← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00101_04 ܕܡܵܐ ܕܫܵܩܸܠ ܠܸܗ ܢܸܬܸܠ ܐܵܦ ܗܽܘ ܩ̈ܠܝܼܕܸܐ ܕܲܢܣܲܒ܀
00101_05 ܐܲܪܡܝܼ ܫܠܲܕܵܐ ܥܲܡܸܗ ܒܒܲܝܬܵܐ ܕܡܵܐ ܕܫܵܡܲܥ ܗܼܘܵܐ܃
00101_06 ܩܵܠ ܝ̈ܲܠܠܵܬܵܐ ܬܸܪܥ݂ܲܡܝ ܢܲܦܫܸܗ ܥܲܠ ܐ̄ܢܵܫܽܘܬܵܐ
00101_07 ܥ݂ܲܒܕܸܗ ܐܵܦ ܠܸܗ ܡܵܪܸܐ ܐܸܒܠܵܐ ܕܼܐܝܬ ܠܸܗ ܡܝܼܬܵܐ܃
00101_08 ܘܲܛܥ݂ܸܡ ܟܸܐܒܵܐ ܒܗܲܘ݁ ܚܲܕ ܛܲܠܝܵܐ ܘܢܵܚ݂ ܥܲܙܝܼܙܵܐ܀
00101_09 ܟܲܕ ܫܵܐܸܠ ܗܼܘܵܐ ܢܲܦܫܸܗ ܕܡܝܼܬܵܐ ܡܸܢ ܐܲܠܵܗܵܐ܃
00101_10 ܐܸܬܪܲܟ݁ܲܟ ܗܼܘܵܐ ܕܵܐܦ ܗܽܘ ܢܲܪܚ݂ܸܡ ܥܲܠ ܫ̇ܵܐܘ̈ܽܠܸܐ܀
00101_11 ܠܟܽܠܵܗ݀ ܒܪܝܼܬܵܐ ܨܵܪ ܠܸܗ ܡܵܪܝܵܐ ܒܗܵܝ݁ ܐܲܪܡܲܠܬܵܐ܃
00101_12 ܘܟܲܕ ܒܵܟܝܵܐ ܗܼܘܵܬ̤ ܐܸܫܬܲܗܝܼ ܗܼܘܵܐ ܛܢܵܢܸܗ ܕܲܢܢܽܘܚ܀
00101_13 ܘܟܲܕ ܒܲܩܝܵܡܬܸܗ ܕܡܝܼܬܵܐ ܚܕܝܼ ܗܼܘܵܐ ܘܢܵܚ ܪܸܥܝܵܢܸܗ܃
00101_14 ܦܩܲܕ ܠܸܗ ܡܵܪܝܵܐ ܕܢܼܐܙ݂ܲܠ ܢܸܫܪܸܐ ܠܥܵܠܡܵܐ ܕܲܐܣܝܼܪ܀
00101_15 ܥ݂ܲܒܕܸܗ ܡܵܪܝܵܐ ܕܲܢܚܽܘܒ ܣܲܓ݁ܝܼ ܒܡܝܼܬܵܐ ܕܲܐܚܝܼ܃
00101_16 ܘܟܸܢ ܐܸܡܲܪ ܠܸܗ ܫܲܪܒܸܗ ܕܡܸܛܪܵܐ ܕܢܸܗ݂ܘܸܐ ܒܲܐܪܥܵܐ܀
00101_17 ܝܲܗܼܒ ܠܸܗ ܢܲܦܫܵܐ ܘܚܵܒ ܛܲܝܒܽܘܬܵܐ ܕܠܵܐ ܡܸܬܦܲܪܥܵܐ܃
00101_18 ܕܡܵܐ ܕܦܵܩܸܕ ܠܸܗ ܢܸܫܠܸܐ ܘܢܸܫܡܲܥ ܐܲܝܟ ܚܲܝܵܒܵܐ܀
00101_19 ܘܟܲܕ ܡܲܘܗܲܒܬܵܐ ܪܲܒܬܵܐ ܫܩܲܠ ܗܼܘܵܐ ܘܚܵܒ ܠܲܐܠܵܗܵܐ܃
