← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

00340_0 ܘܕܵܨܲܬ ܐܝܼܙܒܸܠ ܕܼܐܒܬܵܐ ܒܛܸܒܵܐ ܕܩܸܛܠܵܐ ܕܲܢܦܲܠ܀
00340_1 ܣܸܘܚܲܬ ܠܽܐܘܪܥܸܗ ܕܛܸܒܵܐ ܒܝܼܫܵܐ ܕܸܐܬܵܐ ܠܸܐܕ̈ܢܸܝܗ݀܃
00340_2 ܕܲܒܣܸܡܬܵܗ݀ ܗ̄ܘܵܬ ܚܲܪܒܵܐ ܕܢܸܦܠܲܬ ܥܲܠ ܙܲܕܝܼܩܵܐ܀
00340_3 ܫܸܡܥܲܬ ܕܲܟܢܲܫ ܙܲܪܥܵܗ݀ ܟܲܦܸ̈ܐ ܡܸܢ ܐܸܓܲܪܬܵܐ܃
00340_4 ܕܙܸܪܥܲܬ ܢܸܟܠܵܐ ܘܚܸܨܕܲܬ ܠܲܕܡܵܐ ܘܛܵܒ ܐܸܬܪܲܘܚܲܬ܀
00340_5 ܥܲܠܘ ܗ̄ܘܲܘ ܣܲܒܪܽܘܗ݀ ܥܲܠ ܙܵܟܽܘܬܵܐ ܕܪܽܘܫܥܵܐ ܕܲܢܨܲܚ܃
00340_6 ܘܲܕܚܵܒ ܩܽܘܫܬܵܐ ܣܲܓܝܼ ܪܸܘܙܲܬ ܡܵܪܲܬ ܩܸܛܠܵܐ܀
00340_7 ܘܲܠܘܵܬ ܓܲܒܪܵܗ݀ ܓܵܚܲܬ ܥܸܠܲܬ ܠܲܡܣܲܒܵܪܽܘ܃
00340_8 ܕܲܢܩܽܘܡ ܢܼܐܪܲܬ ܟܲܪܡܵܐ ܚܛܝܼܦܵܐ ܥܲܘܵܠܵܐܝܼܬ܀
00340_9 ܩܽܘܡ ܘܸܐܬܟܲܫܲܪ ܘܝܼܪܲܬ ܟܲܪܡܵܐ ܕܠܸܗ ܪܵܐܸܓ ܗ̄ܘܲܝܬ܃
00341_0 ܡܝܼܬ ܠܸܗ ܢܵܒܽܘܬ ܩܢܝܼ ܠܵܟ ܟܲܪܡܵܐ ܐܲܝܟ ܕܲܫܦܲܪ ܠܵܟ܀
00341_1 ܕܠܵܐ ܝܲܗ̄ܒ ܗ̄ܘܵܐ ܠܵܟ ܟܲܪܡܵܐ ܒܛܝܼ̈ܡܸܐ ܟܲܕ ܨܵܒܸܐ ܗܽܘ܃
00341_2 ܣܲܒܵܝܗ̄ܝ ܗܵܫܵܐ ܡܲܓܵܢ ܡܸܢܸܗ ܟܲܕ ܠܵܐ ܨܵܒܸܐ܀
00341_3 ܗܵܐ ܬܚܸܝܬ ܝܲܓܪܵܐ ܛܡܝܼܪ ܡܲܪܵܚܵܐ ܕܫܵܛ ܦܽܘܩܕܵܢܵܟ܃
00341_4 ܘܲܣܟܝܼܪ ܦܽܘܡܸܗ ܕܫܸܐܠܲܬ ܡܲܠܟܵܐ ܡܬܽܘܡ ܠܵܐ ܢܲܗܦܸܟ܀
