← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00445_7 ܦܲܨܝܸܗ ܠܗܵܢܵܐ ܕܡܲܟܸܟ ܢܲܦܫܸܗ ܩܕܵܡ ܐܸܠܝܼܵܐ܃
00445_8 ܘܸܐܬܝܲܕܥܲܬ ܠܵܗ݀ ܕܲܒܪܵܡܽܘܬܗܽܘܢ ܗܵܠܸܝܢ ܝܼܩܸܕܘ܀
00445_9 ܒܣܲܪ ܗ̄ܘܵܐ ܠܗܵܠܸܝܢ ܕܲܗܘܲܘ ܥܸܠܬܵܐ ܠܗܲܘ ܝܲܩܕܵܢܵܐ܃
00446_0 ܘܦܲܨܝܼ ܠܗܵܢܵܐ ܕܲܢܚܲܘܸܐ ܒܸܗ ܚܢܵܢܸܗ ܪܲܒܵܐ܀
00446_1 ܒܟܽܠܗܸܝܢ ܕܝܼܠܸܗ ܢܲܘܬܲܪ ܒܵܥܸܐ ܠܲܒܢ̈ܲܝ ܐ̄ܢܵܫܵܐ܃
00446_2 ܐܵܦ ܡܵܐ ܕܩܵܛܸܠ ܐܵܦ ܡܵܐ ܕܡܲܚܸܐ ܚܲܕ ܗ̄ܽܘ ܢܝܼܫܵܐ܀
00446_3 ܐܵܦ ܟܲܕ ܐܲܘܩܸܕ ܗܵܠܸܝܢ ܕܲܐܘܩܸܕ ܡܸܛܽܠ ܗܵܕܸܐ܃
00446_4 ܕܲܒܣܽܘܪܵܕܵܐ ܢܲܪܦܽܘܢ ܚܲܢ̈ܦܸܐ ܠܲܦܬܲܟܪ̈ܲܝܗܽܘܢ܀
00446_5 ܘܟܲܕ ܬܽܘܒ ܦܲܨܝܼ ܠܗܵܢܵܐ ܕܲܐܦܝܼܣ ܕܲܢܚܲܘܸܐ ܒܸܗ܃
00446_6 ܕܲܡܠܸܐ ܪ̈ܲܚܡܸܐ ܘܼܐܝܬ ܠܲܦܝܵܣܵܐ ܐܲܬܪܵܐ ܨܸܐܕܲܘܗ̄ܝ܀
00446_7 ܐܲܦܝܼܣ ܗ̄ܘܵܐ ܟܝܼܬ ܪܲܒܵܐ ܕܚܲܡܫܝܼܢ ܗܲܘ ܕܲܬܠܵܬܵܐ܃
00446_8 ܘܩܵܡ ܘܲܢܚܸܬ ܗ̄ܘܵܐ ܥܲܡܸܗ ܕܪܲܒܵܐ ܨܹܝܕ ܒܲܪ ܐܵܚܵܒ܀
00446_9 ܟܲܕ ܐܸܬܩܲܫܝܼܘ ܐܲܚܸܬ ܢܽܘܪܵܐ ܘܸܐܟܠܲܬ ܐܸܢܽܘܢ܃
00447_0 ܘܟܲܕ ܐܸܬܡܲܟܲܟܘ ܕܲܒܪܽܘܗ̄ܝ ܘܲܢܚܸܬܘ ܐܲܝܟܲܢ ܕܲܨܒܲܘ܀
00447_1 ܠܡܲܟܝܼܟܽܘܬܵܐ ܡܸܫܬܲܥܒܲܕ ܗ̄ܘܵܐ ܘܪܵܚܸܡ ܗ̄ܘܵܐ ܠܵܗ݀܃
00447_2 ܘܲܠܩܲܫܝܽܘܬܵܐ ܬܸܩܪܽܘܒ ܨܸܐܕܲܘܗ̄ܝ ܠܵܐ ܝܵܗܸܒ ܗ̄ܘܵܐ܀
00447_3 ܢܚܸܬ ܗ̄ܘܵܐ ܥܲܡܗܽܘܢ ܨܹܝܕ ܗܲܘ ܡܲܠܟܵܐ ܟܲܕ ܠܵܐ ܕܵܚܸܠ܃
00447_4 ܘܲܡܠܵܐ ܦܽܘܡܸܗ ܡܲܟܣܵܢܽܘܬܵܐ ܒܩܵܠܵܐ ܪܵܡܵܐ܀
00447_5 ܥܲܠ ܘܸܐܡܲܪ ܠܸܗ ܠܡܲܠܟܵܐ ܒܲܐܦܲܘ̈ܗ̄ܝ ܐܲܝܟ ܕܲܫܠܲܚ ܠܸܗ܃
00447_6 ܕܲܡܡܵܬ ܬܡܽܘܬ ܘܲܕܡܸܢ ܥܲܪܣܵܟ ܠܵܐ ܢܵܚܸܬ ܐܲܢ̄ܬ܀
00447_7 ܚܕܵܐ ܗ̄ܘܵܬ ܡܸܠܬܸܗ ܐܵܦ ܡܵܐ ܕܪܲܚܝܼܩ ܐܵܦ ܡܵܐ ܕܩܲܪܝܼܒ܃
