← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00101_54 ܡܲܠܟܵܐ ܒܲܚܕܵܐ ܘܗܽܘ ܥܽܘܒܵܕܝܵܐ ܬܘܽܒ ܒܲܐܼܚܪܼܬܵܐ܀
00101_55 ܘܲܕܩܲܪܝܼܒ ܗܼܘܵܐ ܗܲܘ݁ ܪܲܒ ܒܲܝܬܵܐ ܨܹܝܕ ܐܸܠܝܼܵܐ܃
00101_56 ܒܥܵܐ ܗܼܘܵܐ ܘܸܐܫܟܲܚ ܐܲܘܨܲܪ ܚܲܝܸ̈ܐ ܠܥܵܠܡܵܐ ܟܽܠܸܗ܀
00101_57 ܡܲܠܟܵܐ ܚܲܢܦܵܐ ܥܡܝܼܪܵܐ ܒܥܵܐ ܗܼܘܵܐ ܘܠܵܐ ܐܸܫܟܲܚ ܗܼܘܵܐ܃
00101_58 ܥܽܘܒܵܕܝܵܐ ܕܹܝܢ ܣܲܒܥܲܐ ܘܡܸܛܪܵܐ ܘܚܲܝܸ̈ܐ ܠܲܐܪܥܵܐ܀
00101_59 ܦܓܲܥ ܒܸܐܠܝܼܵܐ ܕܗܽܘ ܗܘܵܐ ܓܲܙܲܐ ܕܟܽܠ ܛܵܒ̈ܵܬܵܐ܃
00101_60 ܕܡܲܢ ܕܲܠܕܵܚ̈ܠܲܘܗܝ ܕܡܵܪܝܵܐ ܡܝܲܩܲܪ ܫܵܦܝܵܐ ܗܼܝܼ ܐܘܽܪܚܸܗ܀
00101_61 ܥܒܲܕ ܠܸܗ ܡܪܝܵܐ ܓܠܝܽܘܬ ܐܲܦܸ̈ܐ ܒܡܸܕܸܡ ܕܸܐܫܟܲܚ܃
00101_62 ܕܬܸܗܘܸܐ ܪܵܡܵܐ ܡܸܠܬܸܗ ܣܓ݁ܝܼ ܥܲܠ ܣܓ݁ܝܼ̈ܐܸܐ܀
00101_63 ܪܲܒ ܒܲܝܬܵܐ ܗܼܘܵܐ ܘܲܕܕܵܚܸܠ ܗܼܘܵܐ ܡܸܢ ܐܲܠܵܗܵܐ܃
00101_64 ܥܲܒܕܸܗ ܕܢܸܗܘܸܐ ܘܲ‍[‍ܠ‍]‍ܡܲܪܓܫܵܢܵܐ ܕܡܸܛܪܵܐ ܕܗܵܘܸܐ
00101_65 ܗܵܢܵܐ ܕܝܲܩܲܪ ܢܒܝܼܲܘܗܼܝ ܕܡܲܪܝܵܐ ܘܬܲܪܣܝܼ ܐܸܢܽܘܢ܃
00101_66 ܗܽܘ ܫܵܘܸܐ ܗܼܘܵܐ ܕܢܸܫܟܲܚ ܣܝܼܡܬܵܐ ܘܥܲܘܵܠܵܐ ܠܵܐ܀
00101_67 ܓܲܒܪܵܐ ܡܗܲܝܡܢܵܐ ܕܫܵܘܸܐ ܗܼܘܵܐ ܠܸܗ ܢܡܲܠܸܠ ܥܲܡܸܗ܃
00101_68 ܚܙܵܝܗܼܝ ܠܸܐܠܝܼܵܐ ܘܲܢܦܲܠ ܘܲܣܓܸܕ ܟܲܕ ܐܵܡܲܪ ܠܸܗ܀
00101_69 ܐܲܢܼܬ܆ܗܼܼܽܘ ܗܵܢܵܐ ܡܵܪܝ ܐܸܠܝܼܵܐ ܐܵܡܲܪ ܠܸܗ ܗܽܘ܃
