The Comprehensive Aramaic Lexicon

00316_5	ܐܲܘ ܠܵܐ ܪܓܝܼܫܵܐ ܒܨܲܘܡܵܐ ܐܝܼܙܒܸܠ ܐܸܢ ܩܲܝܵܡܵܐ܃
00316_6	ܐܲܘ ܣܵܛܵܢܵܐ ܡܝܼܬ ܘܸܐܬܦܲܢܝܲܬ ܠܲܬܝܵܒܽܘܬܵܐ܀
00316_7	ܒܟܽܠ ܚܽܘ̈ܫܵܒܝܼܢ ܘܲܒܟܽܠ ܪܸ̈ܢܝܝܼܢ ܐܸܬܦܲܫܲܚܘ ܗ̄ܘܲܘ܃
00316_8	ܗܵܠܸܝܢ ܕܲܫܡܲܥܘ ܕܸܐܬܵܐ ܨܲܘܡܵܐ ܡܸܢ ܒܸܝܬ ܐܵܚܵܒ܀
00316_9	ܘܟܲܕ ܒܸܐܓܲܪܬܵܐ ܩܪܸܒܘ ܟܲܕ ܢܵܚܬܝܼܢ ܝܼܠܸܦܘ ܡܸܢܵܗ݀܃
00317_0	ܥܸܠܬܸܗ ܕܨܲܘܡܵܐ ܕܡܸܫܬܲܦܲܥ ܒܸܗ ܕܡܵܐ ܙܲܟܵܝܵܐ܀
00317_1	ܘܲܐܟܒܲܪ ܐܲܝܠܸܠܘ ܟܽܠܗܽܘܢ ܕܲܫܡܲܥܘ ܨܲܘܡܵܐ ܘܲܕܡܵܐ܃
00317_2	ܘܙܵܥܘ ܟܲܕ ܐܵܡܪܝܼܢ ܐܲܝܟ ܐܸܓܲܪܬܵܐ ܕܼܐܝܙܒܸܠ ܐܝܼܬܸܝܗ݀܀
00317_3	ܗܵܢܵܐ ܥܒܵܕܵܐ ܕܲܗܦܝܼܟ ܘܲܢܟܝܼܠ ܘܲܡܠܸܐ ܥܲܘܠܵܐ܃
00317_4	ܕܗܵܝ ܡܲܪܵܚܬܵܐ ܕܡܲܠܝ̈ܵܢ ܐܝܼ̈ܕܸܝܗ݀ ܕܡܵܐ ܕܙܲܕܝܼ̈ܩܸܐ܀
00317_5	ܗܵܢܵܐ ܨܲܘܡܵܐ ܣܪܝܼܚܵܐ ܕܩܵܛܸܠ ܡܸܢ ܡܲܢܽܘ ܟܲܝ܃
00317_6	ܐܸܠܵܐ ܡܸܢ ܗܵܝ ܕܼܐܒܬܵܐ ܚܵܪܫܲܬ ܟܽܠ ܙܲܟܵܝܸ̈ܐ܀
00317_7	ܕܗܵܝ ܩܵܛܽܘܠܬܵܐ ܗ̄ܘ ܕܡܲܠܝܵܐ ܢܸܟܠܵܐ ܗܵܢܵܐ ܥܒܵܕܵܐ܃
00317_8	ܕܲܒܟܽܠ ܦܽܘܪ̈ܣܝܼܢ ܬܸܩܛܽܘܠ ܒܵܥܝܵܐ ܠܲܒܢ̈ܲܝ ܩܽܘܫܬܵܐ܀
00317_9	ܒܨܲܘܡܵܗ݀ ܩܸܛܠܵܐ ܘܲܒܫܵܪܽܘܬܵܗ݀ ܟܽܠ ܣܽܘܪ̈ܚܵܢܝܼܢ܃
00318_0	ܕܵܐܦ ܟܲܕ ܨܵܝܡܵܐ ܐܵܦ ܡܵܐ ܕܵܐܟܠܵܐ ܠܲܕܡܵܐ ܨܲܗܝܵܐ܀
00318_1	ܒܲܢܙܝܼܪܽܘܬܵܗ݀ ܬܸܩܛܽܘܠ ܒܵܥܝܵܐ ܒܲܪ̄ܬ ܪ̈ܲܫܝܼܥܸܐ܃
