← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00417_2 ܕܲܡܒܲܕܪܝܼܢ ܗ̄ܘܲܘ ܨܹܝܕ ܕܸܚ̈ܠܵܬܵܐ ܕܲܟܢܲܥܢܵܝܸ̈ܐ܀
00417_3 ܡܲܗܦܸܟ ܗ̄ܘܵܐ ܠܗܽܘܢ ܡܸܢ ܐܽܘܪ̈ܚܵܬܵܐ ܢܽܘܟܪ̈ܵܝܵܬܵܐ܃
00417_4 ܕܲܢܗܲܠܟܽܘܢ ܗ̄ܘܲܘ ܒܽܐܘܪܚܵܐ ܪܲܒܬܵܐ ܕܡܲܠܟܵܐ ܡܵܪܸܗ܀
00417_5 ܡܵܐ ܕܲܢܦܲܩܘ ܗ̄ܘܲܘ ܒܲܫܒܝܼܠܲܝ̈ܗܽܘܢ ܕܵܐܡܽܘܪ̈ܵܝܸܐ܃
00417_6 ܩܵܡ ܛܲܢܵܢܵܐ ܘܲܐܥܛܸܦ ܐܸܢܽܘܢ ܨܹܝܕ ܐܲܠܵܗܸܗ܀
00417_7 ܥܵܢܸ̈ܗ ܕܼܐܝܣܚܵܩ ܫܸܒܩܲܬ ܝܲܪܕܵܐ ܕܡܲܝ̈ܵܐ ܚܲܝܸ̈ܐ܃
00417_8 ܕܬܼܐܙܲܠ ܬܸܫܬܸܐ ܡܲܝ̈ܵܐ ܒܝܼ̈ܫܸܐ ܕܲܡܣܝܼܦܝܼܢ ܠܵܗ݀܀
00417_9 ܐܸܠܝܼܵܐ ܕܹܝܢ ܪܵܥܝܵܐ ܛܵܒܵܐ ܛܵܪܸܕ ܗ̄ܘܵܐ ܠܵܗ݀܃
00418_0 ܕܡܸܢ ܡܲܒܽܘ̈ܥܸܐ ܕܓܵܣܸܝܢ ܡܲܘܬܵܐ ܠܵܐ ܬܸܫܬܸܐ ܗ̄ܘܵܬ܀
00418_1 ܡܪܵܪܸ̈ܐ ܕܚܸܘܝܵܐ ܐܝܼܬ ܗ̄ܘܵܐ ܒܝܲܪ̈ܕܸܐ ܕܲܟܢܲܥܢܵܝܸ̈ܐ܃
00418_2 ܘܲܕܠܵܐ ܬܸܫܬܸܐ ܡܸܢܗܽܘܢ ܥܵܢܸ̈ܗ ܥܝܼܪ ܗ̄ܘܵܐ ܟܽܠܝܽܘܡ܀
00418_3 ܒܥܸܩܪܽܘܢ ܐܝܼܬ ܗ̄ܘܵܐ ܚܲܕ ܡܲܒܽܘܥܵܐ ܕܓܵܣܸܐ ܡܲܘܬܵܐ܃
00418_4 ܘܢܵܛܲܪ ܗ̄ܘܵܐ ܠܵܗ݀ ܠܽܐܘܪܚܵܐ ܕܨܸܐܕܲܘܗ̄ܝ ܠܵܐ ܬܸܪܕܸܐ ܗ̄ܘܵܬ܀
00418_5 ܘܟܲܕ ܒܲܪ ܐܵܚܵܒ ܒܲܚܫܵܗ݀ ܠܽܐܘܪܚܵܐ ܪܗܸܛ ܐܸܠܝܼܵܐ܃
00418_6 ܦܲܣܩܵܗ݀ ܘܒܸܛܠܲܬ ܕܠܵܐ ܢܗܲܠܟܽܘܢ ܒܵܗ݀ ܝܼܣܲܪ̈ܠܵܝܸܐ܀
00418_7 ܚܲܘܝܸܗ ܠܡܲܠܟܵܐ ܕܲܡܡܵܬ ܡܵܐܸܬ ܥܲܠ ܕܲܛܥܵܐ ܗ̄ܘܵܐ܃
00418_8 ܘܫܲܕܲܪ ܢܸܫܐܲܠ ܡܸܢ ܗܲܘ ܡܝܼܬܵܐ ܥܲܠ ܚܽܘܠܡܵܢܸܗ܀
00418_9 ܒܥܵܐ ܗ̄ܘܵܐ ܚܲܝܸ̈ܐ ܘܸܐܫܟܲܚ ܡܲܘܬܵܐ ܒܛܸܒܵܐ ܕܲܫܡܲܥ܃
00419_0 ܘܫܲܪܝܼ ܡܫܲܐܸܠ ܡܲܢܽܘ ܫܠܲܚ ܠܸܗ ܡܸܛܽܠ ܗܵܠܸܝܢ܀
00419_1 ܡܵܢܲܘ ܚܸܙܘܸܗ ܕܓܲܒܪܵܐ ܕܗܵܠܸܝܢ ܡܸ̈ܠܸܐ ܡܲܠܸܠ܃
00419_2 ܘܝܲܗ̄ܒܘ ܗ̄ܘܲܘ ܐܵܬܸܗ ܘܡܸܚܕܵܐ ܝܲܕܥܸܗ ܕܸܐܠܝܼܵܐ ܗ̄ܘܵܐ܀
00419_3 ܐܵܡܲܪ ܡܲܠܟܵܐ ܗܵܢܵܐ ܡܲܡܠܠܵܐ ܡܥܝܼܪ ܡܲܨܽܘܬܵܐ܃
00419_4 ܡܸܢ ܐܸܠܝܼܵܐ ܣܵܢܸܐ ܠܓܸܢܣܲܢ ܐܸܫܬܲܕܲܪ ܠܝܼ܀
00419_5 ܒܥܸܠܕܒܵܒܽܘܬܸܗ ܕܵܐܒܝ ܡܲܕܟܲܪ ܠܝܼ ܘܗܵܐ ܠܵܐܸܛ ܠܝܼ܃
00419_6 ܘܲܠܐܸܡܝ ܣܵܢܸܐ ܘܢܵܛܲܪ ܐܲܟܬܵܐ ܕܒܝܼ ܢܸܬܓܲܪܸܐ܀
00419_7 ܕܲܢܓܲܡܲܪ ܠܲܢ ܣܲܠܝܼܩ ܪܽܘܓܙܸܗ ܘܠܵܐ ܡܸܬܪܲܝܲܚ܃
00419_8 ܙܸܠܘ ܘܲܩܪܲܘ ܠܸܗ ܢܸܦܽܘܩ ܪܽܘܚܵܐ ܠܡܵܢ ܠܵܐܸܛ ܠܝܼ܀
00419_9 ܗܵܝܕܸܝܢ ܫܲܕܲܪ ܪܲܒܵܐ ܕܚܲܡܫܝܼܢ ܥܲܠ ܐܸܠܝܼܵܐ܃