The Comprehensive Aramaic Lexicon

00314_4	ܕܲܬܩܽܘܡ ܬܲܪܡܸܐ ܚܲܪܒܵܐ ܒܟܸܣܝܵܐ ܘܠܵܐ ܐ̄ܢܵܫ ܢܸܪܓܲܫ܀
00314_5	ܢܸܟܠܲܬ ܟܸܬܒܲܬ ܩܸܛܪܲܬ ܛܸܒܥܲܬ ܥܲܘܵܠܵܐܝܼܬ܃
00314_6	ܘܫܲܕܪܲܬ ܕܬܸܐܫܽܘܕ ܠܲܕܡܸܗ ܕܚܲܣܝܵܐ ܒܟܸܣܝܵܐ ܕܲܢܡܽܘܬ܀
00314_7	ܐܸܙܲܠ̄ܬ ܘܲܡܛܵܬ ܗܵܝ ܐܸܓܲܪܬܵܐ ܗܦܝܼܟܬܵܐ ܕܲܕܡܵܐ܃
00314_8	ܘܩܲܒܠܽܘܗ݀ ܣܵܒܸ̈ܐ ܘܟܽܠܗܽܘܢ ܚܼܐܪܸ̈ܐ ܕܼܐܝܬ ܒܼܐܝܙܲܪܥܸܝܠ܀
00314_9	ܘܲܦܬܲܚܘ ܘܲܩܪܲܘ ܘܲܒܫܽܘܪܵܝܵܗ݀ ܨܲܘܡܵܐ ܐܸܫܟܲܚܘ܃
00315_0	ܘܲܟܒܲܪ ܡܲܠܸܠܘ ܐܲܝܟ ܕܲܒܬܸܗܪܵܐ ܕܲܠܡܵܢܵܐ ܟܲܝ܀
00315_1	ܐܸܡܲܬܝ ܐܲܠܦܲܬ ܐܝܼܙܒܸܠ ܨܲܘܡܵܐ ܠܲܒܢ̈ܲܝ ܥܲܡܵܐ܃
00315_2	ܘܲܐܝܟܵܐ ܥܒܝܼܕ ܠܵܗ݀ ܟܢܽܘܫܝܵܐ ܕܫܲܝܢܵܐ ܗܵܐ ܡܸܢ ܥܵܠܲܡ܀
00315_3	ܒܲܐܝܢܵܐ ܙܲܒܢܵܐ ܗܘܵܬ ܨܲܝܵܡܬܵܐ ܚܲܒܪܲܬ ܕܸܒܚܸ̈ܐ܃
00315_4	ܘܲܠܡܵܢܵܐ ܟܲܝ ܗܵܢܵܐ ܨܲܘܡܵܐ ܕܠܵܐ ܒܲܥܝܵܕܵܐ܀
00315_5	ܡܵܢܵܐ ܗ̄ܝ ܥܸܠܬܸܗ ܕܗܵܢܵܐ ܨܲܘܡܵܐ ܚܲܕܬܵܐ ܕܲܢܒܲܥ܃
00315_6	ܡܸܢ ܒܸܝܬ ܐܵܚܵܒ ܚܲܒܪܵܐ ܕܟܽܠܵܗ݀ ܐܵܣܽܘܛܽܘܬܵܐ܀
00315_7	ܕܲܠܡܵܐ ܐܝܼܙܒܸܠ ܡܝܼܬܲܬ ܘܲܒܥܵܐ ܕܲܢܬܽܘܒ ܐܵܚܵܒ܃
00315_8	ܐܲܘ ܗܝܼ ܗܵܕܸܐ ܦܢܵܬ ܡܸܢ ܥܲܘܠܵܐ ܕܬܲܟܫܲܪ ܐܵܦ ܗܝܼ܀
00315_9	ܐܸܢ ܗܽܘ ܕܨܲܘܡܵܐ ܡܸܢ ܒܸܝܬ ܐܵܚܵܒ ܗܵܐ ܡܸܫܬܲܡܲܫ܃
00316_0	ܦܫܝܼܩܵܐ ܗ̄ܝ ܡܵܕܸܝܢ ܢܼܐܬܽܘܢ ܕܲܝܘܸ̈ܐ ܠܲܬܝܵܒܽܘܬܵܐ܀