00318_2	ܐܸܢ ܟܲܝ ܪܲܘܝܵܐ ܡܵܢܵܐ ܥܵܒܕܵܐ ܣܪܝܼܚܲܬ ܠܸܒܵܐ܀
00318_3	ܐܸܢ ܡܸܢ ܨܲܘܡܵܗ݀ ܫܠܲܕܵܐ ܢܵܦܠܵܐ ܕܚܲܕ ܙܲܕܝܼܩܵܐ܃
00318_4	ܒܲܚܫܵܡܝܼܬܵܗ݀ ܟܡܵܐ ܟܲܝ ܩܵܛܠܵܐ ܘܟܸܢ ܟܲܕܽܘ ܠܵܗ݀܀
00318_5	ܡܸܢ ܐܸܓܲܪܬܵܗ݀ ܝܼܕܝܼܥ ܠܸܒܵܗ݀ ܕܲܡܣܲܝܲܒܬܵܐ܃
00318_6	ܕܲܒܚܽܘ̈ܫܵܒܸܐ ܣܪ̈ܝܼܚܸܐ ܟܽܠ ܝܽܘܡ ܪܵܡܝܵܐ ܩܸ̈ܛܠܸܐ܀
00318_7	ܟܲܕ ܕܹܝܢ ܣܵܒܸ̈ܐ ܝܼܠܸܦܘ ܥܸܠܬܸܗ ܕܨܲܘܡܵܐ ܡܵܢܵܐ ܗ̄ܝ܃
00318_8	ܣܵܡܘ ܐܲܦܲܝ̈ܗܽܘܢ ܥܲܠ ܣܽܘܥܪܵܢܵܐ ܒܝܼܫܵܐ ܕܲܢܒܲܥ܀
00318_9	ܘܲܐܝܟ ܦܽܘܩܕܵܢܵܐ ܕܪܽܘܫܥܵܐ ܕܸܐܬܵܐ ܡܸܢ ܒܸܝܬ ܐܵܚܵܒ܃
00319_0	ܫܲܡܠܝܼܘ ܗܸܢܽܘܢ ܕܲܠܙܲܕܝܼܩܵܐ ܒܦܲܚܸ̈ܐ ܢܲܪܡܽܘܢ܀
00319_1	ܘܲܓܙܲܪܘ ܨܲܘܡܵܐ ܕܲܡܠܸܐ ܘܵܝܸ̈ܐ ܘܬܽܘ̈ܟܸܐ ܒܝܼ̈ܫܸܐ܃
00319_2	ܘܲܥܒܲܕܘ ܢܸܟܠܵܐ ܠܲܡܫܲܦܵܥܽܘ ܕܡܵܐ ܙܲܟܵܝܵܐ܀
00319_3	ܚܲܓܵܐ ܠܡܵܪܝܵܐ ܐܲܟܪܸܙܘ ܒܝܼ̈ܫܸܐ ܠܟܽܠܸܗ ܥܲܡܵܐ܃
00319_4	ܘܲܗܘܵܐ ܟܢܽܘܫܝܵܐ ܕܟܲܣܝܵܐ ܥܸܠܬܸܗ ܡܸܢ ܣܲܓܝܼܸ̈ܐܐ܀
00319_5	ܥܒܲܕܘ ܒܵܥܽܘܬܵܐ ܕܡܵܐ ܕܸܐܬܒܲܨܝܲܬ ܡܲܨܽܘܬܵܐ ܗ̄ܘܵܬ܃
00319_6	ܘܨܲܘܡܵܐ ܕܲܛܥܝܼܢ ܚܲܪܒܵܐ ܠܩܸܛܠܵܐ ܥܲܘܵܠܵܐܝܼܬ܀
00319_7	ܟܢܽܘܫܝܵܐ ܕܢܸܟܠܵܐ ܕܲܚܦܝܼܪ ܗ̄ܘܵܐ ܒܸܗ ܓܽܘܒܵܐ ܪܲܒܵܐ܃
00319_8	ܕܢܲܦܸܠ ܗ̄ܘܵܐ ܒܸܗ ܚܲܕ ܬܲܡܝܼܡܵܐ ܟܲܕ ܠܵܐ ܝܵܕܲܥ܀
