← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

63403: JS_Elijah (Jacob of Saroug on Elijah)

Click on a word for lexical analysis
Click on a red-colored coordinate for comments and/or translations of the line

▲ earlier lines

00440_7 ܘܲܩܛܲܠ ܘܲܐܘܩܸܕ ܟܲܕ ܗܽܘ ܒܗܵܠܸܝܢ ܠܵܐ ܨܵܒܸܐ ܗ̄ܘܵܐ܃
00440_8 ܕܨܸܒܝܵܢ ܡܵܪܸܗ ܡܲܫܬܲܡܲܫ ܗ̄ܘܵܐ ܘܲܫܡܸܗ ܢܼܐܪܲܒ܀
00440_9 ܢܸܚܬܲܬ ܗ̄ܘܵܬ ܟܝܼܬ ܢܽܘܪܵܐ ܘܸܐܟܠܲܬ ܐܲܝܟ ܕܲܦܩܲܕ ܠܵܗ݀܃
00441_0 ܠܓܽܘ̈ܕܸܐ ܬܲܪܬܸܝܢ ܘܲܠܗܲܘ ܪܲܒܵܐ ܐܲܝܟ ܕܲܫܡܲܥܬܽܘܢ܀
00441_1 ܗܘܵܬ ܬܸܕܡܽܘܪܬܵܐ ܥܦܝܼܦܬܵܐ ܒܛܽܘܪܵܐ ܕܡܲܠܝܵܐ ܙܲܘ̈ܥܸܐ܃
00441_2 ܘܲܒܪܵܗ݀ ܕܼܐܝܙܒܸܠ ܡܸܢ ܩܲܫܝܽܘܬܸܗ ܠܵܐ ܦܵܐܸܫ ܗ̄ܘܵܐ܀
00441_3 ܢܸܚܬܲܬ ܢܽܘܪܸܗ ܕܡܵܪܝܵܐ ܘܸܐܟܠܲܬ ܓܽܘ̈ܕܸܐ ܬܲܪܬܸܝܢ܃
00441_4 ܘܬܽܘܒ ܡܲܪܵܚܵܐ ܡܸܬܥܲܙܸܐ ܗ̄ܘܵܐ ܕܕܝܼܠܸܗ ܢܩܝܼܡ܀
00441_5 ܗܦܲܟ ܬܽܘܒ ܫܲܕܲܪ ܪܲܒܵܐ ܕܚܲܡܫܝܼܢ ܕܲܬܠܵܬ ܙܲܒܢܝܼ̈ܢ܃
00441_6 ܘܠܵܐ ܐܲܟܪܝܼ ܗ̄ܘܵܐ ܥܲܠ ܩܲܕܡܵܝܸ̈ܐ ܕܝܲܩܝܼܕܝܼܢ ܗ̄ܘܲܘ܀
00441_7 ܬܲܪܬܸܝܢ ܣܝܼ̈ܥܵܢ ܡܸܢ ܡܲܠܟܽܘܬܸܗ ܐܸܬܛܲܠܲܩ̈ܝ ܗ̄ܘ̈ܲܝ܃
00441_8 ܘܲܟܪܝܼܗ ܘܲܡܠܸܐ ܠܸܒܸܗ ܙܲܘܥܵܐ ܘܠܵܐ ܡܸܫܬܲܚܠܲܦ܀
00441_9 ܣܠܸܩ ܕܹܝܢ ܗܵܢܵܐ ܪܲܒܵܐ ܕܚܲܡܫܝܼܢ ܕܸܐܫܬܲܕܲܪ ܗ̄ܘܵܐ܃
00442_0 ܒܡܲܟܝܼܟܽܘܬܵܐ ܕܡܲܨܝܵܐ ܬܫܲܥܒܸܕ ܟܽܠ ܓܲܢ̄ܒܵܪܸ̈ܐ܀
