The Comprehensive Aramaic Lexicon

00503_7	ܡܵܐ ܕܚܵܪܲܬ ܒܵܟ ܢܲܦܫܵܐ ܢܸܗܪܲܬ ܠܲܡܡܲܠܵܠܽܘ܃
00503_8	ܘܸܐܢ ܐܸܬܓܲܢܝܲܬ ܡܸܢܵܟ ܚܸܫܟܲܬ ܘܲܐܚܕܵܗ݀ ܫܸܬܩܵܐ܀
00503_9	ܒܵܟ ܚܵܝܪܝܼܢ ܗ̄ܘܲܘ ܟܼܐܢܸ̈ܐ ܕܲܢܗܲܪܘ ܒܲܥܒܵܕܲܝ̈ܗܽܘܢ܃
00504_0	ܐܵܦ ܙܲܕܝܼ̈ܩܸܐ ܕܲܢܨܲܚܘ ܒܲܐܪܥܵܐ ܣܽܘܥܪ̈ܵܢܲܝܗܽܘܢ܀
00504_1	ܠܵܟ ܒܵܥܸܝܢ ܗ̄ܘܲܘ ܒܲܡܝܲܬܪܽܘܬܵܐ ܕܲܩܢܽܘ̈ܡܲܝܗܽܘܢ܃
00504_2	ܕܲܢܙܲܝܚܽܘܢܵܟ ܥܲܠ ܢܲܩܕܽܘܬܵܐ ܕܚܽܘܫܵܒܲܝ̈ܗܽܘܢ܀
00504_3	ܡܸܛܽܠܵܬܵܟ ܡܸܨܛܲܠܠܝܼܢ ܗ̄ܘܲܘ ܪܸ̈ܥܝܵܢܲܝܗܽܘܢ܃
00504_4	ܕܡܵܐ ܕܸܐܙܕܲܗܝܼܘ ܢܸܚܙܽܘܢ ܫܽܘܦܪܵܟ ܕܲܕܠܵܐ ܣܵܟܵܐ ܗ̄ܘ܀
00504_5	ܡܸܛܽܠܵܬܵܟ ܩܵܡ ܐܸܠܝܼܵܐ ܒܲܒܬܽܘܠܽܘܬܵܐ܃
00504_6	ܕܢܸܗܘܸܐ ܦܫܝܼܩ ܠܸܗ ܕܲܢܚܽܘܪ ܢܸܚܙܸܝܟ ܡܸܢ ܕܲܟܝܽܘܬܵܐ܀
00504_7	ܐܸܙܕܲܗܝܼ ܗ̄ܘܵܐ ܕܡܵܐ ܕܛܵܥܸܢ ܠܵܟ ܥܲܠ ܚܽܘܫܵܒܲܘ̈ܗ̄ܝ܃
00504_8	ܒܕܲܟܝܽܘܬ ܠܸܒܵܐ ܬܸܨܒܸܐ ܠܘܵܬܸܗ ܠܲܡܟܲܬܵܪܽܘ܀
00504_9	ܡܲܪܩܵܗ݀ ܠܢܲܦܫܸܗ ܐܲܝܟ ܡܲܚܙܝܼܬܵܐ ܕܠܵܟ ܢܸܚܙܸܐ ܗ̄ܘܵܐ܃
00505_0	ܕܬܸܗܘܸܐ ܫܲܦܝܵܐ ܠܨܲܠܡܵܟ ܪܲܒܵܐ ܡܵܐ ܕܕܵܢܲܚ ܒܵܗ݀܀
00505_1	ܥܪܲܩ ܡܸܢ ܥܵܠܡܵܐ ܕܠܵܟ ܢܲܕܪܸܟ ܗ̄ܘܵܐ ܘܢܼܚܸܐ ܥܲܡܵܟ܃
00505_2	ܚܲܝܸ̈ܐ ܛܵܒܸ̈ܐ ܒܡܸܣܟܼܢܽܘܬܵܐ ܕܡܲܠܝܵܐ ܥܽܘܬܪܵܟ܀
00505_3	ܣܢܵܐ ܩܸܢܝܵܢܸ̈ܐ ܕܢܸܗܘܸܐ ܦܫܝܼܩ ܠܸܗ ܕܠܵܟ ܢܸܩܢܸܐ ܗ̄ܘܵܐ܃