00341_5 ܕܦܲܢܝܼ ܡܸܠܬܵܐ ܦܓܲܥ̈ܝ ܒܸܗ ܟܼܐܦܸ̈ܐ ܠܽܘܩܒܲܠ ܡܸܠܲܘ̈ܗ̄ܝ܃
00341_6 ܕܠܽܘܩܒܲܠ ܡܲܠܟܵܐ ܡܵܐ ܕܲܡܡܲܠܸܠ ܠܵܐ ܢܸܬܪܲܘܪܲܒ܀
00341_7 ܐܲܘܒܸܕ ܟܲܪܡܸܗ ܘܲܩܛܲܠ ܢܲܦܫܸܗ ܒܲܕܠܵܐ ܫܲܡܥܵܟ܃
00341_8 ܕܝܼܠܵܟ ܟܲܪܡܵܐ ܘܕܝܼܠܸܗ ܡܲܘܬܵܐ ܥܲܠ ܕܸܐܬܥܲܨܝܼ܀
00341_9 ܫܡܲܥ ܗ̄ܘܵܐ ܝܲܥܢܵܐ ܓܲܒܪܵܗ݀ ܕܝܼܠܵܗ݀ ܕܲܡܣܲܝܲܒܬܵܐ܃
00342_0 ܘܸܐܣܬܲܪܗܲܒ ܗ̄ܘܵܐ ܕܢܼܐܪܲܬ ܟܲܪܡܵܐ ܕܠܲܝܬ ܠܸܗ ܡܵܪܵܐ܀
00342_1 ܚܕܝܼ ܒܲܫܠܲܕܵܐ ܥܠܝܼܒܬܵܐ ܕܢܸܦܠܲܬ ܡܸܢ ܒܲܪ̄ܬ ܙܲܘܓܸܗ܃
00342_2 ܘܣܵܡ ܠܲܚܛܽܘܦܝܵܐ ܘܒܸܙܬܵܐ ܐܲܦܲܘ̈ܗ̄ܝ ܟܲܫܝܼܪܵܐܝܼܬ܀
00342_3 ܪܘܲܙ ܥܵܠܽܘܒܵܐ ܘܲܐܘܣܸܦ ܟܲܪܡܵܐ ܥܲܠ ܩܸܢܝܵܢܸܗ܃
00342_4 ܘܲܢܚܸܬ ܢܼܐܪܬܸܗ ܘܢܸܬܚܲܕܸܐ ܒܸܗ ܕܪܵܐܸܓ ܗ̄ܘܵܐ ܠܸܗ܀
00342_5 ܘܟܲܕ ܦܵܣܲܥ ܗ̄ܘܵܐ ܕܲܠܝܵܪܬܽܘܬܵܐ ܚܛܝܼܦܬܵܐ ܢܸܥܽܘܠ܃
00342_6 ܕܡܵܐ ܙܲܟܵܝܵܐ ܐܲܪܡܝܼ ܩܵܠܵܐ ܩܕܵܡ ܕܲܝܵܢܵܐ܀
00342_7 ܬܵܐ ܕܲܝܵܢܵܐ ܦܲܨܵܐ ܠܝܵܪܬܽܘܬܝ ܡܸܢ ܥܲܘܵܠܵܐ܃
00342_8 ܠܵܐ ܢܸܥܽܘܠ ܠܵܗ݀ ܕܠܵܟ ܐܲܓܥܸܠܬܵܗ݀ ܙܸܠ ܘܲܦܓܲܥ ܒܸܗ܀
00342_9 ܗܵܝܕܸܝܢ ܡܵܪܝܵܐ ܥܵܒܸܕ ܕܝܼܢܵܐ ܘܙܲܕܝܼܩܽܘܬܵܐ܃
00343_0 ܕܵܠ ܒܸܗ ܛܢܵܢܵܐ ܘܡܲܟܣܵܢܽܘܬܵܐ ܠܽܘܩܒܲܠ ܐܵܚܵܒ܀

▼ later lines