00316_1	ܐܸܢ ܗܵܝ ܐܸܡܵܐ ܕܟܽܠܗܽܘܢ ܟܽܘܡܪܸ̈ܐ ܗܵܕܸܐ ܥܸܒܕܲܬ܃
00316_2	ܠܵܐ ܐ̄ܢܵܫ ܢܸܦܣܽܘܩ ܣܲܒܪܵܐ ܕܫܼܐܕܵܐ ܕܠܵܐ ܡܸܫܬܲܥܒܲܕ܀
00316_3	ܐܸܢ ܨܲܝܕܢܵܝܬܵܐ ܝܸܠܦܲܬ ܨܲܘܡܵܐ ܡܲܢ ܠܵܐ ܢܲܫܲܪ܃
00316_4	ܕܵܐܦ ܣܵܛܵܢܵܐ ܓܡܝܼܪܵܐ ܗܵܘܸܐ ܒܙܲܕܝܼܩܽܘܬܵܐ܀
00316_5	ܐܲܘ ܠܵܐ ܪܓܝܼܫܵܐ ܒܨܲܘܡܵܐ ܐܝܼܙܒܸܠ ܐܸܢ ܩܲܝܵܡܵܐ܃
00316_6	ܐܲܘ ܣܵܛܵܢܵܐ ܡܝܼܬ ܘܸܐܬܦܲܢܝܲܬ ܠܲܬܝܵܒܽܘܬܵܐ܀
00316_7	ܒܟܽܠ ܚܽܘ̈ܫܵܒܝܼܢ ܘܲܒܟܽܠ ܪܸ̈ܢܝܝܼܢ ܐܸܬܦܲܫܲܚܘ ܗ̄ܘܲܘ܃
00316_8	ܗܵܠܸܝܢ ܕܲܫܡܲܥܘ ܕܸܐܬܵܐ ܨܲܘܡܵܐ ܡܸܢ ܒܸܝܬ ܐܵܚܵܒ܀

00316_9	ܘܟܲܕ ܒܸܐܓܲܪܬܵܐ ܩܪܸܒܘ ܟܲܕ ܢܵܚܬܝܼܢ ܝܼܠܸܦܘ ܡܸܢܵܗ݀܃

00317_0	ܥܸܠܬܸܗ ܕܨܲܘܡܵܐ ܕܡܸܫܬܲܦܲܥ ܒܸܗ ܕܡܵܐ ܙܲܟܵܝܵܐ܀
00317_1	ܘܲܐܟܒܲܪ ܐܲܝܠܸܠܘ ܟܽܠܗܽܘܢ ܕܲܫܡܲܥܘ ܨܲܘܡܵܐ ܘܲܕܡܵܐ܃
00317_2	ܘܙܵܥܘ ܟܲܕ ܐܵܡܪܝܼܢ ܐܲܝܟ ܐܸܓܲܪܬܵܐ ܕܼܐܝܙܒܸܠ ܐܝܼܬܸܝܗ݀܀
00317_3	ܗܵܢܵܐ ܥܒܵܕܵܐ ܕܲܗܦܝܼܟ ܘܲܢܟܝܼܠ ܘܲܡܠܸܐ ܥܲܘܠܵܐ܃
00317_4	ܕܗܵܝ ܡܲܪܵܚܬܵܐ ܕܡܲܠܝ̈ܵܢ ܐܝܼ̈ܕܸܝܗ݀ ܕܡܵܐ ܕܙܲܕܝܼ̈ܩܸܐ܀
00317_5	ܗܵܢܵܐ ܨܲܘܡܵܐ ܣܪܝܼܚܵܐ ܕܩܵܛܸܠ ܡܸܢ ܡܲܢܽܘ ܟܲܝ܃
00317_6	ܐܸܠܵܐ ܡܸܢ ܗܵܝ ܕܼܐܒܬܵܐ ܚܵܪܫܲܬ ܟܽܠ ܙܲܟܵܝܸ̈ܐ܀
00317_7	ܕܗܵܝ ܩܵܛܽܘܠܬܵܐ ܗ̄ܘ ܕܡܲܠܝܵܐ ܢܸܟܠܵܐ ܗܵܢܵܐ ܥܒܵܕܵܐ܃