00505_4	ܕܲܐܝܢܵܐ ܕܩܵܢܸܐ ܥܲܡܵܟ ܡܸܕܸܡ ܠܵܐ ܫܵܘܸܐ ܠܵܟ܀
00505_5	ܐܲܚܕܵܗ݀ ܠܢܲܦܫܸܗ ܕܠܵܐ ܬܸܥܽܘܠ ܠܵܗ݀ ܨܸܦܬܵܐ ܡܸܡܬܽܘܡ܃
00505_6	ܕܬܸܗܘܸܐ ܦܬܝܼܚܵܐ ܠܵܟ ܡܵܐ ܕܵܐܬܸܝܬ ܕܬܸܫܪܸܐ ܨܸܐܕܲܘܗ̄ܝ܀
00505_7	ܐܸܣܬܲܦܲܩ ܗ̄ܘܵܐ ܡܸܢ ܟܽܠܡܸܕܸܡ ܥܵܠܡܵܢܵܝܵܐ܃
00505_8	ܕܠܵܐ ܢܸܬܕܲܘܲܕ ܡܵܐ ܕܩܵܐܸܡ ܗ̄ܘܵܐ ܥܲܠ ܬܸܫܡܸܫܬܵܟ܀
00505_9	ܫܕܵܐ ܗ̄ܘܵܐ ܠܒܵܬܪܸܗ ܟܽܠܗܽܘܢ ܙܲܘ̈ܥܸܐ ܦܲܓܪ̈ܵܢܵܝܸܐ܃
00506_0	ܕܲܐܝܟ ܕܲܒܚܲܝܸ̈ܐ ܚܲܕ̄̈ܬܸܐ ܢܗܲܠܸܟ ܥܲܠ ܕܲܐܪܓܸܫ ܒܵܟ܀
00506_1	ܡܸܣܟܼܢܵܐܝܼܬ ܘܲܡܣܲܪܩܵܐܝܼܬ ܘܝܼܚܝܼܕܵܐܝܼܬ܃
00506_2	ܚܝܵܐ ܒܸܗ ܒܥܵܠܡܵܐ ܕܠܲܘ ܥܵܠܡܸܗ ܗ̄ܘܵܐ ܘܠܵܐ ܝܽܘܬܪܵܢܸܗ܀
00506_3	ܐܲܝܟܵܐ ܕܼܐܝܬ ܗ̄ܘܵܬ ܣܝܼܡܬܸܗ ܬܲܡܵܢ ܣܝܼܡ ܗ̄ܘܵܐ ܠܸܒܸܗ܃
00506_4	ܨܹܝܕ ܐܲܠܵܗܵܐ ܕܫܲܪܝܼܪ ܥܽܘܬܪܸܗ ܘܠܵܐ ܡܸܫܬܲܚܠܲܦ܀
00506_5	ܥܩܲܪ ܡܸܢ ܥܵܠܡܵܐ ܢܲܦܫܸܗ ܒܚܽܘܒܵܐ ܕܥܲܡ ܐܲܠܵܗܵܐ܃
00506_6	ܘܢܲܨܒܵܗ݀ ܨܸܐܕܲܘܗ̄ܝ ܕܲܗܘܵܬ ܫܵܬܝܵܐ ܡܸܢ ܡܲܒܽܘܥܸܗ܀
00506_7	ܐܲܘܓܝܼ ܡܸܢܸܗ ܟܽܠ ܚܽܘ̈ܫܵܒܲܝܢ ܐܲܪ̈ܥܵܢܵܝܸܐ܃
00506_8	ܕܲܠܥܸܠ ܢܸܗܘܸܐ ܡܕܲܝܲܪ ܠܸܒܸܗ ܥܲܡ ܐܲܠܵܗܵܐ܀
00506_9	ܪܸܚܡܲܬ ܡܵܪܝܵܐ ܒܢܲܦܫܸܗ ܐܲܕܠܸܩ ܐܲܝܟ ܓܲܘܙܲܠܬܵܐ܃
00507_0	ܕܠܵܐ ܢܼܐܥܸܐ ܒܵܗ݀ ܪܸܢܝܸܗ ܕܥܵܠܡܵܐ ܕܲܡܕܲܘܸܕ ܠܵܗ݀܀