00101_20 ܦܩܲܕ ܠܸܗ ܕܢܼܐܙܲܠ ܢܸܚܙܸܐ ܠܲܐܚܵܒ ܘܢܸܗܘܸܐ ܡܸܛܪܵܐ܀
00101_21 ܕܵܠ ܓܸܠܝܵܢܵܐ ܥܠܲܘܗܝ ܕܲܢܒܝܼܵܐ ܡܸܢ ܐܲܠܵܗܵܐ܃
00101_22 ܘܣܵܡ ܦܲܪܨܽܘܦܸ݁ܗ ܕܢܼܐܙܲܠ ܢܸܫ݂ܪܸܐ ܩܸܛܪܵܐ ܕܲܩܛܲܪ܀
00101_23 ܢܦܲܩ ܡܸܢ ܨܵܪܦܵܬ ܟܲܕ ܠ݂ܲܘܝܵܐ ܠܸܗ ܓܲܢܼܒܵܪܽܘܬܵܐ܃
00101_24 ܘܡܲܠܝܵܐ ܢܲܦܫܸܗ ܚܲܝܠܵܐ ܪܲܒܵܐ ܕܥܵܒܽܘܕܽܘܬܵܐ܀
00101_25 ܘܪܵܕܸܐ ܥܲܡܸܗ ܟܽܠܸܗ ܥܽܘܫܢܵܐ ܕܲܢܒܝܼܽܘܬܵܐ܃
00101_26 ܘܥܲܬܝܼܪ ܓܲܒܪܵܐ ܒܓܲܙܵܐ ܕܪܽܘܚܵܗ݀ ܕܲܐܠܵܗܽܘܬܵܐ܀
00101_27 ܘܡܸܬܩܲܠܣܵܐ ܒܸܗ ܚܲܝܲܬ ܡܝܼ̈ܬܸܐ ܕܚܲܘܝܼ ܫܽܘܦܪܵܗ݀܃
00101_28 ܘܪܵܡ ܒܸܗ ܘܲܫܒܝܼܚ ܗܲܘ݁ ܢܽܘܚܵܡܵܐ ܚܲܕܬܵܐ ܕܲܐܕܢܲܚ܀
00101_29 ܘܲܪܥܸܠ ܡܸܢܸܗ ܡܲܘܬܵܐ ܕܲܚ݂ܙܵܐ ܥܒܵܕܵܐ ܕܲܥܒܵܕ܃
00101_30 ܘܲܡܩܲܪܒܝܼܢ ܠܸܗ ܚܲܝܸ̈ܐ ܟܠܝܼܠܵܐ ܕܙܲܟ̇ܵܝܽܘܬܵܐ܀
00101_31 ܘܥܲܠ ܓܸܠܝܵܢܵܐ ܕܒܸܝܬ ܐܲܠܵܗܵܐ ܣܡܝܼܟ ܘܲܡܗܲܠܸܟ܃
00101_32 ܘܲܒܬܽܘܟܠܵܢܸܗ ܕܡܵܪܝܵܐ ܚܙܝܼܩ ܗܼܘܵܐ ܓܲܢܼܒܵܪܵܐܝܼܬ܀
00101_33 ܐܼܬ݂ܵܐ ܗܼܘܵܐ ܢܒܝܼܵܐ ܒܚܲܝܠܵܐ ܕܪܽܘܚܵܐ ܕܢܸܚܙܸܝܘܗܼܝ ܐܵܚܵܒ܃
00101_34 ܘܪܸܡܙܵܐ ܟܲܣܝܵܐ ܩ݂ܪܵܐ ܠܥܽܘܒܲܕܝܵܐ ܕܢܸܦܽܘܩ ܠܽܐܘܪܥܸܗ܀
00101_35 ܣܒܲܪܬܵܐ ܛܵܒܬܵܐ ܠܓܲܒܪܵܐ ܛܵܒܵܐ ܐܸܬܝܲܗܒܲܬ̤ ܗܼܘܵܬ܃
00101_36 ܕܗܽܘ ܫܵܘܸܐ ܗܘܵܐ ܕܢܲܝܬܸ݁ܐ ܛܸܒܸܗ ܕܗܲܘ݁ ܩܲܕܝܼܫܵܐ܀
00101_37 ܟܲܦܢܵܐ ܪܲܒܵܐ ܥܫܸܢ ܗܼܘܵܐ ܒܫܵܡܪܝܼܢ ܥܲܠ ܥܲܘ̈ܵܠܸܐ܃