00442_1 ܚܵܪ ܒܸܐܠܝܼܵܐ ܝܲܕܥܸܗ ܕܼܐܝܬܲܘܗ̄ܝ ܐܲܝܟ ܕܼܐܝܬܲܘܗ̄ܝ ܗ̄ܘܵܐ܃
00442_2 ܘܲܕܚܸܠ ܡܸܢܸܗ ܐܲܝܟ ܡܸܢ ܝܲܡܵܐ ܕܫܲܠܗܸܒܝܼܬܵܐ܀
00442_3 ܪܢܵܐ ܒܩܲܕܡܵܝܸ̈ܐ ܕܢܸܚܬܲܬ ܢܽܘܪܵܐ ܘܸܐܟܠܲܬ ܐܸܢܽܘܢ܃
00442_4 ܘܸܐܬܒܲܝܲܢ ܗ̄ܘܵܐ ܕܲܦܫܝܼܩܵܐ ܗ̄ܘܵܬ ܢܼܐܩܲܕ ܐܵܦ ܗܽܘ܀
00442_5 ܪܢܵܐ ܚܲܟܝܼܡܵܐ ܕܼܐܝܬ ܐܸܠܝܼܵܐ ܘܼܐܝܬ ܠܸܗ ܢܽܘܪܵܐ܃
00442_6 ܘܲܟܡܵܐ ܕܒܵܥܸܐ ܡܸܫܟܲܚ ܡܲܘܩܸܕ ܠܲܕܥܵܨܸܐ ܠܸܗ܀
00442_7 ܕܵܠ ܦܽܘܪܫܵܢܵܐ ܒܢܲܦܫܸܗ ܘܲܐܪܓܸܫ ܐܲܝܟ ܝܵܕܽܘܥܵܐ܃
00442_8 ܘܪܲܒ ܗ̄ܘܵܐ ܢܒܝܼܵܐ ܘܪܲܒ ܐܲܠܵܗܸܗ ܘܙܵܥ ܗ̄ܘܵܐ ܡܸܢܸܗ܀
00442_9 ܘܡܲܟܸܟ ܢܲܦܫܸܗ ܕܲܒܒܵܥܽܘܬܵܐ ܠܘܵܬܸܗ ܢܸܩܪܽܘܒ܃
00443_0 ܘܥܲܬܸܕ ܗ̄ܘܵܐ ܠܸܗ ܦܝܵܣܵܐ ܕܚܵܫܲܚ ܢܸܬܦܲܨܸܐ ܠܸܗ܀
00443_1 ܒܪܲܟ ܥܲܠ ܒܽܘܪ̈ܟܲܘܗ̄ܝ ܘܲܐܪܟܸܢ ܢܲܦܫܸܗ ܟܲܕ ܡܸܬܟܲܫܲܦ܃
00443_2 ܘܲܟܦܵܐ ܒܙܲܘܥܵܐ ܐܲܦܲܘ̈ܗ̄ܝ ܒܲܐܪܥܵܐ ܩܕܵܡ ܐܸܠܝܼܵܐ܀
00443_3 ܒܠܸܒܵܐ ܬܒܝܼܪܵܐ ܘܢܲܦܫܵܐ ܡܙܵܥܬܵܐ ܐܸܬܩܲܪܲܒ ܗ̄ܘܵܐ܃
00443_4 ܡܲܪܟܲܢ ܪܝܼܫܸܗ ܘܡܲܟܝܼܟ ܩܵܠܸܗ ܘܒܵܥܸܐ ܪ̈ܲܚܡܸܐ܀
00443_5 ܢܒܝܼܸܗ ܕܡܵܪܝܵܐ ܬܸܬܝܲܩܲܪ ܢܲܦܫܝ ܐܵܡܲܪ ܗ̄ܘܵܐ ܠܸܗ܃
00443_6 ܘܢܲܦܫܵܐ ܕܥܲܒܕܲܝ̈ܟ ܗܵܠܸܝܢ ܕܸܐܬܲܘ ܟܲܕ ܠܵܐ ܨܵܒܸܝܢ܀
00443_7 ܫܲܠܝܼܛ ܗ̄ܽܘ ܠܵܟ ܬܲܚܸܬ ܢܽܘܪܵܐ ܡܸܢ ܒܸܝܬ ܡܵܪܵܟ܃
00443_8 ܘܲܟܡܵܐ ܕܨܵܒܸܝܬ ܬܲܘܩܸܕ ܐ̄ܢܵܫܵܐ ܐܸܢ ܥܵܨܸܝܢ ܠܵܟ܀