00507_1	ܒܟܽܠܙܒܲܢ ܡܵܪܝܵܐ ܣܝܼܡ ܗ̄ܘܵܐ ܠܩܽܘܒܠܸܗ ܘܒܸܗ ܚܵܐܲܪ ܗ̄ܘܵܐ܃
00507_2	ܕܠܵܐ ܢܸܚܙܸܐ ܗ̄ܘܵܐ ܥܵܠܡܵܐ ܕܡܲܛܥܸܐ ܠܲܕܚܵܐܲܪ ܒܸܗ܀
00507_3	ܪܘܝܼܚܵܐ ܗ̄ܘܵܬ ܠܸܗ ܐܽܘܪܚܵܐ ܐ̄ܠܝܼܨܬܵܐ ܕܒܸܝܬ ܡܲܠܟܽܘܬܵܐ܃
00507_4	ܕܠܵܐ ܕܒܝܼܪ ܗ̄ܘܵܐ ܒܵܗ݀ ܥܲܡܸܗ ܡܸܕܸܡ ܕܲܡܥܲܘܸܟ ܠܸܗ܀
00507_5	ܒܢܲܦܫܸܗ ܪܕܵܐ ܒܵܗ݀ ܟܲܕ ܠܵܐ ܟܝܼܣܵܐ ܘܠܵܐ ܬܲܪܡܵܠܵܐ܃
00507_6	ܕܣܲܓܝܼ ܣܵܢܝܵܐ ܐܽܘܪܚܸܗ ܕܡܲܠܟܵܐ ܝܲܬܝܼܪ̈ܵܬܵܐ܀
00507_7	ܕܲܡܚܵܪ ܡܸܡܬܽܘܡ ܠܵܐ ܝܵܨܸܦ ܗ̄ܘܵܐ ܒܗܵܠܸܝܢ ܚܲܝܸ̈ܐ܃
00507_8	ܕܲܐܠܵܗܵܐ ܗ̄ܘܵܐ ܐ̄ܣܵܢܸܗ ܪܲܒܵܐ ܒܸܗ ܚܵܝܸܐ ܗ̄ܘܵܐ܀
00507_9	ܗܘܵܐ ܒܲܒܪܝܼܬܵܐ ܠܵܐ ܚܵܫܽܘܫܵܐ ܟܡܵܐ ܕܲܗܘܵܐ ܒܵܗ݀܃
00508_0	ܕܲܒܨܸܒ̈ܘܵܬܵܗ݀ ܠܵܐ ܡܸܬܬܙܝܼܥ ܗ̄ܘܵܐ ܕܢܸܣܥܽܘܪ ܐܸܢܸܝܢ܀
00508_1	ܒܥܵܠܡܵܐ ܚܲܕ̄ܬܵܐ ܪܓܝܼܫ ܗ̄ܘܵܐ ܘܲܚܫܝܼܫ ܘܲܡܠܸܐ ܚܽܘܒܸܗ܃
00508_2	ܘܟܲܕ ܗܘܵܐ ܗܵܪܟܵܐ ܠܲܘ ܗܵܪܟܵܐ ܗ̄ܘܵܐ ܕܲܒܥܵܠܡܵܐ ܗ̄ܘܵܐ܀
00508_3	ܠܥܸܠ ܒܵܥܸܐ ܗ̄ܘܵܐ ܘܟܽܠܝܽܘܡ ܕܲܠܥܸܠ ܡܸܬܪܲܥܸܐ ܗ̄ܘܵܐ܃
00508_4	ܘܡܸܢ ܝܲܬܝܼܪܽܘ ܚܲܝ ܗ̄ܘܵܐ ܒܥܵܠܡܲܢ ܟܲܕ ܥܵܡܲܪ ܒܸܗ܀
00508_5	ܠܪܸܓܲܬ ܦܲܓܪܵܐ ܕܼܐܝܬܸܝܗ݀ ܡܥܝܼܢܵܐ ܕܓܵܣܝܵܐ ܡܲܘܬܵܐ܃
00508_6	ܒܢܽܘܪܵܐ ܕܚܽܘܒܸܗ ܕܡܵܪܝܵܐ ܟܘܵܗ݀ ܗ̄ܘܵܐ ܘܠܵܐ ܢܸܒܥܲܬ ܒܸܗ܀
00508_7	ܠܪܸܚܡܲܬ ܟܸܣܦܵܐ ܕܼܐܝܬܸܝܗ݀ ܣܵܟܵܐ ܕܲܦܬܲܟܪܽܘܬܵܐ܃