00319_9	ܨܲܘܡܵܐ ܛܲܡܐܵܐ ܕܲܡܦܲܠܦܲܠ ܗ̄ܘܵܐ ܒܲܕܡܵܐ ܚܲܣܝܵܐ܃
00310_00	ܘܕܲܢܦܲܩܘ ܚܵܒܘ ܗ̄ܘܲܘ ܟܸܬܒܲܬ ܬܸܬܒܲܥ ܡܸܢ ܝܲܠܕܲܝ̈ܗܽܘܢ܀
00310_01	ܕܝܲܩܝܼܪ ܗ̄ܘܵܐ ܠܵܗ݀ ܗܲܘ ܡܸܣܟܼܢܵܐ ܬܪܝܼܨܵܐ ܕܲܥܠܝܼܒ܃
00310_02	ܣܸܚܦܲܬ ܒܲܐܪܥܵܐ ܫܠܲܕܵܐ ܕܡܲܠܟܵܐ ܡܸܛܽܠܵܬܸܗ܀
00310_03	ܢܸܕܚܲܠ ܟܽܠ ܐ̄ܢܵܫ ܡܸܢ ܟܼܐܢܽܘܬܵܐ ܟܡܵܐ ܥܲܙܝܼܙܵܐ܃
00310_04	ܘܲܣܦܝܼܪ ܩܲܢܝܵܗ݀ ܘܲܕܚܝܼܠ ܕܝܼܢܵܗ݀ ܘܲܩܫܸܐ ܢܸܓܕܵܗ݀܀
00310_05	ܪܽܘܚܵܗ݀ ܡܲܓܪܵܐ ܠܲܬܒܲܥܬܵܐ ܕܹܝܢ ܣܲܓܝܼ ܩܲܫܝܵܐ܃
00310_06	ܙܲܒܢܵܐ ܢܵܛܪܵܐ ܘܡܵܐ ܕܡܸܬܬܥܝܼܪܵܐ ܥܵܒܕܵܐ ܓܽܘܢܚܵܐ܀
00310_07	ܟܲܕ ܪܵܓܡܝܼܢ ܠܸܗ ܠܗܲܘ ܙܲܕܝܼܩܵܐ ܘܠܵܐ ܡܸܬܦܲܨܸܐ܃
00310_08	ܐܲܝܟ ܡܵܐ ܕܠܲܝܬܸܝܗ݀ ܗܝܼ ܟܼܐܢܽܘܬܵܐ ܡܸܣܬܲܒܪܵܐ ܗ̄ܘܵܬ܀
00310_09	ܘܟܲܕ ܒܵܙܥܵܐ ܠܸܗ ܒܓܸܐܪܵܐ ܠܵܐܚܵܒ ܘܵܐܫܕܵܐ ܠܲܕܡܸܗ܃
00310_10	ܝܲܠܦܵܗ݀ ܥܵܠܡܵܐ ܕܼܐܝܬܸܝܗ݀ ܘܬܵܒܥܵܐ ܥܲܙܝܼܙܵܐܝܼܬ܀
00310_11	ܨܵܪܲܬ ܢܲܦܫܵܗ݀ ܒܗܲܘ ܬܲܟܬܽܘܫܵܐ ܕܲܐܕܽܘܡܵܝܸ̈ܐ܃
00310_12	ܕܬܸܚܙܸܝܗ݀ ܒܪܝܼܬܵܐ ܟܡܵܐ ܫܲܦܝܼܪܵܐ ܘܠܲܝܬ ܒܵܗ݀ ܡܽܘܡܵܐ܀
00310_13	ܐܸܬܝܲܕܥܲܬ ܗ̄ܘܵܬ ܕܵܐܦ ܠܵܐ ܛܵܥܝܵܐ ܘܠܵܐ ܡܸܬܥܲܒܪܵܐ܃
00310_14	ܘܒܲܬܪܝܼܨܽܘܬܵܐ ܡܒܲܥܪܵܐ ܘܬܵܒܥܵܐ ܟܽܠ ܣܽܘܥܪ̈ܵܢܝܼܢ܀
00310_15	ܩܲܠܝܼܠ ܕܲܘܩܵܗ݀ ܘܲܠܟܽܠ ܓܲܒܝܼ̈ܢ ܚܵܝܪܵܐ ܥܲܝܢܵܗ݀܃