00101_38 ܘܙܲܩܬܸܗ ܠܲܐܚܵܒ ܢܸܦܽܘܩ ܢܸܣܥܽܘܪ ܥܵܠܡܵܐ ܕܲܚ݂ܪܸܒ܀
00101_39 ܘܲܠܥܽܘܒܵܕܝܵܐ ܕܒܲܪ ܗܼܘܵܐ ܥܲܡܸܗ ܕܢܼܐܙܲܠ ܢܸܚܙܸܐ܃
00101_40 ܐܸܢ ܐܝܼܬ ܐܲܬܪܵܐ ܕܦ݂ܵܫ ܒܸܗ ܥܸܣܒܲܐ ܕܢܲܚܸܐ ܪܲܟܫܸܗ܀
00101_41 ܗܝܼ ܡܲܦܲܩܬܸܗ ܕܡܲܠܟܵܐ ܣܵܗܕܵܐ ܠܟܲܦܢܵܐ ܪܲܒܵܐ܃
00101_42 ܕܲܟܡܵܐ ܓܪܸܣܘ ܗܼܘܲܘ ܚܲܝܸ̈ܐ ܕܐܼܢܵܫܸ̈ܐ ܘܲܕܚܲܝ̈ܘܵܬܵܐ܀
00101_43 ܥܲܠ ܡܲܒܽܘܥܸ̈ܐ ܡ̈ܲܝܵܐ ܢܦܲܩ ܗܼܘܵܐ ܕܢܸܣܥܽܘܪ ܐܸܢܽܘܢ܃
00101_44 ܕܩܲܠܝܼܠ ܥܸܣܒܵܐ ܢܸܒܥܸܐ ܗܼܘܵܐ ܠܸܗ ܘܠܵܐ ܐܸܫܟܲܚ ܗܼܘܵܐ܀
00101_45 ܠܡܲܠܟ̇ܵܐ ܥܡܝܼܪܵܐ ܚܣܲܪ ܗܼܘܵܐ ܕܢܸܪܡܸܐ ܠܟܽܘ̈ܕܢܲܘܵܬܸܗ܃
00101_46 ܒܒܲܝܬܵܐ ܕܡܲܢ ܟܲܝ ܐܝܼܬ ܗܼܘܵܐ ܠܲܚܡܵܐ ܕܢܲܐܚܸܐ ܠܲܒ̈ܢܲܘܗܼܝ܀
00101_47 ܐܸܢ ܒܸܝܬ܊ܡܲܠܟܵܐ ܐܵܦܠܵܐ ܥܡܝܼܪܵܐ ܐܲܪܦܝܼ ܟܲܦܢܵܐ܃
00101_48 ܠܲܚܡܵܐ ܠܡܲܢ ܦܵܫ ܒܲܐܪܥܵܐ ܟܽܠܵܗ݀ ܕܢܲܐܚܸܐ ܗܲܝܕܸܝܢ܀
00101_49 ܐܘܽܪܚܸܗ ܕܲܐܚܵܒ ܥܲܠ ܐܘܽܠܨܵܢܸܗ ܕܥܲܠܡܵܐ ܣܸܗܕܲܬ܃
00101_50 ܕܠܲܐܝ݁ܕܵܐ ܚܲܪܬܵܐ ܡ݂ܛܵܬ̤ ܐܼܢܵܫܽܘܬܵܐ ܒܗܵܝ݁ ܡܲܪܕܽܘܬܵܐ܀
00101_51 ܠܥܽܘܒܵܕܝܵܐ ܕܹܝܢ ܐܲܝܟ ܝܵܨܽܘܦܵܐ ܕܒܲܝܬܸܗ ܫܲܕܲܪ܃
00101_52 ܕܵܐܦ ܗܽܘ ܢܸܒܥܸܐ ܐܸܢ ܫܲܪܟ̇ܵܢܵܐ ܒܥܵܠܡܵܐ ܩܲܝܵܡ܀
00101_53 ܘܲܦܠܲܓܘ ‍[‍ܗܼܘܲܘ‍]‍ ܠܗܽܘܢ ܐܘܽܪܚܵܐ ܠܡܼܐܙܲܠ ܐܲܟܡܵܐ ܕܲܟܬܝܼܒ
00101_54 ܡܲܠܟܵܐ ܒܲܚܕܵܐ ܘܗܽܘ ܥܽܘܒܵܕܝܵܐ ܬܘܽܒ ܒܲܐܼܚܪܼܬܵܐ܀

▼ later lines