← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00406_4 ܟܝ̈ܵܢܸܐ ܟܽܠܗܽܘܢ ܫܵܡܥܝܼܢ ܗ̄ܘܲܘ ܠܸܗ ܟܲܕ ܫܲܬܝܼܩܝܼܢ܀
00406_5 ܒܓܲܒܵܐ ܣܕܝܼܪ ܗ̄ܘܵܐ ܠܽܘܩܒܲܠ ܛܽܘܥܝܵܝ ܕܲܐܚܝܼܕܵܐ ܗ̄ܘܵܬ̤܃
00406_6 ܘܟܽܠܵܗ݀ ܒܪܝܼܬܵܐ ܠܸܗ ܣܵܡܟܵܐ ܗ̄ܘܵܬ̤ ܠܲܡܥܲܕܵܪܽܘ܀
00406_7 ܠܽܘܩܒܲܠ ܚܲܢܦܸ̈ܐ ܚܠܵܦ ܐܲܠܵܗܵܐ ܡܸܬܟܲܬܲܫ ܗ̄ܘܵܐ܃
00406_8 ܘܟܽܠܸܗ ܥܵܠܡܵܐ ܒܵܬܪܸܗ ܨܠܸܐ ܗ̄ܘܵܐ ܕܡܸܠܬܸܗ ܢܸܫܡܲܥ܀
00406_9 ܡܲܠ̈ܟܸܐ ܕܥܲܡܵܐ ܛܥܲܘ ܒܲܐܠ̈ܵܗܸܐ ܕܲܦܠܸ̈ܫܬܵܝܸܐ܃
00407_0 ܘܛܲܢ ܐܸܠܝܼܵܐ ܠܡܵܪܝܵܐ ܒܩܽܘܫܬܵܐ ܘܫܲܦܸܠ ܐܸܢܽܘܢ܀
00407_1 ܡܝܼܬ ܗ̄ܘܵܐ ܐܵܚܵܒ ܘܲܐܡܠܸܟ ܒܵܬܪܸܗ ܒܪܸܗ ܐܸܚܲܙܝܵܐ܃
00407_2 ܝܲܠܕܵܗ݀ ܕܼܐܝܙܒܸܠ ܕܝܼܪܸܬ ܨܲܠ̈ܡܸܝܗ݀ ܘܲܥܠ̈ܲܘܵܬܵܗ݀܀
00407_3 ܐܒܵܗܸ̈ܐ ܚܲܢ̈ܦܸܐ ܫܒܲܩܘ ܒܵܬܲܪܗܽܘܢ ܝܵܪܬܵܐ ܒܝܼܫܵܐ܃
00407_4 ܘܲܐܝܟ ܟܲܫܝܼܪܵܐ ܒܲܢܝܼ ܘܚܲܕܸܬ ܒܸܝܬ ܐܲܠ̈ܵܗܸܐ܀
00407_5 ܬܲܪܒܝܼܬܸܗ ܗ̄ܘܵܐ ܕܗܵܝ݁ ܫܲܡܵܫܬܵܐ ܕܲܦܬܲܟܪ̈ܵܬܵܐ܃
00407_6 ܘܥܲܠ ܦܵܬܽܘܪܸ̈ܐ ܕܓܲܕܸ̈ܐ ܘܫܸܟܢܸ̈ܐ ܐܸܬܪܲܒܝܼ ܗ̄ܘܵܐ܀
00407_7 ܝܵܪܬܸܗ ܕܐܵܚܵܒ ܕܝܼܪܸܬ ܬܵܓܸܗ ܐܵܦ ܐܲܠܵܗ̈ܲܘܗ̄ܝ܃
00407_8 ܘܥܲܡ ܡܲܠܟܽܘܬܸܗ ܩܢܵܐ ܚܲܢܦܽܘܬܵܐ ܘܸܐܬܟܲܫܲܪ ܒܵܗ݀܀
00407_9 ܓܵܪܣܵܐ ܠܝܼܛܵܐ ܕܡܸܢ ܥܸܩܵܪܸܗ ܕܚܸܘܝܵܐ ܪܲܒܵܐ܃
00408_0 ܒܲܪ ܐܵܟܸܕ̈ܢܸܐ ܕܒܝܼܫ ܐܲܝܟ ܐܸܡܸܗ ܘܕܵܡܸܐ ܠܲܐܒܽܘܗ̄ܝ܀܀
00408_1 ܚܲܕ ܚܲܪܡܵܢܵܐ ܕܝܸܠܕܲܬ̤ ܐܸܣܦܸܣ ܡܸܢ ܬܲܢܝܼܢܵܐ܃