00317_8	ܕܲܒܟܽܠ ܦܽܘܪ̈ܣܝܼܢ ܬܸܩܛܽܘܠ ܒܵܥܝܵܐ ܠܲܒܢ̈ܲܝ ܩܽܘܫܬܵܐ܀
00317_9	ܒܨܲܘܡܵܗ݀ ܩܸܛܠܵܐ ܘܲܒܫܵܪܽܘܬܵܗ݀ ܟܽܠ ܣܽܘܪ̈ܚܵܢܝܼܢ܃
00318_0	ܕܵܐܦ ܟܲܕ ܨܵܝܡܵܐ ܐܵܦ ܡܵܐ ܕܵܐܟܠܵܐ ܠܲܕܡܵܐ ܨܲܗܝܵܐ܀
00318_1	ܒܲܢܙܝܼܪܽܘܬܵܗ݀ ܬܸܩܛܽܘܠ ܒܵܥܝܵܐ ܒܲܪ̄ܬ ܪ̈ܲܫܝܼܥܸܐ܃
00318_2	ܐܸܢ ܟܲܝ ܪܲܘܝܵܐ ܡܵܢܵܐ ܥܵܒܕܵܐ ܣܪܝܼܚܲܬ ܠܸܒܵܐ܀
00318_3	ܐܸܢ ܡܸܢ ܨܲܘܡܵܗ݀ ܫܠܲܕܵܐ ܢܵܦܠܵܐ ܕܚܲܕ ܙܲܕܝܼܩܵܐ܃
00318_4	ܒܲܚܫܵܡܝܼܬܵܗ݀ ܟܡܵܐ ܟܲܝ ܩܵܛܠܵܐ ܘܟܸܢ ܟܲܕܽܘ ܠܵܗ݀܀
00318_5	ܡܸܢ ܐܸܓܲܪܬܵܗ݀ ܝܼܕܝܼܥ ܠܸܒܵܗ݀ ܕܲܡܣܲܝܲܒܬܵܐ܃
00318_6	ܕܲܒܚܽܘ̈ܫܵܒܸܐ ܣܪ̈ܝܼܚܸܐ ܟܽܠ ܝܽܘܡ ܪܵܡܝܵܐ ܩܸ̈ܛܠܸܐ܀
00318_7	ܟܲܕ ܕܹܝܢ ܣܵܒܸ̈ܐ ܝܼܠܸܦܘ ܥܸܠܬܸܗ ܕܨܲܘܡܵܐ ܡܵܢܵܐ ܗ̄ܝ܃
00318_8	ܣܵܡܘ ܐܲܦܲܝ̈ܗܽܘܢ ܥܲܠ ܣܽܘܥܪܵܢܵܐ ܒܝܼܫܵܐ ܕܲܢܒܲܥ܀
00318_9	ܘܲܐܝܟ ܦܽܘܩܕܵܢܵܐ ܕܪܽܘܫܥܵܐ ܕܸܐܬܵܐ ܡܸܢ ܒܸܝܬ ܐܵܚܵܒ܃
00319_0	ܫܲܡܠܝܼܘ ܗܸܢܽܘܢ ܕܲܠܙܲܕܝܼܩܵܐ ܒܦܲܚܸ̈ܐ ܢܲܪܡܽܘܢ܀
00319_1	ܘܲܓܙܲܪܘ ܨܲܘܡܵܐ ܕܲܡܠܸܐ ܘܵܝܸ̈ܐ ܘܬܽܘ̈ܟܸܐ ܒܝܼ̈ܫܸܐ܃
00319_2	ܘܲܥܒܲܕܘ ܢܸܟܠܵܐ ܠܲܡܫܲܦܵܥܽܘ ܕܡܵܐ ܙܲܟܵܝܵܐ܀
00319_3	ܚܲܓܵܐ ܠܡܵܪܝܵܐ ܐܲܟܪܸܙܘ ܒܝܼ̈ܫܸܐ ܠܟܽܠܸܗ ܥܲܡܵܐ܃
00319_4	ܘܲܗܘܵܐ ܟܢܽܘܫܝܵܐ ܕܟܲܣܝܵܐ ܥܸܠܬܸܗ ܡܸܢ ܣܲܓܝܼܸ̈ܐܐ܀