00101_70 ܙܸܠ ܘܼܐܡܲܪ ܠܸܗ ܠܵܐܚܵܒ ܡܵܪܵܟ ܕܗܵܐ ܐܸܠܝܼܵܐ܀
00101_71 ܐܵܡܲܪ ܠܸܗ ܗܽܘ ܚܲܝ ܗܼܽܘ ܡܵܪܝܵܐ ܐܲܠܵܗܵܟ ܡܵܪܝ܃
00101_72 ܘܠܵܐ ܦܵܫ ܥܲܡܵܐ ܐܲܘ݁ ܡܲܠܟܽܘܬܵܐ ܕܠܵܐ ܒܥܲܝܢܵܟ ܒܵܗ݀܀
00101_73 ܒܪܝܼܬܵܐ ܒܲܥܲܪ ܒܵܬܪܵܟ ܡܲܠܟܵܐ ܐܵܚܵܒ܃
00101_74 ܒܲܝܢܵܬ ܥܲܡܡܸ̈ܐ ܘܒܲܐܬܪܲܘ̈ܵܬܵܐ ܘܲܒܟܽܠ ܣܲܘ̈ܦܝܼܢ܀
00101_75 ܐܲܟܡܵܐ ܕܠܲܝܬ݁ ܐܲܢܼܬ ܗܵܫܵܐ ܒܐܲܪܥܵܐ ܡܸܣܲܬܒܪܵܐ ܠܸܗ܃
00101_76 ܘܲܐܝܟ݁ܲܢ ܐܹܙܲܠ ܐܹܡܲܪ ܐܸܢܵܐ ܕܗܵܐ ܐܸܠܝܼܵܐ܀
00101_77 ܘܪܽܘܚܸܗ ܕܡܵܪܝܵܐ ܕܢܲܩܝܼܦܵܐ ܠܵܟ ܬܲ݁ܘܒܸܠܝ ܬܲܓܢܵܟ܃
00101_78 ܐܲܝܟܵܐ ܕܸܐܢܵܐ ܠܵܐ ܝܵܕܲܥ ܐܼܢܵܐ ܘܡܵܢܵܐ ܐܸܥܒܸܕ܀
00101_79 ܘܬܵܒܵܥ ܡܲܠܟܵܐ ܒܼܐܝ̈ܕܲܝ ܐܲܝܬܸܝܟ ܐܲܝܟ ܕܲܚܙܲܝܬܵܟ܃
00101_80 ܘܲܕܠܵܐ ܡܵܨܸܐ ܐܼܢܵܐ ܦܵܣܸܩ ܠܸܗ ܪܝܼܫܝ ܡܸܛܽܠܵܬܵܟ܀
00101_81 ܘܸܐܢܵܐ ܥܲܒܕܵܟ ܕܵܚܸܠ ܐܼܢܵܐ ܡܵܪܝ ܡܸܢ ܐܲܠܵܗܵܟ܃
00101_82 ܗܵܐ ܡܸܢ ܛܲܠܝܽܘܬܝ ܘܲܡܝܲܩܲܪ ܐܼܢܵܐ ܐܵܦ ܠܲܢ̈ܒܝܼܲܘܗܼܝ܃
00101_83 ܐܵܦ ܟܲܕ ܐܝܼܙܒܸܠ ܪܸܕܦܲܬ̤ ܐܸܢܽܘܢ ܠܲܡܩܲܛܵܠܽܘ܃
00101_84 ܛܲܫܝܼܬ ܡܸܢܗܽܘܢ ܘܬܲܪܣܝܼܬ ܘܲܐܚܝܼܬ ܐܲܝܟ ܕܡܵܨܸܐ ܗܼܘܸܝܬ܀
00101_85 ܟܽܠ ܡܲܪܕܽܘܬܵܐ ܕܪܵܕܸܐ ܡܵܪܝܵܐ ܠܲܒܢܲܝܢܵܫ̈ܵܐ܃
00101_86 ܪܲܚ̈ܡܸܐ ܡܲܠܝܵܐ ܘܲܠܝܽܘܬܪܵܢܵܐ ܡܸܬܚܲܫܲܚ ܒܵܗ݀܀
00101_87 ܟܲܦܢܵܐ ܪܲܒܵܐ ܕܲܗܘܵܐ ܒܥܵܠܡܵܐ ܣܒܲܪܬܸܗ ܐܲܟܪܸܙ܃