00408_2 ܒܪܵܐ ܥܲܘܵܠܵܐ ܕܲܐܒܽܘܗ̄ܝ ܘܸܐܡܸܗ ܒܸܗ ܨܝܼܪܝܼܢ ܗ̄ܘܲܘ܀
00408_3 ܚܢܸܦ ܐܲܝܟ ܐܲܒܽܘܗ̄ܝ ܘܪܵܚܸܡ ܨܲܠ̈ܡܸܐ ܐܲܝܟ ܝܲܠܵܕܬܸܗ܃
00408_4 ܪܽܘܫܥܸܗ ܕܵܐܚܵܒ ܘܥܲܘܵܠܽܘܬܵܗ ܕܼܐܝܙܒܸܠ ܐܸܡܸܗ܀
00408_5 ܐܲܝܟ ܕܸܐܬܪܲܒܝܼ ܗܵܟܸܢ ܐܲܡܠܸܟ ܒܵܬܲܪ ܐܲܒܽܘܗ̄ܝ܃
00408_6 ܘܲܒܥܸܩܒ̈ܵܬܸܗ ܪܕܵܐ ܟܲܕ ܪܲܚܝܼܩ ܡܸܢ ܐܲܠܵܗܵܐ܀
00408_7 ܡܸܢ ܐܽܘܪ̈ܚܵܬܵܗ݀ ܕܼܐܝܙܒܸܠ ܐܸܡܸܗ ܠܵܐ ܢܵܦܸܩ ܗ̄ܘܵܐ܃
00408_8 ܘܠܵܐ ܠܲܫܒܝܼ̈ܠܲܘܗ̄ܝ ܕܵܐܚܵܒ ܐܲܒܽܘܗ̄ܝ ܐܲܪܦܝܼ ܡܸܡܬܽܘܡ܀
00408_9 ܝܲܠܕܽܘܗ̄ܝ ܗܵܠܸܝܢ ܚܲܢ̈ܦܸܐ ܪܲܘܪ̈ܒܸܐ ܕܲܫܡܲܗ̈ܵܬܵܐ܃
00409_0 ܘܩܵܡ ܐܲܝܟ ܛܲܪܩܵܐ ܒܕܽܘܒܵܪ̈ܲܝܗܽܘܢ ܘܲܥܒܲܪ ܐܸܢܽܘܢ܀
00409_1 ܣܓܸܕ ܗ̄ܘܵܐ ܠܒܲܥܠܵܐ ܘܲܐܣܸܩ ܕܸܒܚܸ̈ܐ ܠܲܐܠ̈ܵܗܵܬܵܐ܃
00409_2 ܠܥܸܓ̈ܠܸܐ ܝܲܩܲܪ ܘܲܐܝܟ ܝܽܘܪܵܒܥܲܡ ܐܲܚܛܝܼ ܘܲܐܚܢܸܦ܀
00409_3 ܐܵܚܵܒ ܐܲܘܠܸܕ ܘܼܐܝܙܒܸܠ ܪܲܒܝܲܬ̤ ܘܲܐܝܟ ܕܲܬܪ̈ܲܝܗܽܘܢ܃
00409_4 ܣܸܓܝܲܬ̤ ܒܝܼܫܬܸܗ ܕܲܒܚܲܢܦܽܘܬܗܽܘܢ ܐܸܬܢܲܦܲܩ ܗ̄ܘܵܐ܀
00409_5 ܠܸܗ ܕܹܝܢ ܠܗܵܢܵܐ ܚܲܢܦܵܐ ܝܕܝܼܥܵܐ ܘܲܒܪܸܗ ܕܵܐܚܵܒ܃
00409_6 ܡ݂ܛܵܐ ܟܽܘܪܗܵܢܵܐ ܕܲܗܘܵܬ̤ ܥܸܠܬܸܗ ܡܸܢ ܡܲܦܽܘܠܬܵܐ܀
00409_7 ܘܫܲܕܲܪ ܢܸܫܐܲܠ ܡܸܢ ܐܲܠܵܗܵܐ ܕܥܸܩܪ̈ܽܘܢܵܝܸܐ܃
00409_8 ܕܪܵܚܸܡ ܗ̄ܘܵܐ ܠܸܗ ܘܫܲܪܝܼܪ ܗ̄ܘܵܐ ܠܸܗ ܘܲܡܝܲܩܲܪ ܠܸܗ܀
00409_9 ܒܥܸܠܙܒܽܘܒ ܕܲܝܘܵܐ ܪܲܒ ܗ̄ܘܵܐ ܒܥ̈ܲܝܢܲܘܗ̄ܝ ܡܸܢ ܐܲܠܵܗܵܐ܃