← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00348_0 ܚܛܽܘܦܝܵܐ ܘܒܸܙܬܵܐ ܠܓܲܘ ܡܸܢ ܬܲܪܥܵܟ ܘܲܟܡܵܐ ܬܲܨܠܲܚ܀
00348_1 ܒܲܝܬܵܐ ܕܼܐܝܙܒܸܠ ܡܕܲܒܪܵܢܝܼܬܸܗ ܠܵܐ ܡܨܸܐ ܕܲܢܩܽܘܡ܃
00348_2 ܒܲܕܡܵܐ ܩܵܡܬܽܘܢ ܥܲܠ ܝܵܪܬܽܘܬܵܐ ܘܲܐܝܟܲܢ ܬܸܙܟܽܘܢ܀
00348_3 ܡܵܪܝܵܐ ܡܒܲܥܲܪ ܥܲܘܠܵܟ ܒܵܬܪܵܟ ܘܲܡܦܲܪܣܸܐ ܠܵܟ܃
00348_4 ܘܬܵܒܲܥ ܡܸܢܵܟ ܩܸܛܠܵܐ ܘܒܸܙܬܵܐ ܘܟܽܠ ܒܝܼ̈ܫܵܬܵܐ܀
00348_5 ܘܲܒܟܼܐܢܽܘܬܵܐ ܡܲܚܪܸܒ ܥܽܘܡܪܵܟ ܕܲܡܠܸܐ ܥܲܘܠܵܐ܃
00348_6 ܘܒܲܬܪܝܼܨܽܘܬܵܐ ܬܵܒܲܥ ܡܸܢܵܟ ܥܲܠ ܕܲܐܪܓܸܙܬܵܝܗܝ܀
00348_7 ܫܡܲܥ ܗ̄ܘܵܐ ܚܲܢܦܵܐ ܠܲܓܙܵܪ ܕܝܼܢܵܐ ܕܚܝܼܠܵܐ ܕܲܢܦܲܩ܃
00348_8 ܘܙܵܥ ܘܸܐܬܒܲܠܗܝܼ ܘܢܵܕ ܘܸܐܬܡܲܟܲܟ ܟܲܕ ܡܸܣܬܲܪܲܕ܀
00348_9 ܝܵܕܲܥ ܗ̄ܘܵܐ ܓܹܝܪ ܡܸܢ ܡܲܢܽܘ ܫܡܲܥ ܡܸܕܸܡ ܕܲܫܡܲܥ܃
00349_0 ܡܸܢ ܐܸܠܝܼܵܐ ܕܦܵܩܕܵܐ ܡܸܠܬܸܗ ܐܵܦ ܠܸܐܣܛܽܘ̈ܟܣܸܐ܀
00349_1 ܡܢܲܣܲܝ ܗ̄ܘܵܐ ܠܸܗ ܦܽܘܡܵܐ ܕܓܲܒܪܵܐ ܕܡܵܐ ܕܲܡܡܲܠܸܠ܃
00349_2 ܟܽܠܵܗ݀ ܒܪܝܼܬܵܐ ܬܸܫܪܸܐ ܡܸܠܲܘ̈ܗ̄ܝ ܠܵܐ ܡܸܬܡܲܨܝܵܐ܀
00349_3 ܝܵܕܲܥ ܗ̄ܘܵܐ ܠܸܗ ܠܗܲܘ ܠܸܫܵܢܵܐ ܕܲܐܝܟܵܐ ܕܨܵܠܸܐ܃
00349_4 ܕܢܼܐܡܲܪ ܡܸܕܸܡ ܥܵܠܡܵܐ ܩܽܘܕܡܲܘܗ̄ܝ ܠܵܐ ܡܨܸܐ ܕܲܢܩܽܘܡ܀
00349_5 ܡܸܢ ܐܸܠܝܼܵܐ ܢܦܲܩ ܦܸܬܓܵܡܵܐ ܘܡܲܢܽܘ ܡܸܫܟܲܚ܃
00349_6 ܠܲܡܣܲܝܒܵܪܽܘ ܕܵܐܦ ܗܝܼ ܒܪܝܼܬܵܐ ܕܵܚܠܵܐ ܡܸܢܸܗ܀
00349_7 ܩܲܝܛܵܐ ܘܣܲܬܘܵܐ ܐܸܫܬܲܚܠܲܦܘ ܗ̄ܘܲܘ ܡܸܢ ܦܽܘܩܕܵܢܸܗ܃
00349_8 ܘܒܲܝܬܸܗ ܕܵܐܚܵܒ ܠܵܐ ܢܵܦܸܠ ܗ̄ܘܵܐ ܕܗܲܪ ܗ̄ܘܵܐ ܥܲܡܸܗ܀
00349_9 ܠܥܽܘܒܵܐ ܡܲܠܝܵܐ ܗܲܘ ܕܲܥܢܵܢܸ̈ܐ ܪܡܲܙ ܘܸܐܣܬܲܪܲܩ܃