܸܐ ܕܡܲܢܽܘ ܝܼܡ݂ܵܐ ܘܲܟܠܵܐ ܡܸܛܪܵܐ܃

▼ later lines