00443_9 ܦܫܝܼܩ ܗ̄ܽܘ ܠܵܟ ܡܵܪܝ ܬܲܘܩܸܕ ܗܵܫܵܐ ܐܸܢ ܨܵܒܸܐ ܐܲܢ̄ܬ܃
00444_0 ܘܫܲܠܗܸܒܝܼܬܵܐ ܢܲܡܛܲܪ ܐܵܐܲܪ ܡܸܢ ܟܽܠ ܓܲܒܲܝ̈ܟ܀
00444_1 ܒܗܵܠܸܝܢ ܕܝܼܩܸܕܘ ܗܵܐ ܐܸܬܝܲܕܥܲܬ ܓܲܢ̄ܒܵܪܽܘܬܵܟ܃
00444_2 ܒܝܼ ܕܹܝܢ ܗܵܫܵܐ ܚܲܘܵܐ ܠܥܵܠܡܵܐ ܡܪܲܚܡܵܢܽܘܬܵܟ܀
00444_3 ܫܲܠܝܼܛ ܗ̄ܽܘ ܠܵܟ ܘܲܕܬܲܘܩܸܕ ܠܲܢ ܘܲܕܠܵܐ ܬܲܘܩܸܕ܃
00444_4 ܘܓܲܠܝܵܐ ܗ̄ܝ ܗܵܕܸܐ ܕܸܐܠܵܐ ܐܼܩܲܕ ܡܸܢ ܕܝܼܠܵܟ ܗ̄ܝܼ܀
00444_5 ܒܲܬܪܸܝܢ ܚܲܘܝܼܬ ܚܝܼܠ ܐܲܠܵܗܵܐ ܕܲܟܡܵܐ ܡܸܫܟܲܚ܃
00444_6 ܢܸܬܚܲܘܸܐ ܒܝܼ ܗܵܫܵܐ ܚܢܵܢܸܗ ܕܲܟܡܵܐ ܫܵܒܸܩ܀
00444_7 ܥܲܠ ܗ̄ܘܵܐ ܦܝܵܣܵܐ ܡܸܢ ܦܵܪܽܘܫܵܐ ܩܕܵܡ ܐܸܠܝܼܵܐ܃
00444_8 ܘܫܲܪܝܼܘ ܢܵܦܩܝܼܢ ܪ̈ܲܚܡܸܐ ܠܘܵܬܸܗ ܕܲܢܦܲܨܽܘܢܵܝܗ̄ܝ܀
00444_9 ܚܙܵܐ ܗ̄ܘܵܐ ܡܵܪܝܵܐ ܠܸܒܵܐ ܕܲܡܠܸܐ ܦܵܪܽܘܫܽܘܬܵܐ܃
00445_0 ܘܲܒܝܲܕ ܥܝܼܪܵܐ ܪܡܲܙ ܠܸܐܠܝܼܵܐ ܕܢܸܚܽܘܬ ܥܲܡܸܗ܀
00445_1 ܨܒܵܐ ܕܲܢܚܲܘܸܐ ܕܟܽܠ ܡܲܢ ܕܲܡܦܝܼܣ ܐܝܼܬ ܠܸܗ ܣܲܒܪܵܐ܃
00445_2 ܘܲܦܬܝܼܚ ܬܲܪܥܵܐ ܠܟܽܠ ܡܲܢ ܕܵܐܬܸܐ ܕܢܸܒܥܸܐ ܪ̈ܲܚܡܸܐ܀
00445_3 ܥܒܲܕ ܠܵܗ݀ ܐܲܦܸ̈ܐ ܠܗܵܝ ܒܵܥܽܘܬܵܐ ܕܡܲܟܝܼܟܵܐ ܗ̄ܘܵܬ܃
00445_4 ܕܡܵܐ ܕܸܐܬܩܲܒܠܲܬ ܢܸܩܢܝܼܗ݀ ܟܽܠܢܵܫ ܨܹܝܕ ܐܲܠܵܗܵܐ܀
00445_5 ܐܲܘܕܲܥ ܡܵܪܝܵܐ ܐܵܦ ܥܲܠ ܗܵܠܸܝܢ ܕܸܐܟܠܲܬ ܢܽܘܪܵܐ܃
00445_6 ܕܗܵܝ ܕܝܼܩܸܕܘ ܗ̄ܘܲܘ ܡܸܢ ܕܝܼܠܗܽܘܢ ܗ̄ܘܵܬ ܥܲܠ ܕܸܐܬܩܲܫܝܼܘ܀
00445_7 ܦܲܨܝܸܗ ܠܗܵܢܵܐ ܕܡܲܟܸܟ ܢܲܦܫܸܗ ܩܕܵܡ ܐܸܠܝܼܵܐ܃

▼ later lines