00447_8 ܕܚܲܕ ܗ̄ܘܵܐ ܫܪܵܪܸܗ ܕܒܸܗ ܡܡܲܠܸܠ ܗ̄ܘܵܐ ܕܠܵܐ ܕܽܘܘܵܕܵܐ܀
00447_9 ܐܵܦ ܟܲܕ ܚܵܐܲܪ ܒܲܐܦܸ̈ܐ ܕܡܲܠܟܵܐ ܡܲܟܸܣ ܗ̄ܘܵܐ ܠܸܗ܃
00448_0 ܕܡܲܣܲܒ ܒܲܐܦܸ̈ܐ ܒܡܸܠܬܸܗ ܠܲܓܡܵܪ ܠܵܐ ܓܵܫܸܦ ܗ̄ܘܵܐ܀
00448_1 ܐܸܠܽܘ ܫܠܲܚ ܠܸܗ ܘܠܵܐ ܐܸܡܲܪ ܠܸܗ ܠܡܲܠܟܵܐ ܒܲܐܦܲܘ̈ܗ̄ܝ܃
00448_2 ܡܸܬܚܲܘܸܐ ܗ̄ܘܵܐ ܕܲܚܽܘܠܬܵܢܵܐ ܘܠܵܐ ܫܲܪܝܼܪܵܐ܀
00448_3 ܡܵܪܝܵܐ ܒܲܠܚܽܘܕ ܝܲܩܝܼܪ ܗ̄ܘܵܐ ܥܠܲܘܗ̄ܝ ܘܒܸܗ ܚܵܐܲܪ ܗ̄ܘܵܐ܃
00448_4 ܘܲܒܟܽܠ ܕܽܘܟܵܐ ܫܪܵܪܵܐ ܢܡܲܠܸܠ ܡܸܬܚܲܦܲܛ ܗ̄ܘܵܐ܀
00448_5 ܡܝܼܬ ܐܸܚܲܙܝܵܐ ܐܲܝܟ ܕܲܓܙܲܪ ܠܸܗ ܢܒܝܼܵܐ ܪܲܒܵܐ܃
00448_6 ܘܩܵܡܲܬ ܡܸܠܬܸܗ ܕܬܸܒܣܽܘܪ ܚܲܢ̈ܦܸܐ ܘܠܲܓܠܝܼܦܲܝ̈ܗܽܘܢ܀
00448_7 ܡܲܘܬܸܗ ܕܚܲܢܦܵܐ ܥܸܠܬܵܐ ܛܵܒܬܵܐ ܗܘܵܐ ܠܣܲܓܝܼ̈ܐܸܐ܃
00448_8 ܕܸܐܬܩܲܪܲܒܘ ܗ̄ܘܲܘ ܨܹܝܕ ܐܲܠܵܗܵܐ ܒܚܲܝܠܵܐ ܕܲܚܙܲܘ܀
00448_9 ܐܸܬܦܲܪܣܝܼ ܗ̄ܘܵܐ ܐܵܦ ܐܲܠܵܗܵܐ ܕܥܸܩܪ̈ܽܘܢܵܝܸܐ܃
00449_0 ܘܙܵܥܘ ܕܲܟܪܝܼܗܝܼܢ ܕܥܲܠ ܐܸܣܟܽܘܦܬܸܗ ܠܵܐ ܢܕܽܘܫܽܘܢ ܗ̄ܘܲܘ܀
00449_1 ܨܕ̈ܲܝ ܐܽܘܪ̈ܚܵܬܸܗ ܕܠܵܐ ܐ̄ܢܵܫ ܢܼܐܬܸܐ ܢܸܬܛܲܦܸܐ ܒܸܗ܃
00449_2 ܕܸܐܫܬܲܡܥܲܬ ܗ̄ܘܵܬ ܗܵܝ ܕܸܐܣܬܲܥܪܲܬ ܡܸܛܽܠܵܬܸܗ܀
00449_3 ܠܡܲܠܟܵܐ ܕܫܲܕܲܪ ܢܸܫܐܲܠ ܡܸܢܸܗ ܪܽܘܓܙܵܐ ܩܲܦܚܸܗ܃
00449_4 ܘܡܲܢ ܠܵܐ ܢܸܕܚܲܠ ܡܸܢ ܐܸܠܝܼܵܐ ܕܲܫܡܸܗ ܢܲܕܟܲܪ܀
00449_5 ܫܡܲܥ ܗ̄ܘܵܐ ܥܲܡܵܐ ܕܲܠܡܵܢ ܝܼܩܸܕܘ ܗܵܠܸܝܢ ܕܝܼܩܸܕܘ܃
00449_6 ܘܡܸܛܽܠ ܡܲܠܟܵܐ ܕܒܲܓܙܵܪ ܕܝܼܢܸܗ ܡܝܼܬ ܕܸܐܠܝܼܵܐ܀
00449_7 ܘܲܕܠܵܐ ܡܲܘܬܲܪ ܒܥܸܠܙܒܽܘܒ ܡܸܕܸܡ ܕܸܐܬܦܲܪܣܝܼ ܠܸܗ܃
00449_8 ܘܒܸܛܠܲܬ ܐܽܘܪܚܵܐ ܕܵܐܙܵܠ̄ܐ ܠܥܸܩܪܽܘܢ ܡܸܢ ܥܸܒܪ̈ܵܝܸܐ܀
00449_9 ܡܸܛܽܠ ܗܵܕܸܐ ܗܵܠܸܝܢ ܟܽܠܗܸܝܢ ܐܸܫܬܲܡܲܫ ܗ̄ܘ̈ܲܝ܃