00101_88 ܘܲܕܠܵܐ ܫܡܲܥܘ ܗܼܘܲܘ ܐܵܚܵܒ ܘܼܐܝܙܒܸܠ
00101_89 ܕܠܵܐ ܢܸܫܒ݁ܽܘܩ ܗܼܘܵܐ ܕܠܵܐ ܣܵܗܕܽܘܬܵܐ ܒܥܵܠܡܵܐ ܢܲܦܫܸܗ܃
00101_90 ܒܝܲܕ ܐܵܬܘ̈ܵܬܵܐ ܡ݁ܲܥܗܸܕ ܗܼܘܵܐ ܠܸܗ ܥܲܠ ܪܲܒܽܘܬܸܗ܀
00101_91 ܐܲܚܸܬ ܡܸܛܪܵܐ ܘܲܛܥܲܘ ܐܼܢܲܫܲܐ ܕܡܲܢܽܘ ܡܲܚܸܬ܃
00101_92 ܟܠܵܝܗܼܝ ܡܸܢ ܐܲܪܥܵܐ ܕܬܲܪܓܸܫܝ ܟܽܠܵܗ݀ ܕܗܽܘܝܽܘ ܫܲܠܝܼܛ܀
00101_93 ܩܵܡ ܐܸܠܝܼܵܐ ܐܲܝܟ ܡܸܨܥܵܝܵܐ ܒܸܝܬ ܠܸܗ ܠܲܐܪܥܵܐ܃
00101_94 ܕܢܼܐܡܲܪ ܡܸܠܬܵܐ ܘܢܲܪܓܸܫ ܥܵܠܡܵܐ ܕܡܲܢܽܘ ܐܲܡܪܵܗ݀܀
00101_95 ܐܸܠܽܘ ܡܵܪܝܵܐ ܕܠܵܐ ܐܸܠܝܼܵܐ ܟܠܵܐ ܗܼܘܵܐ ܡܸܛܪܵܐ܃
00101_96 ܒܗܵܝ݁ ܕܲܓܢܝܼܙ ܗܼܘܵܐ ܘܠܵܐ ܕܡܲܢܽܘ ܟܠܵܝܗܼܝ ܡܸܬܝܲܕܥܵܐ ܗܼܘܵܬ܀
00101_97 ܠܥܲܒܕܸܗ ܫܲܕܲܪ ܘܸܐܡܲܪ ܡܸܠܬܵܐ ܘܫܲܡܥܵܗ݀ ܟܽܠܐܼܢܵܫ܃
00101_98 ܕܢܲܪܓܸܫ ܥܵܠܡܵܐ ܕܥܲܒܕܸܗ ܕܡܵܪܝܵܐ ܫܡܲܝܵܐ ܐܸܣܲܪ܀
00101_99 ܘܠܸܗ ܠܗܲܘ݁ ܥܲܒܕܵܐ ܛܲܫܝܸܗ ܒܢܲܚܠܵܐ ܘܒܸܝܬ ܐܲܪܡܲܠܬܵܐ܃
00102_00 ܕܟܲܕ ܒܵܥܸܝܢ ܠܸܗ ܢܼܐܠܦܽܘܢ ܥܲܡ̈ܡܸܐ ܕܡܵܢܵܐ ܘܲܐܝܟܲܢ܀
00102_01 ܒܝܲܕ ܐܝܼܙܓ̈ܲܕܸܐ ܕܫܲܕܲܪ ܐܵܚܵܒ ܠܲܐܬܪ̈ܲܘܵܬܵܐ܃
00102_02 ܐܲܛܒ݂ܸܗ ܠܓܲܒܪܵܐ ܒܥܵܠܡܵܐ ܟܽܠܸܗ ܟܲܕܠܵܐ ܨܵܒܸܐ܀
00102_03 ܕܗܽܘ ܐܸܠܝܼܵܐ ܐܼܣܲܪ ܠܲܫܡܲܝܵܐ ܡܲܢ ܝܵܕܲܥ ܗܼܘܵܐ܃
00102_04 ܐܸܠܵܐ ܥܲܡܵܐ ܘܲܕܒܸܝܬ ܐܵܚܵܒ ܕܲܠܗܽܘܢ ܐܸܡܲܪ܀

▼ later lines